ما شفت مثل دهاء (ساره)

[kwait doll]

يا حلات الفلوس

 

[تبيني آرضى عليك]

الفلوس مو كل شي
ياما ناس عندهم ملايين و مو مرتاحين
اهم شي القناعة من الداخل باللي عندنا
و الله يرزق من يشاء بغير حساب و الله كاتب حق سارة هالثروة
مشكورة عالموضوع

:eh_s(15)::eh_s(15)::eh_s(15)::eh_s(15)::eh_s(15):

 

[مريم86]

اممممممم تدرون وانا اقرى ردوودكم نسيت ان انا مخيره بالكلام اللي تقولونه !!!

واحد من عااايله فووووق فووووق واصله بالديره خيررني !! زواج مدة شهر وبالشرط اللي ابيه ؟! وعرض علي سالفه كنت ابيها

من زمان تمشي !!!

مااهتميت لكلامه وقالي فكرري وماافكررت بعد ... بس ردوودكم خلتني افكررر 

 

[Mjnont '3lay]

الفلوس تلبي كل متطلبات الانسان من سفر وفسق ووناسه وروحات وردات وكل شي بالدنيا بفلوس

لكن السعاده والصحه مستحييييييييييييل تنوجد الا عند رب العالمين اذا رضينا ربنا باذن الله يرضى علينا وينعم علينا بالسعاده والاستقرار وراحة البال والمال والبنون وكل شي
وياما ناس الله عطاهم وتبطرو عالنعمه وتكبرو وظلمو وسوو بلاوي وسبحان الله مثل ما عطاهم اخذه منهم ووصلهم لي الحظيظ
بالنهايه رضى رب العالمين مهم لانه اذا رضى علينا رح نشوف النعيم على اصوله وهم بعد اذا رزقنا لازم نحمده ونشكره ونتصدق بلي عندنا مو نتعالى على اللي اقل مننا

وتفكير ساره ماعجبني شنو اروح اخذ واحد من بيته وزوجته وعيالها بالحيله عشان اكسب من وراه مال قارون !!
ولو حطت نفسها مكان زوجته الاولى جان ما تجرأت تسوي جذي واللي مايرضى الشي على نفسه لايصير اناني ويرضاه على غيره

 

[Mjnont '3lay]

اممممممم تدرون وانا اقرى ردوودكم نسيت ان انا مخيره بالكلام اللي تقولونه !!!

واحد من عااايله فووووق فووووق واصله بالديره خيررني !! زواج مدة شهر وبالشرط اللي ابيه ؟! وعرض علي سالفه كنت ابيها

من زمان تمشي !!!

مااهتميت لكلامه وقالي فكرري وماافكررت بعد ... بس ردوودكم خلتني افكررر 

شهالحياة الرخيصه اللي بيعيشج فيها
قارني نفسج ببنت متزوجه علني تطلع وتروح وترد سينمات مطاعم بحر شاليهات وناسه مع رجلها قدام الكل ومعيشها احلى عيشه ومرتاحه البال وتجيب منه عيال

و انتي اللي بتعيشين بالظلام محد يدري عنج يستانس فيج شهر ويقطج جنج سلعه رخيصه اشكرى قالها لج شهر و اعطيج اللي تبين يعني يشتريج بفلوسه !! وانتي مستانسه بعد تبين تعيدين النظر بالموضوع حبيبتي لمن تاخذينه ويجيج ياخذ اللي يبي بالسر ويمشي عنج وانتي قاعده بروحج محد يدري عن هوا دارج لا عيال لا زوج مثل الناس ساعتها بتحسين عدل بكلامي
الحين يمكن على بالج كلامي تافهه وماله قيمه بس جربي هالحياة الخايسه وبتشوفين بعينج
وانتي شناقصج ببيت اهلج عشان تتزوجين هالزيجه الخايسه !!
ناقصج اكل ولا ملبس ولا ناقصج فرشه تنامين عليها ولا لا يكون مشرده بالشوارع مالج والي عشان تفكرين تتزوجين واحد يعتبرج سلعه رخيصه يستانس بجسمج شهر ويقطج احلى قطه و تبقى زوجته الاولى اهيا الاصل وانتي مجرد نزوه
اتمنى تفكرين عدل قبل لا تفكرين تعيدين النظر بهالموضوع
وبالنهايه احمدي ربج على النعمه اللي انتي فيها الحمدالله ربي منعم عليج غيرج والله فتات خبزه ماعنده ويكفي الله خالقج كامله عندج ايد رجل وحواسج الخمسه واعضائج سليمه وعقل
تقدرين تروحين تشتغلين بيدج وبتعبج تجيبين اللي بخاطرج

وخلي عنج هالتفكير الخايس هذا مو زواج هذي صفقه وانتي الخسرانه فيها واذا على بالج الفلوس بتونسج عمرها ما كانت الفلوس مصدر سعاده اهيا تلبي متطلباتج بس ما تسعدج صدقيييني

وخلييييج عزيزه نفس حتى البدون ماتفكر تفكيرج اعرف واجد بنات بدوون يدرسون الصبح ويشتغلون بنادي ابوي العصر ويجمعون الفلس على فلس عشان يكونون انفسهم من تعبهم
ومره زرت نادي ابوي وسولفت معهم يحليلهم عزيزات نفس معاشهم بنادي ابوي والله 200 دينار بس ورغم كل هذا لمن عطيت وحده منهم فلوس بيني وبينها حبيت اساعدها لانها متزوجه وعندها بنت و رجلها بعد بدون وعايشه على 400 دينار بالشهر معاشها على معاش رجلها
والله عزيييييييييييييييييزة نفس مارضت تاخذ اللي عطيتها اياه وقتها بس كبرت بعيني هالمره الله يرزقها كل خير وين ما راحت من حيث لا تحتسب

واتمنى ماتزعلين من كلامي بس انا احتريت عليج حرام عيشي حياتج طبيعيه ماله داعي هالجو الوصخ رجال يستانس فيج شهر ويقولج الله وياج والفلوس اللي بيعطيج اياها ما ردها بتخلص
ولا انتي اللي كسبتي زوج مثل الناس وولا تمتعتي بالذريه

 

[احلا المزايين]

الفلوس مهمة جدا والدليل ان لو زوجي هامور اطلع من الوظيفة واتفرغ لنفسيواربي اعيالي
اماسارة في منها واااااااااايد ومهما كان الرجل وقور بيستجيب
لانها حاولت وحاولت وحاولت ماافقدت الامل
وبالاخير نااااالت
بس كاسرة خاطري زوجته اكيد صدمتها قوية
وشاركتهم بالورث بعد يسلااااااااااااامم

 

[مشتطـه]

لا طبعآ


انا زوجي يقولي لو عطوج مليون ونص وقالولج يطلقج تخليني
اقولة اقسم بالله مابيهم

قال مليون ونص تدرين شنو يعني يعني فلوووووس تسوين كل الي تبينه


قلت شكو !! وتروح انت

راح اعيش بحزن

لان سر سعادتي و وجودك يهمني

اما اذا احبه وعنده ثروة اكييييد بستانس


بس سالفه اقط روحي على ريال عشان فلوووسة كلش ما اسويها

 

[Alias]

المال نعمة من رب العالمين. وكلنا مختلف في الحصول عليه. يعني لا نتهم ساره بالدهاء انما هي كانت لديها مشكلات نفسيه مثل شعورها بانها اقل من غيرها وان المال هو الوحيد المنقذ لها

 

[نونه المنكوشه]

بنت الفقر اهيا اللي ادور الهواميير وتسوين كل شي بس علشان اطيحه بس بنت الخييييييير والشببعانه ابد ماتفكر بهالطريقه تبي الزوج الصالح واللي يسعدها بس تري هالحركااااات فهموها الشباب وعرفهااا عدل يمكن اتقص ع شايب ممكن بس شاب نو وي والزواج بذات عمره ماينبني ع المصالح والفلوس لانه مايدوم وانا بالنسبه اي افضل الزوج اللي نفس مستواي وبعدين بصراحه مالي قلب ابني سعادتي ع تعاسة غيري واللي سوته ساره اعتبرهاااا حقااااره موشطاااااره واي وحده اتحط عينها ع ويال متزوج هذي خبيثه والله مايوفقها ان شاءاالله

 

[دلوعة حمني]

هي كانت ناوية تدفع شبابها ثمن بس حظها ان مات !
طريقتها حيييل رخيصة ما عجبتني بس كأني عرفت منهو هي!؟؟

 

[قَلبڪْ صًخرْ]

تزوجها ماخذها بالحرام
فعادي اشوف من حقها هالثروه

 

[modern]

ما اخذت معاها وقت و تعب كثير لتصير مليونية
بالنسبة الي اكيد الصحة هي السعادة مو الفلوس

 

[منـــاي]

الفلوس مو سبب السعاده ولا التعاسه بس طريقة تصرفنا بالفلوس وقراراتنا اهي الي تترتب عليها سعادتنا و تعاستنا وشكرا فوفو

 

[PuPa^^SWeeT]

الفلوس مو اساس السعادة


الفلوووس تكمل السعادة فقططططططططططططط




لكن اساس السعادة يكون نابع من القلب و من القبول و الاقتناع باللي عندي






بس والله انها مو هينة


بدلت بكل هدومها


لين ناسبها السبورت


الله يكون بالعون

 

[al-musk]

والله لو شنو الوحده ماتعرض نفسها وترخص نفسها بهالطريقة .. وكل شي الواحد يتحاسب عليه ومافي شي يروح جذي .. وطبعا الفلوس ماتجيب السعاده ..

 

[You FOR Me Only]

اكيد لا اهم شي الحب والتفاهم وبعدين بالنسبه لي احس الثروه تنهي الحب

 

[the white heart]

الصراحة عفية عليها .. اهي ما سوت شي غلط والي تقول رخصت نفسها لأ اهي أصلا مو متحجبة فوين المشكلة ؟؟ والفلوس نعمة والله ذكر ذلك ي القرآن " وتحبون المال حبا جما " و في آية ثانية " ولو كنت أعلم الغيب لاستكثرت من الخير " والخير هو المال والله عز وجل لم يذكر المال بسياق سلبي أبدا في القرآن والرسول صلى الله عليه وسلم كان يتعوذ من الفقر .. يعني باختصار الفلوس عقب الصحة والعافية كلللللللللللللللللللللللللللل شييييييييييي

 

[شموخ احساسي]

لا طبعا مو سعادة شنو استفادت ما عاشت معاه شي وتوفا هل المال بيعوضها عن شبابها طبعا لا

 

[الجمال العربي]

قصه مليقه جدا ومنعاده من ايام الطواحين الحين البنت غازلت وحصلت على ثروه وين السالفه بالموضوع ؟؟

تبينا نغازل مثلا احجي بالحظ حبوبه

 

[الحلو مايكمل]

الفلوس جزء من السعاده
بس السعاده الاهم هي التفاهم والتفائل والرضا بالله