ماعندج صديقات اذن انتي ..................... !!

[fofo 93]

بما أني وحدة ما عندي خوات فبصراحة ما اقدر أعيش بدون صديقات
مهما كان الام مو قريبة من عمرك ولا راح تفهمك كثر الي بعمرك مادري بس بصراحة
رافجت كذا وحدة منهم وحدة معاي بالثنوي سافرت درست برة وانقطعت عني والثانية فجأة
انقطعت أخبارها يعني الاغلب مجرد مصلحة حتى بالجامعة اذا صادقت وحدة مجرد ما ينتهي الكورس
تعرفون اول سنة جامعة تتغير الكلاسات والمواد فهي صارت تتنحش مني
باختصار الصداقة نااااادرة بهالزمن والله كريم جاري البحث

 

[Bnt-USA]

غلطانه حبيبتي ،،


الوحدة اذا تزوجت بالعكس المفروض تزيد معارفها عشان المستقبل وعيالها وعشان الكل يذكرها بخير


انتي يمكن متعقده من البنات مسوين لج مشكلة او شي .. ؟؟

صدقيني اذا حطييتي حدود لعلاقتج مع صديقاتج محد يقدر يضرج !!


وحلات البنت تكون اجتماعيه ولها معارفها ،،


ولازم الوحدة يكون عندها صديقات عشان تسولف معاهم وتاخذ اخبارهم ويساعدونها وتساعدهم

ما اقصد انج تقولين لهم مشاكلج واسرارج @@ انا ضد هالشي


وجهة نظر ، ،

 

[LiL LiLeY]

انا وحده الي الي عايشين بدون اصدقاء

ما عندي غير خواتي + امي اهم صديقاتي

صارلي اكثر من 6 اسنين من غير صديقات و انا توني 18 سنه تخيلوا

بس عاادي ما فيها شي

 

[كويتية بروما]

عندي صديقات واااايد
والزواج والغربه ابعدتني عن الكل وانقطعت علاقتي فيهم
الله يحفظهم وين ما كانو

 

[بولندية]

امبيييييه انا عندي الصداقة ضرورية بصراحة احس حتى جدام ريلي حلو ابين له ان عندي معارف و رفيجات

ماحب اللي تعزل نفسها عن الناااس

 

[شذى2007]

بالعكس الصداقه ضرووريه في حياتي وماحب اتخلى عنهم واذا تزوجت يعني خلاص مابي الناس بالعكس جمعه وطلعه معاهم غير الصديقات

 

[اميره^_^بحلآها]

انا عن نفسسي عندئ رفيجاتي بس صراحهه ..~

انا ابي اكون بعيدهـ عنهـم بس جذي لانهـ صارت لي سالفهـه مع وحدهـ منهـم و بعدهـا قلت بس رفيجات بل اسم او اذا كانت وحدهـ منهـم تبي مني اساعدهـا بشغلهـ ما عندي مانع لككن غير جذي لا ..!

 

[بكيزة هانم]

الله يرزقنا ولا يحرمنا ..الصداقة مهمة

 

[هناء - Hana]

مادري بس ؟يعني مسستحيل وحدة ماعندها صديقات وبعدين في بنات من عمر صديقات يتركون بعض بس عششان سبب تاااافه..ومافي وحدة عايششه ماعندها صديقة اصلا مسستحيل..انا ماصصدق..سنين بالمدرسة والجامعة لااا مسستحيل؛*

 

[نوره 99]

الحياة بدون صديقات ملل .
يعني أنتي ماتملين من جو البيت والأقارب المقيد ؟
بالنسبه لي مو ضروري تكون العلاقه قويه بس أهم شي يكون بيننا ود ومحبه .

 

[حبي بيرين]

هو وينه الصديق ؟؟ موجود وغير موجود

 

[توت بارد]

ايه لازم صديقات ولازم نعرف شلون نختار ..
موب اي وحده اماشيها ..
والحمد لله هم نعمه زحف وفله وينسونا همومنا وينبهونا عالغلط ..
الله يسخر لي وياكم صديقات الخير ويبعد عنا صديقات السوء يارب ..:eh_s(17):

 

[ام زوغه]

حبيبتي انا انسانه ما عندي صديقه
امي واهلي اهم اصدقااااائي في بنات عفوا يعني اذا حبيتيها وعطيتها ماي عيونج تكسرج

وكثرالصداقه مو معارف وانا اللي عندي ربع
كثرتهم مرات ع الفاضي لو تبين من وجده شغله بتعطيج ظهرهااا

اهلج عزوتج

 

[ي قلبي ابتسم]

موضوع ع الجرح

الصراحه ماعاد يهمني صداقه بعد مانطعنت بكثثثير ناس
وفي منهم من تزوجت ولآعاد ترد وكانها ماتعرفني
وسبحان الله اذا بغت شيء تتصل ...! اغلبهم كذا

والادهى والامر صديقه عمري من ايام الثانويه لو تطلب عيوني اعطيتها
ودخلنا الكليه سوا واتخرجنا وجلسنا بعد التخرج حوالي 3 سنوات لازواج ولاوظيفه

كنت اشيل همها وتشيل همي

وطلبتني واسطه واخذت ملفها وقدمت لها باكثر من مكان عشان نتوظف مع بعض
ودائما اكلم الوالد يتابع موضوعنا مع اني مو مكلفه فيها

والله العظيم حتى بطاقات شحن جوال ارسل لها وملابس سهرات اذا فصلت لبسه وحده البسه وارسل لها تكشخ فيه
عند جماعتهم ولآقصرت بشيء وربي يشهد بما اني مبسوطه ماديا ماحب اشوف اصحابي يعانون

واذا ضاقت عليها الدنيا ارسلها قصص دينيه وفلاشات تصبرها على حياتها
~> مع انها ترد معصبه وتقول شايفتني عاصيه حتى ترسلين لي مثل ذي الشغلات
واقدرها واقول اكيد نفسيتها تعبانه واعدي سوالفها


وبالاخير انصدمت

تقول سوالف كذب وتكذبني بعيني وسالفه وظيفتها ماتيسرت وقلت لها
انو والدي واسطه ومعروف وهو ماقصر يتابع المعامله
وردت علي بضحكه سخريه ضحكتنيني من متى والدك واسطه ويفهم فيها

لو يفهم كان دفع فلوس لاي واحد ووظفنا ~> قصدها انو لازم رشوة

رديت اذا انتي ماعندك مبدأ وبتعيشين ع الحرام شيء يخصك اما اوالدي ولله الحمد يخاف الله

ومو ملزوم يدفع رشوات عشان يرضي الناس ويغضب رب العالمين

وغيره مواقف كثير الله يستر عليها من جد جرحتني
ومن بعدها غسلت ايدي بعد ماعرفت انو مامنها صلاح
والى الان تحاول تتصل وترجع علاقتنا بس عافتها نفسي


مو شيء يقهر يابنات بعد ذي العشره اكتشف انها حقوده


دنيا وسخه

 

[سارة ة]

انا وحده الله ماوفقني في اختيار الصديقاات
والله والله كل اللي تعرفت عليهم مصااااااااااالح وبس تتزوج والا يجيها عيال اتغير حييييييل واتخاف لا احدسهااا ومايعلمون ولا ينصحون بشي
انا صديقتي امي وبس وعساااااالله يطول بعمرها ويخليها لنا مافي نفس قلب الام

 

[أمي قرة عيني]

وايد بنات لما يتزوجون يهدون رفيجاتهم مدري منكثر المشاغل والا شنو السبب ؟؟؟

على العموم اذا رفيجتي مو مثلي ومو على قلبي ماتلززمني كلشششش أعيش وحيده أبرركـ

في بنات يتشرهون وعلل غصب الواحد يسحب نفسه منهم ..

 

[manoooram]

اي أقدر أعيش بدون صديقات اذا من وراها مضرتي وتعبي
والدنيا بخير مو معقولة الكل مو زينين وما فيهم خير
والحمدالله رزقني بمجموعة بنات ونعم فيهم

 

[هنا22]

الصداقه بنسبه الي انج تتعرفين على انسانه مريحه ومرتاحه لج هي بعد وبالزمن تتقوه العلاقه بس المشكله ان البنات اغلبهم الي تعرفت عليهم مزاجيات

 

[Dr.Loloza]

انا عندي صديقات ولكن احب ان احتفظ بعدد معين منهم يعني ما بجب يكون عندي كتير صديقات عشان كثرتهم بجيبو المشاكل فبفضل بعدد معين

 

[جيتارا]

السلام عليكم,,

أنا بقولج الغالية شي,,



الصداقة حلوة ,,, والربع تراهم حلوين في وقت الشدة ووالفرح والحزن وحتى في وقت نزول دمعتج,, تحتاجين لمن يمسحها عنج,,


ولكن,,

في الصداقات لا تلزمين نفسج بوحدة,, لأنه لو راحت عنج بتلقين صعوبة في انج تلقين من يعوضج عنها,,

.. انا بذكر لج مثال بسيط,,

واحد من اهلي قالها لنا,, صارت في الدوام عنده,,

اثنين من الشباب رباع وايد في وقت البريك والطلعات بس هالإثنين ويا بعض,, حتى في وقت الداوم ما يلقونه دون ربيعه,,

واحد منهم اتوفى اغلب الظن بحادث,,

وذاك ,, الريال من بعده,, اتدهورت حالته,, يوم يداوم وعشرة غياب,, لأنه لزم نفسه بشخص واحد,,

اختاري لج اكثر من صديقه ,, وصدقيني ,, بتلقين الكل ,, يرابعج,, ولا تلزمين نفسج بوحدة,, تتلعوزين من بعدها أو بسبب انشغالها,, عنج,, ولا تنسين الأسلوب الحلو ,, والتعامل الراقي يجذب لج اللي ما ينجذب,,


موفقه فديتج,,