ما لي الا دشتي حبيب قلبي

[عسى الله يهديني]

دشيت المطبخ تعاجزت اسوي بيض

سويت لي تونه مع فلفل اسود وخل وليمون الله يديمها بارده هههههه



باجر بشتري اغراض الرجيم
تونه وجبن وهمبرجر وماشروم وسكر دايت
ونسكافيه وخضره خضره
ونقانق ومرتدلا

 

[رومي]

هذي معلومات. مهمه. عن الممنوعات. وجدول لمده اسبوع. رجيم دشتي.
اتمنى تفيدكم

اعتقد هذي اهم. نقطتين. في المرحله الاولى من رجيم دشتي. حاولت ألخصها. لكم.


وانا راح اتبع. هذا الجدول. من اليوم ان شاء الله

 

[عسى الله يهديني]

رومي تسلم ايدج ياقمر

شدي حيلج والله الايام تمشي بسرعه معقوله مانقدر نصبر اسبوعين !!

 

[عسى الله يهديني]

بذمتكم هذا تجمع ناس بتظعف؟؟
عموما انا قعدت المغرب كليت 2برجر وفوقهم شرائح جبن سلايز
وسلطه

شربت كابتشينو

وعشاي كان حمسة شاورما اكتشفت ان فيها نشا
مع دجاج تكه حمستهم مع بصل الطعم كات عادي

مع سلطه جرجير وخس وليمون وخل


البرجر الي شريته خاص للشواء بس من مكوناته بباربيكيو!؟



رحت الصيدليه باخذ فايتمن بس احترت وطلعت

هذا يومي الثاني والحمدلله

 

[رومي]

ما شاء الله عليك.

انا ما قدرت افي بوعدي. وكنت تعبانه. وحسبت نفسي قويه واقدر ابتدي طلعت خرطي. ههههه


راح احاول. يارب ساعدني.


بالتوفيق --عسى الله يهديني.

 

[عسى الله يهديني]

لا يارومي شدي حيلج
والله ماتدرين شصاؤ قيني هبوط ورجفه قويه
اكلت ملح وخيار مافي فايده شربت قهوه وكاكاو ماكو فايده بس ع الاقل تحملت ماااا طلبت وجبه وخربتها

 

[عسى الله يهديني]

بنات فيني خمووول ورجفه
شنو الحل



اليوم تريقت بيضتين مفيوححات وسلطه ونسكافيه 2في1 مع نص سكر رجيم

 

[عسى الله يهديني]

خبصت اليوم لقيمات وحلا ووجبه ونفيش

احس بنتعاش

 

[عسى الله يهديني]

بااااااي البنات مايشجعون
اذا صحيتووو بدش

 

[أحلى البشر]

هالرجيم كلش مو صحي
واغلب اللي يسونه بعد مايوقفونه يردون دبلات لانه مووو لايف ستايل وفيه حرمان من الاكل الصحي الطبيعي

احسن رجيم هو السعرات خففي سعراتج وامشي وسوي رياضه وبتلقين نتايج حلوه

 

[ayat cute]

مرحبا بنات
انا مررره مررره سوري اني ما اكتب يومياتي بس قاعده اقرأ مشاركاتكم وكل يومين اطل عليكم
مرحبا بالجدد الي اشتركوا معانا بس اعذروني بنات هالاسبوعين عندي بحووث و امتحانات بس انا ماشيه على دشتي و يوم الاحد بوزن ان شاء الله و بعطيكم نتايجي و بحاول ادخل اكتب يومياتي اذا مو كل يوم كل يومين ثلاث بس هالعشره ايام و بعدها راح ادخل يوميا ان شاء الله

نظامي يوميا تقريبا ما يتغير واجد الفطور بيضتين او ثلاث مسلوق امس اضفت برجره للفطور مع بيضتين انا مسويته في البيت علشان اطمن انه ما فيه نشأ او طحين و اليوم اومليت بالجبن و المشروم مع اني مرره مخففه جبن و مو كل يوم اكل
و الغذا يا يكون تونه مع ملعقة مايونيز احطهم وسط خسه و اكلهم مثل الساندويش او دجاج مشوي مثل امس او 2 برجر مع ملعقة مايونيز و خس الف البرجر فيهم و اكلهم و العشاء عادةا ما اكون جوعانه اي و اشرب دي كاف كوفي في الصباح مع سكر سبلندا مع ملعقتين كريمه سائله

اي صح بنات لا تكثروا من المرتديلا و السلامي لانه كل الانواع فيها كاربز و سكر

و الحليب قلت قبل اني بدخلع بس شربت يومين و وقفت اول يوم كوب كامل و ثاني يوم ربع كووب صحيح انا احب الحليب بس فكرت بيني و بين نفسي بما اني مستغنيه عن اشياء واااجد الحين وقفت على الحليب يعني و ممكن يثبت وزني او م ينزله كثر لو اسوي بدونه فوقفته

يالله يا بنات لازم ننزل

شكشكه اوروبيا بانتظارك و سكن السعاده ان شاء الله و من هالشقه لبيتك ان شاء الله

رومي مرحبا بج بس ليش خربتي حبيبتي

عسى الله يهديني و يهدنا جميعا حبيبتي انتي اكثر وحده فينا لازم تشد على روحها عشان تضعفي حق عرسج نصيحه مني علشان تنزلي وزن واااجد و جربت هالطريقه قبل خلي اكلج بروتينات اي نوع بس مو من المطاعم لا انتي الي سويه واذا مضطره اخذي الي ما فيها اضافات ابدا مثلا البرجر اقطعيه لا من المطاعم و لا من السوبرماركت و الكباب و لا تكثري خضار خليج على الخضار الورقيه جربي اسبوع الي اقول لج عليه و بتشوفي الضعف على اصوله و لازم تشتري فيتامينز علشان لاتتعب بشرتج و شعرج يطيح اهتمي في نفسج انتي عروس

 

[عسى الله يهديني]

هلا حبيبتي يعطيج العافيه ومعذوره حبيبتي الله يوفقج

بس شنو تنصحوني فايتمن مايمتن

بالنسبه للبرجر اخذ امريكانا بالبهارات العربيه مالي خلق اسوي بالبيت

 

[ayat cute]

هلا حبيبتي يعطيج العافيه ومعذوره حبيبتي الله يوفقج

بس شنو تنصحوني فايتمن مايمتن

بالنسبه للبرجر اخذ امريكانا بالبهارات العربيه مالي خلق اسوي بالبيت

و يوفقج ربي و توصلي للوزن اي تبغيه في عرسج ان شاء الله

بالنسبه للفيتامين سوري حبيبتي ما اقدر اساعدج لاني عايشه برى فماخذه حقي من اهني
بس اسألي الي في الصيدليه و قولي لهم ما يصلح لي السكر اعطوني فيتامينز ما يحتوي سكر

و البرجر حبيبتي بس اتأكدي انه ما يحتوي على نشأ او طحين او سكر لاني دورت و ما لقيت كلهم فيهم

 

[ayat cute]

مرحبا بنات

بكتب لكم برجرامي امس و بعدين بقول لكم ايش سويت اليوم

امس فطرت بيضتين مقليتين مع ربع برجره و دي كاف كوفي بسكر الرجيم

الغذا طلبت لي سلطة دجاج مسلوق مع بيض مسلوق و خس و شوية جبن بارميسان و لوع جبذيي و انتوا بكرامه و ما اكلت حتى نصها

على المغرب اكلت لي فخذ دجاج مشوي وبس

اليوم الصباح اول ما صحيت جري على الميزان و الحمد لله نزلت 900 جرام هالاسبوع يعني بما مجموعه 4 كيلو و 300 جرام في ثلاثه اسابيع و طبعا مو مضايقه لسببين اولا الدوره نزلت علي اليوم و اكيد جسمي مليان سوائل و ثاني سبب ان جسمي عنيد جدا في النزول

نجي لليوم ايش سويت طبعا انا مسويه دشتي شديد شوي يعني مالي الا خس مره وحده في اليوم و يادوب خستين و احيانا ما اكل خس خر شر و سكر الرجيم ما استخدمه الا مره في اليوم و الخضار و البصل الطماط كلهم ما اقربهم ابدا و الجبن مره مره اذا اشتهيت قطعه وحده و السفن اب و البيبسي زيروا ممنوع

فقررت اليوم اسويه دشتي مفتوح علشان الدوره و عفسة المزاج و في نفس الوقت ما ابغى اطلع عن المسوح او اقرب من المحرمات ههههه فسويت دشتي المفتوح يعني اكل المسموحات كلها بدون اي حدود و ما اقرب الممنوعات
الصباح فطرت جبن حلوم مشوي مع خس يمي يمي و كوب كوفي مع شويت حليب طبعا اضفت اشياء من المرحله الثانيه مثل الحليب
تصبيره تشوكليت اتكنز للمرحله الاولى و بعدها بثلاث ساعات كم حبة فستق من 10ال 15 حبه
الغذا كان ستيك مع شوية خضار بروكلي و ملفوف و بصل مع ربع بيبسي زيروا
العشاء سويت لي مصقعة بيذنجان مع طبقة لحم مفروم و طبقة كريم مع الجبن و القشطه خلطهم و حطيتهم على الاكله مثل البشاميل مع سلطة خس مع بقدونس و طماط كنت مشتهيه فتوش مع ربع بيبسي زيروا
وحليت ببان كيك انا سويته من المسموحات و طلع لذيذ الحمد لله

ادري عفسة الدنيا بس ما طلعت عن المسموحات ابدا مع ان المغريات قدامي على طول اهي اهي و شىء ثاني اني لما ارجع بكره و التزم صح ينزل و زني اسرع من لو اسويه متشد طول الوقت و شكلي بواصل على هالطريقه اذا لقيتها جابة نتيجه

 

[عسى الله يهديني]

انا مستمرره

 

[عسى الله يهديني]

برافو عليجج ومبروك النزول

 

[عسى الله يهديني]

مستمرررره

وبروح اشوف وزني

 

[noo7a]

انا امس بلشت فيه
و وايد احاتي ادخل شي بالغلط و يخرب علي

الفطور عادتا ما اتفطر انا

امس تغديت قطعه ستيك مع سلطه فيها خس و خيار بس و الصوص ليمون و خل و ملح
و العشا بيض مفيوح 2

و اليوم الغدا سويت لي حمسه دياي مع مشروم و بصل و بخلي الخس اهو خبزتي مع حبه خيار

 

[ayat cute]

انا امس بلشت فيه
و وايد احاتي ادخل شي بالغلط و يخرب علي

الفطور عادتا ما اتفطر انا

امس تغديت قطعه ستيك مع سلطه فيها خس و خيار بس و الصوص ليمون و خل و ملح
و العشا بيض مفيوح 2

و اليوم الغدا سويت لي حمسه دياي مع مشروم و بصل و بخلي الخس اهو خبزتي مع حبه خيار

ماشيه صح بس لا تكثري خيار نص خياره و نص طماطيايه في اليوم انا ما اكل لا طماط و لا بصل بس البصل اخضر و مو كل يوم و بكميه قليله جدا و الليمون لك نص ليمونه في اليوم بس
بس يوك :eh_s(15): ان شاء الله تكوني مواصله و سوري عالتأخير

 

[ayat cute]

مستمرررره

وبروح اشوف وزني

انا بعد للحين مستمره
ها بشري كم صار وزنج؟ و كم نزلتي؟