محشومه حبيبتي من كلمة زباله انتي لو انسانه مو زينه ما كنتي كتبتي لنا بالمنتدي مشكلتج مبين عليج بنت متربيه وتخافين الله والشيطان شاطر كلنا نغلط بهالدنيا لكن مشكلتج ان اهلج ما عرفوا يتعاملون مع المشكله صح والله يهديهم لج يارب ,,,, شوفي يا ورده يا زينج وانتي تتحلطمين ومعصبه علينا لووووووووووووووووووول فديت اللي معصبه والله ,,, انتي لاااااااااااازم تتبعين هالخطوات علشان حياتج كلها تتغير للافضل باذن الله
اولا:علاقتج بربج لازم تزيد بالصلاة والقران والصدقه والدعاء والصياموبصلة الرحم غصبن علي اهلج لازم تكلمينهم حتي لو يكرهونج والعبره بالنهايه لان الله بيرضي عنج وتكسبين كل شي
ثانيا:تكملين دراسة ولا تفكرين انج مريضه نفسيا تقمصي شخصية البنت المثاليه وكرري كل يوم الصبح انا ناجحه وراح اتخرج قريب
ثالثا:ابعدي عن كل شي يضيق خلقج واشغلي نفسج بهوايه يديده تخليج تشغلين وقت الفراغ لانه هو السبب بالتفكير السلبي
رابعا:اهتمي بجمالج واحضري مناسبات اجتماعيه واتزوجي بس المهم تختارين الزوج المناسب للعمر كله
خامسا : مدحي اهلج عند الناس دايما لان راح يوصلهم الكلام ويحسون بالذنب وتتعدل علاقتج معاهم وهم اهلج اولا واخيرا
سادسا : استغلي مناسبات اعياد الميلاد وغيره للتواصل مع الاهل بهدايا بسيطه او حتي مسج تكسرين حاجر الكره بينكم ولج اجر بالمبادره
سابعا : الدعاء يرد القضاء والصدقة تطفي غضب الرب ويمكن تكونين سويتي شي غلط وانتي ما تدرين اغضب الله او الوالدين الله بيغفر لج ان شاءالله ويسمح دروبج يارب
لا تتضايقين حياتج اذا تبينها جنه انتي بتسوينها جنه واذا تبينها نكد انتي بتنكدين علي عمرج
رتبي افكارج وصلي ركعتين وقولي كل اللي بخاطرج لرب العالمين واستبشري خير وعيشي الحياة اللي تبينها برضا الرحمن
عيشي حياتج يا ورده الدنيا بخير الحمدلله وابتعدي عن سوالف الادويه والخرابيط مافيج الا العافيه
