متى تخلون بنتكم تصبغ شعرها ؟

[زهرااا]

السلام بنات
ابي اسألكم شنو العمر اللي مسموح لبنتكم انها تصبغ شعرها ؟
بنتي جننتني يا ناس

 

[ام عفاف الكويت]

بالنسبه لامي لانه عيالي صغار
ماتخلي الا لما البنت تتخرج من الثانويه
وهمن بعد ماترضى من وراها هههههههههههه
بس الحين الزمن هذا انا اشوف من تاسع يعني اولى ثانوي
قامووووو يصبغون


الله يخليها لج حاولي تقنعينها ان مو بخاطرج

 

[زهرااا]

اخخ تعبتني والله
مشكوره حبيبتي على المرور

 

[Un-6be3iya]

لووول بهالزمن حتى اليهال قامو يصبغوون عادي بس انتي استغلي هالشي بـ شهادتها ماباقي شي ويخلص الكورس قوليلها ييبي شهادة حلوة و لج الي تبينه لكن اذا الشهادة ما عجبتني ماكو
انا صبغت لما كآن عمري 14 سنة تقريبـًـا p:
انا اصغر وحدة من بنات عمي و كان عرس عمي قريب وكلهم صبغو بيني وبين اصغرهم سنتين تقريبـًـا فـ حنيت على امي ليما صبغت p;
بس صبغت لون بني شوكولآآته لون طبييعي يعني مو اشقر و سوااالف
بعدين الحين لما كبرنا قمنآ نصبغ اشقر ونسوي هاي لايت عشتو لووول
و اختي الصغيرة الحين بتكمل 12 سنة
حنت تبي هدية عيدميلادها خصلتين شقر ههههههههه تخيلي خصلتين بس و امي ما ردتها

 

[~{GooShTa}~]

امي عندها لما البنت تتزوج تصبغ شعرها .. و يوم تزوجت ريلي ما رضى

 

[3so0ola_94]

الحين بهالوقت من المتوسط قاموا يصبغون بس انا عندي الأحسن انها تتخرج من الثنوي بعدين كيفها

 

[Winter Q8]

بعد الثانوي ..
و بالنسبة لي ما فكرت للحين أصبغ مع أن عمري فوق الـ 20 ..

 

[bint_looda]

انا صبغت شعري صبغ الجمعيه ( الي مايخرب الشعر لانه مو اشقر ولا فيه اكسجين ) لمن كنت برابعه ثنوي وكانت اول مره واخر مره هههههههههههه

بس صدقيني الصبغ يسرع الشيب .... وان ان كان اشقر بعد اووو يخرب الشعر واذا ماختربت طبيعه الشعره تشوفينه عالاقل خف !

 

[\/حزن الأمآكن\/]

انا ابي اصبغ شعري بس امي مو راضيه لان راح يخرب شعري ومادري شنو
انا نوعا ما مقتنعه بس بعدين ان شاء الله راح اصبغه
وعمري 18 وعند امي صغيرااا والصبغ حركات الحريم خخخخخخخخخخخخ

 

[ملآمح يوسفية]

بيتنا ممنوع نحوورف في شعورنا لا قص ولا صبغ ..

بس مره لما كان عمري 13 .. امي كانت تصبغ شعرها وحنيييت عليها ابي اصبغ
صبغوا لي خصله وحده شقرا قصوا علي هههههههه

 

[* ليــــدي *]

بالثانويه لان تكبر البنت وتبدي تهتم بنفسها يعني عمرها 14 سنه وفوق

 

[ScarletteO'Hara]

ممكن بنت بالثانوية
بالله ياهل بالمتوسط شحقة تصبغ شعرها؟؟
خل تخلي شي لما تكبر
مو تصبغ و تحف و تتمكيج من اهي ياهل الصراحة حلو ان الوحدة تعيش طفولتها
لاحقة على خراب الشعر

بس تعالي بنتج جم عمرها؟؟؟

 

[sweet cake]

عمري 21 وللحين ما صبغت >> خايفه يخرب شعري

بس خليها لما توصل لـ آخر مرحله بالثانوي او لما تتخرج..
لا تقول لج فلانه صبغت وفلانه سوت.. قولي انا مو امهم انا امج انتي وكلمتي عليج انتي..
اشوف البنات بالمتوسط والثانوي يصبغون .. ما حبيت اشكالهم بس اذا كلش كلش تصبغه بني او كستنائي طبيعي مو اشقر وحركات ومادري ايش..

والله بنات هالوقت مادري شخلوا لنفوسهم.. من الحين كل شي سووه .. باجر اذا كبروا يبون يفتحون لهم فتحه بسرهم >> لا تستغربون جيل هالوقت يسوونها :q

 

[لبلبة]

انا امي الله يرحمها ما خلتني اصبغ شعري الا يوم كملت 21 سنة
وحددددددددددددددددي متحسفه اني صبغته
احس صبغ الشعر مناسب بس حق الي اعمارهم فوق الاربعين

 

[tmtmt]

لما تتزوج

 

[زهرااا]

بنتي الحين عمرها 16
برايكم عادي اخليها تصبغ ؟ اهيا بالصف العاشر

 

[[[ عيون جابر ]]]

بالنسبه لي ماحب البنت تصبغ شعرها الا عقب الزواج
بس عادي من عمر 17 وفوق ممكن تصبغ

 

[ملآمح يوسفية]

مادري بس احس الصبغ يخلي البنت كــانه يصير شكلها اكبر من عمرهاا

ويدمر الشعر

 

[Ya7aLaTY]

امي خلتني اصبغ لمن صرت 17 ^_^

 

[طال الهجر]

انا عمري 17 وقاعده اصبغ وعادي بس

شنو انا شعري الصجي <<لا والله المصبوغ شنو ..هع

اسووود وناااااااعم وناويه اخلي الصبغه تنزل وبوقف صبغ
واذا تبي استغليها بشهادتها وقوليلها

لي جبتي النتيجه اللي تعجبني اسويلج اللي تبينه
واذا لأ ما تشوفين الصبغ وبــــــس
وحلاته اصبغيلها قبل العيد منها فرحه ومنها تغيير نيو لوك

واتمنى اني افدتج والله يخليج لج بنتج ويجعلها من ذريتج الصالحه ....اللهم امين