|| متى حملتـي بعد البيبي الأول ؟! ||

[اخت خالتهم]

السـلام عليكم ورحمة الله وبركاته


شلـونكم حبـايبي ؟!
اشتقتلـكم وللقسـم بس لهيت مع الجامعة والـدوام والبيبي ..


المـهـم .. آنـا امنع طبيعي عن طريق العزل او الواقي من غير حبوب او لولب

و نـاوية بإذن الله اذا صـار عمر بنتي سنه ونص الى سنتين أفكـر و أحاول بالحمل لين ربي يكتب


بس وايد قامو يسئلوني من اللحين اذا حامل او لا
و ان يلا و متى مع ان بنوتي عمرها 9 اشهر بس ..


قلت بشوف بنات المنتدى و متى حملتو بعد البيبي الأول

 

[الله يعيني]

لما صار عمر بنتي سنة و نص عالجت و سعيت اني احمل و الله يرزقنا الذرية الصالحة

 

[عزاااه]

لمه صارت بنتي ٣ سنين

 

[^ lamooosh ^]

انصحج تنطرين تكمل سنه ونصعشان لما تحملين وتولدين الا عمرها سنتين
ماتعبج وايد


انا حملت عمر بنتي ٦ شهور والحين بولد توها
سنه وشهرين
احلا عمر بس مو قادره اعطيها حقها والعب وياها
لان انا ثقيله حيل وتعب وتبي احد يركض ورها يلعب
وتوها تمشي فالعمر يشوق


وماعليج من كلام احد
اهم شي راحتج
وتنسيقج لوقتج ولبنتج
والله يكتب لج اللي فيه الخير

 

[حمرة الورد]

سنه ونص

 

[جوزائيه مغروره]

انا من كمل ولدي سنه وانا نويت الحمل بس ربي كتب لي انه يتاخر لين كمل ولدي ٣ سنوات وحملت واجهضت وبعدها بسنه ونص حملت بعلاج ربي لك الحمد

انا انصح بالحمال انه يكون بين اليهال سنتين او ٣ بالكثير

 

[قرمووشه]

انا بجريه الله يسهل عليناا

حلو ان الوحده تحمل لمن يكون البيبي الاول عمره سنتين

والله يرزق الجميع يارب

 

[غالية زمانها]

انا كنت ابي على فرق سنتين بس سبحان الله من غير تخطيط حملت بعد سنه وصار غيره وصج تاذيت وكليتها
بس لما اكبرو صارو مع بعض الحمدلله ارتحت
بعد ٤ سنين حملت ولما ولدت حسيت بفرق بين الثاني والبيبي كلش مايبون الصغير لانه بيبي واهما كبار عشتوا عايشين الدور
يكسر خاطري الصغيره لان بس مجابل العابه واذا فكر يلعب مع اخوانه يطردونه ��
من رايي ان الواحد تحمل بعد سنه الى سنه ونص منها اعيالي يكونون مع بعض ومايصير فجوه بينهم ومنها اتعب وبعدين ارتاح
هذا رايي

 

[كيميائيه]

اتوقع لما يكمل البيبي سنه افضل وقت للحمل
على ماتولدين يكون قريب السنتين

 

[sara_87]

بعد ٣ سنين

 

[Om_il3ubed]

على حسب الطفل.. اذا الياهل عسر ومايتعلم حمام ولايرضى تقطعين المميه وبياذي ماافضل الوحده تحمل..
انا زوجي كان يبي بس بجري تكمل السنه بس ربي ماكتب وحملت ويبت الثاني واهيا عمرها٣ سنوات ونص
ربي يكتبلج الي فيه الخير ان شاءالله

 

[glby7sas]

انا حاليا حامل ببجري بس ان شاءالله ناويه الحمله الثانيه بعد سنتين او ثلاث من الحمل الاول

 

[ms_5ajoola]

انا ناوية ان شاءالله عقب ما يكمل عمر الياهل سنتين ونص

 

[حكآية قلب]

افضل سنه تفكرين بالحمل و تسعين له لانه ماتدرين يمكن يصير تاخر
و بعد عشان االاول يتعلم ع المشاركة مايفكر انه امة له بروحه ينصدم ويتعب


انا ودي احمل والله كريم يارب عمر بنتي سنه ونص

 

[white**angel]

انا توها بنتي ثلاث شهور وافكر احمل لمن اتخرج لووووووووووووول يعني من سنتين الى ثلاث سنين واذا مو اكثر الله يسهل علي واتخرج
بس افضل يكون فجا بين كل بيبي عالاقل سنتين عشان كل واحد ياخذ حقه بالتربيه

 

[بيبي غيرل]

انا عمر بنتي سنه وحملت والحمدلله يارب عالنعمه لكن تبين الصج حملت من حنة زوجي وخالتي احس ادلع بنتي واعطيها حقها لو سنه ونص سنتين بعدين احمل لكن كل شي بنصيب ولله الحمد من قبل ومن بعد

 

[om 7amoodi]

بعد سنة حلو يكبرون مع بعض وانتي تعبانه تعبانه خليها مره وحده، انا حملت لما ولدي كمل سنه و 3 شهور بس الله ما كتب واجهضت والحين انا حامل وولدي عمره سنتين و 3 شهور ووايد احاتي لان ولدي قم يفهم و يغار وما يحب اليهال الصغار و يطقهم :eh_s(2):

 

[بنت الاحلام]

كملت بنتي سنه وبعيد ميلادها دخت وحسيت اني حامل وحللت وطلعت حاملوالحين انا بالثالث

 

[طيبة83]

انا بنتي عمرها سنتين ونص وللحين ما حملت عليها بسبب ظروف

عسا الله يرزقني

انا احس اقل شي سنتين واكثر شي 3 سنين

 

[مرجانة الزمان]

انا حملت بعد ما كمل ابني 3 سنوات بالضبط نفس الشهر كمل 3 سنوات والحمد لله حملت والحين في الشهر الرابع

ربنا يتمم لكل حامل على خير يارب ويرزق كل الي تتمنى الحمل امين يارب العالمين