محتاجه لكم حيل محد بيحس فيني بس امكن تهونون علي افكر اخطب لريلي

[مجنونه هواهـ]

سلام حبايبي
شلونكم والله
اني وايد تعبت اتمنى احد يحس فيني بس شسوي
بنات انا عمري 18 سنه ومتزوجه عن حب من ريلي وصار لنا تقريباَ 6 اشهـر متزوجين
حملت بعد العرس باسبوعين تقريبا المهم
بنات انا وايد صارت وياي مشاكل مع اهلي وخلافات مع اهل ريلي واهلي

وهالشي اثر فيني وبحملي وصرت انزف سويت ربط مرتين لاني ما ابي اخسر الي ببطني ما ابي اموت روحين بنات ريلي المسكين اهوا الي يهتم فيني بكل شي باكلي وبلبسي وبشرابي احس ان هو المره وانا الريال بنات انا وايد متحسفه على ريلي كل حقوقه راحت بنات والله اني احاول اواسيه لانه وايد
خسر صفقاته ويا رفيجه لان صارت خلافات بنات والله اني احاول اقوم من فرشتي

عشان احط له اكل او اني اجلس وياه بس ما اقدر

الحين حامل بشهر 4 وحملي وايد ضعيف لاني نزفت وايد امكن بشهر انزف خمس مرات بنات ادعولي :yaaaaaarb: اني اقوم بسلامه وان ربي يصبر ريلي انا ما اعرف شلون متحملني ومتحمل نفسيتي والله بنات اني مالي جم يوم طالعه من المستشفى انهرت وايد اهلي تخلو عني بسبب اشاعه تافه والله بنات اخر شي افكر فيه هو ان اهلي يهدوني بنات انا مقصره بحق ريلي نفسيتي اكسxx بنات باجي لي 5 اشهر ان ما طاح الجنين بعد

افكر وايد اني اخطب حق ريلي لان الدكتوره قالت اني لازم اسقط الجنين قبل ما اخلص الشهر 4 وان في خطر علي بس والله بنات اني الي مصبرني الي ببطني اتخيلهم حولي كل يوم واني اعيش حياة حلوه بين بنتي وولدي وريلي الشرع حلل اربعه وانا مو زعلانه اني ريلي يتزوج علي كل ما اقوله تزوج يقولي انا احبج وما ابي غيرج شلون اهدج واتزوج وحده ثانيه

بنات الي ابيه منكم :
انكم ادلوني شسوي بهالمشكله ّ!!!
وشرايكم بفكره زواج ريلي !!!!!
بليز مالي غيركم
سوري ان كان كلامي ملخبط بس والله احاجيكم وعيني مغبشه بالدموع

 

[مجنونه هواهـ]

بليز لا تهدوني

 

[فوشيهـ]

شنو يتزوج عليك من جدك انتي ؟!


مالك 6 شهور متزوووجه وتبينه يعرس عليك؟ بعقلك انتي؟


اقول بس تعوذي من بليس ولاتحطين هالفكره براس رجلك


انتي معذووره انك مقصره معاه .. وشي طبيعي انه يتحملك .. لانك انتي حامل بوولده هو مو من الشاارع

وبعدين كلها 9 شهور والامور تصير زينه معاه ان شاءاللله .. ليه مكبره الموضوع ..

فتررررررره وتعدي .. شددددددده وتزووول يابنت الحلالال ..

استغفري وادعي ربك وحتى لو كنتي تعباانه ع الاقل استقبليه بابتسامه والكلام الطيب ..

وهو لو مايحبك ماصبر عليك وصدره وسيع ..
​

 

[FeShinGoOo]

صلي عالنبي وتعوذي من ابليس هاذا وسواس وهم بسبة الظغوط انتي مو عارفه شتسوين
اولشي توكلي على الله وثقي ان اي شي ربج يكتبله لج هو خيره ..
سواء ظل اللي فبطنج او سقط ماراح تكون نهاية العالم لاتحاتين ولاتوسوسين وايد ادري مو بيدج بس الواحد مايوقف حياته على مرحله راح تعدي
الحين انتي بالشهر الرابع وباجيلج 5 شهور .. مافيها شي لو تعب ريلج 5 شهور وعقب بتعوضينه عن كل هاللحظات ..
مو معقوله اي وحده تحمل وتتعب تقوم تخطب حق زوجها .. اهم مو عيالج بروحج ..!!
اهو بعد يبيج تحملين ويبي عيال وهالشي تمرين فيه شي عادي يصير حق اي وحده تحمل وتتعب بالحمال
بالعكس مدامه مهتم فيج ومدلعج اتدلعي وشبعي دلع شفيها يعني ..؟؟
مدام الريال يحبج خليه يشيلج ويدلعج انتي اولى من غيرج كافي انج شايله عياله فبطنج وتنزفين ليل نهار وصحتج متدهور تستاهلين الدلع وتستاهلين يسويج يادهينه بالعكس استانسي بهالشي ولما تولدين وتقومين بالسلامه باذن الله لازم اتعوضين ريلج وتردينله الجميل ومثل ماشالج اتحطينه على راسج وماتقصرين فيه
وشيلي فكرت انه يتزوج من راسج كلهم 5 شهور .. يتعب فيهم وعقب بتولدين وبترد حياتكم طبيعيه من صجج بتخربين حياتج كلها وتحطين على راسج شريجه طول العمر عشان 5 شهور راح يعدون باذن الله والايام تركظ وفوق هاذا انتي حامل وشايلتله الظنى فبطنج ..

 

[سحـورة]

يااارب تقومين بالسلامه ،
و دام الجنين فيه خطر عليج إستخيري و نزليه ..
ثانيا ... فكرة تزويج ريلج من أخرى خاطئه ،
قاعده تزرعين بعقل ريلج أفكار يمكن مافكر فيها ولا يت على باله ،
ما عليه ريحي نفسج ، و أهلج حاولي تتصالحين وياهم بأي طريقه
رغم إنه هالإشاعه أحسها كبيره و هي فجوة الخلاف ..


ربي يسر أمورج و يطمن بـالج
و يرزقج باللي تتمنينه يـاارب

 

[فيونكه..~!]

صلي عالنبي وتعوذي من ابليس هاذا وسواس وهم بسبة الظغوط انتي مو عارفه شتسوين
اولشي توكلي على الله وثقي ان اي شي ربج يكتبله لج هو خيره ..
سواء ظل اللي فبطنج او سقط ماراح تكون نهاية العالم لاتحاتين ولاتوسوسين وايد ادري مو بيدج بس الواحد مايوقف حياته على مرحله راح تعدي
الحين انتي بالشهر الرابع وباجيلج 5 شهور .. مافيها شي لو تعب ريلج 5 شهور وعقب بتعوضينه عن كل هاللحظات ..
مو معقوله اي وحده تحمل وتتعب تقوم تخطب حق زوجها .. اهم مو عيالج بروحج ..!!
اهو بعد يبيج تحملين ويبي عيال وهالشي تمرين فيه شي عادي يصير حق اي وحده تحمل وتتعب بالحمال
بالعكس مدامه مهتم فيج ومدلعج اتدلعي وشبعي دلع شفيها يعني ..؟؟
مدام الريال يحبج خليه يشيلج ويدلعج انتي اولى من غيرج كافي انج شايله عياله فبطنج وتنزفين ليل نهار وصحتج متدهور تستاهلين الدلع وتستاهلين يسويج يادهينه بالعكس استانسي بهالشي ولما تولدين وتقومين بالسلامه باذن الله لازم اتعوضين ريلج وتردينله الجميل ومثل ماشالج اتحطينه على راسج وماتقصرين فيه
وشيلي فكرت انه يتزوج من راسج كلهم 5 شهور .. يتعب فيهم وعقب بتولدين وبترد حياتكم طبيعيه من صجج بتخربين حياتج كلها وتحطين على راسج شريجه طول العمر عشان 5 شهور راح يعدون باذن الله والايام تركظ وفوق هاذا انتي حامل وشايلتله الظنى فبطنج ..

:rerrerek::rerrerek:
معاهاْ

 

[وميض الشوق]

شوووو يعرس عليييج
شي طبيعي يتحملج انتي حرمته ولازم يوقف وياج
ان شاااء الله كلهاا كم شهر وبتولدين بالسلامه وكل شي بيتغير للاحسن
الله يقومج بالسلااامه يااارب

 

[- BambeNo -]

لاحول ولاقوة الا بالله..
الله يثبت الجنين ويحفظه يارب..
حبيبتي انتي ليش متضايقه ؟ اذا ريلج معاج ومش مقصر عليج
خليهم يتكلمون كثر مايبون وطنشي لاتحرين نفسج ولاشي ..!
أشوف لاتحتكين فيهم وايد .. وخلج مع ريلج .. ولاتتهورين وتقوليله
تزوج !! انتي صاحيه ؟ بصراحه حريتيني اذا انتي طيبه وعلى نياتج
ماتدرين بالثانيه .. بعدين منو بيبقى لج لو خسرتيه لاسمح الله ..
دام أهلج متبرين منج .. تحملي تحطين براسه فكرة الزواج ..
وريحي بالج وتفكيرج عشان البيبي ..
والله يبعد عنج كل شر ..

 

[um walid]

حبيبيتي تعوذي من ابليس

كله كم شهر وتعدي ... شلون تقولين له تزووج ويهوون عليك؟؟؟؟؟؟؟؟؟؟

ربي يحميك ويقومك بالسلامة .. يارب

كثري من قراءة القرآن وربي حافظك

 

[مجنونه هواهـ]

مشكورين حبايبي على مواستكم لي والله اني ما اتخذت قرار اني احط شريجه الا وشايفه ريلي يتعذب كل يوم جان دوامه ولا دراسته ولا اهله ولا انا وحوست البيت بنات وايد محتاجه لكم بذات بالفتره هاي لاني وايد متضايقه وكلهم هدوني ماكو ولا مره تحب ان ريلي يتزوج عليها لاكن الظروف تحدج انج تتخذين قرار وانتي بقلبج تتنهدين للي ياي

 

[FeShinGoOo]

لا لا تفكرين بالشريجه
اسم الله على ريلج يعني لو باجر يمرض انتي بتتخلين عنه وبتتطلقين وتقولين بتزوج واحد ثاني ؟؟
لا طبعا
بتوقفين معاه وبتشيلين وماراح تقصرين معاه بشي
فلا تستكثرين اللي قاعد يسويه معاج نهائيا لانكم شخص واحد ولازم توقفون مع بعض بالشده اهو يشيلج وانتي تشيلينه
لاتخربين حياتج بهالتفكير وسالفة الشريجه لاتفتحينها خير شر لاتبطلين عين الريال على شي اهو غافل عنه ولا تستكثرين على روحج حسن المعامله الي مقدمها لج زوجج ترى هاذا حقج عليه واهو مو قاعد يعطيج اكثر من حقج

 

[ملح @ شمر @]

الله يخلي لك زوجك ويسخركم لبعض
والبنات اللي يقولون طبيعي يتحملك لا مو طبيعي وقليل ونادر بهالزمن مثل زوجها

وانتي يااختي
خسرتي اهلك واهله وبتخسرين زوجك بعد ؟!!!!!!!!
اصبري وتحملي ولا تجيبين له طاري الزواج لانك راح تفتحين عيونه يمكن هو يشوف اللي يسويه عادي وانتي مكبره الموضوع وتكبرينه بعينه

وهذي فترة وتعدي حبيبتي
والمشاااكل مصيرها بتنحل ولا تضايقين نفسك علشان اهلك او اهله مصيرهم بيرضون اهم شي صحتك وحملك وزوجك
وانتي تقدرين تواسين زوجك بالنفسية الحلوة والكلام الحلو وتهونين عليه
مو على طول مكتئبة وتبكين وتتعبينه زياده

الله يعينك و يقومك بالسلامة ياقلبي


​

 

[swanyway]

شغل البيت والطلابات لها حل ان شاء الله سواء جيبي شركة تنظيف ولا خدامة نص دوام
الاكل من اللي يبيعون من البيوت ولا حواضر ولا اشتركوا اثنينكم بشركات التغذية مالت دايت سنتر وغيره بس انت بدون تنحيف طبعا اكل صحي وبس

ترى كلها كم شهر وتنقضي بأذن الله , عشان كم شهر تخربين حياتج كلها و انت تحملين وتتعبين وهو يتعب معاج عادي ولدكم اثنينكم وبالعكس هالوقت يقربكم من بعض اكثر واكثر وبتقوى علاقتكم لا تخربينها

اذا على صفقاته مع رفيجة ياشيخة احمدي ربج طلع معدنه وقت الشدايد و لا رفيجه اكيد زوجج علمه عن حالتج و دامه ماعذرة وقت الشدة وش فايدته

قولي الحمد الله و الله يثبت مافيه بطنج ويرزقج اياه سليما تام الخلقه و يرزقكم بره

 

[أم حورية]

إحساسج بالذنب اهو اللي مخليج تفكرين تزوجين ريلج بس هالفكرة مو حل كلش لانها كلها فترة وتعدي ان شالله وحتى المشاكل راح تعدي وحكي أبالج ان دوامالحال من المحااال انتي هدي شوي ولاىتعبين نفسج لانها سحابة صيف و بتعدي ان شالله ولي ولدني ان شالله راح تعوضين ريلج عن كل شي

 

[ღسلڨاناღ]

حبيبتـــــــــــــــــــــي صل على النبي واذكري الله لا تصيرين ضعيفه لهدرجه

ومنهاره بالعكس المصاعب اللي تواجهينها تزيدج المفروض قوه وصلابه

مسكي المسبحه واستغفري حاولي تتقربين من الله ودائما ادعي انه الله يفرجها عليج
ترى هذي الأفكار كلها من الضغط والاكتئاب انتبهي لصحتج وللبيبيات

ابتسمي وهالشده هذي كلها بتزووول قريب :eh_s(7):
​

 

[chee$e cake]

حبوووبه مافي وحده زوجت ريلها و ارتاحت و يمكن في نسبه محدوده

المهم ما علينا دامه يحبج لا تحسسينه انج ما تبينه ؟! و ان شاء الله ربي يثبت حملج و تييبين له حمود و صلووح

و انتي طلعي نفسج من كل الخلافات ريحي بالج هالفتره خصوصا

و ذكري الله و استغفري

و لطفي الجو اذا تحسين انج مقصره بحق زوجج وصي اختج او احد يشتري له ساعه هديه شغله تذكرينه فيها ترى و الله

يستانس و خلي اللي يروح يصور لج الشغله و يدزها لج عشان تكون على ذووقج

و الله يووفقج يا رب ازمه و تعدي ان شاء الله

 

[*الأثــــــــير*]

تعوذي من ابليس فتره وتعدي لا تحطيين الفكره براسه

 

[هاجر الكويت]

عسى الله يثبت اللي ابطنج ويقومج بالسلامة ويهدي اهلج واهله وايسر امورج

 

[mf6nt el3lat]

تعوذي من ابليس فتره وتعدي أن شاء الله - أنتي مافكرتي بعد الزواج من الثانيه شيصير ؟
ترى مو شي هين حياته راح تنقسم نصين وهو مو كله لج وتشوفين حبيبته توقف وتكلم وكل شي قدماج وتجيج ليالي ما يبيت عندج وله عيال غير عيالج / ليش تربطيين حياتج بحياة وحده غيرج مدام هو يحبج ويعشقج راح يظل واااااااااااقف معاج طول العمر هااذي أزمه وتعدي - الله يثبت الجنين ويبجيته يجدد حبكم

الله يعينج - ولا تقولييين جذي خلي عندج أراده وهالشي مو بسبتج . الله مقدره

 

[القصيدة]

السلام عليكم و رحمة الله و بركاته

حياتي أنتي مكبرة السالفة حيـــــــــــــــــــــــــــل :eh_s(7):

هدّي أعصابك يا قلبي و عادي يكون حملك متعب و زوجك هو اللي يهتم فيك ما فيها شي بالعكس هذا المفروض

لكن احنا تعودنا انو الرجال ما يكون له شغل بشي و مو متعاون فلما يسوي شي لو بسيط نحسه كبير حيل

زوجك يأدي واجبه .. أنا ما أقلل من وقفته معك بالعكس هو رجال و الله يوفقه و يرزقه و يسعده و يخليكم لبعض

حملك و تعبه فترة و تعدي و المفروض تزيد ترابطك مع زوجك مو تفكرين يتزوج غيرك و تبعدينه عنك

و بالنسبة لنفسيتك التعبانة زوجك إنسان محترم ما شاء الله و متفهم .. و أنتي صارحيه باللي في خاطرك و خبريه انو أنتي تحبينه

و انو يضايقك نفسيتك هاليومين و تتمنين تخلص هالفترة و ترجعين لطبيعتك و تعطينه الحب و الغلا اللي يستاهله

ابتعدي عن جو الخلافات و أي شي ممكن يسبب لك الضيقة و ركزي بصحتك و راحتك النفسية

الله يرزقك الذرية الصالحة و يحفظ لك زوجك و يخليكم لبعض :eh_s(7):​