مالج صارله اسبوع ؟؟؟

[Nice day]

السلام عليكم كويتيات ..

بدش بالسالفه على طوول ..

اخوي ملج صارله اسبوع امس يايني يتشكى ..

يقول البنت ........ ماديه وااااااااااااااااااااااااااايد
من اول يوم طلعه قالتله انا ابي الماس وذهب وساعات وماركات وكل مشترياتي من الصالحية ومااشتري من التنزيلات ابداااااا .. علما ان اهيا بنت ناس عاديين جدااااا

وفوق هذا تقول ماابي عيال الا بعد 5 سنين وهي عمرها 24

وجافه وكله تتحلطم وكله اسلوبك موحلو ولا تطالعني والناس تتزوج ترتاح وتستانس المفروض بس طلعات وهدايا ومشتريات

و24 ساعه تتكلم عن الفلوس ومن 3 يوم قالتله انا ابي معاش تمشيلي مو اقل من 300 دينار واهيا مدرسة

وانا ابي شقه اثثها كلش ي من الغالي

وشهر عسل ابيه شهرر كامل الف فيه فوق 5 دول اوروبيه حط حسابك كل ببشتري ماركات وجذي بستانس

وانت ليش للحين سيارتك قديمة ؟؟ علما ان سيارته موديل 2008
تقول لازم من السيايير الكشخه

والافينيو و 360 كل الناس تدشله اما الصالحيه والرايه بس اللي عنده فلوس ويشتري فانا احب اتسوق من هناك

وفوق هذا تخيلوا تبي تسوي اذا ياها عيال تبي اسامي التجار مثل ثنيان غانم دعيج عبدالوهاب حتي بالاسامي تبي فلوووس

اهوا انصدم حده

تخيلوا امس طالع معاها ولا تسمع صوت ولد اخوي تقوله ييبه معاك اهوا على النيه وداه قالتله انا قتلك ييبه ماصدقت خبر عابل نفسك فيه انا مالي شغل وماكو شغل وانت ماتعرف الاتكيكيت وهالحجي

الحين معفووووف ومنصدم شيسوي مع هالناس ؟؟؟؟؟؟؟؟؟؟؟؟

 

[@ام ضاري@]

الحمدلله والشكر بس شنو داشه علي طمع عيب عيب وين قاعدين
عزالله جيل ها الوقت بعضه مااقس
حبيبتي دام اخوج للحين ملجه خل يستخير مره مرتين هذا زواج مو استغلال
وماااخاب من استخار ياعيوني

 

[نور دنياه]

من اولها داشه ع الثقيل طلبات ، اخاف حد قالها هذا كنز واغرفي منه قد ماتقدرين !!!!
خلي اخوج يستخير.... شكلها بتكسر ظهره من الطلبات ، ماقالت وين تبي العرس ؟ باي قاعه بعد ؟!؟!

 

[شروق &]

باين انهاجاهله بالمره لذلك زي ماقالت اللي قبلي يستخير
ولازم كمان يجلس معهاويبين لهاعيوبها،،هذي فتره لازم يكون صريح فيهاومايجامل لان على اساسهاراح ينبني
عمر كامل واسره،،،
الموضوع مولعب !!
ولازم يبين لهاانه موكل شي الفلوس !!
لازم تكون زوجه صالحه وتقدرظروفه في اي وقت وتكون قدالمسؤليه واذا استوعبت الخيروأهله مااستوعبت بكيفها
الواحديتزوج عشان يرتاح مويعور راسه

 

[الشهد كله]

أهو توه صار له أسبوع معاها وعرف مايتها

ينطر أسبوع ثاني بعد إذا استمرت على هالحال

يقولها يا بنت الناس يفتحها الله

آنا ما تعجبني الناس المادية

شكلي ما أقدر أسعدج ومع السلامة !!!!!!!!

الحمدلله الذي عافانا شنو هالناس ​

 

[عروسة خالد]

يمكن تتبع معه أسلوب التطفيش
انا اعرف بنت جذي ماتبي تتزوج فقعدت تحط لخطيبها طلبات تعجيزية
عشان هو الي يهون والغلط يطلع منه مو منها لانه أهلها قالولها الولد زين
وأهله ناس ونعم فيهم فما حبت تقول مابي وتكسر فيهم
انا مو داشه بقلب البنت بس اقوووول يمكن ماتبي

 

[شروق &]

ومعليش ياعزيزتي لاتزعلين بس والله احنانغلط اغلبنابس يدورعالجمال
ولاندري هي
عاقله؟
حكيمه؟
خلوقه؟
دينه؟
ست بيت؟
ابدا بس اذاشفناها حلوه رحناخطبناوجلسنانمدح شعرهاوجسمهاوبياضهاوووووالخ)
يعني والله انا اشوف انهاتكون عاقله وتحتويه وتريحه احسن من اني اجيبله قمر وتعل قلبه

 

[حبيبي مالكني]

الحمدالله والشكر
هاي بدايتها جذيه الله يعينه بعدين
دامه اخوج على البر خل يتفاهم معاها ويحط شروطه ويبين لها امكانياته
وشنو اهو يبي وشنو اهو الي يقدر عليه
واذا رضت خير وبركة
اذا لا مثل مادخلتوا بالمعروف اطلعون بالمعروف

 

[نـعـومـه]

وااي جد الله يعينه

اخوج لازم يفرض شخصيته ولا بيتعب

شدعوووه الماص ؟؟!!!

خيقولها يابنت الحلال انا على قدي راضيه تعيشين هالعيشه

 

[متوترة]

احسسسسسن هذا الي ينفع مع الرجال خليه تاكله اكل


كفووو قسم انها بنت رجال .
وش نفعني ؟ طيبتي هذا هو يسافر من عند خشمي ولاطق لي خبر.

لو انا من العوب والطلبات الي واجد كان اخذني مثل ماياخذون اخوانهم حريمهم

قسم شي يقهر

 

[Om.hsoone]

منصدمه منهااااا !!
توها اسبوع من ملجت و جذي اسلوبها الله يهديها
فشله والله بس انصح بالاستخااره و انه لازم يكون واضح معاها يعني مثل ما هي واضحه و ماشاء الله ما خلت شي بخاطرها الا و قالته
هو بعد لازم يتكلم و يقول اللي ف خاطره

و الحمدلله هم توهم ع البر ( الله يكتب اللي فيه خير لهم )

 

[Gatwa DaloO3a]

يمه يمه ، شدعوه !

هذي بدايتها ينعاف تاليها

 

[طريق السعاده]

هههههههههههههههههه

اتوقع تبي تطفشه مثل كلام وحده من البنات الولد زين واهلها مدحوه وماقدرت ترفضه ف قالت يطلع هو مايبي وينهي السالفه من عنده او احد ناصحها انها تعوده ع الصرفه عشان مايستكثر شيء بعدين لاطلبت وهي فهمت السالفه غلط

اتوقعها صغيره بعد

عموما الله يكتب لهم الخير خليه يقول الي بخاطره عادي يقولها انا امكانياتي كذا والي اقدر عليه اجيبه الي اقدر مو لازم والشيء المهم ذوق مافي فرق لو صار كل الناس تشتري منه !
خليه يكمل معها شهر بس مو يسكت عادي يقولها كل شيء يبيه ووين حدوده ان تعدلت خير وبركه ماتعدلت له الخيار ي يستمر او يتركها

 

[شــــــــــــــوقــــه]

بالي راح بعيد من العنوان

المهم

كل شي بيد الريال لا يعطيها ويه و اهي تتأدب ما تبي ما تشوف شر الريال يقدر يتزوج متى ما يبي

 

[عـيّــآره]

يا انها بتطفشه او انها ماديه ومو شايفه خير

ينتظر اسبوع او حتى شهر اذا استمرت بهالحال يكلمها ويعرف تفكيرها

بالحالتين لو كانت تبي تطفشه او هي معدنها جذي وماديه ماتناسبه وبيتعب وياها

شنو هالجرأه من اسبوع وتقدر تطلب بهالطريقه يبا حتى لو ماتبيه اشلون تتجرا تتعامل مع ريال بهالطريقه

جريئه وايد ووقحه الله يعينكم ​

 

[التوق]

الله يعين اخوج ويستخير توه عالبر

 

[كويتيه فرنسيه]

قطع شكلها مو شايفه خير

واخوج بعد المفروض مايسكت لها يفهمها ان الحياه مو كلها هات هات هات الفلوس مو كل شي

واذا مو مرتاح لها ومايبيها خلاص دامهم عالبر كلن يروح بطريقه احسن

 

[Blonde B]

ما اصدق حدها مبادئه :/

 

[مدّهره !]

يحط لهاا النقط ع الحروووف


ويفهمهااا وضعه وظروووفه واللي يحبه واللي يكرهه


رضت يكمممل ماارضت الحمد لله مازالوااا على البر ...~

 

[تمنيـتگ]

البنت وايد جريئئه هههه

انا نصيحتي لا يستعيل بالزواج منهااا

خل يشوف طبعهااااا وفكرهااا شلووون :/

البنت مب طبيعيه ولازم يوضح لهاااااا لازم لازم حالته الماديه ويفهمهاااا شنوو زواج :/