متى تعلمين انج حامل ؟ والسبب لان يمكن عبالنا الناس تحب الخش والدس تعالو

[شيخه عرب]

يعطيج العافيه ...

والله انا عندي قناعه ان العين والنفس تصيب لو واصله التاسع ما ادري منو حدد هالثلاث اشهر ان قبلها ننحسد وعقبها لا..الله الحافظ...

 

[الـــغـــلآ]

اناا بحملي الاول طيحت ع طول من علمت و كنت حامل و لي جم شهر متزوجه
و حملي هذا الحينداخله الثالث لي اسبوع و محد يدري الا الاهل القراب اللي دايما نصادفهم ومو اي احد بعد بس الغالين اللي يستاهلون

 

[اخت خالتهم]

حياكم الله واكيد الوحده ماتمشي وتقول
انا حامل بس قصدي لما يسئلون

 

[pearl84]

الصراحه حبيت موضوعج... لان انا نوعي من احلل الكل يدري .... والحمدالله اموري طيبه وبخير وعندي ولد وبنت ...... وبعد ماكملت بنتي سنه ونص حملت والكل قامو يحنون ليش حامل وبنتج توها صغيره ومن هالسوالف المليقه لحد مانزل علي ماي بشهري السادس ودخلوني المستشفه وظليت شهر ونص وبعدها ولدت باول السابع وحطوا ولدي بالشيشه بس عطاج عمره .... حسيت من الحنه مات ولدي .... والحين انا من اسبوعين محلله اني حامل بس هالمره ماقلت حق احد بس امي وخواتي وخالتي ام ريلي وقتلهم لاتقولون لمه يطلع بطني.......... صارت فيني رده فعل سلبيه .....

والله يتمم عليج على خير حبيبتي ويثبت اللي برحمي ​

 

[Ms.lool]

انا بس الاهل واللي يعزون علي موملزومه اقعد اشهر بعمري مردهم بيدرون
بس خاصة اول الاشهر الوحده تكتم اولا عن العين خاصة اذا كانت توها عروس
ثانيا عشان تتطمن ع نبض وثبات البيبي
صج مرات تنبط جبدي لمايصير في تسريب خبر خخخخ بس شتسوين بعد مابتقولين حق الناس سكتو

 

[Ms.lool]

واحيانا موبيدج تخشين اذا كانت نساتج تبين علليج .. والله يعيننا

 

[m'3rOoOra]

انا ان حملت ماراح اعلم احد بسكت لان راح يكون 4 فماله داعي اعلم بسكت وان احد سالني بقول اي احس السالفه مالها داعي تعلمين احد كل وحده عندها كوده يهال ان درت ولا مادرت شنو بتسوي يعني

 

[soft.eye]

انا علمت امي وخواتي ويدتي وخالاتي وعمي ابو ريلي وخالتي وحمواتي بس اما باجي اهلي ورفيجاتي ان شاء الله بعرفون اذا دشذيت الثالث والبيبي سليم ان شاء الله وادعولي الله يثبت حملي وافرح فيه ويرزق كل محرومه ان شاء الله

 

[كويتيه مذهله 87]

مثل عذرج لمن سمعت نبضه قلت للكل

 

[Sugar cube]

الله خير حافظ

ترا مو شرط اذا طاح الجنين او صار فيه شي من العين

خيره و كتبه الله

انا من احمل اعلم امي و اختي و حماتي ريلي يقول حق خالتي

و اللي يعز علي ما اخش اقول و اي احد يسال عادي اقول ما اخش

و ينتشر الخبر عادي

و الحمدلله يفرحولي مثل ما انا افرح لهم

يمكن لان مو من عوايد لا اهلي و لا اهل ريلي الخش و الدس فعندي الموضوع عادي

و اقول حق رفيجاتي اللي يعزون علي طبعا و ينتشر الخبر

و اذا الله كاتب تحوشني عين بتحوشني بالشهر الاول و لا التاسع ما راح تفرق


الله يتمم علي و عليج و على كل حامل يا رب
و يرزقنا الطفل السليم المعافى الصالح

 

[مآيكبرني نك]

آنآ من النوع آللي مآخذ سآلفة العين والحسد بجدية يعني عآدي


صح حق بس مآعندي فوبيآ وخوف منهآ لكن ,




يوم خبرت آني حآمل وآجهضت ! هنيه حررمت مرة ثآنية آخبر حد لين مآسمع نبضه ع الآقل ،

وربي يتمم للحوآمل ويرزق اللي ف خآطرهآ الحمل

 

[مهايا]

صراحه من ناحيتي يقرصني لساني ودي اعلم هههههه
بس امي وام زوجي ماسكيني يحلفوني ما اعلم هههههه وعلمتهم بالرابع صراحه
بس انا مع مو ضد ان نكتم لين نخلص الثالث
والله فيه ناس ماتخاف ربها

شكرا خوخه ع الموضوع ^_^

 

[كويتية بروما]

سوفت اي

يحليلج ما خليت احد ما قلتي له

ما كملتي اربعين يوم حمل

الله يثبت لج حملج يارب

 

[الوفا غلطه]

السلام عليكم
انا أقول كل واحد وظروفه
فعلا يمكن الناس عندها أسباب أنها تخفي مثل هالخبر
الله يرزق الجميع

 

[كيوت قطر]

أنا علمت أمي وريلي علم عمي وخالتي
وو ورفيجاتي اللي قراب مني لان هم اللي يفرحون فيني
والباقي اذا سألوني اقول لهم اي وحتى أمي
بس أنا ما اعلم وانا اللحين في ثالث

يأرب ثبت لي حملنا

 

[لولي غلاي]

انا علمت الكل بحمالي الاول لاني فرحانه، بحمالي الثاني نطرت شهرين
وحمالي الثالث نطرت اربع شهور ، خجوله استحي اقول حق احد اني حامل 

 

[ملوكة الامورة]

انا ماعلم ولااحد درا
الا بالرابع
حتا زوجي لما قلتله علم امك
قال لا اصبري شوي
بس انا عادي يدرون

 

[Perfume]

انا مثل كيوت قطر
علمت القراب مني
واللي يشكون اني حامل لاني كنت اتنسى وتعبانة
اذا سألوني اقولهم اي ماحب اجذب
بس ما اشره على اللي ماتقول لي
كل واحد حر بنفسه
وكل وحدة لها اسبابها

 

[Umzayooon]

انا نساتي تفضحني من ادش الشهر الثالث تتسلط المناسبات
وماروح والكل يسال واقول حامل
فدايما الناس كلها تدري من يصيررلي شهرين
اما امي وابوي وخالتي ام زوجي اول مااحلل يدرون
وربي يثبت حمالها ويرزقنا الصحه والعافيه


بس العين حق صراحه
بس احس اللي تعلم بالخامس او السادس جنه وايد متاخر
احس فيها فزت قلب اكثر اليوم يدرون انج حامل بعد ثلاث شهور تولدين

وكل وحده علي نفسيتها اهيا وراحتها
والناس اتعرف اللي جدامها منو اذا شخص ينقاله اتقول واذا
من النوع الحسود او قلبه فزاز لا والله ماقوله

 

[تبيني آرضى عليك]

الله يتمم عليج