متى اتزوج و متة اتزوج و الزواج و الزواج و الريال والريال بس عاد عيشو حياتكم شالمجتمع!

[" أضـــــوى "]

لي عوده

شكرآآ لــ فكرج الخلآآآآآب

 

[برستيجي مآركة]

رحنا ولاجينا بيضل المجتمع اهو السبب الرئيسي في وضع هالفكرة في راس البنات وتأثيرها السلبي عليهم انا اليوم بزواج بنت عمتي عاد اهي حبيبتي وصدية عمري>>قصة حياتها هع المهم وكل من شافني عقبالك ان شاءالله انتي بعد اسبوعين واللي تقول بعد شهر نسمع خبر ملكتك صرت اضحك من كثر مااسمع هالدعاوي ههههههههههههههه من جد 23 سنة احسهم احيانا من هالكلام 43 سنة خلاااص اللحين ام 23 سنة كبييييييييرة ام 16 وام 18 اوك واهو تلاقين عمره 29 او 28 تربيها مااخذها البعض بيفكر كلامي منقهرة لاوربي الا اخر همي بس المجتمع تخلف في تخلف سواء من الرجال ولا من الحريم الكبار ودي اكتب واكتب بس راح أألف كتاب عن التفكير والكلام في هالموضوع اللي صار بحر لاساحل له صاحبة الموضوع موضوعك راقي كرقيك حبيبتي وربي يوفقك ويتمم لك على خير ويوفق جميع البنات..

 

[انصاريه قمره]

خليهم حسبالهم الزواج وناااسه و24 ساعه حب ورومانسيه ما يدرون بالمستخبي خليها على الله انا متحسفه قد شعر راسي لاني تزوجت وانا صغيره

 

[أنثى تشرين]

ههههههههههههههههه

لاحقيــــن على الهم والمسؤليه

لو يصير مااتزوج طول عمري ماتزوجت

شباب الوقت
مغازل, بنات , ماعندهم مسؤليه ووووو الخ

بس لو المجتمع المتخلف ما يعلق ويسأل ويناشب احنـــــا بخير ​

 

[mire.fares]

نربي البنت على أنها يمكن ما تزوج لأن عدد البنات من خلق الله الكون أكثر من الرييايل الشاب يمكن ياصل 35 وتوه ما فكر بالزواج لكن البنت لمن توصل لها العمر يكون شحنها فضى....
الزواج مو كل شي بالدنيا واللي ما تزوج مو معناته أنه مات عادي يا ما متزوجين يتمنون العزوبية خصوصاً الزواج للمرة تعب وشقى ...

 

[mire.fares]

المرة كل يوم يعدي من عمرها يكبرها بس الريال يختلف وشوفي الممثل والممثلة بعد عشر سنوات الريال التغييرات بسيطة لكن الممثلة حتى بعد تعفيط الوجه والجسم بالريجيمات والشد يبين عليها الكبر

 

[Purple Occasion]

تخلف مجتمعنا..
البنت لا طولت ببيت اهلها حطوا الف عذروب فيها..
والعمر يمشى ..ومعدل العنوسه زاد بالمجتمع..
والامومه حلوة منو اللى ما تتمناها..
وبالتوفيق..

 

[mire.fares]

حبيبتي إذا ما تزوجتي شب يصير يعني تسممين الحمدلله المرة ألحين مو محتاجة ريال يذلها ويتحكم فيها ممكن تقوم بكل شي نفسها ومعظم المتزوجات الريال عندهم بالأسم بس ...
والله العزوبية حلوة وكثير من أعرفهم يبجون عليها بجي

 

[كـ غلا ــلي]

حبيبتي إذا ما تزوجتي شب يصير يعني تسممين الحمدلله المرة ألحين مو محتاجة ريال يذلها ويتحكم فيها ممكن تقوم بكل شي نفسها ومعظم المتزوجات الريال عندهم بالأسم بس ...
والله العزوبية حلوة وكثير من أعرفهم يبجون عليها بجي

كلامج صح هالايام صار الزوج بس اسم كثير منهم تخلى عن مسؤليته وداخل الزواج يتدلع

خلو المره تقوم بدورهم مع انها قامت بالدورين مع بعض اهيا الام واهيا الابو مع هاذا الطلاق

زايد بالديره رياييل هالوقت ما يقدرون مشاعر المره وانها تنطر هاللحظه من زمان وانه الله

خلق فيها شعور الامومه ... انا كنت متزوجه واحس بشعور البنيه واهيا فعلا ترسم احلام

ورديه للزواج لكن للاسف الصدمه بالواقع تخرب الحلم هاذا والبنت ما تنلام تبي الستر بس

نصيحه لا تخلين الوزاج اكبر همج خليها عالله وانشاءالله ياارب كل وحده تاخذ الريال اللي يستاهلها

 

[al3sooola]

الله يرزق كل بنت ان شالله باللي تتمناه يارب ويرزقني معاكم يااااااااااارب

 

[بطوووطة$بيضة]

والله لما تشوفين اهل يحكرونج واخوان قاعدين لج قعدة وخوات متزوجات يتفلسفون فوق راسج وبنات جياكر ورايحين فيها يتزوجون اكيد يحز ابخاطرج

 

[ber00]

بنات انتم ابعدتم كل البعد عن السبب الحقيقي لرغبه البنت فى الزواج


هذا شي طبيعي هذى فطرة الله الى فطر عليها البشر رغبة البنت فى الجنس الاخر شي فطري

لكن انا فى حال البنت لسه ماخلصت ثانويه ما ايده ابد لازم البنت تتعلم

 

[فطفط نجد]

مجتمعنا هووووووووو اللي خلا البنت تفكر هالتفكيييير من يصير عمرها 16 قامو يرززونها عشان تسهل

شدعوة عليها فصار بمخها الا اتزوج ولا يفوتني قطار الزواج

 

[Moon-ae]

انا بقولج ليش وانا منهم !( انا فبداية ال20

بالعكس انا اشوف الزواج ستر خاصة في هالزمن الدنيا قامت تخوف مو مثل قبل يعني احسن من انها تكلم شباب

يعني العازبة عادي يطلعون عنها اشاعة انها تكلم شباب ولا عندها حبيب ووو الخ اما المتزوجة خلاص مستورة وعندها ريل !

انتي ما بتحسين بهالشي لانج متزوجة فاسمحي لي انتي مامريتي فاللي غيرج مر فيه !