مالج صارله اسبوع ؟؟؟

[Pinky -cat]

يا كبرها عند الله من اولها مطلعه الشين شتبي هاذي اخاف تدور الذلة ولا قايلين لها ذبحي القطوة من اول يوم
عايشة الدور اخاف ملكة جمال ، خل تحشم اهلها وما تشوه سمعتهم ولا تشوه صورتها ، وتاكدى مرة ومرتين
من كلامة بالاول يمكن ما يبيها ويدور الذله ، خل نحط كل الاحتمالات وانشاله خير

 

[قوس فرح]

انتبهي تنصحينه يفك ملكة زي ما قالو البنات يمكن يحبها و جاي يفضفض بس ، خليه يفهمها وضعه المادي و خططه الماليه للمستقبل و ايش ناوي يسوي بحياته و هي حرة تكنل معاه حسب مقدرته او لا

 

[^_^ Coco Chanel]

يا تبي تطفشه يا اسلوبها جذي وماديه ...

 

[pusy cat]

يا كبرها عند الله من اولها مطلعه الشين شتبي هاذي اخاف تدور الذلة ولا قايلين لها ذبحي القطوة من اول يوم
عايشة الدور اخاف ملكة جمال ، خل تحشم اهلها وما تشوه سمعتهم ولا تشوه صورتها ، وتاكدى مرة ومرتين
من كلامة بالاول يمكن ما يبيها ويدور الذله ، خل نحط كل الاحتمالات وانشاله خير

ههههههههه اهم شي سالفة القطوه ضحكتيني ��

والله ماتدرين عن الحريم ونصايحهم يمكن وحده زوجها موكلها تبن وناصحتها انها تعوده على الصرف و هالسوالف من الملجه على بو زوجج على ماعودتيه

ترى في حريم خبول كل شي يصدقونه ويخربون على اعمارهم

عالعموم اذا زوجها شخصيته قويه راح يقدر عليها ومردها للمحاميد وكرز ام الصالحيه

اما اذا على نياته راح تركبه وتبهذل عيشته

 

[i'm so happy]

شكلها استغلاليه وتحب الماده ..
اذا اهو مو مرتاح معاها مو مجبور اكمل حياته كلها معها دام ملجة بس

 

[اللهم رحمتك]

انا اقول من البدايه خل يفترقون احسن لانه اهوا مو هذا طبعه وصعب يواكب جذبتها او خليه يصارحها اول يمكن تخاف وترجع على طبيعتها خل يقول لها انا انسان بسيط واحب البساطه تبين تكملين معاي حياج الله ماتبين مافي نصيب بينا يمكن

 

[مألوفة]

انا لو منه اخليها تولي واطلقها واخليها تروح تشتر الالماس بمعاشها خو اي مدرسة معاشها قوي شتبي بالريال تبي تفلسه ها النوعية ما تمشي معاها الا العين الحمرا وانا اقولج خل يخليها تولي ويطلقها دامهم على البر

 

[انسام الكويت]

ههههههههههههههههه ماشاءالله حتى مخططه لأسامي العيال هذا اكثر شي ضحكني انزين ماقالت جم تبي مهرها ؟؟؟شكلها صج ماديه لانه همها باللبس

والكشخه والتفوشر بزياده

اختي هذا زواج مو لعبه اول شي يستخير واذا حس انه مومرتاح لهزواج خليه يكون صريح معاها ويقولها انا امكانياتي على قدي عجبج نكمل

واذا ماعجبج نهد بعض وكلن يروح بحال سبيله ... وبعدين بنات فرضا موقصدها اطفشه اهي طبيعتها مشفوحه وماديه وتبي كل شي وعبالها لي تزوجت كل شي يتوفر

لها كاسر خاطري اخوج المهم حلوه موضوعه قبل لا ادزون المهر لهم عشان اذا ماكو نصيب المهر ماراح بجيبهم لانه هذا ويهي اذا رجعوه له

 

[seventy7]

اتوقع تبي تطفشه والله اعلم
هههههه شر البلية مايضحك بس جد جريئة هالبنت ياخي انا ماقدر اقول ابي وابي وابي صج جريئة وايد يمة

الله يعينكم

 

[بيت التوت]

وانا بعد اقول شكلها بطفشه

الله يكتب له اللي فيه خير

 

[زوجة عزيز]

وي انا قلبي عورني الله يصبره عليها لايكون على بالها محصله الفانوس السحري !!

 

[دانة_ دبي]

لا تدخلين بين الريال و زوجته


و يمكن هي تبغي تشوف زوجها هل يلبيلها طلباتها او لا
و لو زوجي عنده خير ليش ما يصرف علي و يدلعني بدل بنات الحرام والله خلى يصرف عليه و يدفع و يسوي



انا اقول يمكن هي ف بداية الملجة و تبغي تجرب اخوج و تشوف كيف اسلوبه معاها خليهم ع راحتهم بعدين بتمل بنفسها و بتتغير مع العشرة

 

[Kocheko]

البنت يا منقوصه.. يا تبي تشرده ... يقعد وياها ويشرحلها ظروفهه عجبها كموا .. ما عجبها يفترقون بالطيب .. مصاريفها وايد الصراحه

 

[mmloo7a]

بيييييييييييييييييه الله يعينه اخوج

نفس اخوي جذيه طفشته بالملجه لانها مغصوبه بالزواج

مااعتقد البنت ماديه لهالدرجه لان كلامها مبالغ فيه شنو 5 دول اوروبية ؟

لا هذي مبينه عليه تبي تطفشه

نفس اخوي تتعمد تقثه ببدايه الاسبوع عشان يطلقها

يعني هالنوعيه ليش تتزوج انا مادري

محد قالها تزوجيه وتبلشين ولد الحلال معاج

ولله باجر انتي بتاكلينها

خو مو كل يوم لج ريل !!!

انا انصحج خل يفل منها

 

[حشمه]

يمكن تتبع معه أسلوب التطفيش
انا اعرف بنت جذي ماتبي تتزوج فقعدت تحط لخطيبها طلبات تعجيزية
عشان هو الي يهون والغلط يطلع منه مو منها لانه أهلها قالولها الولد زين
وأهله ناس ونعم فيهم فما حبت تقول مابي وتكسر فيهم
انا مو داشه بقلب البنت بس اقوووول يمكن ماتبي

اسلوبها تبي تطفشه الصراحه

خل يصبر اشوي اسبوع واسبوعين

يمكن فتره تختبره وتطخ بعدها

ولو استمرت على هالحاله يقعد مع اهلها

ويتفاهمون

 

[مذهلة2013]

والله قليله ادب وسوري على هالكلام

ماتستاهل اخوج ... المفروض اخوج يكون جاف وياها ويعاملها نفس ماتعامله ويوقفها عند حدها

للحين ما اعرفته عدل وتقول جذي باجر لين يتزوجون شتقول بعد ؟؟؟؟؟؟؟؟؟

 

[Nice day]

مشكورين \..............

 

[eshraqaaa]

سبحان الله ناس تنطر الزوج نطره و ناس اطفش الزوج من اول نظره لا تحمد ربها ولا شي حرام من قال لها الزواج جذيه و بعدين اهي بينت اللي عندها و تقوله ابي و ابي اللحين دور الولد يقول لها انا اللي ما ابي جذيه و جذيه​

 

[muhrat uboha.]

انا لو منه اخليها تولي واطلقها واخليها تروح تشتر الالماس بمعاشها خو اي مدرسة معاشها قوي شتبي بالريال تبي تفلسه ها النوعية ما تمشي معاها الا العين الحمرا وانا اقولج خل يخليها تولي ويطلقها دامهم على البر

:rerrerek::rerrerek::rerrerek:

 

[كليـ دلعـ]

المثل يقول

اخذ مدلله ولاتاخذ معلله!

يعني ماتييج تشرطً وتعنفق الا بنت الفقر اللي عند اهلهاا مولاقيه تلبس

هذي الله وكيلج من تزوج واهي حايشها جنون البقر!!!

تقعدتفلسف وتشررطً وتعفعف واهي مسيجينه عنداهلهاا ماكله تبن !


الصالحيه ! خخخخ لايابنت الفقر!!

موهينه والله عارفه اسامي المجمعات الهااي خخخخخ

واعليااا تلقين مطلعتهم من النت ناطره اي واحد اييي

بتوديه!

الحممممدلله الذيً عافانا اللهم لك الحممممد

وماتبي عيال!! خوش

وتبي تلف الدول!

جان سألها اخر سفره سافرتها مع الفاملي وين!؟

جان قالها شنو احلا الدول اللي رحتي لها!؟

جان قالهاا عطله الصيف وين تقضينها سنويااا يااحفيده الراجحي!!!

تلاقينها ماصلت حتى للخفجي!

قططططييعه من الهيلق اللي ماشافو خير!!

سمعي

انا حاسه انها90 بالاميه بتطفشه ماتبيه لان ماكو انسانه سويه تتكلم جذي

حتى لوكانت مشفووحه وبنت فقر ماتكشف اوراقها بهالسرررعه مسستحيييل

انا اتوقع بتنحشششه

ودام السالفه جذي

وداوويها باللتي كانت هي الداااؤوو

خلي ليطلع معاها يمر المطعم بسيط ويشتري لها مشكل وبيبسي

لايشتري عصير العصير غالي يكلف

خل يشتري لها بيبسي ومشكل

ويفتر فيها بالسيااره

واذا قالت واااي مابي خ يقوول والله هذا احلامكان

متعود اكل فيه ودووم ليبغيت اكل من برا ماراح ايي الا اهني!

وتالي يوديها لأأزقه المباركيه!

خل تتمشا هناك وتتشرا!


ولي حاولت تعترض خ يقولها هذا اهو سوقنا

اللي نشتري منه ونفتخر بعد تبين شي منه انا حاظر!!!


وليزادت جرعه الاعتراض

خ يقوولها انا اسمي فلان ولد فلان

اخر اسمي لافيه الخرافي ولافيه البحر ولافيه الرااجحي

جانج غلطانه بالاسم فهذي مشكلتج!!

انا انسان ع قدي وبخير ونعمه والغناه غناه النفس

ولوبغيت اوديج الصالحيه والثريااا والحمرا

بوديج اياها بختيااري من كوري ومزااجي وطيب مني

موو باوامر وشرووط وجداول مسويتها لي!!

يبيي لي فواتييير مشترواتج من الصالحيه

والمجمعات الهااي وانا مستعد اوديج

اما انج بتاخذيني استغلال ودناعه نفس لا استريحي عند اهلج

والله يعين اللي بياخذج!!!


قال شهر عسل5 دول !!

خخخخخخخخخخخخ

واعليااا فيها تقشف!


خ يعاملها بالمثل دام ماحترمته ووضحتله استغلالها

خليه يهزأهاا عدل

لاتنسين المشكل والببسي واذا غالي خل يشتري لها ماي خخخخخ


وخل يوديهل المباركيه ويشرط عليها

وسفر ماكوو خل يقول ماحب السفر اكرهه

وتالي ينزلها لبيت اهلها ويحقرهااااااا

واذا دقت عليه لايرد ع طول خل يلبسها شوي

ويدقها اوتي بعد ههههه

تالي بتمشي ع السراط

واذا ماعجبها وطلعت فعلا تبي تزهقه الااهو يكون

ردلها الصاااع وعاملها بالمثل!!!

ساعاات لازم تعامل الشخص بنفس معاملته يالله يحس

ع دمه!