متقدم لي بدون بس اهلي..

[دنيا رديه]

فكرررري بعيالج باجر

 

[#laloo]

حبيبتي لا تعممين لانج قاعده تظلمين نفسج كل ريال وله طريقته واذا انتي تبين الحياة وياه بتعرفين شلون تمسكين فيها
اهلج ادرى بمصلحتج وحتى لو كملتي ال ٤٠ عندهم ماراح يقطونج على ريال مب عدل
انتي الحين مرتاحه له لان اهلج ماتدخلو بالسالفه لكن لو اجبروج عليه رفضتي فكري بحياتج بعيالج بالمستقبل
تركي الحاضر عنج شهر شهرين ويتغير كل شيء وتنصدمين
الله يوفقج ويرزقج

 

[!الجادل الصعب!]

حبيبتي

انتي ماتبين تقتنعين و تبين تغامرين


براحتج بس استخيري الف مره

 

[الشهد كله]

حبيبتي انتي مقتنعة وراضية ليش تشاورين البنات ؟؟؟؟؟؟؟؟؟؟

وإذا على أهلج أعتقد راح يوافقون إذا أصريتي على موافقتج

بس تحملي حياة البدون !!!!!!!!!


دام أمه كويتية ليش ما حصل على جنسية على أمه؟؟؟؟؟؟؟​

 

[غايتي جنتي101]

حبيبتي الريال الكويتي والبدون نفس الشي .. انا اصرف ع روحي بكل شي لا تقووولوولي كويتي بدون ... اهي مو ع الجنسيه اهو ع شخص نفسه ... استخيري

 

[miss_Ba6oOo6a]

ضيااع مستقبل لج ولعيالج وعيالهم
مستحييل افكر ببدون

 

[@ DLOO3TAH@]

الله يوفقج واستخيري

 

[Laidy n3ooma]

حجي الافلام خليييه عنج

نعيش بروحها فعشه ومكان صغير يضفنا !!!

هذا الحجي مو حجي زمنا !!

الزمن صعبببببببب فكري بعيالج وحياتهم فكري بحياتج

ماتبين بيت يضفج انتي وعيالج وريلج

الكويتي يقدر يسااافر يقدر يتعلم ويتعااالج

عيالج باجر يتعالجون على حساب الحكومه ويدرسون باحسن الجامعات بامريكا ولندن وغيره يساافرون

ياخذون اللي يبووونه تطلعون مطاعم مجمعات تسافرون تزورون الناس واتهادون بدون ماتحاسبون هل بيبقى شي حق باجر بيبقى عندكم مصروف لين اخر الشهر

البدون اتوقع مايدرسون بجامعات الكويت

اغلبهم يروحون مصر وبلاد الشام يعني جم دوله يطلعون لهم ورقه يكملون هناك ويردون

لاتعليم لا صحه ولاشي

ولاتغترين بمعاشج لان بمعاشج بتصرفين عليه وعلى عيااالج عبالج معاشه بيكفي

معاشه يادوب حق شقه وبدون اثاث بعد !!!!!!!!!!!!

اهما بشرر وحالهم من حالنا وماندري هل هم ظلموا انفسهم او المجتمع ظلمهم او غيره من الظروف اللي صارت بحياة اجدادهم

بالنسبه لي ادعيله بالتوفيق واخلييييه

ولاتحطين فبالج ان هو بيبقى اسلوووب على طول اكيد بيعصب وبتهاوشون وبتزاعلون وبحزتها بكل زعله بتقولين انا شلي خلاني اخذه


وحطي فبالج شغله !!! اذا هو كويتي وانتي بدون مراح ياخذج بياخذ وحده عايشه نفس عيشته

 

[احلى ديما]

تفكيرج حده غلط واعتقد البنات كفوا ووفوا بكلامهم بس اللي حابه ازيده عليهم انج لازم تعزين نفسج وترزينها ليش حاسه انج طايحه بجبد نفسج ؟؟؟؟؟ حبيبتي ثقي بنفسج وعزيها ورزيها قولي اكرم علي اعيش معززه مكرمة ببيت اهلي شاريه راحه بالي ولا اعيش مع زوج أقل.مني سواء ماديا او اجتماعيا او او شي ثاني واندم بعدين
يمكن كلامي مايعجبج بس نصيحه حبيبتي حبي نفسج وتمني لج الافضل لان الانسان يعيش مره وحده بس فعيشي حياتج صح مو تبدينها بغلط

 

[كويتيه شماليه]

انا ضد بكل الاحوال والله راح تندمين وتبجين قهر توج صغيره

 

[نونه المنكوشه]

والله انا مادري ليش انتي حدج مستعيله يعني توج في بعض البنات مادري شلون يفكرون اهم شي ريل ان شاءالله شنو المهم ريل يالله تري الرزق عندالله موعند الريل وخليج واثقه بالله ثم نفسج شنو ترضين باي طقة باب وحتي لوكويتي وموزين مستحيل اخذه ماعندي مشكله اعنس بس ماكون زوجة تعيسه فكري ولاتاخذج العاطفه

 

[Ro00os]

حبيبتي الله يكتبلج اللي فيه الخير وقبل كل شي فكري بوضع عيالج بأجر

 

[زينب العقيلة]

السلام عليكم

خلاص رفضته

عقب ما زفيتوني هههه

الله يعوضه باللي احسن مني ويعوضني يارب

 

[ناتشوو]

امين

 

[lemonda]

نصيحه لا تتزوجينه انتظري فرصه افضل واهلك معهم حق مو نقص فيه لكن لصعوبة وضعه وظروفه الله يعينهم البدون مدري من وين يجبون الصبر

 

[Vouge]

الزواج اولا مصالح ثم مشاعر

شوفي مصلحتج وين .. لا تقولين لأنه بدون و أنا كويتية ما راح يأذيني
حريق الجهرا كانت كويتية و حلوة و ريلها بدون و جيكر و فوق هذا خذا عليها وحدا و حرق قلبها

لا تظنين إن البدون راح ينكسر جدامك .. أو يحترمج .. أو يصونج لأنج كويتية
الريال ... ريال ...لو هو أمريكي/كويتي/كوري/بدون ....
و ما يخليه ريال بعين المرا إلا لما يوفر لها الراحة العاطفية و المادية

أنا ما أقولج البدون مو زين .. ولا أقولج زين

أنا أقولج .. البدون ريال ... حاله حال كل الرياييل .. ما تدرين شنو اهو إلا بالعشرة الصجية
لا تتنازلين عن شي إنتي تبينه أو مستوى متعودة عليه ... لأن يمكن هالريال يصون قلبج
لأن ممكن جدا .. و عادي جدا ما يصونه و يحرق قلبج حرقتين
الحرقة الأولى إن نزل بمستوى عيشتج
و الحرقة الثانية إن ما احترم مشاعرج

 

[عادت ذكرياتي]

الله يكتبلج الخير ...

 

[^^ NoOr ^^]

بنات شفيكم قلبتوا ع البدون

حبيبتي اول شي استخيري ،،ثاني شي ي قلبي يعني اهو بدون اكيد يعرف مادياته ومعاشه وهالسوالف واهو يدري انه هو بدون ويدري انه معاشه قليل ومدري شنو بس يعني اهو تقدم لج يمكن ضامن ظروفه وامشي حاله (ترى الظن اثم)

 

[مجهوله تايم]

استغفر الله العظيم الله يكووون بعونك

 

[ذلتني عيونك]

أختي غرور أنا من البدون اللي تكلمين عنهم ولا تقولين ليش ما تزوج من يلدته ترا البدون أنولد على هذي الأرض وعاش ودافع عنها ويمكن يكون أحسن من اللي عندهم الجنسيه اللي حتى عربي ما يعرفون يتحجون ولما تقولين راح يبني أحلامه عليج أنا أمي كويتيه ترا كل اللي راح يأخذه بس أن عياله يدشون مدارس حكوميه ورجااء اللي مايعرف ولا شايف عيشتهم لا يقول كلام من كيفه


كلااامج حيييل حز بخاطري وحتى لو ما عنندي الجنسيه أنا كويـتـيــه