مادري ليش سويت جذي .. سمعوني وعطوني رايكم

[Tulips]

صراحه حدج جريئه .. !

عموما .. تقدرين تتفقين مع الريال انه يقول حق اهله ان غسل ايده منج " كونج البنت اللي بالايفون " وفقد الامل ومالقى رقمج ..

وبنفس الوقت سمع عنج انتي ياللي تصيريلهم من بعيد ويبي يخطبج ..

وقوليله اعطيك رقم بيتنا وتيي امك وتخطبني .. غير هالحجي ماعندي !

 

[Only One]

حبيبتي سوسو ماكوالا انج تقولين له بعطيك رقم بيتنا بس بيني وبينك مابي اهلك يدرون وخليقولهم انه نسى هذيك اللي تدز له قرقيعان وكيك وشافج انتي ويبيج فهمتي..

لانه مو حلوة بحقج وبحق اهلج يدرون اهله انج هاذي انتي اللي كنتي على علاقة فيه ولو علاقة بسيطة بس فيها سوالف ادزين له شغلات وجذي فمو حلوة...

بس اممم بعد بالنسبة انه كان يحب وحدة وخطبها واهله ما رضوا مادري عنج والله انا بالنسبة لي مارضى بواحد جذي حتى لو نساها احس غيرتي ما تسمح بس طبعا انتي وكيفج وتفكيرج شي راجع لج

وبالتوفيق :eh_s(8):

 

["غـَّلآۅِي ♥~]

أول ششي قطيتي نفسسج ع الولد و أصلاً حـرآم ألي سسويتيه .. أسستغفري حبيبتي رآيحه مطرشتلهم قرقيعان ولآحقته لي بيته و مخليته يشوفج بالجمعيه !! يـ ألله من فضلك أسستر علينـآ ..

وألله إذآ يبيج أيي يخطبج لي بآب أهلج .. مو أشوفج و تشوفيني بـ برنـآمج ,, بنـآت ألنـآس مو لعبة ترى !!

 

[~Mazuna~]

عطيه رقم بيتكم واتفقي معاه ان مايقول حق اهله ان انتي الي طرشتيله القرقيعان والكيكه لاااا يقولوهم انتي للي معااه بالدوام احسن ماتدرين باحر يقطون كلمه مني ولامني والاهل يعرفون السالفه موحلوه بحقج

 

[جواهر35]

لاحلو ولاقوة الا بالله

 

[ما كو اسم]

ولا اصدق ان اهله يرضون بوحده بهالجراه ..................................... اصلا السالفه فيها الف سؤال

 

[أحلا البشر]

ماشاءالله جرءة على البنات شي موطبيعي​

 

[حبي حيآاآتي ّ]

شوفي تبغين الحل الصح عطيه رقم بيتكم وقولي له غير هالكلام ماعندي خليه يعرف انه صادقه وماتلعبين

 

[so0oma]

زين اختي

اللي سويتيه كله غلط بغلط

بس الصراحه بقول شي

مادري شلون دارسه ثنوي وجامعه والحين تشتغلين ماشاءلله

وانتي جذي تصرفاتج

لانه اللي يروح المدرسه يسوي الصح بحياته مايسوي الغلط

بس الله يستر عليج يارب

 

[so0oma]

عفوا .. عفوا

اللي ردت علي باسلوب مو حلو وتقول انا مو متربية .. ترى ردج يدل على تربيتج بعد

قولوا خير والا اكرمونا بسكوتكم

--------------------------

اللي نصحتني من الناحية الدينية لها الف شكر ..

-----------------------

للتوضييييييييييييييييييييييييييييييييييييييييييييييييح


انا بس دزيت له قرقيعان وكيكه

بعدين ... دوامي ارسلوني لدوامه ... مديري ارسلني لمديره

مو انا تليقفت ورحت له ... عرفتواا

------------------------------------------

والصراحه ما كنت مستلطفته لو مستلطفته بقولكم ليش اخش .. بعد قلت كل الموضوع بستحي من هالكلمة
.. بس صج وايد فاضيه كنت .. ونفسيتي وظروفي زفت .. فمن الفراغه طرت علي الفكره

شلون عرفت عنوان بيته ؟؟
شفته طالع من الدوام وراح يمين مثلا .. وانا ببالي بيتهم يسار
مشيت وراه من بعيد وشفته اي فريج دش
وبس سجلت رقم الشارع

انا جريئه .... اي صح وااااااااااااايد جريئه ... بس مو قليلة ادب
في فرق بين الجرأة وقلة الاب

والزمن خلاني جريئه لي هالدرجه والا انا قبل ام دميعه ما اقدر اكلم احد


الام عادي عندها ان ولدها يحب .. كيفها .. كل بيئه ولها عادات وتقاليد واطباع .. يمكن احنا عندنا عادي ولدنا يحب بس بيت عمي عندهم حرام .. كل واحد وقناعاته .. عرفتوا


---------------------------


من ناحية الثقل

انا ثقيله مو معطيته ويه ترى ما اسولف معاه .. ولا اخذ واعطي
مراااات ارد على سواله اذا كان السوال مهم

ومو كل الشباب يتكلمون ويفضحون وينشرون .. مو كلهم يخرعون جذي .. ترى هذي سوالف هيلق .. وسوالف يهال
شخباري يقول حق اخوه واخو ينشر الخبر باي عصر عايشين


---------------------------------


واللي تمنالي الخير .. انا اتمناله المثل


مشكورين جميعا

بس رجاء
اللي بتقل ادبها ... ما ابي ردها بموضوعي

ابي اسمع رايكم .. لو كنتوا مكاني وبس

حبيبتي والله توني حسيت فيج

بس ماادري مااعرف والله اسعدج لانه عمري 14 وانا مااعرف الدنيا ياقلبي

،،

بس الله يوفقجج يارب

 

[بطوووطة$بيضة]

هذول اللي قايم حظهم ...سوالف التلزق ولا بنات الحمايل مالهم نصيب ...الله يوفقج حبيبتي

 

[_كلي دلع_]

آنآ من رـآي قؤليله مدـآم هؤ شأريج ..,’

 

[ما كو اسم]

حبيبتي والله توني حسيت فيج

بس ماادري مااعرف والله اسعدج لانه عمري 14 وانا مااعرف الدنيا ياقلبي

،،

بس الله يوفقجج يارب

والله خطر ام 14 تقرا وتصدق :rgewrg:

 

[حـــــلا]

والله ما ادري شقول لج بس مبين عليج متهورة اشوي
لاكن اللي فهمته من كلامج ان اهو شايفج في دوامه وسألج شتسوين عندنا يعني المفروض لو خاطره صج فيج لحقج راح وراج لين دل بيتكم او علي الاقل سأل عنج اللي انتي رايحه لهم بشغل انه يبيج وخاطره تكونين له علي سنة الله ورسوله مو ينطرج تعطينه رقم بيتكم ....
وتقولين له تري انا مالت زواج ياطويل العمر ههههههههههههه تبيني تعال
اخخخخخخخخخخخخخخخ
ما ادري احس انه حيل فاج ومو قاعد يتعب عليج لان انتي ما خليتي له شي انتي ركظتي عليه قبل
بس الزواج قسمة ونصيب وان شاء الله يكون من نصيبج

 

[B.44]

السلام عليكم ..
يونس الموضوع ، أنا مع اللي قالو تعطينه رقم بيتكم بس لازم لااازم قبلها تقوليله انج تعرفينهم ، موووفقه و ان شاءالله نشوفج عروس

 

[أم فـرح الحلوه]

الله يوفقج ونصيبج لو بنص البحر بتاخذينه وانتي تعرفين وضعج وتعرفين شنو لج وشنو عليج وموفقه حبي

 

[لورا آشلي]

اخر ززززززززززززززززززمن

صارت البنت اهي اللي تلاحق الصبي وتقط نفسها عليه !ّّ!!

فعلا قمة الفشله ان اهله لمه يعرفونج يدرون انج كنتي تلاحقين ولدهم وقاطه روحج عليه

الله يهديج ويعافيج ولا يبتلينا

والله مالوم المتزوجات يخافون من هالبرنامج !! لان فيه بنات مثل اشكالج يتلزقون بالرياجيل غصب

 

[ღ TőOőma ღ]

استغفرالله انا كرهت البنات والسبة سوالفهم هذي

يارب لاتبلاناااا

 

[om-3azo-83z]

اللي سويتيه غللللط بس دام الولد زين و يبيج لا تخربين على نفسج و توقفين نصيبج كافي الاهل حابينج من البدايه ترا فرصه
كلميه بجد شوي قوليله انا مو نوعي العب و اذا تبيني طق الباب انا غلطت ولازم اعدل الغلط ما استمر فيه
هني يبين اذا يبيج صج راح يخطبج اذا لا انسيه و الله يعوضج باللي احسن منه بس لازم يعرف شي يوصله لج عشان اذا وخرتي يخطبج و البرنامج مسحييييه و لا تردينه *

 

[غلا التركي]

اسسسسستغفر الله

زمن يخرع صارت البنت تلاحق الرجال الله يستر عليج ةيهديج وخلي هالسوالف عنج


الله يهديج