متى تعلمين انج حامل ؟ والسبب لان يمكن عبالنا الناس تحب الخش والدس تعالو

[ام عفراء]

والله انا اشوف الموضوع يعتمد حسب البيئة اللي حولج والناس

انا عن نفسي اعلم عادي ..

يعني ابلغ اهلي وخالتي ام زوجي لازم نتصل نبشرها من اول ما احلل ..

وعادي تقول لحمواتي وحريم حمواني .. ماشوف له داعي الخش

والناس البعاد اللي يسألني ما راح اخش عنه

ومايهمني علموني هم او لا

وحتى لما اعرف جنس المولود اعلم

وحتى لما نختار الاسم ههههههه

يعني نظامي كلش مافي مفاجآت


والحمدلله قل لن يصيبنا الا ما كتب الله لنا
مع انه كل حملي مشاكل .. بس ابدا ما اربط الموضوع بسالفة اني علمت او لا .. لانه كله بامر الله

وعلى قولة امي ... ( من غبى ما ربى )

 

[يتيمة جابر العز]

سالفة الخش الحامل عن احد بغض النظر تكون عين او حسد ممكن تكون فزة

وبعدين أنا ماايد اعلم احد كفايه زوجي الي يعرف والي بيفرحلي صح اذا جبت وولدت أهني يبين الناس الفرحانه لج مؤ بالحمال

واقضوا حوائجكم ب الكتمان

وللعلم أجهضت مرتين واعلم قبل لا اعرف نبض الجاهل ومع ذلك شنو استفدت !!!


ومعرووووووف كل شي يتم ب الكتمان

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[شونغ هونغ]

انا ماعملت الا امي وامي علمت خالاتي وجدتي الله يهيدها زوجي ماعلم حتى اهله

 

[جولينار]

حلو الموضوع

انا اشوف ممكن اخبر الناس بعد الثالث


اما قبل المقربين فقط افضل



الاسباب :

كل اللي حولي يخبون اجي انا اعلم ؟؟ احس ماتضبط

وثانيا انا متأخرة بالحمل فالأفضل اسكت ليما يتمه ربي واقتداء بقول الرسول اقضو حوائجكم بالسر والكتمان



والله يرزقنا قريب

 

[نور دنياه]

انا بحملي علمت اهلي واهل زوجي اول ماحللت لاني بجر وعلمت خالاتي والباقي بعد 3 شهور ويوم عرفت الجنس بعد علمت بس اتوقع بالحمله الجايه بقول لامي وخواتي بس لانه اكتشفت اهل زوجي علموا الناس كلهم ويوم بنتهم حملت حتى انا ماقالوا لي

 

[اخت خالتهم]

كل عام وانتو بخير وعساها سنه خير عليكم

 

[ملوكة الامورة]

غريبه ام خزززززززامااااااا
كلام اختهااااااااااااااا غريب
على وش فضحتيها
الحمدلله حاااااامل مو شي
اومصيبه
وهي الي جايه تسالك

 

[ملوكة الامورة]

وانتي بخير اخت خااالتهم
ويارب تقومين بالسلامة
ونفرح فيك وكل الحواملللللل

 

[انا رائعه]

ببجري الكل درا عشانه انه بجر



بس لو احمل الحين ماراح اعلم



عامل الناس مثل مايعاملونك

واحس ماله داعي اقول وابششر دامه مو بجر

واول وتالي الحافظ الله

+1:rerrerek:

 

[Om wldy]

أنا من ثاني شهر قات و عادي او احد يسألني سنو فيج بجاوب لان اللي كاتبه ربي بصير

 

[Ya7aLaTY]

انا بجر وقلت من اول شهر بس صراحه لاعت جبدي

كل شوي يقولون وين بطنج جنج مو حامل!!!!!!!!!!!!!!! مو انا معلمتكم مبجر شلون تبون يطلعلي بطن!!!


صراحه لا الي يقول مبجر مرتاح ولا الي يخش يرتاح لوول ابتلشنا

 

[اخت خالتهم]

البطن ريييض ماراح يبين الا بنص الخامس

 

[صبري نفذ]

انا حملت باول شهر من عرسي كنت مغسله من الدوره قبل العرس وبعدها ماشفتها
وحللت بعد موعدها ب 3 ايام وطلعت حامل وكنت توني عروس ماكملت شهر وزوجي علم امه واهله وانتشر الخبر
نفس اليوم اللي انتشر فيه الخبر كل من يدش علي مسرع مسرع مايمديج والله نفس اليوم المغرب ينزل مني دم ماتم 3 ايام نزل البيبي وللحين ماحملت صارلي 6 شهور بعد الاجهاض
قلت قصه حياتي بس الناس ماتذكر ربها وانا عن نفسي اخذت موقف ان شاء الله اذا حملت ماراح اعلم الا بعد مااتم شهرين او ثلاثه

 

[ذات الهمة العالية]

والله يا خالتهم اللى تفكر بالحسد تنحسد

وليش الوحدة تخش هذى سنة الحياة ياما ناس احملوا ويابوا

بس الحين الإجهاضات ترى مو من العين هذى من التغذية اللى ماخلت اجسام البنات مثل الحريم اللى قبل فتفكر عين

يا اختى انا اعرف اخت تخش عن اختها اللى مو متزوجة واكبر منها انها حامل وتدرى اختها من بره


وبعدين تحسبون الناس إذا فجأة درت انك حامل بالسابع ما تفز

نفس وحدة من انخطبت بنتها ما علمت احد وملجت يالله قالت للناس تخاف من العين يعنى الناس ما فزت نفوسهم شلون ملجت بالسرعة


والله الحافظ رب العالمين اعرف بنات يحللون ويتصلون يبشرون واللهم بارك اهم بعافية والبيبى وبعافية

استودعوا حمالكم الله واحسنوا الظن وترى حلو ادخال السرور على اللى يحبك

 

[حبيبي مالكني]

انا ماحب اخش موضوع الحمل
الحمدالله الناس شايفة خير واللحين العلاج تطور يعني محد بيحسد احد
وانا احب الدعاوي الي تنقالي لما ابشرهم اني حامل
وامي دايما تقول الي غباه مارباه

 

[popa]

انا اول حمل لي من اول يوم الخبر انتشر اشلون مادري
وكل اشويه حايشني نزيف عقبها اي حمله ماعلم الا ب3 او 4
اهلي بقولهم نفس الحزه عادي
اهل ريلي بقولهم الشهر 2 او 3
ورفيجاتي حيل بالشهر 2 و 3
الغرباء والملاقيف يشوفون بطني ويعرفون

 

[صعبه]

مو عن حسد او اي شي جذي

بس احنا مانقوول صاير الحمل بالخش والدس لوول استغفرالله

لامي وخواتي والباجي يشوفون بطني بيعرفون مب لازم انشر الخبر حتى اهل ريلي ماقلت لهم اذا سالوني بيعرفون

عموما اهم الحريم بس وحده تدري الخبر بـروحه بينتشر لوول

 

[ReD&FoSHia]

اعلم اهلي اللي اهم امي وابوي واخواني وخواتي .. وحمولتي عمي وخالتي وحمواتي وحمواني من اعرف التحليل ..
الباجين لا بعد الثالث

 

[@سيدة نفسي@]

شنو يعني :

من غبى ماربى؟!

يعني اللي مايغبون هم اللي بيربون عيالهم تربية سنعة والباجي لا

أنا أقول الناس شدخلها تعرف انا حامل ولامو حامل

خير عسى ماشر .. شكووو من أحلل أروح أبلغ أمة محمد اني

حامل !!

والناس شبيصير فيها ان غبيت عنهم خبر حملي ..بينقطع

رزقهم مثلاً ولا بينقص من عمرهم يوم؟!

وان دروا بحملي شبيستفيدون يعني؟!

مرد الناس بتدري اني حامل واللي يحبني بيفرحلي

واللي يكرهني بيدور مليون سبة عشان يزعل ويقاطع

والحمل أول وتالي فرحته وخيره وشره علي انا وزوجي

أما باجي الناس متفرجين لا أكثر ولا أقل .. البجر لها حق

تفرح وتفرح أهلها بالخبر بس أم العيال ماله داعي كل

ماحللت علمت العالم ترا والله الناس ماتعطي خيييييير