مالج صارله اسبوع ؟؟؟

[LOLETA]

ماصارلها اسبوع وجذي
صج ماتستحي انا اقول لايعطيها وجه لانها وقحة زيادة عن اللزوم.

 

[أم الغزلان]

احتمال عايشه دور الرومانسية والاحلام الوردية اول الزواج وكلامها ودلعها ياإما:

مستانسه لحبه لها ومدلعها
او
انها بنت فقر مو شايفه خير
أو
ان بيـئــة اهلها مدلعينها يوفرون لها كل شي..

الله يوفقهم..
واحسن لج ابعدي عن الشر ولاتتكلمين بالطلاق..لأنه مهما يشكي لج ترى الرجال ماينعرف له يمكن يحبها فوق الخيال
بالعكس انا اشوف كلامها كلام وحده عايشه حياة احلام وردية ومستانسه..

 

[رسيل المطيري]

يصااارحها بعيوبها وكل شي يضاايقه منها
ثم يستخير
يمكن احد ناااصحها غلط كثير يصير كذا جااهله
هذا اذا ما كان فيه سبب ثاني لتصرافاتها

 

[Patcholli]

امبيه شكلها بتحقق كل احلامها على افا اخووج
وع شالارف :/ الله يعينه عليها :/

 

[amami al-kuwai]

اذا هذا اولها ينعاف تاليها

 

[hend6363]

ويييييع قليلة ادب

 

[Nice day]

Up up

Need help

 

[مناير ...!]

دامكم توكم على البر احسنلكم فجو الملجه

 

[احلى ديما]

لووووووووول هذي صج بنت فقر خل يعطيها كلمتين بالعظم تخليها تنقد على نفسها

 

[مشتطـه]

ههههههههه فظيعه هالبنت

انا اقول خل يفتك منها قبل لا يتوهق بالعيال ؟

 

[عسل سل]

اهم شي نثيان وغانم وعبدالوهاب ؟؟
دليل انها فعلا ماديه لاتتدخلين بحياة اخوووج يصارحها بعيووبها واذا تعدلت كان بهاا واذا هو مرتاح او مو مرتاح خل يسوي الي يبيه بدووون ضغط منكم يا اهله

 

[حروف من ذهب*]

الرأي الأول والأخير بيد أخوج إذ هو يقدر عليها يصارحها وإذ شايف أنها قويه عين ومتسلطه السان يفتك

 

[نونه المنكوشه]

بختصار بنت فقر والحل يقضبها الباب مومجبور يتحملها توه باول الطريج

 

[طيف الغربة]

فديتك لازم اخوك يكون له موقف حازم

وتعرف حدودها من البدايه شكله مسكين على نياته

لازم يضبطها زين ويعودها من الان الانسان حسب الاستطاعه

خير الامور الوسط يعني لا يبخل عليها ولا يفتح ايده ويخلص الي فوقة والي تحته عشانها

والله يوفقهم

 

[bride2011]

الله يهديها يمكن تبي تبين له انها بنت خير وشايفه خير مدري خل يقعد معاها فتره ويقول لها هذي امكانياتي ويشوف رده فعلها
عموما اهو الريال بيده يادبها ويحقرها ويحقق الي يقدر عليه

 

[Miss Minne]

شكلها تبي تنحشه ومغصوبه عليه

مو معقوله البنت تكون بهالجراءة

حتى لو كانت صج مادية ما تبي هالشي بفترة الملجه

اخوج شنو موقفه معاه شنو كان يرد عليها لما تتشرط على راسه

خليه يصارحها بكل شي ويقول لها هالشي ما يعجبني اذا اصرت يعني ما تبيه

ويفل الملجه مدام توهم على البر

 

[حرم راشد الماجد]

حبيبتي أول شي هو مالج صارله أسبوع فتوه يديد على سوالف الحريم باجر بيصير خبره فالتعامل معاها


ثاني شي الفلوس لا دين ولا شرع ولا قانون يلزمه بشي فوق طاقته هو يعطيها مصرف وكيفها بتشتري من الرايه من الصالحيه انشالله تشتري من المريخ يعطيها مصرفها وهي حره فيه حتى لو كانت مدرسه ترا هم هو ملزوم يعطيها مصرف ( باللي يقدر عليه )

ثالثا : موضوع العيال مو بكيفها وترا كلنا اول ما تزوجنا كنا نقول ماراح نييب الحين ونبي نستانس وتالي من تزوجنا يبنا عيال

رابعا : ترا شكلها خريشه مو متزنه وهالنوع سهل التعامل معاه يعني كلمتين حلوين من اخوج يلين راسها

لي قالت له خل يقول لها ان شااااااااااااااااااااااااء الله ماقصر معاج واسويلج اللي اقدر عليه وتستاهلين الغالي ومن هالحجي لين باجر هي تتعلق وتالي ماراح تهمها الفلوس

خامسا : موضوع السفر هم مو بكيييييييييييييييييفها يسافر ما يسافر حسب استطاعته واذا ما يقدر محد يلزمه


وترا في وايد بنات اذا تزوجو زواج تقليدي يحسبون اللي ماخذينه مارد طالع من الفانوس يحقق لهم طلباتهم بس بالكلمه الحلوه والعشره كل شي يتغير والله يهديهم لبعض و يصلحهم

ومن رايي لا يدخل احد بالموضوع يتفاهم معاها من البدايه ان هو ماراح يقصر معاها باللي يقدر عليه اذا طلعت زينه وشرته هو عالفلوس كان بها اذا حنجتها لا والله ماتخسر الاهي الحين البنات عقل وثقل مو لاقين ريل وهي حاصلها وتتفلسف

 

[pusy cat]

هذي تبي تطفشه ماتبيه

 

[Zinab BH]

مو صاحية الحمدالله و الشكر خل يكسر الشر من الحين لا تكسر ظهره

 

[منال $]

لسا اسبوع صارلة مالج
لحقت تطلب منة كل هالطلبات تصبر شوي طيب
الظاهر انها مستعجلة ومادية جدا ومو شايفة خير
اخوكي لازم يستخير ويحط النقط على الحروف معها