متى تعلمين انج حامل ؟ والسبب لان يمكن عبالنا الناس تحب الخش والدس تعالو

[فيلسوفة قلبي]

علمت أمي و خواتي ورفيجتي الحيييييييييييييييييييييييل مقربة من أول ما حللت

وريلي خبر أمه وأبوه من أول شهر و طلبنا منهم ما يعلمون أحد الأ من أخلص الثالث ..

وأكثر الناس للحين ما يدرون أني حامل لأن قليل جدا أشوفهم ...

 

[انصاريه قمره]

واما بنعمة ربك فحدث حتى القطوووه تحمل
شسالفه يا جمااااعه ؟؟؟ ارقوا نفسكم واجنتكم وتوكلوا على الله
انا عن نفسي ما اخش واعلم وزوجي استغفرالله عنده معتقدات مادري من وين يايبها لا تقولين ولا تعلمين
خير انشالله الله سبحانه الحاافظ
انا عن نفسي احب ابشر الناس واخليهم يشاركوني فرحتي وسوالف الخش والدس ما تمشي عندي ولا احبهااا

 

[الشيخه فطامي]

معروووووووف بعد الثالث تقولين يكون غدا شرج او ثبت البيبي

اول شهرين تحاليل او هرمون الحمل او نساه لوعه ترجيع كلا منسدحه مالج خلق او مثبتات

بعد الثالث عادي تقولين بس قبل بيقعدون يحسبولج شكو

واللي توها متزوجه عل قولتكم بيقولون مامداها

ربي يسهل علينا انشاء الله او يرزق كل محروكه ياكريم يارب

 

[cute808]

اول حمل لي .....علمت الوالده والوالد وخواتي فقط
وعلمت خالتي وبناتها وانا مع الخصوصيه خصوصا هالوقت ونستدل ً بنصيحة ((الرسول صلي الله وعليه وسلم
واستعينو علي حوائجكم بالكتمان))

اهل زوجي ماعلمتهم توني بداية حملي وتعبانه ?

 

[ام أسد]

انا اول ماحللت من الفرحة علمت امي واختي وبعدها بيومين علمت اهل ريلي وبعدها بفترة علمت الحبايب والله يتمم عليكم وعلينا يارب

 

[عاشقة هواك]

أنا أم ريلي ما قصرت علمت الكل وأنا للحين ما صار لي شهرين ورب الكعبة ما توقعت والحين مؤ قادرة امشي قاعدة على الفراش لا قادرة أصلي ولا شئ كل ما تكلمت وقلت حق ريلي قول حق أمك لا تعلم الكل الحين يزفني يقولي آكلي تبن صح عاد أكلت تبن عدل الله يهديهم ويعيين عليهم

 

[Aloe Vera]

عادي اقول اول ما اعرف
لاني اول و لا اخر وحدة تحمل

والله الحافظ

 

[حنووونه25]

انا احلل اليون باجر اقول ماادري مااعرف اخش
الي يسألني اقوله لان رقع مااترقع

 

[حنووونه25]

أنا أم ريلي ما قصرت علمت الكل وأنا للحين ما صار لي شهرين ورب الكعبة ما توقعت والحين مؤ قادرة امشي قاعدة على الفراش لا قادرة أصلي ولا شئ كل ما تكلمت وقلت حق ريلي قول حق أمك لا تعلم الكل الحين يزفني يقولي آكلي تبن صح عاد أكلت تبن عدل الله يهديهم ويعيين عليهم

عادي حبيبتي الشهور الاولى متعبه مالت النسات
انا اول حمالي كلا لايعه جبدي ومااشتهي الاوادم ولا اشتهي ريلي
على حسب ،، والتعب هذا دليل هرمون الحمل قوي عندج وانشالله الياهل ثابت

 

[tota77]

عاد خوش موضوع ..

انا اول ماحملت بلغت اهلي .. وشوي شوي انتشر الخبر بس الله ماكتب وطاح البيبي بعد 10 ايام من حللت ! ..

وبعدها على طول حملت .. بلغت خالتي وريلي .. وقالي بس قولي حق امي لاتحجين الحين لين يثبت ابطنج ..

ولمن اخته درن عصب علي ! عباله انا قايلتلها .. قلتله امك قالت مو انا ماتكلمت :/

بس بعد ماثبت البيبي وسمعت النبض بالشهر الثالث اهلي دروا .. وفي منهم بروحهم لمن شافوا بطني سألوني وقلتلهم اي ..

..


الحافظ الله بس هم الشهقه مو زينه ..

وانا خفت لان بعد ما اجهضت على طول حملت .. حتى لمن كنت اراجع السستر تقولي شلون انتي حاسبه غلط ماتعرفين :/ بطت جبدي قلتلها قولي ماشاءالله بعد ربي كاتب ..

حتى بهذي يفجون عيونهم وتتحلطم عالدكتوره جان اقولها يعني انزل الدوره غصب :/ ..!! اسكتوا وكملوا فحوصات


..

عسى الله يثبت حمل كل بنت .. وكل ام .. ويرزق المحروم ويعوض الي فقد ..

الله يرزقنا بالذريه الصالحه عافي متعافي كامل الخلقه والخلق ..

اللهم آمين يارب :**

 

[Miss Cherry]

يقولون اللي يخبي مايربي

خلي سالفة الرفيجات بس مو حلوه ماتدرين الا جك بووم وحده والده وهي من اهلج مابلغت حتى انها حامل ولا خشت عمرها من حملها

اوكي ماتبلغ اول شهر او شهرين بعدين خلاص مو سر و الطامة الكبرى وحده اعرفها تسألها مره كبيرة انتي حامل قالت لا وعقب 5 شهور ننصدم انها ولدت هههههههههه

 

[حياة ريلي]

انا نفس اليوم احلل الكل يدري بس مو انا ادقدق و اقول لا بس اقول حق امي و بزوارة حمولتي ريلي يقول للكل و الحمد لله ما صار شي
و الجنس هم اعلم ما اخش ابد
و هالحمال دريت توم ريلي قالي لا تقولين توم كان خايف بس انا ما سكت قلت للكل و الحين انا بالثامن و ان شاء الله ماكو الا الخير
العين حق صح بس مو كل شي يصير بالحمال نتيجة العين
مرة من كل خمس حوامل تجهض هذا المعدل الطبيعي فمو كل اجهاض معناته عين

 

[yasmeen_q8]

باول حمل قلت اول ما حللت للكل اني حامل ... هالمره عادي اللي كلمني حزت التحليل بشرته واللي ما ادري عنهم او ما صدف اني كلمتهم ما قتلهم دروا توه من الانستغرام

 

[مريوم الامورة]

انا اول حمل علمت الكل وعلمتهم ان ولد ومالله اراد له الحياه الله يعوضني
حملي هذا توني ماسمعت حتى النبض خل اتاكد ان كل شي تمام تالي يصير خير لان معاي افرازات بنيه

 

[Capsopen]

انا عن نفسي كلله مريضه و نايمه
و لو يفقدوني الحموله فا مريضه
المشكله مو اهني .. المشكله في الرجال ! يا ويليييي ذابحني لازم اعلم لازم اعلم
فا بالاول نستخدم اسلوب الله خير حافظا و نعلم الخط الاول امي و امه فقط! و ندخل عليهم بباب العين حق و جذيه
و نسكت ان شالله لي سمعت النبض و كبر بطني بعلم و للقراب فقط
و شيبوووووووون النااس ! افففففففففففف

 

[مــتــنــحــة]

اب


اب


اب

 

[حكآية قلب]

انا حملي الاول كنت عروس وماعلمت الا نهاية الثالث بمناسبة اجتماعية شافو كروشتي

وثبتت الرؤية لووووووووول

طبعا حسبولي من يومي و الحين اعالج

 

[نورة حسام 2]

انا من حملت اقول يعني حملت مرتين وقلت على لكن الله الحافط والحذر زين

 

[أشبـاهـ المطـر]

الي بيسال بقوله اما اني امشي وابشر ماله داعي
وانا ماحب اسال ابدا لا اسال عن الحمل ولا عن النوع هالشي
خاص فيهم وفوق هذا بصراحه ماهموني حتى خواتي الشي لنفسهم
انا تهمني سلامتهم وان ربي يهون عليهم

بعدين ياجماعه بخصوص مساله العين العين حق والعين ماتصيب الا باذن الله
ولاحد يقول فيني عين ومادري شنو العين مو شي سهل العين ممكن تخليج تنامين بقبر
الموضوع مو هين استغفر الله اعرف حريم موسوسين بالعين ياربي ترا في حل في ذكر في تحصين

الله المستعان

 

[قلب الزعابي]

انا بحملي الأول والثاني من أحلل الكل يدري
ماحب الخش ةالدس
دامني أرقي عمري والجنين ومحافظه على الأذكار ماخاف من العين
والإجهاض يمكن سبحان الله يكون فيه سبب مثل تشوهات أو يمكن من العين لان سبحان الله فيه ناس عافانا الله من يدرون حرمه حامل قالو بل متى
عني اناىمااخاف وإيماني بالله قوي
والله استغرب من حريم والله والله بطونهم لين حلجهم ويننننننننعرف أنها حامل عنبوه نحن مب بقر ويوم تسألها تقول لا وين مب حامل
مادري حامل بالحرام استغفر الله
قل لن يصيبنا إلا ماكتبه الله لنا والنعم بالله

والحمدلله