متى اتزوج و متة اتزوج و الزواج و الزواج و الريال والريال بس عاد عيشو حياتكم شالمجتمع!

[ترانيم القصيم]

تدرين ليـه ؟

لأن المجتمع ما يرحم ,, فيه ناس ما عندها أدب ما عندها تهذيب

كل ما شافت بنت في سن زواج قامت تسألها , هاهـ يا فلانة ما انخطبتِ ؟ ما جاك أحد ؟

و ينظرون لها نظرات شفقة يااااي مسكيـنة لاااا حررراااااام ,, الله يرزقك بالزوج الصالح << تقولها و هي ودها تبكي عليك !

يخلونك تشكّين بنفسك غصب إنك عانس ,,

الله يهدي الكل و الجميع ,

نسأل الله جلّ في علاهـ أن يرزق جميع الأخوات المسلمات أزواجًا صالحين

احترامي و تقديري

ترانيم القصيم

 

[ترانيم القصيم]

الزواج سنة الحياة ، وحلو الانسان يفتح بيت وإييب ياهل ويتحمل المسؤولية بكل ما تعنيه هالكلمة

كلنا فينا غريزة حب الطرف الآخر والأمومة

لكن اذا البنت أو الولد حطوا في بالهم الزواج كهروب من المشاكل أو لمجرد إسم "متزوج ، متزوجة" بهالحالة غلط ولازم يعيدون الفكر وتتوسع نظرتهم للزواج..

الزواج حياة مختلفة مسؤولية التزامات حقوق واجبات ..الخ

البنات اللي يلبحون يبون الزواج ويحنون انا متأكدة نصهم متأثرين باللي حولهم من اللي اسبقوهم

تشوف غيرها أصغر منها تزوجت ويابت ياهل واثنين ، تبدي تحاتي وتخاف ويصير الزواج هاجس ما يفارقها

وفي بنات الله يهديهم من يتزوجون يبدون ينغزون رفيجاتهم اللي ما تزوجوا أو بين فترة والثانية تسأل مانخطبتي؟ يلا متى دورج!

ميخالف انتي تزوجتي الله يوفقج ويهنيج بس ما يعني صديقتج تتزوج بعدج على طول ، يمكن رب العالمين كاتب لها الزواج بعد 10 سنين

وحتى الحريم الكبار الحين من يشوفون بنت مو متزوجة قاموا يدعون لها بالزوج الصالح وجدام الكل وبصوت عالي ، يزاكم الله خير وبارك الله فيكم بس لا تصير الدعوة بالجهر كأنه مافي دعاء الا هالدعاء ، انا امنيتي وحده لا شافتني تدعيلي براحة القلب والبال والله يثبتني على طاعته ويرزقني من حيث لا أحتسب ، قليل نسمع هالدعاوي للبنات..

صبروا وتوكلوا على الله وعيشوا يومكم لا تفكرون ليش ومتى اييني نصيبي

ادعوا الله سبحانه يرزقكم على نياتكم ويريح بالكم

:ggdw::ggdw::ggdw:

بارك الله فيك حبيبة قلبي ^_^

 

[نفـــائس]

اي ولله صاجه ميتين علي العرس يحسبونه طلاعات وسفرات وناسه

ولله كل اللي نزوجو قالو يليتنا ماتزوجنا ولا اخرنا زواجنا لاحقين ع الغثا

ربي يوفق المتزوجه
ويعرس اللي تبي تعرس

 

[law love]

لانه العنوسه زادت

فالبنات صار عندهم قلق من هالشي

و لا تلومينهم

انا ما اقول اخلونه شغلهم الشاغل الحياة ماشيه بزوج او بدونه لكن البنت لا شعوريا ينكسر خاطرها اذا حست انه ماكو خطاطيب او انه اللي حواليها مرغوبين اكثر


لكن كله نضيب من الله


و الله يرزق كل بنات المنتدى النصيب الصالح و يوفقج و تكونين احلى عروس

 

[اخت خالتهم]

ما شاءالله على بناتنا الأدب والثقافـة والكلام الحلـو
هذول البنات اللي ينحطـون على الجـرح يبـرى

والأغلب كـان متفق بنقطـه إن الدنيـا اللحين تغيرت
يعني في تأثير من برا مو منـا احنا
تأثير من الاعلام نفسـه

الريـال صار يبي يجـرب .. و يبي مثل اللي يشـوفه
يسمع ان الكويتيات مو حلوين ومن هالكلام
يدور من برا

بس البنت خاصه العوايل اللي ينخطب منهم وايد المفروض ما تحاتي
لان لو حاتت وفكرت او ما فكرت
ماردها نصيبها بياخذها من باب بيتهم

و مشكورين على الكلام الحلو والردود الراقيه
والدعاوي الحلوه

 

[مارياq8]

الزواج سنة الحياه وكلنا نبيبه وندعي الله انه يرزقنا بالزوج الصالح اللي اتمناه
بس موهمي بالدنيا
يعني تزوجت والا ما تزوجت هذي قسمتي وراح ارضى فيه لاني ادري انه خير لي

والله يعطينا اللي نبيه

 

[kuwait_queen82]

السبب اهو المجتمع الذكوري +العادات و التربية ,,,
لما تقعدين بـ الزوارة و مناسبة و لا استقبال تلقين انه الخبر المهم اللي يصير اهو انه فلانة ملجت او تزوجت ,, عندهم هذا انجااااااااااااز يعني صادت لها ريال ! ,, يعني مو قسمه و نصيب !! و اي شي ثاني اتسويه المرة مو مهم بحياتها كثر الزواج ,, يعني اشتغلت و لا ادرست و لا ان شالله خذت جائزة نوبل عاادي كل البنات يقدرون يسوون هالشي لكن غميضة مو لاقيتلها ريل ! و اي مسكينة دام ما عندها ريل خل اتفرغ حرتها بالشغل و الدراسة ! ,,,, فـ اهني تلقين في تعظيم للزواج و تحقير للبنية المو متزوجة يعني ليش للحين ما تزوجت حالها حال غيرها اكيد معيوبة ! و اهني البيئة اتحسس البنية بالنقص ,,


غير سالفة اتشدد الاهل على بناتهم ,, ما تسوين هالشي الا لما تتزوجين بعدها انتي و ريلج كيفج ,,, فـ البنت اتفكر اهني ترسم للزواج صورة وردية و فرصة اتحررها من قيودها الاسرية ,,, و اهني ننتقل للنظرة الذكورية ,, بالاسلام الزواج اهو نص الدين للمرة و الريال يعني شي اساسي لهم عشان يعفون نفسهم و يفرغون فيه مشاعرهم ,,و زمنا هذا في مغريات للمرة و الريال ,, انقول المرة تقدر ثقة اهلها فيها و تعف روحها و تصبر لي ايي نصيبها ,, لكن المجتمع الذكوري يرفع هـ الشي عن الريال حتى لو كان مخالف للدين ,, تلقين الريال يغازل و يخربط و يكلم بنات و يقيم علاقات و متى ما اشبع فكر بالزواج حتى لو كان عمره 50 و المجتمع بـ يدافع عنه انه شايل عيبه ؟ ,,, فـ شنو يبي بـ الزواج اذا يقدر يسوي كل شي في باله ؟ خلاص صار مثل الكماليات بالنسبة له ,,,

انا ما اقول حللو للبنات نفس ما اتحللون للشباب ,, لكن اطلب انه ما يكون فيه تحامل كبير عـ البنية لـصالح الصبي,,, لانه مجتمعنا حيل شاااااااد عـ البنية و حيل راخي عـ الصبيان ,,

:eh_s(15):

 

[اخت خالتهم]

حياكم الله .. ~

 

[زهراء 24]

عدل كلامج انا بعد لاحظت هالشي لمه كنت بالكليه​

ان الوحده من تتخرج من الثانويه وتتدخل الكليه تبي تتزوج ​

وكل السوالف تكون عن الزواج والخطاطيب​

وتقعد تلطم حظها وتحس نفسها عنست واهي للحين ما كملت 18​

يعني عمرج 18 انتي وين والعنوسه وين عيل احنا ب24 وماتزوجنا شنقول​

واذا شافو وحده اخر سنه بالكليه وللحين ماتزوجت يستلمون الوحده بالتعليقات والنغزات اللي ماتخلص​

 

[*حبيبة جراح*]

اي والله صااااااااااااااجين
والله كله بسبة المجتمع المعقد اللي احنا فيه
اللي تتزوج حسبالها انها سوت انجاااز وملكت الكون ماتدري انها مثل ماتزوجت بيوم وليلة تتطلق بيوم وليلة
ودااايما يحسسونا انه حياتنا ماراح تكتمل الا اذا تزوجنا انزين ليييش
وبعدين احنا شنو بيدنا يعني نروح نخطب الرياييل مثلا !!\
والحين الزمن واايد تغير الشباب كللل شي عندهم كل شي يقدرون يسوونه يعني بالذمة ليش يتزوجون حق المغثة والمصاريف الزايدة وبس !!!
واحنا ليش حياتنا تووقف لما ايينا ريال يتكرم علينا ويفكر بالزواج يالله تمشي حياتي ليش الحمدلله عايشين احسن عيشة موظفة ومرتاحة وبالي مو مشغول بالهم والمشاكل والزواج مووو كل شي بالحياة عاااادي هذا نصيب اذا يااا الحمدلله واذا مايااا هم الحمدلله وبنعيش حياتنا احلى عيييشة بدون ريال لأنه الريال مو كل شي بالحياة ومع الأيام بصراحة صار حتى ولاااا شي بالحياة صار نغغغغمة مو نعمة ​

 

[عرش الأنوثه]

للاسف هذا كله بسبب مجتمعنا واعتقاداته الغريبه . ولا بناتنا قبل ما يفكرون جذي . انا طفارتي ومينوني لمن اقعد بزوارة اهلي ما عندهم غير سالفة فلانه تزوجت وفلانه مهرها 11000 وفلانه تطلقت . انزين وبعدين !! خلصت السوالف يعني :rgewrg: !!

:eh_s(15)::eh_s(15)::eh_s(15):نفس الحاله

 

[miss swan]

بصراحه الزواج بسن صغير اييب الهم والكدر شحقه لاحقه على زواج​

 

[كتكات احمر]

انا من ناحيتي اتمنى الزواج
تدرين ليش.؟
لاني وحيده
اخواني كلهم متزوجين
خواتي نفس الشي
امي وابوي الله يحفظهم يارب
كبار بالسن
فا انا اتمنى الزواجمو عشان ميته عليه لا انا توني صغيره بس الظروف حدتني على هالشي اني افكر بالزواج واحن عليه
وعشان كله بروحي
كل شي بروحي
اذا مرضت بروحي محد يدري عني
اذا مشكله بروحي محد يدري عني
اضحك استانس ابكي احزن محد يدري عني
فا احسن حل الزواج بالنسبة لي والله يرزقني يارب:yaaaaaarb:
ونفس الوقت اقول كل شي بالدنيا قسمة ونصيب
وانا ناطرة نصيبي يجي
والدنيا ما وقفت على زوج
لا
كاني متوظفه
ودارسة
واروح واجي وعادي عيشة حياتي
والحمدلله

:eh_s(9)::eh_s(9)::eh_s(9):

 

[الحلللوه]

والله سنه الحيااه الزواااج بس صاادقين البنات مرره مسعوورين عالزواج والمشكله لاعندها تحمل مسؤوليه ولاتعرف الطبااخ اصلا ولاعلى كذا تسمعين هوشاتها في البيت مع اخوانها على التحدي وطوله لساان اجل كييف زوجها تقوول خلي يولي مويمشيني على مزااجه ... صديقتي بتتزوج نهايه هالشهر اول حاجه يسوونها اذا شافووها يكشوون على وجييههم ويقولون مالت علينا ماحد طل بوجيهنا<<<حسد ياارب تكفينا واللي يقولون توج صغييره وهم نفسهم يتزجوون قبلها هي عمرها 

 

[كراميلا مرة]

اولا هذي سنة الحياه
ثانيا البنت تحن على الزواج من المجتمع لانه اهو يحسسها ناقصه اوانها بدون اهميه
ا1ا مو متزوجه مثلا عندنا احنا مجموعة بنات ولا نجلس بالزواره وجينا ولا ماجينا ماحد يسال
ومن تنخطب وحده الكل قام يسال عنها ويرحب فيها
انا اللي قاهرني انهم من يشفون وحده عمرها 18 بدت الاسئله انخطبتي ماتزوجتي ليش
هذا اللي يبط الجبد

 

[كتكوته غنوجه]

السبب اهو المجتمع الذكوري +العادات و التربية ,,,
لما تقعدين بـ الزوارة و مناسبة و لا استقبال تلقين انه الخبر المهم اللي يصير اهو انه فلانة ملجت او تزوجت ,, عندهم هذا انجااااااااااااز يعني صادت لها ريال ! ,, يعني مو قسمه و نصيب !! و اي شي ثاني اتسويه المرة مو مهم بحياتها كثر الزواج ,, يعني اشتغلت و لا ادرست و لا ان شالله خذت جائزة نوبل عاادي كل البنات يقدرون يسوون هالشي لكن غميضة مو لاقيتلها ريل ! و اي مسكينة دام ما عندها ريل خل اتفرغ حرتها بالشغل و الدراسة ! ,,,, فـ اهني تلقين في تعظيم للزواج و تحقير للبنية المو متزوجة يعني ليش للحين ما تزوجت حالها حال غيرها اكيد معيوبة ! و اهني البيئة اتحسس البنية بالنقص ,,


غير سالفة اتشدد الاهل على بناتهم ,, ما تسوين هالشي الا لما تتزوجين بعدها انتي و ريلج كيفج ,,, فـ البنت اتفكر اهني ترسم للزواج صورة وردية و فرصة اتحررها من قيودها الاسرية ,,, و اهني ننتقل للنظرة الذكورية ,, بالاسلام الزواج اهو نص الدين للمرة و الريال يعني شي اساسي لهم عشان يعفون نفسهم و يفرغون فيه مشاعرهم ,,و زمنا هذا في مغريات للمرة و الريال ,, انقول المرة تقدر ثقة اهلها فيها و تعف روحها و تصبر لي ايي نصيبها ,, لكن المجتمع الذكوري يرفع هـ الشي عن الريال حتى لو كان مخالف للدين ,, تلقين الريال يغازل و يخربط و يكلم بنات و يقيم علاقات و متى ما اشبع فكر بالزواج حتى لو كان عمره 50 و المجتمع بـ يدافع عنه انه شايل عيبه ؟ ,,, فـ شنو يبي بـ الزواج اذا يقدر يسوي كل شي في باله ؟ خلاص صار مثل الكماليات بالنسبة له ,,,

انا ما اقول حللو للبنات نفس ما اتحللون للشباب ,, لكن اطلب انه ما يكون فيه تحامل كبير عـ البنية لـصالح الصبي,,, لانه مجتمعنا حيل شاااااااد عـ البنية و حيل راخي عـ الصبيان ,,

كلامج صح:rerrerek:
بس منو يفهممممممممممم:bbbiu:

 

[barbya_q8]

اى والله صاجة صايرين يهالوقت ما يتكلمون الا بالزواج والريل واليهالوه انتو وين وهالحجي وين احنا نستحي نقول لاحقين شدعوة صار همكم الرئيسي اى والله نعيش الحياة ان يه النصيب يه ان ما يه ماتوقف حياتي عليه شدعوة لا المتزوجة مرتاحة ولا العزوبيه مرتاحة ولا يصير هدفكم الاساسي الزواج لان اذا ما صار يتعبون

 

[mmloo7a]

واي هالبعض البنات

لي تزوجت
تحسفت يليتني ماتزوجت ودرست شبي بالريل
وقبل الزواج تحن
ابي ريل ابي ريل ابي ريل
لي تقدملها واحد
تقول لا انا ابيه يشبه التركيين وجذيه تتفلسف
وذا خذته ودني جزر كاريبي وتقوله لوسمحت ابي فيلا على طلبي قسم غربي وقسم عربي
وابي سياله اخل موديل
المسكين الريال يا انه يدقله قرض وياخذ اللي اهي تبيه
او
يقولها طالق

وتقول يليتني ماطلبت هالاشياء حسافه كان بيديني
وبعدين تتقبل انشالله لو واحد ماينبلع المهم تزوجت

ماخذين الزواج لعبه
:\

 

[كبرت قبل اكبر]

المشكله من زين الزواج اللي ذابحين نفسهم عشانه خخخخ

 

[دعابة الشـتاء]

الفرااااغ والبيئة المحيطة يعني امها مفهمتها لازم تزوجين متى تزوجين؟ خليج سنعة عشان الحريم ينعجبون فيج وكل عرس رازتها فصار جل اهتمامها هالشي وتعتبرها نقطة انطلاقها للحياة والبنت تمر بمشاكل تمر بمراحل بدال ما تشوف امورها شاغتلها بالزواج ما تطلع عيوبها الا اذا تزوجت وبعدها تندب حظ بنتها
الذكية اللي تطور شخصيتها وتتعلم بعيد عن بيئة وتفكير اهلها والمجتمع. انا لما كنت بالكلية نفس الشي البنات ما عندهم الا هالسالفة لا اتذكر بعد من ايام الثانوية كنت استغرب منهم انا جل تفكيري ادش الجامعة واهم يفكرون بالزواج.....
تقبلي مروري المداعب