ماني فاهمة شنو موضوع خدامتنا الفلبينية!

[boforbo]

الله يكفيكم شرها ​

 

[ام فجر3]

شي غريب

 

[عادت ذكرياتي]

حطوا كاميرا بالوسيط تلاقون يمكن اللي على شكل منبه ساعة ...

 

[حق ليش]

حبيبتي ماودي اخوفج
بس يمكن تكون ريال ومايبي تكشفونه علشان جذي كله مقفل الباب ويخاف تييبون خدامه ثانيه واي اي خدامه تنام بنفس الغرفه
لان هالجنسيه حتى رياييلهم ناعمين وماتقذرين تفرقين بينه وبين المره

 

[Meyyawa]

باختصار امج تكلمها وتقولها لا تقفلين باب دارج نهائيا وانتهى الموضوع

امي قبل ما تستشير ابوي .. قالتلها ماله داعي انتي مومحتاجه مافي احد يقرب صوب غرفتج ..
واحنا طالعين بليل امي دقت عالبيت بتقولها شنو تطلع حق غدا باجر .. ولا اخوي الصغير يرد امي قالتله نادها .. جان يقولها انزين بس انا توه شفتها قاعدة تبجي عاد امي اخترعت بسرعة ردينا البيت .. يوم راحت غرفتها تسالها جان تقول انا بس ما ابي اقعد اهني .. انا اقول ابي مفتاح ماتعطوني
جان امي تقول بلى انا كلمت بابا ورضى .. جان تهدى
تبين هالمرة تقولها لاتقفلين شيصير فيها

 

[Meyyawa]

على سالفة الكاميرا فكرت فيها بس خفت بالبداية خفت تدري مادري شلون .. بس شكلي صج بقول حق امي تحط كاميرا لاني وايد افكرر بهالشي .. بس اخاف نطلعها و اهيه بتطلع تقفل الباب انا ما استبعد منها شي .. واحنا طريقتنا مانطلعها الا زوارة مو اكثر

 

[Meyyawa]

احنا قبلها يبنا كذا خدامة الاولى اثيوبية وكانت تبي بالويكند تطلع وتروح ترد امي ماعجبها ردتها .. و يبنا بعدها فلبينية مسترجعة وسبب انها مسترجعة اهيه ماكانت تبي البيت الي تشتغل فيه لانه فيه مرة كبيرة و على قولتها وايد تحن.. و يوم يت بيتنا بعدها بفترة تقول حق امي انا بس برد هذاك البيت انا وايد افكر بماما كبير .. و امي ردتها وطلبت هذي الفلبينية لين وصلت وامي مرتاحتلها ولو ان شوي غبية و كلة تنسى .. بس المشكلة مو اهني .. امي وابوي موظفين فصعبة البيت من غير شغالة وانتو شايفين مو بسهولة نيب خدامة ونفسيا نرتاحلها
ولو ان هالايام امي تقول انا بفهم هذي شتسوي بغرفتها مادري اوديها مكتب بس وقت الصجية ماتقدر لان الوضع مايساعد بالبيت من غير شغالة

 

[البارونـه]

مت من الخوف :/ الله يعينكم
يمكن صج كلامكم بس حاسبووو لا تصيدكم وانتو حاطين هالكيمرا لان يمكن تضركم الله يحفظكم
بس والله احسن ردوها وخذو مؤقته ،على الاقل ترتاح نفسيتكم
هالخدم بلوه

 

[Beautiful soul]

تكفوون حطوا كاميرا الحين انا ذبحني الفضول ابي اعرف شتسوي

بلييييييز اذا عرفتي قولي لي بس جد احس في شي مو طبيعي

 

[sosowaty]

ااااااااااب

 

[*دنــيـQ8 ــا الوله*]

سالفتها سالفه هالخدامه تخرع والله ....

 

[شادن33]

اتصدقون انا مااعطي المفتاح حقها اول مااتييي لين اتاكد منها
وعيالي اصغار منو بدش عليها اضمن والله
علشان كل حزه انقز عليها اشوف شسوي

 

[قمر كويتي]

يمه تخرع خدامتكم بس ليش ماتسالونها شنو تسوي اذا طولت ؟؟؟؟
واخاف تتعامل مع الينانوه والا سحر وبلاوي او انها تسوي حركات الشذوذ قطيعه
انتوا عندكم سبير عن المفتاح يعني نسخه ثانيه؟؟؟؟
فتشتوا اغراضها اول ما طبت بيتكم مالقيتوا اشياء غريبه
الله يحفظكم الصراحه يخوفون والله

 

[جوانا2010]

ياربي مره حركاتها تخوف.......
حطو كاميرا وشوفو اش تسوي
الله يعين على مشاكل الخدم

 

[شباصـه فرنسيــه]

الله يكفيكمم ششرهاا ,,..

 

[noonaa-thn]

يبا سوو اي شي وعرفوا شنو السر سالوهااا
والله صار فيني فضول ابي اعرف شنو فيها

 

[خل وملح]

لاتضلون على هالحال لازم تشوفون شنو تسوي
واذا بطرشونها لفرع الجمعيه راح تقفل باب غرفتها اذا كان عندكم مفتاح سبير طرشوها
واذا كان لا ماكو الا انكم تسفرونها ولاتنصدمون من واقعها

 

[متواضعة]

ضحكتني ردود البنات

الله يعطيكم خيرها ويكفيكم شرها يارب

 

[ام كوثر2007]

عدل قبل جم سنه سمعنا ان خدامه كانت تدخل الحمام وتروح لاهلها عن طريق الجن او شي جذى وترد مره ثانيه

علي العموم يا انكم تقلعونها المكتب يا انكم تحطون كاميرا بغرفتها لانه سالفتها مو هينه وتخرع ..

عسى الله يسترها معاكم ..

 

[سحايب برنس]

شصار ذبحني الفضول
اذا مادخلتوا لغرفتها للحين نصيحه قبل لاتدخلون عليها بالغرفه اقروا الرقيه احسن لكم