مادري ليش سويت جذي .. سمعوني وعطوني رايكم

[لعب وجد]

هههههههههه صررراااحه منتي هينه !!!! ماخفتي شلجرئه انا انصحج دام معاه بدوام الحين ثقلي وكشخي ورفعي الجام وشوفي شيصير وعلمينا بس لا تعطينه وجه خلاص بسج لعب ثقلي وشوفي شيصير *

 

[Ameera 55]

كااااك اماعلييك مغامــراات وربي انك رهيبه تعجبيني ..

الله يكتبلك الي فيه الخــيرره .

 

[r0007]

فاتحي الولد بالموضوع قولي له الصراحه واذا انتي ماتبغينه لا تلعبين عالريال

 

[المرتاحة]

انا ما اشوفج غلطتي بس عندج جرأة ماشاالله ..وصح مو كل الناس تتقبل البنت الجريئة ودايما يتهمونها بقلة الحيا

اهم شي اهو و اهله عقليتهم مو جذي الحمد الله

وفكرة انج تقولين له رقم بيتكم اشوفها خوش فكرة

بس اهم شي تتاكدين اذا صج اهو مناسب لج من كل النواحي من تفكيره واسلوبه .. الخ .. هذا راح تعرفينه بوقت الخطبة

وعسى الله يوفقج يا رب و يستر عليج و يكتبه من نصيبج يا رب

 

[!witcha!]

شنو استفدتي من كل هذا ؟؟؟ ما فكرتي بابوج وخوانج واثقين فيج ومعطينج حريه !!! عشان تتسلين؟ جم عمرج؟؟ اتوقع انتي مو مراهقة عشان تسوين كل هالسوالف ومبين من طرحج للموضوع انج مستانسه بالي تسوينه ... انا اشوفه غلط اتجسس على واحد و اروحله دوامه والحقه للبيت امبي !!!؟؟؟
لاتزعلين من كلامي بس هذا الصج

 

[سوسو حبيبتى]

شوفى كلميه وقولى له لو تبيني بالحلال ابي السالفه تكون بيني وبينك سر

وما ابي احد من اهلك يعرف .. لان صدقيني بيمسكوها عليكي زله وكل ما يصير شي بيسمعوكي كلام يضايقك

مهما كانوا مستانسين الحين

 

[الغريقه]

اقطعي علاقتج فيه نهائيا

 

[انونا]

حبي نصيحه لا تقوليله

اذا يبيج صج بيلقاج بيدورج ماله داعي تقطين عمرج

وقوليله محد ابي يعرف غيرك علشان اهله باجر لا يعايرون

والله يوفقج اذا فيه خير لج

بس ترا مو معناته صح الي سويتيه لا حبي غلط وفيه جراءه مهما شنو كانت علاقتكم


وحبيبتي الله يوفقج ويهديج ويسعدج

وبشرينا حبوبه

 

[متى بتعود]

قلت ادب
الحين البنات هم الي يلحقون الرجال بدوامه لاويراقبونه عشان يعرفون البيت زمن غريب
يالله تستر علا بنات الناس

 

[baby.bunny<3]

الله يستر عليك اموت ولا أسوي مثلك بس انت أدري بظروفك وظروفه الله يكتبلك الخير

 

[Queenleo]

مسحييي هلابرنامج بكبره لان ماوراه خييير
ووالريال دام تعرفين اخته تقدرين تخلينه يشوووفج بيوم معاهااا كانج مو متعمده
ووطبيعي بيسال اخته واذا صج يبيج بيتقدم
ووعادي اذا عرفوا انج انتي البنت قوولي ماكنت ادري انه اخوووج

 

[atoooty]

امبيييه عليج جرررءه مو طبيعيه

شكووو دززييين له هدايه وحلو وماادري شنو لهدرجه فآآآآضيه

مادري حركاتج غريبه واهو اغرب يعني معقوووله يفكر يتزوج وحده مسوويه هالحركآآت !!

بس كل شي جآيز

 

[ليناالعالية]

استغفرالله السالفة من اولها كلها غلط بغلط
آخر زمن والله البنت تلاحق الولد
أنا أول مرة أشوف أم تمدح البنت اللي ترسل حق ولدها هدايا وهي ماتعرفها ولا حتى هو ؟؟!
الله يستر عليج وع بنات المسلمين

 

[غرور الريم]

اما قصتج ولا في الخياإاإال

 

[xtina-90]

امبيييه عليج جرررءه مو طبيعيه

شكووو دززييين له هدايه وحلو وماادري شنو لهدرجه فآآآآضيه

مادري حركاتج غريبه واهو اغرب يعني معقوووله يفكر يتزوج وحده مسوويه هالحركآآت !!

بس كل شي جآيز

انا اللي مو قادره ابلعه انه لييييش ادزله هدايا مني والطريج حتا لو فضاوووه ليييش؟ يعني لاتقولين انج مو مستلطفته بالبدايه والحين قطيتيها عليه انه اهوا يبيج
السالفه كلها من تدبيرج

عالعموم خلاص عطيه رقم بيتكم و شوفي شيصير ،و بالتوفيق

 

[جديده 1]

سويتي جذي لانج مو متربيه و حيل حيل جرييييييييييييئه .. جيل صايع صج !!

 

[soso-87]

....

 

[طبعي حلو]

بناااااااااااااات

ترا برنامج هوز هير خطيررررررررررررررر احذركم منه هالبرنامج يسرق صورج بالفون ويتجسس عليج وانتي ما تدرين

ديرووووووو بالكم حبااااااايبي من هالبرنامج لا احد يفتحه واذا مو مصدقني تفضلو اقراو قصة البنت وسالفتها مع برنامج هوز هير

بالرابط
http://www.q8yat.com/t966155.html



صاحبة الموضوع
اذا كان جاد ويبيج خل يخطبج وانتهيت المشكله
بالتوفيق

مو كل مره تسلم الجره يا بناااااااااااااااات

 

[soso-87]

عفوا .. عفوا

اللي ردت علي باسلوب مو حلو وتقول انا مو متربية .. ترى ردج يدل على تربيتج بعد

قولوا خير والا اكرمونا بسكوتكم

--------------------------

اللي نصحتني من الناحية الدينية لها الف شكر ..

-----------------------

للتوضييييييييييييييييييييييييييييييييييييييييييييييييح


انا بس دزيت له قرقيعان وكيكه

بعدين ... دوامي ارسلوني لدوامه ... مديري ارسلني لمديره

مو انا تليقفت ورحت له ... عرفتواا

------------------------------------------

والصراحه ما كنت مستلطفته لو مستلطفته بقولكم ليش اخش .. بعد قلت كل الموضوع بستحي من هالكلمة
.. بس صج وايد فاضيه كنت .. ونفسيتي وظروفي زفت .. فمن الفراغه طرت علي الفكره

شلون عرفت عنوان بيته ؟؟
شفته طالع من الدوام وراح يمين مثلا .. وانا ببالي بيتهم يسار
مشيت وراه من بعيد وشفته اي فريج دش
وبس سجلت رقم الشارع

انا جريئه .... اي صح وااااااااااااايد جريئه ... بس مو قليلة ادب
في فرق بين الجرأة وقلة الاب

والزمن خلاني جريئه لي هالدرجه والا انا قبل ام دميعه ما اقدر اكلم احد


الام عادي عندها ان ولدها يحب .. كيفها .. كل بيئه ولها عادات وتقاليد واطباع .. يمكن احنا عندنا عادي ولدنا يحب بس بيت عمي عندهم حرام .. كل واحد وقناعاته .. عرفتوا


---------------------------


من ناحية الثقل

انا ثقيله مو معطيته ويه ترى ما اسولف معاه .. ولا اخذ واعطي
مراااات ارد على سواله اذا كان السوال مهم

ومو كل الشباب يتكلمون ويفضحون وينشرون .. مو كلهم يخرعون جذي .. ترى هذي سوالف هيلق .. وسوالف يهال
شخباري يقول حق اخوه واخو ينشر الخبر باي عصر عايشين


---------------------------------


واللي تمنالي الخير .. انا اتمناله المثل


مشكورين جميعا

بس رجاء
اللي بتقل ادبها ... ما ابي ردها بموضوعي

ابي اسمع رايكم .. لو كنتوا مكاني وبس

 

[رحيل المرافيء]

حبيبتي خل يتقدم لج عادي رب رمية من غير رامي
نصيب ويالج ليش ترفضينه فرصة
ودام تعرفون الولد وعايلتهم بعد احسن مما تتورطين بناس ماتعرفونهم