ماراتيه تكتب رايا جريئا في هيئة الامر بالمعروف والنهي عن المنكر

[MoonDiamond]

والله يا بنات خنقتني العبره
مادري ليش!

يزاها الله الف خير
والله يهدي حكامنا ويسخرلهم البطانه الصالحه

 

[ســتارز]

راحت علينا الله يعينا ويعينهم وتبارك الله على المملكة وهيئتها

 

[EnGiNeeRa_92]

رد : ماراتيه تكتب رايا جريئا في هيئة الامر بالمعروف والنهي عن المنكر

اي والله !! انا أأيدها ، احنا محتاجيــن هيــئة ، عشان الناس تتسنع !! :eh_s(14):​

 

[(حرفي سعودي)]

رد : ماراتيه تكتب رايا جريئا في هيئة الامر بالمعروف والنهي عن المنكر

والله الواحد يموت قهر على دول عربيه ضاعت هويتها باسم التطور والانفتاح ..........عاشت الدول الاسلاميه قمة تطورها وانطلاقها العلمي والاقتصادي ومكانتها بالعالم وكانت محافظه على دينها بشكل اجبر الكل على احترامها في اوج العصور الاسلاميه السابقه ..........
واذا الهيئه كا كيان غير موجود بدول الخليج ماعدا السعوديه ...........الواحد من نفسه ينكر الغلط غلط وماينسكت عليه {كنتم خير امة اخرجت للناس تامرون بالمعروف وتنهون عن المنكر } لازم يكون بكل مسلم غيره على وطنه وبلده ولغته ودينه

 

[{الجارحه}]

ياحللاه ليتهم يشوفون الافنيوز واللي فيه

 

[الصعيريه]

رد : ماراتيه تكتب رايا جريئا في هيئة الامر بالمعروف والنهي عن المنكر

قالوا بيحطون هيئة الامر بالمعروف والنهي عن المنكر بالكويت
بس جنهم هونوا..!

وياليت يحطونهم بكل دول الخليج ونفتك من هالفسااااد

ويعطييج العافيه

 

[الدكتورة الريم]

رد : ماراتيه تكتب رايا جريئا في هيئة الامر بالمعروف والنهي عن المنكر

@

انا اشهد ان

الهيئة مـنــحــة وليست مــحــنــــــة

عسى الله ان يهدي الجميع

@​

 

[ذات الهمة العالية]

الله يوفقهم ويسددهم وينصرهم خاصة من قبل الناس اللى يحبون بس يتفلسفون بحرية شخصية الحمد الله الذى عافانا ممن ابتلاهم به ربى


ياريت عندنا والله شىء يؤلم اللى قاعد نشوفه
لتأمرن بالمعروف أو لتنهين عن المنكر
أو ليسلط الله عليكم عذابا فتدعونه فلا يستجيب لكم


حديث صحيح

والله يوفق هالأماراتية صج أحبها فى الله من هالمقال وإن دل على غيرتها على الدين احسبها والله حسيبها ولا أزكى على الله أحد

 

[سفانهksa]

رد : ماراتيه تكتب رايا جريئا في هيئة الامر بالمعروف والنهي عن المنكر

يعطيــــــــــــــــــــــــــــــكم العافيه على المرور

 

[يمة يادلبي]

انا مو مع الهيئة لعدة أسباب :
أولا : الواحد لا ارتكب معصية هالشي بينه وبين ربه الله الي بيحاسبه عليه واهوا الي بيتحمل نتيجة افعاله
وادري ان الدين نصيحة بس سؤال يطرح نفسه هيئة الامر بالمعروف والنهي عن المنكر اتعرف ابسط آداب النصيحة ؟ طبعا لا ماعندها الا الاهانة ومدة الايد
وثانيا : اذا الواحد او الوحدة ارتكب غلطه بحق نفسه او بحق اهله فاهله اهما الي المفروض يحاسبونه مو ناس غرب مانعرفهم ولا يعرفونه جك بم يمسكونه وبيأدبونه بأي حق بالله ؟؟

 

[غدووور الكويت]

رد : ماراتيه تكتب رايا جريئا في هيئة الامر بالمعروف والنهي عن المنكر

اللي مايخاف ربه بيسوي الغلط سواء أكو هيئه أو ماكو
بديرته يخاف من الهيئه واذا سافر بره اشلووووون ؟
أهم شي التربيه الصالحه والنفس اللوامه اللي تلوم وتحاسب نفسها

 

[البرنسيسة غلا]

بصراحـه اللـه يلـوم اللـي يلومهـا ..
والله يعطيها العافيه ..

انا اتمنى الهيئه موجوده بكل دول الخليج بلا استثناء ..

 

[sweet & girl]

الغالية أنا اماراتية والصراحة أحس الموضوع فيه نوع من المبالغة وخصوصا من ناحية الأجانب وأنا اشوف أن الأغلبية محترمين أنفسهم أخلاقيا وعلى فكرة ترا نحن نخبرهم أن فيه أشياء مايصلح يسوونها وأنتم عارفين قصدي وربي ما اكذب والي زارت دبي بتعرف قصدي ولله الحمد ما اشوف منهم أي شيء يخل بالأدب بالأماكن العامة مثل الأسواق والمطاعم باستثناء المنتجعات والأماكن الخاصة فيهم والظاهر ما سمعتوا بقصة الأجانب الي انسجنوا لأنهم أخلوا بالأدب وماراح اذكر القصة عشان ما اطول عليكم و أنا ما امدح بلادي بس بعد ما ارضاها عليهم بس بدون زعل حسستوني أنا أحنا في أوروبا وترا ورغم التطوروالنهضة العمرانية والانفتاح لدينا بس بعد احنا متمسكين بالعادات والتقاليد ونفتخر فيها والبنت عندنا مثلكم بالعباة والشيلة ومستحيل في ريال يتجرأ يلمسها ولايضايقها و أتمنى ما تزعلين من كلامي وبالتوفيق للجميع

 

[حلوه & دلوعه]

هذا دور الانفتاحيه

 

[حسايف1]

رد : ماراتيه تكتب رايا جريئا في هيئة الامر بالمعروف والنهي عن المنكر

الله يجزاها خير والهيئه كلهم خير وبركه

 

[أم فـرح الحلوه]

رد : ماراتيه تكتب رايا جريئا في هيئة الامر بالمعروف والنهي عن المنكر

يسلمو ...

 

[Hello_kitty]

الغالية أنا اماراتية والصراحة أحس الموضوع فيه نوع من المبالغة وخصوصا من ناحية الأجانب وأنا اشوف أن الأغلبية محترمين أنفسهم أخلاقيا وعلى فكرة ترا نحن نخبرهم أن فيه أشياء مايصلح يسوونها وأنتم عارفين قصدي وربي ما اكذب والي زارت دبي بتعرف قصدي ولله الحمد ما اشوف منهم أي شيء يخل بالأدب بالأماكن العامة مثل الأسواق والمطاعم باستثناء المنتجعات والأماكن الخاصة فيهم والظاهر ما سمعتوا بقصة الأجانب الي انسجنوا لأنهم أخلوا بالأدب وماراح اذكر القصة عشان ما اطول عليكم و أنا ما امدح بلادي بس بعد ما ارضاها عليهم بس بدون زعل حسستوني أنا أحنا في أوروبا وترا ورغم التطوروالنهضة العمرانية والانفتاح لدينا بس بعد احنا متمسكين بالعادات والتقاليد ونفتخر فيها والبنت عندنا مثلكم بالعباة والشيلة ومستحيل في ريال يتجرأ يلمسها ولايضايقها و أتمنى ما تزعلين من كلامي وبالتوفيق للجميع

لفت نظري ردج اكثر من الموضوع اللي متكرر الف مره وكل مره يحذفونه ويصرون ينزلونه بمنتدى كويتيات :q8:مادري شسالفه

ردج كله ذوق واخلاق مع ان الموضوع يتكلم بطريقه مو حلوه عن دبي ولو الموضوع كان يتكلم بكلمه عنهم او عن الهيئه

مثلا بتشوفين الردود وطوله اللسان تطلع من كل صوووووب..المهم انه كتبت بقولج فديت دبي واهلها وكل اللي قلتيه صح

رحت دبي وايد وما نستغنى عنها وقبل اسبوع كنت فيها يا حلوها والله ما شفنا شي من اللي انكتب!!لا سكران يترنح@@ولا واحد يقبل وحده@@ شسالفه ؟؟

الكل محترم نفسه وبحاله الحمدلله الناس تعرف ربها

ومتمسكه بدينها والإماراتيات اكثرهم لي الحين غشوه على الويه ما شالله وكلهم عبي وشيله وشبابكم اغلبهم باللبس

الإماراتي والمصليات بكل مكان مولازم يسكرون المحلات غصب والناس ما تروح تصلي واقفه تنطر المحلات تفتح!! ا

الحمدلله اللي يسمع الأذان يروح من كيفه يصلي ..ولا شفنا خمور او غيره الا يبي هالسوالف يدل مكانها واللي يبي السياحه الحلوه الحلال

يدلها الحمدلله بلد خير مومحتاجه هيئه تلاحقهم بالخيازرين وغيره

بالعكس افتخروا ببلدكم وبالتطوروالعز اللي الناس تحسدها عليه ما شالله افتخروا بحريتكم الحلوه تسوقون وتطلعون وتشتغاون ومعاشاتكم ما شالله قويه مثل الكويت وقطر وموناقصكم شي وكل اللي تبونه

زايد الخيرالله يرحمه ومحمد بن مكتوم وفره لكم الله لا يغير عليكم وعلينا ياااااااااارب

ولا تزعلين ترى من قبلها الكويت قالوا عنها اكثر واكثر

بس شنسوي ما ترمى الا الشجره المثمره

 

[كلهآ ملح ..}]

رد : ماراتيه تكتب رايا جريئا في هيئة الامر بالمعروف والنهي عن المنكر

وادري ان الدين نصيحة بس سؤال يطرح نفسه هيئة الامر بالمعروف والنهي عن المنكر اتعرف ابسط آداب النصيحة ؟ طبعا لا ماعندها الا الاهانة ومدة الايد

حبيبتي من قالتس ان الهيئه يعاملون بمده اليد ولا اهانه؟؟؟
من جد حسبي الله ونعم الوكيل على اللي يطلعون سمعه سييييييييييييئه للهيئه هذولا علمانين لا بارك الله فيهم !!
لولا الله ثم الهيئه كان ماقعدوا يمسكون هاللي يدخلون السكار اعوذ بالله ولا شقق دعااااااره!!!
لو مدو ايدهم ولا اهانو كان ماخلوهم حكومتنا الله يجزاهم خيير
والله يرفع الهيئه ويوفقهم ياارب وينصرررررهم لمن عداهم


والله يجزاها خير البنيه وان شاء الله تكون الهيئه بجميع دول الخليج

 

[مس دلال]

بعيدآ عن الموضوع
ماشاء الله اهل الامارات ع الانفتاح اللي هم فيه الا انه متمسكين بمبادهم وعاداتهم
احنا بدون انفتاح والله بالخير
شمعنى شبابهم وبناتهم ماغتروا وتأثروا بالاجانب
الله يهنيهم

 

[دايم على البال]

رد : ماراتيه تكتب رايا جريئا في هيئة الامر بالمعروف والنهي عن المنكر

عسى ربي يستر علينا ويهدي بناتنا وشبابنا

وتسلمين على الموضوع