متى تقولين حق ريلج عطني فلوس !!!

[opera]

مو دايما اطلب منه


لانه اغلب طلعاتي وياه واهو اللي يدفع


واذا صار وقلتله بطلع مع اي احد ثاني ... يقولي اخذي فلوس من الجنطه ( لوووووووووول حاطله جنطه سامسونايت فيها الاوراق الرسميه ويحط فيها فلوس كل شهر يعني مصرف)

:dddds:


تصير بعض الحالات النادره اللي اقوله ابي فلوس لانه شايفه شي وابي اشتريه _03BA:

وطبعا يكون هالشي بمبلغ وقدره يعني ماتكفي الفلوس الي بالجنطه


او مثلا عندنا عرس اقوله يعطيني حق البدله والصالون والذهبات والالماصات :dddds:

 

[plastic girl]

يسلمووووووووووووووو مارياج,,, انا يوميا اطلب منه فلوس هههههه

 

[أسيرة_أحزاني]

لووووول ودي اقولج انه هالسالفه ماتنفع مع البخييييييييلين كلش ملش بغض النظر عن اذا كان زوج او غيره

 

[المدينه]

ياحياتي ريلي على نص الشهر مفلسه او لا لازم يعطيني والله صح كلامج الريال يحس بمتعه لم يدفع او يعطي مرته
انا ريلي خصوصا بسفر مستحيل يخليني ادفع شي من جيبي
وكل ماشريت شي مستانس على كلمة
( مافي ديسكونت موانا اللي بدفع)
دايما يقولها حق اصحاب المحلات مع انه المحلات سعرها ثابت بس غصب يعرفون انه اهو اللي يدفع ههههههه مو اكيد بيشوفونه

 

[درة أهل الطولات]

اول :: شي الله يعطيج العافيــة (( موضوع ارجنال خالص )) هههههههههههههههههههههه


ثاني شي :: كلامج صح انه يحس برجولته

لكن اذا ما كان اصلا معاشه يكفيه من اقساااط للسيارة وفاتورة التلفون واجار الشقة والماجلة وملابســة وبنزين سيارته


واتيين انتي تطلبين منه ومعاشج عندج تدرين شنووو راح يحس بضعفه بعجزه





الله يهنيج

 

[دراما كوين]

صباح الخير

دايما دوسي عالوتر الحساس

يعني ترضى اطلب من غيرك

حبيبي مالي غيرك انت مايبتلي منو بييبلي

حبيبي ترضى احد يكون احسن مني

حبيبي انت راس المال لووووووووووووول عاد صج اهو منه المال ومنج العيال استغلي هالفرصه

خوووش جمل
خلاسجلهم عندي :dddds:
عاد هاليومين راسمه على جنطه ماركه خل اساحله بهالكلام _03BA:

 

[مجنونة قيس]

صراااحه انا كنت قبل لا اتوظف فوووق المصروووف لي احتجت يوفرلي ويوم اشتغلت هم لي خلص المعاااش اخر الشهر اخذ منه

 

[بيتي بوب بس كويتيه]

أنا ما اطلب منه فلوس لانه معاشي مكفيني بس اذا طلعنا اي مكان مطعم سينما
أكيد اهوا يدفع وانا اطلب مرات وقت ما اعتاد عادي ما يردني
وأتذكر مره ولدي طاح مريض وديته خاص وطلع لازم يعالج لمده اسبوع كنت ما باخذ منه
بس اهوا حطلي فلوس بالبوك وهمن السفر المصاريف كلها عليه ولا شي علي

 

[cat_women]

مارياج حبيبتي شلونج؟؟

بما اني مو موظفه اكيد دايما اطلب منه
بس الاغلب ماطلب ابطل البوك وآخذ يقولي انا ملزوم اصرف عليج

 

[عيش و مرق]

ههههههههههههههههه انزين ومافكرتى اذا كانت الزوجه اغنى من الزوج واهو حافى امنتف شلون اتحسسه برجولته باللله لوووووووووووول والله حاله

 

[noo7a]

انا توني مالجه
فصعبه حييييييييييييل اني اطلب منه
و حتى من ابوي ما احب اطلب بس اسحب من التجوري على طول لووول
يعني اخذ على طول من غير لا اقول يبا ابي فلوس لان اهو يحطهم هناك حقي انا
و قايله هالنقطه حق ريلي اني ما احب اطلب من احد

 

[جذابه بنت ذيابه]

انا معودته انه اثنينه وااااحد


اخذه منه ويأخذ مني



وقبل كنت استحي اني اطلب منه بس الحين يعني
مشكوووره على هيك موضوع

 

[**بحرينية عسل**]

موضوع وايد حلوووو
اني متى مااحتجت واحس انه عنده اطلب منه
بس ترى هو صح انه الريال يستانس اذا الوحدة تطلب منه فلوس بس نصيحة مو بدقيقة هههههههههه
ترى جذي ينقلب العكس

 

[*peace*]

انا مااشتغل ادرس

اذا رحت السوق طبعا زوجي اللي يدفع ولا انه من وين لي واعليا فقيرة lolz

واذا بروح مع اهلي مثلا اخذ الكرت مااحب يسحب ويعطيني بالله ماكفوني

بعد عومري مايقصر الله يطول بعمره ​

 

[آلزينْ مُلكيْ]

موضووعج على الوتر الحساس لووووووووول

ريلي مااا يقصـر فديتــه ...،
بـسس بما آني ما اشتغـل ... وآآآآآيد آصرف لوووول
مآ آقوولــه آبي .. آستحي لوول
بسسس ما يقصر آهو يسال وانا اجاوب كلي خجل لوووول
وبعدين شهيتني بـ دونت آبي رقمهم لوووول

 

[G!RLooNa]

ههههههههههههههههههه اهم شي وين فلوسج


عاد انا استحي اطلب من امي وابوي فلوس شلون ريلي :eh_s(1):

 

[G!RLooNa]

اي صج ابي دونت مو متغديه يوعانه

 

[sHaToOoMaH]

انا اذا احتجت اقوله ابي وبعد عمري ما يقصر يعطيني بطاقته هههههه


بس احباط لو طلع ما فيها كثر اللي ببالي


الله على نزلة المعاشات واخذها واااااااااااي

بس انا استحي اقوله عطني فلوس واقوله يا حبيبي ترا انا استحي اطلب فانت كل ما تشوفني طالعه ولا تشوفني مفلسه عطني هههههه

 

[shams2008]

دايما يصرف علي طووووول الشهر لاني مااشتغل

 

[دلوعة حمني]

والله ما اقوله ابي فلوس....!
كل شهر يحط لي مبلغ في حسابي و اذا طلعت معاه هو اللي يدفع....
و اذا بطلع من غيره عطاني فلوس حقي و حق اليهال... فالحمدلله ما اسأل... لاني مو متعودة ماحب اقوله عطني فلوس!