ما شفت مثل دهاء (ساره)

[لك أيامـي ~]

انا اللي ابي اعرفه



ليش ما التفت لها واهي كاشخه

شمعنا ثالث محاوله شافها


يعني المفروض من اول مره ثاني مره خلاص


شللي لفت نظره فالمره الثالثه

 

[om Firas]

مثل ماقالو البنات الفلوس جزء من السعاده
وشي مهم بالحياة
ويمه من البنات لي بغغوا شي يجيبون راسه صج كيدهن
عظظظظظظظظيم

 

[عيون ملكيه]

الفلوس تشتري السعاده

و بصراحه الحياه بدون فلوس ما تعتبر حياه بس القناعه باللي عندي مهم حيل يعني انا اعرف امكانياتي و امكانيات زوجي ناكل و نشرب و نلبس نسافر و نشتري اللي بخاطرنا على قد ميزانيتنا

بس هاذي اللي تقولون انها داهيه

مع الفلوس شرت ضنى بيعيش طول عمره ما شاف ابوه الحقيقي ما لعب معاه وما رباه و ما تحمل مسؤوليته

و حتى لو تزوجت واحد من عمرها بتعيش طول عمرها مع عقدت الفلوس اهي اللي خلته ياخذني و لولا هالفلوس ما يطل بوجهي
خل نكون واقعيين
اهي متوسطة الجمال و مافيها شي زود غير الكم مليون و التجوري الصغير اللي يمشي معاها



الفلوس بهالطريقه تكون نقمه مو نعمه

و لو اهي عايشه مع زوجها اهي تصرف من فلوسه و تعيش و تستانس و تحس بالاستقرار معاه احسن مليون مره من تاخذ واحد و اهي تدري مليون بالمره انه ماخذها عشان فلوسها و تاكدي ان اللي خذاها بياخذ عليها وحجه اختارها من قلبه و حبها ويبيها

 

[مريم86]

شهالحياة الرخيصه اللي بيعيشج فيها
قارني نفسج ببنت متزوجه علني تطلع وتروح وترد سينمات مطاعم بحر شاليهات وناسه مع رجلها قدام الكل ومعيشها احلى عيشه ومرتاحه البال وتجيب منه عيال

و انتي اللي بتعيشين بالظلام محد يدري عنج يستانس فيج شهر ويقطج جنج سلعه رخيصه اشكرى قالها لج شهر و اعطيج اللي تبين يعني يشتريج بفلوسه !! وانتي مستانسه بعد تبين تعيدين النظر بالموضوع حبيبتي لمن تاخذينه ويجيج ياخذ اللي يبي بالسر ويمشي عنج وانتي قاعده بروحج محد يدري عن هوا دارج لا عيال لا زوج مثل الناس ساعتها بتحسين عدل بكلامي
الحين يمكن على بالج كلامي تافهه وماله قيمه بس جربي هالحياة الخايسه وبتشوفين بعينج
وانتي شناقصج ببيت اهلج عشان تتزوجين هالزيجه الخايسه !!
ناقصج اكل ولا ملبس ولا ناقصج فرشه تنامين عليها ولا لا يكون مشرده بالشوارع مالج والي عشان تفكرين تتزوجين واحد يعتبرج سلعه رخيصه يستانس بجسمج شهر ويقطج احلى قطه و تبقى زوجته الاولى اهيا الاصل وانتي مجرد نزوه
اتمنى تفكرين عدل قبل لا تفكرين تعيدين النظر بهالموضوع
وبالنهايه احمدي ربج على النعمه اللي انتي فيها الحمدالله ربي منعم عليج غيرج والله فتات خبزه ماعنده ويكفي الله خالقج كامله عندج ايد رجل وحواسج الخمسه واعضائج سليمه وعقل
تقدرين تروحين تشتغلين بيدج وبتعبج تجيبين اللي بخاطرج

وخلي عنج هالتفكير الخايس هذا مو زواج هذي صفقه وانتي الخسرانه فيها واذا على بالج الفلوس بتونسج عمرها ما كانت الفلوس مصدر سعاده اهيا تلبي متطلباتج بس ما تسعدج صدقيييني

وخلييييج عزيزه نفس حتى البدون ماتفكر تفكيرج اعرف واجد بنات بدوون يدرسون الصبح ويشتغلون بنادي ابوي العصر ويجمعون الفلس على فلس عشان يكونون انفسهم من تعبهم
ومره زرت نادي ابوي وسولفت معهم يحليلهم عزيزات نفس معاشهم بنادي ابوي والله 200 دينار بس ورغم كل هذا لمن عطيت وحده منهم فلوس بيني وبينها حبيت اساعدها لانها متزوجه وعندها بنت و رجلها بعد بدون وعايشه على 400 دينار بالشهر معاشها على معاش رجلها
والله عزيييييييييييييييييزة نفس مارضت تاخذ اللي عطيتها اياه وقتها بس كبرت بعيني هالمره الله يرزقها كل خير وين ما راحت من حيث لا تحتسب

واتمنى ماتزعلين من كلامي بس انا احتريت عليج حرام عيشي حياتج طبيعيه ماله داعي هالجو الوصخ رجال يستانس فيج شهر ويقولج الله وياج والفلوس اللي بيعطيج اياها ما ردها بتخلص
ولا انتي اللي كسبتي زوج مثل الناس وولا تمتعتي بالذريه

كلامج على عيني وراسي بس كلششش مادش مزاجي منه ذره وحده

لان لو عرفتي قصتي حزتها بتقولين معاج حق .... ياليت سوالف بدون ياليت سوالف بطيخ


الحياة عندي خربانه عالاخخخخخخرررررررر ... الناس احتارت فيني وصرت حكايه وسوالف وقصص

للناس .. وهذا انا لا لسان ومؤدبه وهاديه وااااااااااااااايد


لو قبل 7 سنين ماافكر هالتفكير .. بس الدنيا خربتنا صج حتى لو بعدل اشياء وايد

شنو يعدل ويرد عمر وشباب راح ؟؟ شنو يعدل ويصلح بنت مطلقه اكثر من مره عن زواج غصب ؟ شنو يعدل مستقبل معلق ؟!!

بعيش حيااتي على كلامج .. بس اذا ماكان فيه حياه اساسا!!!

والله فعلا (( اردت ان اعيش كما تريد نفسي ولكن نفسي خانتني وعشت كما تريد الحياة ))). طز بالدنيا

 

[أميره الدوسري]

المال و البنون زينة الحياة الدنيا
بس بدون القرب من الله م تصير سعاده

يعطيك العافيه على الموضوع

 

[Om_Ksha]

الحين بنات هاليوم مايمشون الا بالتخطيط
مايدرون انه الرزق عند الله وانه قبل لا تنولد كل شي مكتوب مايؤمنون بالقضاء والقدر لازم تخطط وتدبر وتعصي ربها عشان تتزوج !!

والله مادري شقول الله يعينا على هالجيل والاجيال الياية

 

[nadra]

صح الفلوس حلووه بس موو بهالطريقه الواحد يشتغل ويتعب ويقدم مشاريع ويجتهد والله يرزقه مو اروح انا بنت واتلزق بالرياييل موبهالطريقه واذا الريال راضي بهالطريقه يواعد بنات ويكلمهم وهالسوالف انا مارضاها على نفسي والواحد حلاته يخاف رب قبل كل شي والي بدا غلط بينتهي غلط بس الدنيا حظوظ وكل شي يصير خيره بس انا ارفض هالمواقف ماتعجبني ولاارتاح اصلا

مشكوره فوفو احب دايم اقرا مواضيعج يعطيج العافيه

 

[^^المهره^^]

الفلوس وسيله مهمه واساسيه من وجهة نظري لتحقيق السعاده

لكن تيي من الله وبمجهود وسعي بطريقه نزيهه بعيده عن الخطط والتخريب على الغير

طريقة ساره ماتعجبني ابدا مثل مااستغفلته الله بيدزلها اللي يستغفلها هالدنيا سلف ودين ومن سوى سويله

 

[كميليا]

طبعا ة الدليل بالقرآن " المال والبنون زينة الحياة الدنيا " يعني المال قبل البنون ولحد يقولي الفلوس مو كل شي !!! اهي مفتاح السعااااااده

و الحمدلله على كل حال وهذي وجهة نظري

 

[the white heart]

up .. up

 

[ام الشقى]

السعاده هي بتفهام ورضي والكن فلوس مكمل وليس السعاده بذاتها
المال مايهمني كثر لاحترام وتقدير المتبدل

 

[%دانة%]

مع بتبوتا