ماعندج صديقات اذن انتي ..................... !!

[شووووشن]

السلام عليكم


وايد بنات غرقانين بالصديقات .. فيه اللي بينهم مشاكل وفيه اللي شحلاتهم
وبعد فيه اللي ربع من الروضه لين عيلو .. وفيه ناس ماعندهم ربع !!


شرايكم : عادي تكون الوحده ماعندها صديقات ؟

آنه .. وحده شكثر ربعي .. بس من تزوجت بديت
اتخلى عنهم ليما خلاص بح ماصار عندي احددد


واحيانا اهوجس .. ليش سويت جذي عاد مدري مالاقي اجابه
بس احسه خلاص عادي .. مع انه وايد احن لايامي وياهم




انتم شرايكم ؟
​

 

[PuPa^^SWeeT]

انا صديقات


وعندي زميلات

وعندي معارف



بس الصديقة اذا ماتكون على قلبج و اتخاف عليج



واتفكر بمصلحتج


واتقولج الصح من الخطا



مالها فوود

 

[سيكلوجيه]

اتمنى يكون عندي صديقات لان الي اعرفهم علاقتي فيهم بالوتساب سلام وبس ،، بس مااحب نفس طريقة الي تتزوج وتترك رفيجاتها ، اتمنى ناس وفيه

 

[الزورق222]

انا صديقات


وعندي زميلات

وعندي معارف



بس الصديقة اذا ماتكون على قلبج و اتخاف عليج



واتفكر بمصلحتج


واتقولج الصح من الخطا



مالها فوود

نفس ردج بالضبط اشفايدة الصديقة مادام ماتفيد وتخاف على الصديقة الكل علاقته سطحية يعنى سوالف ووناسه لكنها لاتهتم بامور الصديقه هذا هو حال المجتمع الان .. عادى تقدرين تعيشين بدونهم ..

 

[اميره1980]

زمنا هذا زمن المصالح و الحين ماكو صداقة حقيقية نفس قبل
احب العلاقات تكون سطحية و اذا بسولف وياهم سوالف عادية و عامة
كان عندي صديقات و في منهم قطعت عنهم نهائيا لاسباب خاصة و في علاقتي فيهم سلام بالتلفون و برودكاست و بس وايد احسن و أريح

 

[شووووشن]

ويه بنات من صج هالزمن ماكو صداقه

الا مصالح

طبعا لو خليت خربت اكيد فيه بس ينعدووون عد

 

[*Pink Girl*]

ما اقدر اعيش بدون صديقات

 

[نهى الأحمد]

يعطيج العافيه ياقلبي


صرنا في زمن قلت فيه الصداقة الحقيقية

واصدقاء المصالح كثروا

لكن ارجع اقولج الدنيا ما تخلى من الناس الطيبه الوفيه المخلصة

والانسان يكون حريص في اختيار صديق له ويكون رسمي نوعا ما


لانه لا قدر الله لو صار فراق لسبب معين

ما يتأثر ويكون الوضع عنده طبيعي


الصديق الحقيقي اللي الكلمة الطيبه دوم على لسانه

اللي يخاف ويحرص على صديقه ومايخون العهد ويحافظ على اسراره

 

[معي احلى]

الصداقه الحقيقيه اصبحت عمله نادره في هذه الايام ..


شخصيا لي صديقة واحده صادقه صدوقه .. هي صندوق اسراري . وهي عندي بمثابة الاخت ..

شاء الله ان تبعد بيننا الاميال .. ولكن أبت قلوبنا الا ان تظل بالقرب .. فعندنا تضيق علي الدنيا .رنه او رساله تكفي لكي تدخل المسن . وابثها همومي ,, وبالتأكيد أجد الحل عندها ..





بجلس اغني على نفس الكلام .,. صديقتي الغاليه واختي الحيبيه عضوه بالمنتدى .. لكنها قليلة التواجد (هي من عرفني على المنتدى )

 

[معي احلى]

الصداقه مش بالكثره .. والله بقدر ماهي .. بالمعدن الاصيل الشخص الذي اذا احتجتيه لقيتيه ..

الانسان الذي ينصحك .. للصح حتى وان خالف هواك .. المثل يقول صديقي من بكاني وبكى الناس عليا ولا ضحكني وضحك الناس عليا ..

الصديق الحقيقي هو من اجده وقت المي وحزني .. يتألم معي .. ويفرح لفرحي ..

مش لوفي خرجات وزيارات وافراح بالمقدمه .. ولو احتست واحتجت احد جنبي يتلاشوا ..

 

[jode abott]

انا مع الي فوقي ��
انشهد

 

[و آلله تعبت : (]

صح الصداقه الحقيقيه لا تقاس اببببببببببببببببببببببداا بكثرة السنين والعشره < هذا الي كنت اظنه قبل ..
رفيجتي كنت اعرفها قبل سنتين بس كانت علاقتي فيها عااديه زميله فقط واقل ..
والسنه الي طافت تعرفت عليها اكثر وصرنا رفيجات واعز من رفيجات .. والله ياناس اني افتح لها قلبي بكل شي وانا واثقه اني لو شنو قلت ماراح اطيح من عينها .. فديتها .. تو امس تحلمت فيها حلم ولما فسره لي الشيخ قال : هذا معناة منامك انها تبيلك الخير فانتي التزمي بنصايحها لانها واضح انها تحبك وتحبلك الخير والله اعلم

والله عرفت انه الصديق مو بالسنين .. الصديق بمعدنه وجوهره .. وفي من الاصدقاء الي فتره وبعدين تطيح اقنعتهم الحمدلله اني عرفت هالاشياء لانه انصدمت بصديقه لي بعد ماطاح قناعها .. ماكنت ادري انه في ناس جذي ..
الله يخليها لي ويخليلكم صديقاتكم

 

[ابدا يالغالي مانساك]

الانساان بطبعهه جتماعي ومستحيل يعيش من غير صديق
لان حتي لو مكاان هناكك ثقه بين الصدااقه ففي زمااااله
تمشي مابينا الوقت وتسليناااا


حتي هنيه بالمنتدي متتخلي عن الصداقه مع البنااات

 

[تاجي أخلاقي]

وعليكم السلام ورحمة الله وبركاته ....

تسلمين شوووشن على هالموضوع &#55357;&#56397;

أنا تقريبا نفسج .. بس اللي أبعدني عنهم بعد زواجي تغربت مع زوجي..

ومازلت مغتربة !!


حتى في غربتي لم اجد تلك الرائعة .. فما زال البحث عنها جاري ...

 

[سّرآبْ]

الصداقات مو شي اساسي في الحياه

انا كان عندي رفيجات وايد ونقلت وكلهمم ماصارو يتواصلو معي
بعدين صارو عندي صديقات بس فرق عن صديقاتي القديمات
صديقات بالاسم

في ناس وايد عايشه بدون صديقات وعادي

 

[ملوك الكويتية]

انا طالبه وصديقاتي كنا ثلاث مراحل وكلنا على قلب واحد حتى لمن انتقلنا عن بعض لي لحين اعرف اخبارهم ولازم نتصل ونطلع مع بعض وامهاتنا وابهاتنا اصدقاء اغلبهم موو كلهم ولله الحمد مهما صارت بينا مشاكل نحلها بيناتنا مو ندخل احد في مشاكلنا وبسرعه نرد مع بعض حتى لو متهاوشين ندافع عن بعض انا الحين 12 وصديقاتي اللي معاي 6 واللي بالجامعه 8 بالجامعه وكلنا لي لحين على قلب وااااحد الله لا يغير عليناااا واعرفهم من الابتدائي والمتوسط معانا والثانوي بس بعاشر بعضهم ب11 وصلوا معاي بس بيناتنا سوالف وطلعات وزوارات مع بعض وامرات نسافر مع بعض عااادي فديتهم نفرنفر هههههههه

ويسلمووووووووو

 

[i afnan]

والله شوفي الحياة بدون صديقات ممله وتطفش وتكون روتينيه طبعا ماقصد صديقات بمعنى صديقات اقصد يعني زميلات وبنات بسنك تشتركون بشي معين اما بالجامعه او الدوام

حلو ان الوحده يكون عندها زميلات تطلع معهم تغير جو مو شرط تكون صديقتها والاسرار عند بعض ومايفترقون لان قليييل ونادر هالشي

 

[ضحاوي الديره]

انا اصنف نفسي على اني ماعندي صديقات بصراحه
اهو بالصج عندي بس وجودهم وعدمهم واحد اتصالنا على محيط الجامعه فقط مو كلوس حيل مع بعض عادي يعني
وبصراحه ربي لك الف حمممممممد وشكر احس ماني بحاجة صديقات كلووس
عندي امي صديقتي الصدوقه اللي مابيني وبينها اي حواجز ابدااا
وعندي خوات فديت اعمارهم وحده وحده 8 خوات كل وحده فيهم احلا واغلا من الثانيه اهما صديقاتي وحبيباتي
وعندي خالاتي علاقتي فيهم قوووووووووووووووويه لأبعد الحدود حسبة خوات لي مع انهم مو صغار حيل
وعندي زوجي توأم روحي مو مخليني بحاجة لا لصديقات ولا لغيره
فأحس اني كلشششش مو بحاجة صديقات
وبحالتي انا ماشوف الصديقات ضروره بصراحه

 

[غـلآوي ّ ~]

انـآ بعض رفيجااتي

تخليت عنهٌـم فتررره وكآن آلغلط منيّ وعقب رديت لهم والله ولآآ كأن شئ صـآر بالعكس معاهٌم من سنين
وقلوبنـآآ علئ بعض ينصـحوون و مآنخش شئ علئ بعض و توأم روحي اهـم
و يـنحـطون علئ آلجرح يبرئ مآآشفت مثلهم للحين

الله لآآيفرقنـآآ

بآلعكس ليييش تنقطعين عنهٌـم إذا رفيجااات صج حسبة خوااات واكثررر

 

[قمر بيت أبوها]

عندي صديقات انقطعنا عن بعض قبل اسبوع شفتهم وسولفنا عادي ماكان افترقنا
وعندي صديقات من الابتدائي الحمد الله اني افترقت انا وياهم قمة الانانيه عندهم
وعندي صديقات عدي واغلطي
بس اهم شي عندي بالصداقات تكون مصليه مسميه وتعدني اخت حتي لمااغلط تقسي علي مو هي اختي ومهما افترقنا سر وسرها ببير مو تلف وتدور باسراري
الله يرزقنا بصافيات النوايا