مافي اي منفعه من اني اعيش مع اهلي

[شوشو الشقيه]

يسلمو اختي
اقولج شيء تطبقينه بحياتج
سمعي كلامي انا لا اقدر اوضح لاسبابي الخاصة

شوفي اختي انتي الي تحسينه هذا لانه ليس لج هدف في الحياة
حاولي تضعين هدف لج
مثلا انج تسجلين في جامعة وتكملين حياتج
صدقيني والله ثم والله بتغير نفسيتج 180 درجه

وثانيا قولي انا ودي اعيش لنفسي
ابديء برجيم عشان تنحفين
عشان يعطيج دافع قولي انا بسوي حفلة في البيت بعزم عماتي وبنات عماتي
وبلبس فستان لازم اضعف
اختاري رجيم من المنتدي واشتركي مع البنات
انا اول وحده بشترك معاج بشجعج مستعده اشجعه
كتبي لي رسالة انج واضعه موضوع بتبدئين رجيم وانا بشترج معاج بشجعج
لما تسوين رجيم وتضعفين بيزيد ثقتج بنفسج

ثالثا قولي بنفسج
انا بنت اليوم وربي غفور ويسامح عباده
لو عملت خطا ربي بيسامحني اهم شيء رضا الرب
لو لم يسامحونج اهلك عادي كملي حياتج
واهتمي برضا وغفران من ربك
قولي لربك انا ببدا صفحه جديده ساعدني واغفر ذنوبي كلها
تركي اهلك من بالك
ولا تفكرين تنتقمين منهم

فتصرفاتهم شيء طبيعي لانج عملتي خطا
وحبيتي استاذك الخصوصي من وراهم
فالاهل تصرفهم طبيعي لانهم منقهرين كانوا يظنون انه بنتهم تربيها صح
ولكن انصدموا
فانتي لا تبالين لهم ابدا

خصصي نصف ساعة لرياضة

واعملي صداقات جديده مع الناس

يا ليت اقدر اساعدج قسم بالله ودي اساعدج من كل قلبي

يا ليت بين فترة وثانية
تكتبين لي شنو اخر تطورات في حياتج لو برسالة
برد عليج انا بالخاص

على رغم انا لا احب اضيف احد ولا اعمل صداقات بالنت
ولكن انتي معليش بكسر القانوني
انا تره لا احب اضيف اصدقاء
ولكن ممكن انا وانتي نتواصل برسائل بين فترة وثانية

اختك شوشو الشقيه

 

[الفراشه العطره]

السلام عليكم ..

حبيبتي قريت موضوعك وحيل ضاق صدري عليج ياعممري كل الناس تمر بظروف أقوى من ظروفج ويتغلبون عليها لأن الحياة ما أنتهت بهالشكل ولأنهم واثقين بأن المشاكل ما تخلص وراح تقابلهم محن وصعاب أكبر .

ثانيا: القرب من الله عزوجل خير وسيلة للراحه النفسيه والجسديهه بتشعرين بالراحه وسعادهه فظيعه < أسألي مججربه ... أسألي الله تعالى أن يحنن قلب والديج وأخوتج عليج ويسخرهم لج

ثالثا: الواحد لازم يكون له طموحات وأهداف يحققها لازم تخططين حق مستقبلج لا تقولين لي ظغوطي النفسيه وصرت حبيسهه الأدويه كلنا نمر بظروف لدرجه مانبجي فيها لان نحس الدموع ماتعبر عن الي بدواخلنا من الحزن لكن كل مره نسقط فيه نتعلم أكثر ونوقف مشبثين أكثر

رابعا: العلاقات كوني لج أصدقاء وإذا تبغين تبعدين عن المشاكل والصدمات خلي علاقتج معهم فيها من الرسميه يعني تسولفين وياهم وتغيرين جو وتعيشين حياتج وتتمتعين لكن توثقين أنج ما وضعتي أسرارج عند نشرة أخباريه

خامسا: الكتب , الكتب عامة فيها فوائد تحسينها رحلات متنقله يعني خلج أنسانه مثقفه لج أهدافج واعيه وقوية شخصيه ومو أي كلام يأثر فيج,,,,,,,, أيضا أتجهي لكتب عن تقويه الذات وكيفية إنشاء علاقات ناجحه يعني خلج ناجحه ومتميزه ومنجزه صدقيني لها حلاوه مو منتهيه

سادسا: أبتعدي كل البعد عن العلآقات العاطفيه لأن نسبة نجاحها لا تتعدى 2% ويرفقها أضرار جانبيه لا منتهيه وخاصة في مجتمعنا العربي

سابعا: إذا بتتعلقين بأحد لا تتعلقين بالبشر أبد لانهم أذا ما صدموج وبانوا على حقيقتهم فراح يجي وقت ويرحون من هالعالم ويتركونج أسيرة حزنج أنا مو قصدي صيري قاسيه لكن كمان التعلق القوي شين .. فأفضل تعلق هو التعلق بالله ف الله سبحانه مجيب لج في أي وقت وكل البشر زائلون إلا وجهه سبحانه ...

قريت موضوعج متأخر يعني بس حبيت أرد < =))

 

[((shoOoshoOo))]

الله يحنن قلبهم عليج

 

[قمر بيت أبوها]

اذا هم اذوك انتي صيري احسسسسسن منهم والله عيب تسبين ناس انتي شايله اسمهم
ومو لازم امك وابوك يدلعونك عشان تحبينهم بالفطره لازم تحبينهم اهلك
لا حول ولا قوة الا بالله الدنيا اختلفت والناس ماتت اقلوبها

 

[دلوعة أبوهآ]

لآحول ولآقوة الا بالله
لآتدعين عليهم هذول اهلك مهمآ يصير ..



الله يفرج همك

 

[Mahari]

لا تخلين الحزن يسيطر عليج

لو ضاقت عليج الدنيا وتسكرت بويهج ابواب الدنيا

راح تلقين باب مستحيل يتسكر

ادعي لربج طلعي اللي بقلبج له

ادعيله يفرج همج ويحنن قلب اهلج عليج

ادعي اشكي للي عينه ماتنام

ردي للجامعه او اشتركي ف اي شي

احدري منتديات شوفي مواضيع

تعرفي ع ربع يدد

سولفي معااهم اامزحي انسي حياتج

عيشيها بفرح ووناسسه

ترا وربي عقب تندمين انج قضيتي وقتج بهالسوالف

سمعي نصيحيتي كل لحظه بعمرج استغليها

تبيين ربع عندج بنات المنتدى شي بنات طيبات وكفو اختلطي فيهم كلميهم

 

[زوجة عزيز]

الحمدلله انج موظغه عشان ماتتملين من قعدة البيت والله يرزقج بالزوج الصالح ان شاء الله

 

[فرفرة]

لاحول ولا قوة الا بالله العلي العظيم
استغفرالله واتوب اليه
اختي
انتي اول شي سالتي نفسك ليش يعاملونك هالمعاملة؟؟؟؟
عشان الاستاذ صح ولا انا غلطانة؟؟؟؟ انزين الحين تتوقعين انهم ينسون انه بنتهم اللي عطوها الثقة العمياء يكتشفون انو كان لها علاقة مع الاستاذ؟ انا اقول نعم كيف انزين؟ تعرفين كيف تقدرين تنسيهم الماضي؟؟ انا اقولك بانك تخليهم يثقون فيك مرة ثانية. كيف؟ باحترامك لهم وتفتحين معاهم صفحة جديدة وقربك من الله عزوجل اهم شي .. الحين اتاكدت من كلامك انه ايمانك ضعيف عشانك كنتي تبين تنتحرين , انا لاحظت انه معظم البنات الشيطان اتغلب عليهم ويبي ينفذ وعده بأي طريقة انه يأخد معاه عدد اكبر من الناس الى جهنم, كيف تقدرين تسبين اهلك وتدعين عليهم بالموت؟ كيف؟ الله اكبر ما اقيح هذي الكلمات اللي كتبتيها والتي تقشعر الابدان نسيتي الاية(ما يلفظ من قول الا لديه رقيب عتيد), ماامرنا الله عزوجل بالاحسان للوالدين ما امرنا؟؟ ونسيتي انه رضا الله مرتبطة برضا الوالدين نسيتي؟ الله اكبر اللهم توفنا وانتا راضٍ عنا يارب العالمين يارب لا تغضب علينا , تذكري اذا ما احترمتيهم عمرك ما بيحترموكي وتذكري( كما تدين تدان) مثل ما الحين تدعين على اهلك باجر عيالك نفس الشي بيدعون عليكي
نسيتي الاستغفار الذي هو سبب بتفريج الهموم لا حول ولا قوة الا بالله

انا بسألك سؤال مرة من المرات رحتي بستي راس امك وابوك واعتذرتي منهم مهما كانوا هم الغلطانين ؟؟؟ وحطي تحتيها خطين مهما كانوا هم الغلطانين؟ انا اذا غلطت اروح اعتذر من امي او ابوي وفي حالة بعد اذا هما غلطوا
وبعدين تعالي اذا تقولين اهلك يهتمون بكلام الناس من حقهم لانو كلام الناس سم وما يسكتون والبنت الله يستر اذا الناس اتكلموا عنها لانها عز وكرامة العايلة
وبعد استغربت من موقف اهلك من اخوكي لما ضربك من دون سبب وشفيها ياخي انا اختي الصغيرة كانت تضربني من دون سبب وضربها بعد يعور واروح لامي وابوي يوقفون معاها ويصرخون علي بعد ليش لانهم يعرفون انها صغيرة وتسوي اي شي لانهم يقولون لي كبري عقلك يافرفرة حتى لو ضربتك اسكتي عنها اكبر عقلي لاني انا الكبيرة عنها والمفروض اتقبل هالشي
وبعد حبيبتي اذا هما يقولون عنك قبيحة روحي اتزيني وسوي خلطات الخلطات مليانة وغيري من لون شعرك وكل شي فيكي بعدين ما بيقولون شي ان شاءالله*وبدل ما يقولون قبيحة بيقولون الحلوة ان شاءالله
شوفي اتعاملي مع امك وابوكي مثل ما يحبون تعاملينهم وتقدرين تخليهم يمبك بذكائك اشتري كتاب استمتع بحياتك للعريفي والله انو كتاب حلووو كثير ويتكلم عن كيفية ترتيب حياتك وتخلين الناس يموتون فيكي وكيفية تتعاملي معاهم( مع امك وابوكي)والله انو غيرني كثير وعرفت كيف اتعامل مع الناس ورخيص وتلاقيه بالمكتبات ان شاء الله
شوفي هذا الموضوع للاخت من منتديات عالم حواء ماشاء الله عليها شوفي شو سوت لامها كيف فرحتها
http://forum.hawaaworld.com/showthread.php?t=3510168
وانتي سوي هالطريقة وان شاء الله باذن الله بتعرفين كيف تتعاملين معاهم وتخليهم يعرفون كيف يعاملوكي
ولا تنسين فرشي سجادتك بالليل ولاتسرحي بالصلاة اتغلبي على الشيطان ترى هو يحاول يأذيكي والله يخليكي بطلي تاكلين الحبوب بتدمرك لا تاكليها بعدين تتعودين عليها وتصير مثل المخدرات اعوذ بالله بطليها والجئي لرب العالمين اللي ما بيخيب ظنك ان شاء الله
والسلام عليكم ورحمة الله وبركاته

 

[لمى الهاجري]

هاي تجمع بنات دشوه http://www.q8yat.com/t1017144-12.html

 

[مسك حياتي]

حبيبتي مهما كان هذول اهلج امج و ابوج جنتج و نارج ...

اهم شي رضاهم هم لج طريق للجنه ...

لا تدعين عليهم تحملي و بريهم و عاملي الاساءه بالاحسان ...

ما راح تخسرين شي بالعكس تكسبين الاجر العظيم ...

هذول اهلج ما تقدرين تغيرينهم بس تقدرين تصبرين و تشترين الاخره بهالصبر ...

مو معقوله بيت يخلى من الايجابيات ركزي ع ايجابيات امج و ابوج مثال الكرم الطيبه السنع الخ ...

و امدحيهم تقربي منهم و تقربي من خواتج خلي هدفج تخلين بيتكم سعيد ...

اقل شي سوي نفسج عميه عن كل السلبيات من كلام لي نظرات لي افعال عطيها اكبر طاف و عيشي مرتاحه ...

اهم شي نفسج ربيها عطيها ثقه حب احترام عشان تقدرين تتكيفين مع اللي حولج ...

اقري كتب تطوير الذات عززي ثقتج بنفسج اقري قران يربي الروح و يغسل القلب ...

قيمي الليل و ادعي ان الله يسخر لج من حولج و كثري من الاستغفار ...

لا تستخسرين اي بادره بر لامج و ابوج هديه بوسه راس ابتسامه كلمه طيبه ...

لان انتي بحاجه لها مو اهم انتي اللي تبين الراحه و التوفيق من الله ...

الله يهون عليج ...