متقدم لي بدون بس اهلي..

[زينب العقيلة]

السلام عليكم والرحمه

بنات انا متقدم لي بدون انا عمري 23 واهو 29

حسيته وايد زين وانا من النوع القنوعه اللي مابي اي شي غير ان زوجي يحترمني واعيش باجي

عمري معاه

بس شلون اقنع اهلي


كلمه بدون صعبه بهالزمن شلون بيرضون

انا راح اشيل نفسي بمعاشي واقدر اتحمل اذا الماده عنده ضعيفه

احس عالاقل اكبر مني فاهم

احسن من واحد كبري كويتي بس لعوب

بهالزمن مانعرف الزين من الشين

بس انا ارتحت له وبخاطري اني اتزوجه

:eh_s(2)::eh_s(2):

شقول حق اهلي

ياما وقفو بويهي

لاحول ولاقوة الا بالله

انا ادري بعد جم سنه بسمع كلام جارح ان البنت مكانها ابيت ريلها ومن هالحجي

بس شالفايده حزتها

اوافق يعني على اي احد عشان ما اعنس

زين والحين لما ابي محد صاف معاي

اذا انا غلطانه فهموني :eh_s(17):

 

[Miss Cherry]

مممممم

والله اذا تبين نصيحتي توج صغيرة وان شالله بتجيج فرص أحسن

السالفة مو ماديات وفلوس .. فكري باجر اذا الله رزقج عيال شنو مصيرهم بيكون لا تعليم ولا صحة ولا بطايق مدنية ولا حتى اثبات

 

[سمو النفس]

بسرااحه توج صغيره والعمر قدامج ،،بعدين مو مسأله ماديات بس فكري بعيالج بكره حرام وانطري لاتستعجلين وان شاء الله ربي يرزقج باللي احسن منه

 

[[[ عيون جابر ]]]

اهلج يبون مصلحتج وصراحه البدون ماله مستقبل مثل الكويتي باجر انتي الي بتتأذين وتتحملين فوق طاقتج وتقولين ليتني طعت اهلي

 

[RO0O7Y KUWAITYA]

انا اششششششوف اذا انتي واهلج ماديتكم قووووويه وحيييييل مرتاحين

والرجال كفو ويستاهل عادي اتزوجيه .. يمكن راحة بالج وسعادتج معاه والكويتي مايحتاج اتكلم اخذي فره بالقسم واتعرفين ؛)

 

[زينب العقيلة]

يعني البدون مايدرسون بالجامعات ؟

 

[زينب العقيلة]

امبلا لهم بطايق مدنيه بس مو نفس اللي عندنا

بس والله مادري شالفرق بينا وبينهم غير ان معاشاتهم اقل منا

 

[ناتشوو]

استخيري
وارضي بالقدر لو أبعده

بس اللي اعرف لهم مشاكلهم
ومالهم أوراق رسمية لا زواج لا بطاقات مدنية
والاهم
ماوصلتي لمرحلة من العمر
تخليج تتنازلين
وتتزوجين بدون زواج تقليدي

 

[مولاي الفرج]

يعني بعد جم سنه اتنازل

شنو هالمجتمع

 

[مولاي الفرج]

مادري ليش تنطرون البنات يكملون 27 28 عشان تتنازل

وتاخذ انسان ظروفه مايرضون فيها اهلها واهي ببدايه العشرينات

ليش يعني بنتك صارت بايرة الحين ولا شنو

كل هذا خوف من العنوسه !

 

[منال $]

اول شي استخيري والله يكتبلك الخير
وبعدين فكري بوضعك كيف راح يكون بالمستقبل وبوضع اولادك

 

[الأميرة جوري]

الله يكتب لج الي فيه خير ...استخيرررررررررري

 

[sh_mashael]

اهم شي راي اهلج

قوليلهم وجهة نظرج و الله يكتب اللي فيه الخير

بس كلش لاتعاندينهم اهم ادرى بمصلحتج

و بعدين توج صغيره

و حتى البدون حالهم ممن حال الكويتيين المغازلجيه و الخونه

مو يعني بدون يعني يخاف ربه !

 

[غرور 9]

انصحج نصيحه نطري باجر بتشوفين عيشتهم اهو واهله اشلون ومعاشاتهم ان كثرت ٤٠٠ دينار ،،؟! لا وللام نصيب شهري غصب مو طيب وللاخوات المو متزوجات خواته يعني هذولا اهما جذي
ليش اشفيهم عيال ديرتج
قاعده تقولين احسن ما اخذ كويتي صغير ولعوب يعني البدؤن ملاك ولا مايعرف بلعب من وراج،،؟!
وبعدين ليش ما اخذله وحده من يلدته ليش ياي لكويتيه،؟!
أنـْْ♡ـْْا اقولج ليش
اولا انتي كويتيه واهو منحاش من الفقر الي عايشه ويبي يبني احلام ع راسج
وثانيا انتي بالنسبه له حلم مو عشانج عشان انتي كويتيه وعارف انه بيعيش عيشه ماحلم فيها


اما لو تاخذين من عيال ديرتج واحد شايف خير ماعنده مصالح من ورا زواجكم يعني متزوجج عشانج وبس
فكري عدل باجر عيالج بيتعبون وبتتعبين اكثر

 

[i'm so happy]

بناااااااااات شفيكم سويتوا البدون عبــىء ليــش عاد ...؟!!

اهو فعــلا بكون راتبه او دخله الشهري اقل من الكويتي بس مو معناها بقصر معاهــا ..
اهي تسأل عنه وتشوف احواله هل اهو قادر يعني مقتدر على الزواج او لااااا
والاهـم رضـى الوالدين لانه لو والدينج مو موافقين مستحيل تتوفقين بحياتـج تأكدي من هالشي
في بعض الاشياء بنات انا وياكم فعلا اختي عمرج صغير 23 مو عانس توج بعمر الورد صغيره
بسسس العمر مره مو مرتبين وفكرررري صح وشوفي راي اهلج وشنو يقولون

فكما جاء بحديث رسولنا الكريم صلى الله عليه وسلم: (إذا جاءكم من ترضون دينه وخلقه فأنكحوه إلا تفعلوا تكن فتنة في الأرض وفساد كبير. قال يا رسول الله وإن كان فيه؟ قال: إذا جاءكم من ترضون دينه وخلقه فأنكحوه ثلاث مرات) كما في سنن الترمذي.


والحديث يبين أن الدين والخلق هما القاعدتين الأساسيتين لاختيار الزوج الصالح، وذلك لتسهيل الاختيار لكونه البوابة الرئيسية لحياة جديدة إما سكن ومودة ورحمة وإما شقاق وألم.


وإليك أهم الأمور والقواعد التي يجب الأخذ بها في عين الاعتبار عند اختيار الزوج الصالح:


1.صاحب دين: صاحب الدين لن يهينك أو يظلمك فإن أحبك أكرمك وإن كرهك لن يظلمك، وكما قال الله جلا في علاه: {وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ } البقرة 221، والحديث الذي ذكرناه في المقدمة يوضح لنا أن صاحب الدين هو القاعدة الأساسية لاختيار الزوج حتى تستقيم الحياة ويكون لك نعم الزوج والمعين الذي به تأنسين وتسعدين وترضي الله عزوجل.


2.ذو خلق: لن تستطيعي العيش مع رجل صاحب أقوال بذيئة أو يقول فاحش القول،أو أن يكون سارقاً أو كاذباً أو لا يحفظ الأمانة فصاحب الخلق هو من تطمئن إليه نفسك وتشعرين معه السمو والأمان والراحة.


3.قوياً أميناً: قال تعالى {قَالَتْ إِحْدَاهُمَا يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ } سورة القصص (26) فالرجل غير الأمين يهين زوجته وقد يضربها في بعض الأحيان، ولكن الزوج الأمين يعرف أن زوجته أمانة لديه يجب أن يحميها ويحافظ عليها وأن يوفر لها الأمان والحنان.


ولتعلم كل فتاة قبل أن تتزوج أن أول من كُلف بعمارة الأرض كانت الأسرة المكونة من رجل وامرأة (آدم وحواء)، هما أول من كُلفوا بذلك وأول ضمان للسعادة بالجنة كان للأسرة، وكأن الله عز وجل يريد أن يقول أنت تزوجي فلاناً حتى تُعمري الأرض وتسيري كما يريد الله.


لذا ضعي في اعتبارك قبل أن تتزوجي هذه النية أن تتزوجي لإعمار الأرض ونشر الخير للبشرية بتكوين أسرة مسلمة وبيت مسلم صالح ولا تنسي الاستخارة والاستشارة قبل الزواج وكوني على قناعة تامة بأن الله عز وجل سيختار لك دائماً الأفضل.

 

[زينب العقيلة]

بنات انا ماقلت ان البدون ملاك والكويتي العكس

انا قصدي ان تقدمولي كويتيين بس مارتحت لهم وهذا بس اللي ارتحت له

وترى حتى الكويتي ممكن يكون يبي فلوسي وشفت هالشي بعيني من تجارب الحياه

واهو ماعنده خوات صغار كلهم متزوجات والام كويتيه يعني مسئول عن نفسه بس

مشكورين..

 

[رقـة الاحسـآس]

شو ما كان عمرج حبيبتي
لا تعقين عمرج و تعرسين بس خوفا من مسمى العنوسه
غيرو تفكيركم شوي
وانا اجوف وايد ارحم اتم الوحده بدون عرس من انها تعرس بدون قناعه بس عشان تكون متزوجه ومب عانس

 

[الاحساس]

استخيرررررررررري

 

[Gifts&Occaions]

انت توج صغيرة والعمر جدامج

 

[PuPa^^SWeeT]

ليش هالتفكيير السوداوي عندج


بعد جم سنة بتسمعين انه البنية ببيت زوجها



وين باقيلج عالاقل 6 سنين علشان تسمعينها


و معظم البنات يتزوجون من عمر 24 ليييين 30 سن طبيعي



ليش انتي الا هذا ولا بسمع كلام



.؟؟؟؟؟



وجهة نظرج مو مقبووولة


ياليت توضحين اسبابج علشان نقدر نعطييج سبب