لفت نظري ردج اكثر من الموضوع اللي متكرر الف مره وكل مره يحذفونه ويصرون ينزلونه بمنتدى كويتيات :q8:مادري شسالفه
ردج كله ذوق واخلاق مع ان الموضوع يتكلم بطريقه مو حلوه عن دبي ولو الموضوع كان يتكلم بكلمه عنهم او عن الهيئه
مثلا بتشوفين الردود وطوله اللسان تطلع من كل صوووووب..المهم انه كتبت بقولج فديت دبي واهلها وكل اللي قلتيه صح
رحت دبي وايد وما نستغنى عنها وقبل اسبوع كنت فيها يا حلوها والله ما شفنا شي من اللي انكتب!!لا سكران يترنح@@ولا واحد يقبل وحده@@ شسالفه ؟؟
الكل محترم نفسه وبحاله الحمدلله الناس تعرف ربها
ومتمسكه بدينها والإماراتيات اكثرهم لي الحين غشوه على الويه ما شالله وكلهم عبي وشيله وشبابكم اغلبهم باللبس
الإماراتي والمصليات بكل مكان مولازم يسكرون المحلات غصب والناس ما تروح تصلي واقفه تنطر المحلات تفتح!! ا
الحمدلله اللي يسمع الأذان يروح من كيفه يصلي ..ولا شفنا خمور او غيره الا يبي هالسوالف يدل مكانها واللي يبي السياحه الحلوه الحلال
يدلها الحمدلله بلد خير مومحتاجه هيئه تلاحقهم بالخيازرين وغيره
بالعكس افتخروا ببلدكم وبالتطوروالعز اللي الناس تحسدها عليه ما شالله افتخروا بحريتكم الحلوه تسوقون وتطلعون وتشتغاون ومعاشاتكم ما شالله قويه مثل الكويت وقطر وموناقصكم شي وكل اللي تبونه
زايد الخيرالله يرحمه ومحمد بن مكتوم وفره لكم الله لا يغير عليكم وعلينا ياااااااااارب
ولا تزعلين ترى من قبلها الكويت قالوا عنها اكثر واكثر
بس شنسوي ما ترمى الا الشجره المثمره
مادري بصراحه اعلق على ايش من كلامك لكن عزيزتي اذا كنتي متظايقه من كم وحده سعوديه هنا لاتحطين حرتك فشعب كامل وتجلسين تنغزين فالكلام
يعني الحين اللي يسوقون وعندهم حريه ومعاشاتهم قويه خلاص ظمنو الجنه ؟؟؟
حبيبتي والله العظيم انك فاهمه الحريه غلط والحمدلله كل ديره فيها الزين والشين واحنا تعودنا على الوضع اللي احنا فيه
ومانقصنا شي والحمدلله على الصحه والعافيه
ولاحظت اختي الكريمه انك تسخرين من انو احنا ننتظر عند الاتسواق لحد ماتخلص الصلاة بجد عيب والله
قسم بالله ان هذا اكبر فخر لنا للعلم فقط عمر الهيءه مالاحقتني بالخيزرانه على قولتك واذا وصلتك معلومات من اشخاص قله فلاتعممين ومثل مايقولون اهل مكه ادرى بشعابها واعتقد الاخت الاماراتيه كفت ووفت بردها عليك وقالت الحق ولوكان فعلا الكلام اللي تقولينه ماكان عاشت فالرياض دقيقه وذكرتي بعد انو ياما وياما غلطنا على الكويت ؟ مشكلتك ياحبيبتي تظلمين شعب كامل على حساب عينه لاتمثل الشعب السعودي عموما الله يهنيكم فحريتكم ويديم عليكم السعاده وكل شخص على ماتعود عليه واحنا بفضل الله ماجينا نشتكيلك الحال
وشكرا لك صاحبة الموضوع والله يهدي الجميع
