متى تخلون بنتكم تصبغ شعرها ؟

[مهايه]

انا راي لما تخلص الثانويه انا بعد امي ما كانت تخليني اصبغ صبغت لما عمري كان عشرين بس لاني تزوجت

 

[خليفة العظماء]

والله أنا توني ,, بس أنا ماراح أخلي بناتي يصبغون شعرهم ألى بعد الزواج كيفهم نشاء الله

 

[اميره1980]

حبيبتى على حسب عمر بنتج اذا كبيره عادي بس اذا طفلة تقدرين تحطين لها خصل خفيفة ناعمة

 

[PinKiSHo]

عاااااادي خليها تصبغ لا تخلينها بخاطرها

انا اول صبغه كانت سان ان وكان عمري تقريبا 14 والصبغه تينن تبين طبيعي كانت جذي وصبغته اشقر وهاي لايت والحين صابغته بني يبه عادي خليها تعيش حياتها لاتحرمينها ترى العمر واحد

واختي توها كامله 16 وصابغه شعرها خصل اشقرر رووعه امي ماخلته بخاطرها تقول خليها تستانس شعرها واهي حره فيه

وبعدين ترى جيلنا احنا الحين غير عن جيل التسعينات والثمانينات الحين الدنيا تطورت وكل شي صار عادي يعني موشي غريب ان وحده بعمر الـ 16 صابغه شعرها يعني قبل كان عيب البنت تروح المدرسه اما الحين عيب انها ماتروح المدرسه ووايد اشياء قبل كانت عيب والحين عادي واشياء كانت عادي وصارت عيب نفس موضه الميني جوب والمايكروجوب

والي يقولون ماراح نخلي بناتنا يضبغون إلا بعد الزواج اقولهم ماعتقد لان الزمان تغير ومني لين بناتكم يكبرون كل شي راح يكوون عادي والواحد لازم يواكب الزمن الي عايش فيه مويعيش بعصر اجداده !!

 

[ملح بدويه]

انا افضل لما تتخرج من الثانويه وتكون على وجهه زواج

 

[Stylista_Q8]

والله اللي قاعد نشوفه مهزله الصراحه مري مدرسه متوسطه وشوفي اشكال البنات من صبغ<الوان فاقعه> لجواجب ستريت
والابتدائي بادين من رابعه ع الخفيف خصله ولا خصلتين
بس اشكالهم لااااااااااااتعليق ماكو براءه كلش
انا ماصبغت الا بعد الثانوي وكان بني فاتح
وحلات البنت بنعومتها وبرائتها موجنها ام عيال كل يوم لون
بنتج صغيره ع الصبغ
واذا الحين صبغت بني لي صارت 18 تبي اشقر
اذا كلش بخاطرها وما اقتنعت حطيلها حنه ونسكافيه اوكركديه حسب اللون اللي تبي
طبيعي ومفيد ومايطلع اوفر اللون

عدل كلامهاا

شخلوا حق الكبار

والبنات ماقالوا بس المتزوجات يهتموون بروحهم !! بس على الاقل تكون بسن زواج هذا المقصوود
بس عاد شيفهم بعض البنات @@

16 وااااايد صغيره ! على الاقل نطريها لين تتخرج يمكن تغير راايها

والصبغ صج مو لعبه بسرررعه يخرب الشعر "لا تقولون لا"

 

[قمـــر الزمــان]

لا احنا بكل جماعتنا معروووف البنت ما تصبغ الا لما تتزوج

 

[^ليلاس^]

عمرها زين للصبغ

 

[^^نـــواره^^]

احنا عندنا البنت ما تصبغ الا لما تتزوج

 

[السمرة~القمرة]

رايي الشخصي
ماحب منظر البنت بصبغ الشعررررررر وfull make up
احس مافيها براءة وتطلع اكبر من عمرها
وافضل البنت تصبغ لي تخرجت من الثانوية
لاااااااااااااااااااا والوان طبيعية بني كستنائي شوكلاته
كهدية لها وايحاء لها انها كبرت
والافضل الافضل تصبغ لي تزوجت عشان منظرها يتغير على الناس وتحسين فيها زهوة
وباللون الي تبي

الله يستر على بنتي مادري بزمنها شبيصير
الله يهديها يارب ويسخرلج بنيتج

 

[لووكي]

من المتوسط عادي

 

[ام حمنو]

شفيها الحنه حلوه ومفيده للشعر حسافه من الحين صبغ حلاته بعد الزواج لان كله مواد كيماويه تحرق الشعر وتخليه يصير خشن هذا غير ان يطلع الشيب بسرعه والحين حتى الحنه في منها الوان وذا ماتحب ريحتها مثل بنتي حطي لها المعطره

 

[ga6wa90]

اممممم بالنسبه حق عمرها ما تصلح لها الصبغات الفاتحه مثل الاشقر ودرجاته حرام توها صغيره

بس ما فيها شي اذا صبغت صبغه هاديه منها ان تناسب عمرها وبنفس الوقت ما تأذي شعرها

 

[حروف من ذهب*]

بنسبه لي ما ارضى اصبغ شعرها لما تتزوج احسن لها عشان شعرها ما يتنتف
وهذا رايي

 

[حكاية روحي]

ماشالله شكلها تحب التغيير بس اتوقع اذا هي بعاشر خليها تصبغ بس احسن تقوليلها ان ياحلو البنت وهي طبيعيه قوليلها شكلها يطلع بنوته وطبيعي احلى من الصبغه وفهميها ان البنت الطبيعيه من ناحية الشكل احسن من كانها بنت كبيره انا ماايد البنت الصغير تصبغ شعرها الا من 17 وفوق احسن فهميها انه مو حلو التحورف الا على الكبار للتغيير فقط

 

[أمواج^الكويت]

رد : متى تخلون بنتكم تصبغ شعرها ؟

أنا أذكر أول مره حورفت بشعري كان عمري 17 سنة وكنت أحط أيامها الــ sun in تذكرونه اللي في منه على برتقالي وأصفر وأحمر .. كنت كل ما آخذ شاور وشعري مبلل أرش منهم وكان معطي لون ولمعة حلوه حق شعري .. بس بعد ما تزوجت بديت أصبغ لون واحد وشوي وشوي قمت أشقر وهايلات وخصل وحركات ..

أحلى سن لصبغ الشعر بعد ما تتخرج البنت من الثانوية ويكون لون واحد ودرجات البني الهادية وعقب الزواج تبدي تحط هايلات وتسوي اللي بخاطرها ​