|| متى حملتـي بعد البيبي الأول ؟! ||

[ريـ’ـآنـهـ‘]

انا حاليا حامل بالبجر

وناوية اذا الله اراد بعد مايتخرج زوجي وانا من الجامعه زوجي بعد سنة و انا مطولة سنتين ونص يمكن


وافضل مو قبل لايكمل البيبي سنتين منها يكون فهم وخذا حقة من الرضاعه





بس بسألج انا موناوية اخذ حبوب او اي موانع
ابي عزل طبيعي وحيل خايفه لانه يقولون مومضمونه و في ناس حملو منها

انتي شرايج ؟ في اشياء اسويها مع العزل تمنع الحمل!!

 

[Mrs.H]

انا عندي بيبي واحد بيكمل 6 شهور وللحين مافكرت.. ان شاء الله نيتي لما يمشي ومايأذيني بنومته ولما ما اشيله وايد لان ببساطة انا بسرعة اتعور لو شلت كلينكسة حتى فأبي ولدي يكون شوي معتمد على نفسه مو مثل الحين اعتماده 24 ساعة علي لاني مابي اقصر بحق ولدي

 

[((shoOoshoOo))]

اتوقع سنه او سنه ونص افضل شي

 

[نور دنياه]

هالموضوع سبحان الله باراده ربنا
انا حملت على بنتي ب6 شهور ماكنت ناويه وحملت ع العزل سبحان الله كان ببالي لما تكمل سنه او 10 شهور جذيه يعني يكون الفرق بينهم سنتين الا بس كله باراده ربنا انا الاسبوع الجاي ادش شهري وبتكون بنتي سنه و 3 شهور

وانا بنتي وحيده ماعندنا يهال بالعايله فتلاقينها قاعده بينا ومتملله كله تحن ولما اوديها الالعاب تخلي اللعبه وتقعد اطالع اليهال حبيبتي

 

[زين ودلال]

لما كان عمر بنتي ٩ شهور حملت بالثاني

 

[زين ودلال]

لما كان عمر بنتي 9 شهور حملت بالثاني

 

[ms_5ajoola]

انا ودي ان شاءالله لمن يصير عمر ولدي سنتين

 

[زينب 12]

انا من برايي الوحده تيب وراء بعض وتتعب مره وحده وبعدين خلاص ترتاح ولاتفكر تيب,,

دعواتكم الله يرزقني بالحمل وبالطفل السليم
وربي يرزق كل محروم يارب

 

[أم علي الرفاعي]

اختي
اول شي طريقتج خوش طريقة صارلي 7 سنوات استخدمها
شي ثاني

انتي اللي تقررين شكثر
فرق بين عيالج

ناس تحب يكون بينهم سنتين مثلا
فمن يصير عمر البيبي سنة تجاول تحمل

وناس تقولج يدخل الروضة واييب الثاني
يعني عمره 3 سنوات وتحاول تحمل


هذا شي بكيفج انتي
وعلى حسب مقدرتج وظروفج ,,

 

[Aloe Vera]

احمل لمن يصير عمر الياهل سنتين و 3 شهور و يصير بينهم 3 سنين بالضبط
عندي ثلاث و بين كل واحد و الثاني 3 سنين

 

[أم حسوون]

السلام عليكم ، يفضل الثاني يكون بعد الاول على طول أو سنه وعقب تحملين بس عقب الثاني ريحي لج سنتين أو ثلاث والله يكتب لج الأخيره.

 

[fofo90]

حملت والله كتبلي الحمل
يوم ولدي الله يحفظه كمل
سنه وسبع اشهر تقريبا
لان صج ماكنت مستعيله اييب
ورا بعض بسرعه

 

[سيدة الذوق]

ثمان سنين بعد بنتي وحملت واجهضت للاسف الشديد
بس انتي احسلج مثل ماقلتي سنه ونص واحملي
والرزق بيد الله اهو اللي يقرر

 

[ام الحلوااات]

لـــمــــا كــمـــلــت بــنــتـــي ســــنـــــه ونـــص حـــمــــلــــت

 

[امـ خــزامـى]

انا مقتنعه ان ضروري الطفل ياخذ حقه من الحب والاهتمام والعنايه الفائقه على مدى السنتين

بعد السنتين الام تحمل


بالنسبه لي للحين ماافكر بالحمل الا اذا تعلمت بنتي الحمام وتمت ثلاث سنين وزياده


والله يكتب لي ولك وللمسلمين الخير

 

[مذهلة2013]

ان شاءالله يكون عمر ولدي سنتين

احمل ان شاءالله

 

[Brounzi_girlly]

أنا حملت بعد بنتي البجر بسنتين و7شهور ماتعبت لان لما ولدت تقريبا الكبيره عمره 3 سنين ونص
بين الوسطية والصغيره 4 سنين وشهر هم ماتعبت الكل شايل عمره وماخذ حقه
الله يهديهم ويستر عليهم
مع التحيه

 

[صعبه]

انا توني والده باول بيبي (بنوته ) اللهم لك الحمد

بس مقررين البيبي الثاني ان شاء الله عقب ماتروح بنتي حبيبتي الحمام بروحها ....

الله يرزقكم

 

[ام أسد]

انا بجرية بس اختي حملت بالثاني بعد الاربعين على طول يعني مافي فجه بين الاثنين ولدها العود عمره سنة والصغير شهرين ونص

 

[اخت خالتهم]

انا حاليا حامل بالبجر

وناوية اذا الله اراد بعد مايتخرج زوجي وانا من الجامعه زوجي بعد سنة و انا مطولة سنتين ونص يمكن


وافضل مو قبل لايكمل البيبي سنتين منها يكون فهم وخذا حقة من الرضاعه





بس بسألج انا موناوية اخذ حبوب او اي موانع
ابي عزل طبيعي وحيل خايفه لانه يقولون مومضمونه و في ناس حملو منها

انتي شرايج ؟ في اشياء اسويها مع العزل تمنع الحمل!!

اي حياتي انا عندي احسن
و اللولب بعد زين و ما افكر حبوب
بس ريلي ما رضى لولب لان عباله نفس الحبوب
فأحسن شي العزل + الواقي الذكري
و الواقي أفضل لان ماكو فرق عااادي ما جنه في شي:eh_s(17):