محتاجه لكم حيل محد بيحس فيني بس امكن تهونون علي افكر اخطب لريلي

[sosowaty]

تعوذي من ابليس اذا ما وقف معاج الحين متا راح يوقف معاج

و لا تفتحين عيو الريال

 

[om MaRyooM]

غلطانة .. في وحدة بكامل وعيها تقول حق زوجها تزوج ؟؟؟؟؟؟؟؟؟؟؟


حبيبتي هذا زوجج ولازم يتحمل معاج .. شفايدة شريك الحياة؟

؟؟

واللي ببطنج ولده بعد يعني لازم يتحمل المسؤولية معاج


حطي عقلج براسج واهدي واستغفري ربج
هالنفسية اللي فيج من الحمل وهرموناته

انشالله هالايام تعدي وتقومين بالسلامة


ولاتجهدين نفسج بس ادعي ربج يحفظ الجنين ويحفظ زوجج ويسخره لج


صراحة صدمتيني @@

 

[EleGanZa]

لا تحطين هالافكار بعقل ريلج ..!1 غلط واكبر غلط بعدين لما تعدي هالمشكله على خير راح تتحسفين قد شعر راسج

ديريبالج ..!!


الله حط الياهل ابطنج الله سبحانه واهوه القادر ان يرزقج بواحد ثاني @@

والدنيا ماتوقف على عيال ..!!

ياما اثنين ما ايبون عيال وعايشين احلى عيشه ..!

صلي عالنبي ..

واستغفري وشده وتزول ان شاءالله

ولا تحطين الافكار السلبيه بريلج

 

[amami al-kuwai]

اذا تزوج عليج راح الناس تتلكم ويقولون ليش تزوج عليها وهم ماصار لهم سنه
انسي الفكره وادعي الله ان الله يسهلج

 

[lamoshty]

@_@


من جددددك ؟!

استهدي بالله بس و لاتسوين فيها

مو اول وحده ولااخر وحده يصير فيها كذا

هدييي بالك بسس وادعييي

 

[Miss^NeozZ]

هذا ابتلاء من رب العالمين وريلج معاج شنو تبين اكثر من جي اهلج مو دايمين لج دام تخلو عنج عشان اشاعه .. !

وعسى الله يشفيج ولاتزوجين ريلج ماتدرين اذا زوجتيه حق وحده تطلع نسره وتكرهه فيج ولا تسويله شي ساعتها منو معاج بعد رب العالمين ؟؟ ذكري الله وشيلي هالافكار من راسج ويارب تتشافين وتتعافين وتتحسن ظروفج للاحسن


ولاتزوجين ريلج ولا اتييبين له هالطاري كلش كلش نصيييييييييييييحه

 

[دلوعة مبارك]

احمدي ربج انج موعندي ..... ولا جان طقيتج ........


اياني واياج تجيبين لها طااااااري الزواج مرة ثاااانية شنو .... انتي


امبية تخيلي انه تزوج عليج .... وشفتيهم مع بعض بقمة الوناااااسة واهي اخذتة منج شبتسووووين .... ياشاطرة اخرتها بيعوفج وبيحبهاااااا ..... وانتي اقعدي ونوحي وقولي هاذي سوات ايديني .... انا الغلطانة ....
اقول اهجعي محلج ... ووانسي موضوع الزواج السخيف .....


وتعوووووووووووووووذي من ابليس


الله يلعنك يا ابليس

تقول بزوجة مرة وانا توني ما صار لي 8 شهور ....... حلوووووووووووووووووووة​

 

[حبي للابد]

انتي حااااامل شي طبيعي تكون نفسيتج اكس و تعبااااانه

و غصبن عنه يتحملج لانج شايله بأحشائج جنين ،،

بس ابي اعرف الحين اذا ولدتي انشالله تفكيرج بيكون نفسه ؟؟؟

ناويه تخطبين له ؟؟؟

ليش ؟

انتي عاقر ؟؟ انتي جييييكره ؟؟؟ انتي عوووبه ؟؟؟؟

احمدي ربج عالريال اللي شاريج و لا تحطين افكار براسه بكره تندمين

توج صغيره باجر تنقدين على نفسج

 

[مجنونه هواهـ]

بنات محترمه مواستكم والله انكم شلتوا هم وايد كبير علي بس بليز بدون اهانات زايده لان انا فكرت الف مره قبل ما افكر باني ازوجه وفكرت مليون مره قبل ما اكتب الموضوع

 

[Miss^NeozZ]

حبيبتي احنا مانهينج بس والله من قهرنا عليج نبيج تفكرين بطريقه صح لاتخلين بليس يسيطر عليج فديتج لاتزعلين هذا كله عشانج

 

[زوجة عزيز]

الله يثبت حملج ان شاء الله والحين مالج الا ريلج وتبينه يتزوج !! في وايد حريم ماحملوا بس مايقولون بخلي ريلي يتزوج لا اتفكرين جذي

 

[shy rose]

لايتزوج عليييج ولا شي؟!
انتي زوجه وام عياله..
وتبينه ييب لج ضره ليش وش حادج .!!
عادي كلها فترة الحمل وتعدي..
ولاتحطين هالفكرة براسة مره ثانية ولاتناقشينه فيها
والله اعرف لي حريم انهم من اول مايحملون وهم متسدحات على ظهورهن وفيهن ربط وومنوعة من زوجها فترة الربط..؟؟
وعايشن بسلام!!
بس انتي تعوذي من ابليس واحمدي ربك ان اهداك مثل هذا الزوج وانتي بها الظروف

 

[مجنونه هواهـ]

...................

 

[كويتية نايس]

لا ياقلبي شيلي هالفكره باجر لا استانس بالزوجه وياب منها يهال بتلعب براسه وتقول طلقها بتقعدين عند منوو؟؟؟؟
خلاس الله يثبت حملج وشيلي هالفكره

 

[الشهد2]

الله يسهل امرج واقرئي سوره البقره علشان تحسين بالراحه
لكن زوجينه لالالالالا الله يوفقج ياااااااااااااااااااارب

 

[Fashion Falls]

ردود البنات كافيه

 

[Kensington]

مشكورين حبايبي على مواستكم لي والله اني ما اتخذت قرار اني احط شريجه الا وشايفه ريلي يتعذب كل يوم جان دوامه ولا دراسته ولا اهله ولا انا وحوست البيت بنات وايد محتاجه لكم بذات بالفتره هاي لاني وايد متضايقه وكلهم هدوني ماكو ولا مره تحب ان ريلي يتزوج عليها لاكن الظروف تحدج انج تتخذين قرار وانتي بقلبج تتنهدين للي ياي

اي ضروف هاذا الشي واجب عليه انه يقوم وفيك وانتي تعبانه
يعني لو هو تعبان اكيد انتي ماراح تقصرين عنه
واذا قمتي بالسلامه عوضيه عن كل شي
بس توك عروس وتقولين بزوجه شدعوه عاد هالتضحيه
انتي مكبره الموضوع وشايفه اللي سواه كبيره وتبين تجازينه بزوجه ثانيه
لايسمعك احد تقولين هالكلام هاذا او تحطينه في بالك:rerrerek:

 

[ابـيـض واسـود]

توج صغيره وتوج متزوجه وتبين شريكه تحر قلببج ؟

الشريكه مب هينه وتووجع والله

دام ماجات منه لاتحطين انتي هاالفكره في رااسه

توج متزوجه وبتحملين بعد غير هاالمره يعني هاالحمل مب اخر حمل ان شااء الله

 

[ام الاسيرالشهيد]

اختي اصلحكِ الله مازلتِ طفله صغيره لا تعي ما تتصرفي فيه
فـليسقط هذا الحمل وابقي سنه وسنتين لا تحملي
ما زلتِ صغيره وفقكي الله والمشوار امامكِ طويل
لا تفتحي لزوجكِ المجال ولا تندمي على خطواتك

 

[دلوعة مبارك]

حبيبتي واللة من قهرنا عليج .... حرام الي قاعد تسوينة بعمرج وشي طبيعي بفترة الحمال تتعبين ... بس عادي بعد الحمال بترجع الامور احسن من اول ....​

وهذا انتي ماواجهتي مشاكل جااايدة انتي جذية ..... اجل بعد مر سنين شبتسوين ياحيااااتي​

تعوذي من ابليس ..... واحنا كلنا خواااااتج ونبي مصلحتج ..... ​

ولاتزعلين​