ماعندج صديقات اذن انتي ..................... !!

[L I L Y]

انا ايضاً تخليت عن الجميع لأجل حياتي
صديقات هذا الزمن اقدر اسميهم مرض وباء لانهم عايشين على الحسد وقتل الانسان ببطء
اذا لازم يكون لك اصدقاء فبحثي عن الملتزمات دينياً فقط
وغيرهم ماراح تستفيدين الا الهم والحزن

 

[Huda alotaibi]

سعيده في هذا الزمان ليس المهم هو الفضفضه للاخرين
ولا اختيار الاصدقاء

افضل صديق هو الكتاب فهو نادر جدا رغم اني افتقر اليه كثيرا

كل شي حولي هو صديق مقرب لي الا البشر فعلاقتي معهم زملاء

 

[منـــاي]

انا نفسج قبل الزواج صديقاتي وااايد من تزوجت وارتبطت قلوا حييل

وقمت احس بشعور مختلف :/ ان الشخص الي برافجه لازم يكون مميييز واستثنائي

حتا اني افضل اني اطلع بروحي على اني اطلع مع صديقه ما استانس وياها :/

بس للحين احب رفيجاتي المينونات و افرح لفرحهم يعني عادي لا تحسين انج غريبه انا نفسج واكيد غيرنا في ناس وايد

 

[&موناليزا&]

وعليكم السلام

عندي صديقات وزميلات وااااااااااايد وعلاقات اجتماعيه والحمدلله والكل يحاول يتقرب

لكن مو اي صديقه صديقه وتكتشفين معدن الصديقات بمواقف معينه

فأنا فقط أثق بصديقه كانت معاي من ايام الروضه تعرف عني كل شي وأحسبها مثل خواتي

الحياة لاتقاس بعدد الصديقات ولكن بالمعدن والجوهر

 

[ليه الغرور]

الصداقة نااااادرةو شبه معدومه في هذا الزمن،لكن دوري راح تلقين

 

[متفائلة 86]

الصداقة شي حلو.. بس الي مب حلو في ان الي تخلصيله واتضحين علشانه ما ايبين في عينه
والصدمة الي اتييج من بعدها واتعيفين كل الناس انا مع ان اتكون علاقتي سطحية مع الناس لو يبون مساعدة مني ما بقصر
معاهم مهما سو فيني من اساءة وطبعا ما بنتضر شي من اي احد
وانشالله الله يرزقنا بالصديقات الي يخافون ربهم بعيد عن المصالح

 

[Huda alotaibi]

اذن انتي ناجحه

 

[a7taj as2lk]

اتوقع على حسب الشخصيه او على عدد الخوات
فمثلا اللي عندها خوات واجد قلوبهم على بعض تكتفي فيهم ومو بحاجة للصديقات
واللي اجتماعيه تحب تعرف ع البنات ف تحتفظ بصداقتها
وهم مو غلط ان الوحده ما عندها رفيجات يمكن صاير شي بينكم
ف كلن على حسب ظرووفه

بالنسبه لي انا شخيصا
انا اقول ان الزمن لي الحين زين
الحمدلله يارب عندي 8 رفيجات واصلا استحي اسميهم رفيجات
خوااااتي واكثر من خواات والله . نعرف بعض من 7 سنين
وسرنا واحد ونخاف على بعض اكثر من روحنا وماعندنا سوالف
غيره وحسد بينا الحمدلله _الله يتمم علينا يارب
ولا يفرقنا وان شاء الله تصيرون محظوظين نفسي وتلقون نفسهم


ويسلموو ع الموضوع الحلوو
​

 

[um hussain bh]

سلام عليكم
شخباركم بنات
اني ماعندي صديقات كلش من قبل لا اتزوج واااااااايد عندي بس الحين كلشششششششششششششش بس صج صج ملللللللل بدون ربع
عندي زملاء بس في الواتس اب بس في الصج ولاشي بصراحة يعني وجودهم وعدمه واحد​

 

[منيره آل ثاني]

كانت عندي صديقه جداً عزيزه على قلبي
ولما خذتني الدنيا منها قلت ليش ما اتصل عليها وأسئل عنها
ودورت ودورت ولقيت رقمها في دفتر عندي قديم
واتصلت ردت علي أمها واتفاجئت انها
تزوجت وجابت ولدين
حسيت ساعتها ان ليش ما قالتلي ولا اتصال ولا شي
بس في نفس الوقت كانت روحي رياضية قلت ربي بعدني عنها لسبب هو عارفه
انا مو عارفته لين الحين
حاليا عايشه بلا أصدقاء والحمد الله علاقتي مع خواتي زينه

امممممم
الوحدة شتسوي يا أما تحزنين على ما فاتج يا اما تشغلينها بشي يفيدج
الحمد لله أشغلتها بشي مفيد

 

[أسم وحدة]

الصديقات شي مهم ,بس أهم شي مانصادقهم لمجرد نضيع وقت أو مصالح ,بالنسبة لي أهم شي أرتاح لهم, أنا كان عندي صديقات بعضهم خليتهم غير مأسوف عليهم لأنهم مو كفو , و بعضهم خلوني لأنهم لقوا غيري , و بعضهم خلوني لأنهم حساسات و أنا صريحة , و بعضهم فرقت المسافات بينا , و ألحين بس صديقات فون ودي لو عندي صديقة بالواقع شي حلو يكون عندك صديقة و أنا ضد إلي تتزوج و تترك صديقاتها الا إذا فيه شي جابرها شي غصب عنها و أكيد إذا تزوجت بتنشغل بس بيجي يوم ينشغل زوجها غصب فلأفضل نحافظ على صديقاتنا حتى بعد الزواج بس مانخلي هالصداقة تأثر على الزواج يعني كل شي له وقت وكل وحدة تراعي ظروفها

 

[يستفزني غلاك]

قبل الزواججج رفيجاااااتي شكككثر ويماااا ماااقدر اعيش من غيرهم واتصالات وحوووسسسه و ماتخيلت اني بيوم من الايام اتغير واقدر اعيش من غيرهم بعدها بس تزوجت تدريجياا قلووماتم عندي الا 2او ثلاث والحمدلله مكتفيه فيهم لان صج اعتبرهم خواتي يعذروني اذا انشغلت يسالون عني اذا مرضت بس تصير مناسبه التبكات و دنيا الله يحفظهم لي
سبحان الله منو يصدق اني انا كل اللي كانو معاي كملو حياتهم يمكن حتى ارقاممهم الاغلب ماعرفها

 

[dalo0oa121]

بدون صديقات وعادي مب مهم عندي لوول

 

[حدي متدلعه]

انا احب الصديقات لي صديقات بالجامعه احبهم ويخافون علي وينصحوني
ولي صديقات عالواتس وعالنت ما شفتهم عمري بس احبهم
الله يخليكم
احس الصديقه الطيبه بتزيين حياتك
وفيه صديقات بتنخدع فيهم بكونو مريضات
الله يوفقنا

 

[1001]

انا ماعندي صديقات !
ايام الدراسه كانو 4 الان بح لانهم تزوجو وهم اقطعو في وحده منهم قالتلي ان زوجها محلفها ماتصادق غير متزوجات و في حريم يخافون على ازواجهم من صديقاتهم خصوصا اذا كانو مو متزوجات
لمه اقطعوني قعدت ابجي وايد وايد و نفسيتي تعبت بس الواحد ينسى ويعيش حياته

بس عندي زميلات عمل و زميلات دراسه و زميلات النادي وبس

وايد مرتاحه
في ايام اشوف وحده بالافنيو بس ما اروح اسلم لان زوجها يكون وياها وما ابي اجرح نفسي اذا صدتني
صعبة تعيشين حياتج مع صديقات حياتج وعمرج كله لهم وبس يتزوجون يقطعونج لانج مو متزوجه! صعبه حييل

 

[ام عمر جمال]

السلام عليكم
حبيبتي انا ماعندي صديقاتولا اختي ما عندها
سبب بس لان انا واختي مثل صديقات نطلع سوى نتفصح سوى ا نروح سوق نشتري ملابس واذا في مشكلة تكون معي وانا نفس مشكلة لهيك ما بحس انو في نقص او لزمني صديقة
وعم نلبس مثل بعض ههههههههه وفي طريق اذا ما عرفت اعبر بتمسك ايدي
وذا ثقة بنفسي نزلت بتكون معي وترفع معنويات وتقول الي انت احلي من هيفاء ههههههه بعرف كزبه كبيرة مهم جنبي

 

[كويت الاناقه]

آنه .. وحده شكثر ربعي .. بس من تزوجت بديت
اتخلى عنهم ليما خلاص بح ماصار عندي احددد


الزواج تغير وليس تبيديل

 

[ahhaat_2014]

بالعكس الصداقة شيء جدا مهم خاصة بها الوقت الواحد محتاج أحد يفتح قلبه له ويفهمه ويحس فيه بس مو يالضرورة تكون كل الصداقات حقيقية بمعنى الكلمة أنا عندي وش كثر صديقات مشاءالله والحمدالله ماعندي عدد معين للصديقات وفاتحة مجال للكل لكن بعضهم أعتبرهم خوات مو مجرد صديقات وبعضهم صديقة للتسلية وتقضية الوقت تكون هي عارفه وأناعارفة هالشيء يعني ماينفع تتعمقين معها وفي اللي تعتبرك صديقة بس وقت الطلعات والتمشيات وفي الصديقة اللي ماتلجأ لك الا وقت الحاجة وهم انتي تلجأين لها وماتقصر معك يعني كل واحد له مفهوم مختلف عن الصداقة بس يظل الإنسان منا بحاجة للصديق ومايستغني عنه وبدون الصديق يكون شخص ناقصه شيء كبير واللي يخرب الصداقه ويبعد الناس عن بعض كثر التشره والمعاتب وبها الوقت ودك الواحد مايعشم نفسه بشيء من أحد لا صديق ولاقريب ان جاء منهم خير جزاهم الله خير وان ماجا يرضى ولايتطلب وهذي وجهة نظري

 

[همسات متفائلة]

حلوه الصداقه وحلو يكون عندج صديقات بس الأحلى من كذا انهم يكونوا وياج من عمر يعني مثلا من الابتدائي حلو تسميينهم صديقات بس اللي تعرفين عليهم حديثا مايعتبرون نفس اللي معاج قبل العشره أهي اللي تبين الصديق

 

[shahad 88]

مثل ماقالوا زمن مصالح
انا عن نفسي كانت عندي صديقة الروح بالروح فجأة تغيرت وتركتني
واكيد الصداقة شي ضروررري