متقدم لي بدون بس اهلي..

[حبي غالي]

ليش البدون مو آدمي مثلآ ،؛

بصراحة وايد كبرتو الموضوع ...
ودامج مرتاحتله خلاص
وأهم شي تستخيرين ،؛ وأهلج بعد عمر طويل بيخلونج مهم دايمين لج ،؛

و وايد في بدون قاعد يعطونهم الجنسية ،؛ وليش تظلمون الريال ان يحملج كل المصاريف موشرررط ..!؟


والله يووفقج ويرزقج بالذرية الصالحة والزوج الصالح

 

[مناير ...!]

شلج بالمشاكل؟
خلج على شور اهلج
لاتكسرين كلمتهم حق واحد ماتعرفينه وباجر يكسرج ويدري ماعندج ظهر

 

[ديانا سبنسر]

مؤ مشكلة. بدون على عيني وراسي والنعم والثلاث أنعام فيهم بس المشكلة. وين المشكلة. بعيالها بكرا راح ينظلمون. لا إثباتات لاتعليم. لاصحة لاسكن نفس إلاوادم يعني لا تلومين أهلج أهلج يفكرون جدام وانتي مأخذة الموضوع بعاطفة

 

[<<الأميره>>]

استخيري
الله يوفقج

 

[مشتطـه]

لا و ألف لا لا ترضييين


مشااااااااكل واايد

طيعي اهلج ولا تعصينهم


ماراح توقف الدنيا على هالريال

بييج اللي احسن منه


من قريت العنوان وانا عارفه اني برد مستحيل اخذ بدون لو شنو شهادته
لو شنو طبعه
مستحيل

اللي تقول مافيه شي البدون اتحداج تاخذييييينه !!!


لا قرض حكومة يعطونه وعيالج بينظلمووون ليش؟


بنات حبو عيال عوايل وما خذوهم انتي بتاخذين بدون

ترضينها على نفسج ؟


لاحد يتفلسف خلكم عقلانيين شوي البنت هذا مستقبلها لازم نصارحها


احنا يالكويتيات ننظر للكويتيه الي تاخذ بدون نظرة مو عدلة

 

[مشتطـه]

ليش البدون مو آدمي مثلآ ،؛

بصراحة وايد كبرتو الموضوع ...
ودامج مرتاحتله خلاص
وأهم شي تستخيرين ،؛ وأهلج بعد عمر طويل بيخلونج مهم دايمين لج ،؛

و وايد في بدون قاعد يعطونهم الجنسية ،؛ وليش تظلمون الريال ان يحملج كل المصاريف موشرررط ..!؟


والله يووفقج ويرزقج بالذرية الصالحة والزوج الصالح

لا والله ما كبرناه بس انتي شكلج عمرج 16
15


احنا فاهمين وعارفين وسامعين ب بلاوي البدون !!!!

شحقة تدش بمتاهات اهي بغنى عنها
والله لو اقعد عانس طول عمري ما اخذت بدون
اهم على راسي
وما استهتر فيهم


بس بيي اليوم اللي بتندم كل الندم انها خذته

ماراح تعيش مثل رفيجاتها وخواتها
راح تشقىىىى



انتي اخذي بدوووون ان شااءالله وشوووفي الحياة على اصولها قبل لا تقولين كبرنا الموضوع:eh_s(10):

 

[ايمان الغساني]

الله يكتب لج الخير ان شاءالله

 

[Reelax]

لا لا تاخذينه طيعييييي اهلج فكرررري بعيالج بعديييين. وانتي بعدج صغيره

 

[قطوووة]

انا مكانج ما اوافق

مو عشاني ..عشان عيالي

 

[!الجادل الصعب!]

الحين حكمتي عليه ملاك من شنو ؟ وان بترتاحين معاه علطول و ممكن تعنسسين ويعايرونج
بعدييييين بعد 7 او 10 سنين ..!
واذا اهلج مو باغينه على اي اساس قعدتي معاه وارتحتي له
واذا ماقعدتي معاه مجرد خطبه شنو الاسس الي ارتحتي للشاب عشانها ..؟

امرج غريب ..
انا م سب فيه ولا باصله .. بس وضع البدون بالديره مو مريح
ولاسهل والله يعينهم
وانتي قدامج عمر و فرص ممكن تكون افضل
ليش تضيعينها .. ومافكرتي بعيالج وحياتهم اذا ماتعدل
وضع البدون .. وممكن يعدل وضع نصهم والي انتي ماخذته
مو من الحسبه شبتسوين ؟
اذا المجتمع الي حواليج مو مختلط مع البدون صدقيييني صعبه
ترتاحين معاه .. غير هذا لاسمح الله تطلقتي ضاعت حقوقج بالمحكمه ..

انا لو مكان اهلج ما زوجج ولا تطيرين بالعجه وبعنس
ومادري شنو .. تو الناس على هالكلام والي مكتوب لج بتشوفينه


موفقه

 

[Killer^Girl]

فكري بعيالج

 

[m'3rOoOra]

انصحج نصيحه نطري باجر بتشوفين عيشتهم اهو واهله اشلون ومعاشاتهم ان كثرت ٤٠٠ دينار ،،؟! لا وللام نصيب شهري غصب مو طيب وللاخوات المو متزوجات خواته يعني هذولا اهما جذي
ليش اشفيهم عيال ديرتج
قاعده تقولين احسن ما اخذ كويتي صغير ولعوب يعني البدؤن ملاك ولا مايعرف بلعب من وراج،،؟!
وبعدين ليش ما اخذله وحده من يلدته ليش ياي لكويتيه،؟!
أنـْْ♡ـْْا اقولج ليش
اولا انتي كويتيه واهو منحاش من الفقر الي عايشه ويبي يبني احلام ع راسج
وثانيا انتي بالنسبه له حلم مو عشانج عشان انتي كويتيه وعارف انه بيعيش عيشه ماحلم فيها


اما لو تاخذين من عيال ديرتج واحد شايف خير ماعنده مصالح من ورا زواجكم يعني متزوجج عشانج وبس
فكري عدل باجر عيالج بيتعبون وبتتعبين اكثر

انا معاها في كل كلمه انتي لا تفكرين بنفسج فكري بعيالج باجر لامدارس ولا وظايف وحرام بدون علي ابوهم لا تفكرين بنفسج وتصيرين انانيه باجر لو جوج عيال شنو تسوين وكل طفل يبي نفس عيال خلق الله ايباد وكل جهاز يطلع يبي ويبي يتمشي ويطلع ومصرف فكري عدل الكويتي فيه مليون عيب بس شحلاته يصرف علي عياله وباجر يجون عيالج كويتين مو امهم كويتيه ياكثر حريم متبهذلين عشان عيالهم ابحثي بعم قوقل وكتبي ابناء الكويتيه واقري وتوج صغيره عيل شنو تقولين اللي عمرها 29 او 30

 

[أمواج البحر]

المشكله مو اهني

المشكله بتتزوجينه عن قناعه تامه وانتي عارفه انه بدون ممكن ما ياخذ الجنسية الكويتيه

وتييبون عيال

وتطالبون لهم بالجنسية الكويتيه وتصرخون الكويت ظالمه عيالها!!!

توج صغيره والعمر جدامج

شغله ثانيه شنو يميزه عن غيره غير انج ارتحتيله

عنده شغل خاص؟ دخله مرتفع؟ قادر يفتح بيت لج ولعيالكم بالمستقبل؟

عنده شهاده ؟ شغلات وايد لازم تفكرين فيها قبل لا تاخذين هالقرار

 

[lailosh]

الحين لكويتي مؤ ملحق علا مصاريف الام والعيال ويفلس شلون البدون فكري عدل

 

[زينب العقيلة]

السلام عليكم

بنات انا اقولكم

اهلي من النوع اللي يرفضون الخطاب من غير شوري

وكل مرة لهم عذر

لكن بس خل اكمل ال 24 يعني بعد سنه

يتغير الوضع ويقعدون اي واحد يتقدم ها ليش ها يمكن زين

يعني ليش لما انا مقتنعه او حتى ممكن في ريال زين يطفشون الناس

ولما اكمل 24 مجبورة ارضى ولا اقعد اسمع كلام احنا مودايمين لكم ومادري شنو

يعني اذا تزوجت بدون احكم على نفسي بالاعدام

واذا كويتي خلاص؟ نادر مافي رجولة الحين اصلا

سواء كويتي او غيره

ويمكن هذي عقده فيني بس لاتلوموني ستين حاله طلاق مرت

بالبدايه تشوفينه سنع وبعد جم شهر ننصدم بسمعته

 

[زينب العقيلة]

قلت يمكن لي خذيت هالريال وانا قنوعة وراضيه بمكان صغير يضفنا احسن لي

 

[قطوووة]

روحي شوفي الكويتيات شلون الي ماخذين البدون

انا مو ضد البدون ولا شي

بس الواقع جذي

 

[Vous jamais]

حبيبتي فكري و استخيري

البدون و النعم فيهم لكن الحياة صعبة مع البدون

و عيالج مالهم مستقبل إلا بوظايف أقل من 400 دينار هذا اذا كان عندهم بكالوريوس

و انتي مضطرة طول عمرج تعيشين بشقة الا اذا كان غني و قادر يشتري لج بيت


اذا قادرة تتحملين هالوضع اوكي وافقي

و اذا لا لا تظلمين نفسج و عيالج و الريال اللي تبين تاخذينه

و بعدين انا ضد فكرتج اساس الزواج الراحة و التقبل

مو عشان ما اعنس اقط روحي على اي احد من غير اقتناع

و بعدين اسمحيلي الكويتين شبابنا و النعم فيهم

 

[نـعـومـه]

كلنا بشر وكلهم فيهم الخير والبركه بس شلي جابرج تعيشين مع شخص بتيبيله يهال قلبج راح يعررج عليهم !!

لابيت لا شي

عن الدراسه بلا اعرف وحده بدون تكمل ماجستير بعد !!

وبصراحه اشوف اللي ماخذه بدون هذي عايشه معاه قصه حب ويالله خذته انتي شلي جابرج تاخذينه حتى لو زين مستقبل عيالج ماراح يكون ذاك الزود واذا صارو سن زواج يالله يحصلون اللي ياخذهم

فكري بعقلج

 

[بكيزة هانم]

الله يكتب لج الخيرة