متى تقولين حق ريلج عطني فلوس !!!

[Tutti-Frutti]

انـا اسـتـحـي اطـلـب مـن احـد فـلـوس حـتـى مـن امـي وابـوي

فـاشـلـون بـاجـر بـطـلـب مـن زوجـي

 

[فله]

اللي مو موظفات احسن لكم لاتوظفون لان الرجال يتنيحس بعد وظيفة مرته
انا اشوف ان اللي مو موظفة احسن مليون من اللي تكرف صبحها ومساها واخرتها كل معاشها قطيات ودراريع ومواجيب ولا يجي اخر الشهر الا طايح حظها والناس ماكليننها بعيونهم والزوج يتمنن يدفع لها طلب دونات
(( باين طفشانه من الدوام )

 

[مارياج]

لووووووووووووووووول فله اي والله كلامج عدل

توتي الله يعينج

اب اب

 

[nora ali]

ان اذا طلبت منة يزعل علي
وعمري ما طلبت منة شي حقي عمري
لانة عقبها نتخانق ونتهاوش واطلع انا الي ما احمد ربي عالنعمة ومايبين بعيني الي يسوية حقي
فعلا كلامج صح
من كثر مو انا المسؤولة عن مصايفي الشخصية ولبسي ومجوهراتي وسفراتي احس ان انا الريااال
ودي يوم ادش البيت القى كرتون هدية على الفراش يعني مفاجأة
او يعزمني في مطعم
او سينما
تصدقون
انا اشتغل وافكر اكثر منة
بس عشان استثمر حق مستقبلي
لان ما احس ان وراي ظهر
مرة سويت عملية بالخاص
خلاني انا ادفع الفلوس انزين عيل شتبي ياي اطلعني من المستشفى شبي فيك ؟؟
وييييييييييع طاح من عيني
السفر بالصيف والشاليهات حق اليهال بالويك اند كلة علييي
واللة مرات اقول لو اطلق ماراح اخسر ولاااااااااا شي لان مو مونسني
لا فلوس لا حنان لا حب ولا حتى يتكلم معاي صمتتتت
حياتي معاة تمثيل في تمثيل
امثل اني سعيدة عشان ما يتخانق معاي
امثل اني ولهانة وانا لايعة جبدي منة احس انة بنت مو ريال وانا الريال وييييييييع
مايسوي شي بس ينتقد اي شي زولية ستارة كلينكس خلص بالحمام او ليت نسيناة شاب وما طفيناة
زوجي ماشاللة الخير مغرقة مايدري شيسوي بالفلوس واصلا يعيب على الناس الي تشتغل بالحكومة وتنطر الراتب يقول عنهم مساكين ينطرون الراتب !!!!!!!!!!!1 من كثر فلوسة
وانا اذا بشتري ساعة اخطط قبلها مليون مرة اذا الساعة اب 10000 الاف شلون اعوض المبلغ الي صرفتة عالساعة ودبل بعد عشان الميزانية
طبعا صرت ريال لدرجة اني اشتري عقارات برة الكويت
وافتح مشاريع داخل الكويت
واشتغل شغلتين
وعندي اطفال وبيت ومسؤولية على راسي
مرة قلت لة مشتهية شي فلاني ......... عينة اطلعت لي برة قالي صج ماتستحين واللة تطلبين من زوجج ؟؟ شلون عيب الزوجة ماتطلب الزوجة تنطر زوجها اهوا الي يعطيها بكيفهه !!
انا انصدمت وعقبها حطيت علية ×
تصدقون انا عمري ما كنت مادية بس من عقب هالمواقف معاة وانه مايذكرني ولا يتحلى علي صار مالة اهمية بقلبي
اقول الرياييل الي على معاشاتهم والي يعيب عليهم ارجل منة
اعرف وايد رياييل من اهلنا مساكين ايمعوون طول السنة عشان يسفر زوجتة ولا ايب لها شي بخاطرها
ويشتغلون دوامين عشان اذا زوجته اطلبتة مايقولها ما عندي
مادري شلون بس صح الفلوس مرتبطة برجولة الريال بطريقة غريبة

 

[irresistible]

و الله الحمد لله انا اصرف من فلوسي و مكفيتني بس لي بغيت شي اقولة عادي ان شاء الله ماراح يقصر تبين الصج انا ماشية علي مبدأ القناعة كنز لا يفني بكل شيي بحياتي صدقيني اي انسان يتبع هالاسلوب بيعيش مرتاح من اول ما خذيت ريلي و هو يقولي انتي مو طماعة و لا عينج فاضية عشان جذي لو اقولة اي شي يوافق علية ما اعاند وياة عشان اخذ اللي ابية برضاة و صار لة فترة ضميرة مأنبة يقول انت اقل وحدة خذت مهر من حريم اخواني و يحاول يعوضني بس الصج انا ما تهمني الشكليات المهم ما يكون علينا قاصر و عايشين مرتاحين البال

 

[opera]

لااله ا لا الله ههههههههههههههه
صااااااااجة مدري ليش الموظفات لبسهم اقل من اللي مو موظفة يعني يجعصوووون بعد الوظيفة:080402ask_prv:
انا راح اتوظف انشالله تهقوون راح اجعص؟؟؟؟ مستحييييييييييييل

انا اقولج ليش :dddds:


لانه مال عمك مايهمك


دام مو فلوسج .. تكون فلوس ريلج او هديه تقطينها وتصرفينها مني ومناك ولا يهمج

لوووووووووووووووول


املا الفلوس اللي انتي محصلتها من وظيفتج ومن تعبج .. تكونين حذره بصرفها وتخشين منهم

لانج تحسين صج بقيمه الفلس :dddds:

 

[pink Engineerah]

ياحلوج وياحلو سوالفج مريوج
حرومه تعجبيني احيانا اصير نفسج موعلى طول<<<<<طماعه
انا ماشتغل فمحسسته برجولته عدددددددددددددددل

 

[قمر^خالد]

لووول ردرود البنات أتضحك ..

آنه مااقوله ابي فلوووس اهو من نفسه ,, يعطي .. .. لانه ماعندي معااااش ع الله وع الأعانه لوووووووووول

 

[! بــدويه وآآيــد !]

،


انا أمـي عندهآ بطآقة أبوي البنك وعندهآ معآش يمشي وهي قآعـدهـْ بـ البيت تصرف من معآشهآ ومن معآش ابوي والبطآيق عندهآ واذا خذآ البطآقه لو يومين لووول تقول له مآسحبت منهآ خلصت ؟؟ يلآ عطني بروح اشتري لـ البنآت


انا علىآ وجـهه ملجــه وتدربت بطلع ليسن بس الحين حرمـت مآبي ليسن ولآ ابي اتوظف بخليه هو يصرف علي ويوديني ويجيبني وانا بجآبل نفسي ومنظرتي ونومتي وكشختي شرآيج بـ تفكيري ؟؟


~

 

[بدويه دمار شامل]

وانا نفس حرم راشد الماجد ههههههههههههههه ...مرات يعني بروح مع خواتي السوق عاد يقولي عندج فلوس؟ اقوله بكل خجل لا .. واهوه يدري ان ماعندي لاني للحين ما اشتغل ..عاد يسألني جم تبين ؟

اقوله كيفك انت .. يقولي تبين تشترين شي يعني ؟ اقوله اي خخخ .. يقول يبه هاج كرت البنك انا ببوكي الحين 20 دينار اخاف ما تكفيج

عاد انا اطلع بكرته البنك واهوه يطلع ب 20 هاهاهاهاها

والاخطر من جذي انه حاط خدمة البنك اللي لما تسحبين فلوس يوصلج مسج بالتلفون وانا من دشيت السوق والمسجات قامت تهل عليه يقولي قاعد بالدوانيه وكل شوي يوصلني مسج اقووول الللللللللللللللللللللللله يستر المداااااام شغاااااله لا يوقف وصح كلامج ترى الريال يستانس لما تطلب منه ويصرف عليها يحس برجولته ..اصلان مرات اهوه يحطلي بالجنطه وانا مادري خاصه لما انا اكون محتاجه بس ساكته ومو طالبه منه فلوس يقوم من نفسه يحط .. اشوه يفهم النقزاااااات هههههههههههه

الله يخلييييييييييييه لي انشاااااااااالله فدييييته حبيبي

هههههههههههههههههههههههه حلوه شغاله لايوقف

الله يخليه لج

 

[el3aNoOoNa]

ههههههههههه مشكوره ع الموضوع
انا ليلحين من حزب الطماشه =)

 

[مارياج]

فديييتكم بنات كلكم

ونورا والله عورتي قلبي هذا شنو ريلج وشلون متحملته انتي لازم تاخذين موقف معاه والله مو حاله هذي

انتي شكو بعياله خو قوليله مو عيالي بروووووووووووحي

بط جبدي والله انقهرت

 

[خفايا الروح]

.


ماشاء الله تبارك الرحمن يا بنات الله يتمم عليكم يارب ويحفظكم من كل شر ...

انا ما اطلب شي
حق عمري وناستي وكشختي .. انا مو موظفه لي الحين طالبه واللي اطلبه حق الدراسه بس ..

لا اطلع ولا استانس وانا ماصارلي سنه متزوجه .. عندي منه بنت ولي الحين اخاف اطلب منه

مع انه يقولي كل شي تبينه اجيبه لج اي شي اسويه لج .. وانا اشوف العكس بعيني ..

واول حمالي قلت له مشتهيه ورق عنب والله تمسخرت تطنز علي وضحك علي منها لي يومكم هذا حتى اكل ما آكل معاه

والله مدري شلون الله حفط بنتي وولدتها سليمه الحمدلله ووزنها زين ..

وكل مناسبه تنقلب علي بجي وزعل .. لأنه ما يفكر بأني زوجته وابي البس واكشخ حالي حال خواته

كل شي يسأل ليش واشحقه .. حتى الجمعيه بعمري ما مديت ايدي على شي واخذته .. بس امشي معاه ولما تجرأت واخذت شغله فتحها تحقيييييييق ...

والله اشوفه مغررررررررررق اهله بالفلووووس وانا كل شي نااااقص علي .. وانا بروحي استحي اطلب وهو أول زواجنا يقول انا مستانس لأنج ما تطلبين مني .. وانا بسررعه افهم الدرس وسويت اللي يبيه وقمت ما اطلب نهائيا .. والحين يقولي انتي ليش ما تطلبين مني !!!!!!!

ليش بايعه عمري اطلب منك انا خلاص اخذت منه موقف ومستحييييييل اقدر اطلب منه وتطيح الميانه معاه اصلا انا عايشه معاه مثل الميته ما اتكلم ولا شي كله ساكته او ابجي

حياتي معاااااااه سطحيه وانا حذره بكل شي حتى كلامي معاه من كثر ما لاعت جبدي من تعليقاته واسألته .. اف

ودي اشكي اكثررررررررررررررررررررررررررررررررررررررررررر زهقت من الصمت ...

 

[مارياج]

فديتكم بنات كلكم

بس خفايا الروح انتي مو صج وريلج امبيه ودي اذبحه

الله كريم والله مادري شقول؟؟

 

[عشق رسامه]

ونااسه انا اعلمه بس خليني اتزوج هههههههههههههههه انما فلسته لوووووووول

 

[دلع العتبان]

الريال يحب الصرررررررررف


قد ماتقدرين اشفطي منة

بس صورتج يامارياج عجيييييييييييييييييييييييييييييييييييييييييبة لووووووووووووووووووول

 

[قطوه ورديه]

كتبت نصايحج بورقه
واذا اشتغلت بطبق اللي قلتيه ههههههههه

 

[الوجه السمح]

لووووووووووول مارياج عليج فصلات بس والله مواضيعج تينن

 

[المستبــده]

نورا وخفاياا
ضاق خلقي عليكم


انا قريت كل الصفحااات واول وحده بكون كلامي غيررر
انا صارلي سنه ونص متزوجه ليلحين استحي اقوله ابي فلوووس حتى لو ما عندي
لانه مسويلي استقطاع ومو شوويه الحمدلله
وفديته يعني لو خلصو اللي معاي وسألني عندج اقوله ايي

مادري متى بصير قوويه وشجاعه>> اهم شي
واطلب منه
خاطري اقوله ابي فلووس لووووووووول

 

[manhattan girl]

مره بروح الصالون و احترت اشلون اطلب منه ماني عارفه لاني مو متعوده اطلب مادري اشلون تشجعت و طلبت منه و بس .... تسلمين حبيبتي عالموضوع