مادري شلون اتصرف؟!!

[-Bello-]

هاي بنات..
اشلونكم ..
شخباركم...
انشاءالله كل شي كوووول على طوووول

هاذي اول مره اكتب عن مشكله صارتلي وانشاءالله اخر مره

والله حدي متضايقه ومحتاره ومستغربه....

اول شي الله يسلمكم من بداية الكورس بالجامعه تعرفت على البنات اللي معاي بالكلاس وصرنا ربع والكل مستانس علي وكل شي تمام وانا حدي حابتهم وكله غشمرع اب غشمره ..

فجأه الكل قلب علي ...

انا اتوقع من وحده سوسه عندنا..

انا كل ما اسولف مع رفيجتي الكلوز تقعد اتقط اذنها تبي تسمع شنقول وانا قمت انقزها انه الواحد مايقدر ياخذ راحته ومن هالسوالف ...

بعد فتره يتني وحده جان تحذرني تقولي ديري بالج من البنات ترى حاطين عليج ومتحلفين فيج وداير بينهم انه انا راعية حش ومن هالسوالف ..ورب الكعبه والله الشاهد انه اهما اللي اييوون ويعلقون على بنات ثانيين عندنا بالكلاس وانا يا اسكت او ما اعلق ولا اذا علقت تلقوني اقولها لأ حرام لانه صح ينكسر خاطري ...بس شنو مشكلتي انه حيل اتغشمر بالكلاس وما اخخلي احد بحاله واضحك وايد والله انه على طيبه وادري انها هبل مو طيبه ..

المهم انا شكيت اب وحده انها اهي اللي متحلفه فيني وعلى قولت رفيجتي قايله انها تبي تهزئني ف هذيج من هذيج البت حذرتني انا حسيت انه هاذي من حركاتها لما شافتني واقفه مع هذيج وصار كله بينا خز وماكو تعليق ..
اليوم انا قاعده اسولف مع رفيجتيي ونتناجر ونضحك جان هاذي تلتفت علي واتخزني خزه من فوق لي تحت واتلف ويهها جان التفت على رفيجتي قتلها اشفيها هاذي الحمدالله والشكر جان اترد وتلتفت علي اتقولي اشقلتي قتلها اشتبين جذي اتخزين ما اشوفها الا اتكم علي انا صرت جان اقولها من زود تربيتج وسكت لانه كنا بالمحاضره ,خلصت المحاضره وبس الاستاذ والبنات موجودين اتخيلوا جان توقف واتناديني اول شي تجاهلتها جان اتحن اتناديني التفت عليها ولا ما اشوف الا اللي متخصرتلي واتقولي مره ثاني لما احد يكلمج قولي نعم مو تقولين اشتبين احترمي نفسج انا اهني قعدت الهب اب فوني ورديت عليها ابرود قتلها ماني راده عليج وقعدت ابتسم جان اهي تصارخ ليش بالله ماتردين علي قتلها لانج حدج low فماله داعي ارد جان اتصارخ انتي اللي لوو وانتي اكيد ماتردين لانه ماعندج راد وانتي اللي غلطانه قتلها انا ما ارد علي جذي اشكال وقاعده اتكلم اب برود الاستاذ امريكي وكان حدده متنح ومنصدم شقاعد يصير قامت اتصارخ انا سكتلج وايد وانا اعلمج قتلها انتي زباله (حشى السامع)وانا مارد على جذي اشكال جان تصارخ انتي اللي زباله قتلها كلمن يعرف قدر نفسه جان تقولي اي صح كلمن يعرف قدر نفسه لانه انا اللي مستواي اعلى من مستواج ..امبيه حسيت جنها بتطقني وقليلة ادب حدها عوبه واهي كله نوعها بالجامعه لازقه بالشباب وهيليقيه حدها يعني ورفيجتي قبل جم يوم شايفتها راكبه مع شباب اثنين


وبعد كل هذا البنات اللي معانا بالكلاس ولا وحده بطلت حلجها ..

ولما طلعت بره لقيته قاعده اتضحك ضحكة وحده اي شي حق البنات اللي اهما مشيشينها ومطلعين علي حجي انه انا سوالفي سوالف حش واهما اللي كله يحشون فيها انه اهي جنها انتصرت علي ...



اول شي انا اسلوبي معاها كان صح ولا لأ؟؟

ثاني شي شلون اتعامل مع هالحجي اللي دار بين البنات انه انا اللي احش والله العظيم ما احش انا اتغشمر وبس وطبعي اذا تكلمت عن وحده تلاقوني بعدها اروح اقولها ترى انا كان ابالي انه انتي جذي ؟؟

واحس قاعده اخسر الكل من هالسوسه اللس معانا ؟؟ مع اني والله احبهم كللهم و نوعي كلش مو حقوده




والله ضايق خلقي تكفووون ردوا علي وسوري على الاطاله حدي منقهره

 

[-Bello-]

لهل درجه موضوعي سخيف ... ولا انا ما استاهل احد يرد علي اشدعوه..

 

[روزالكويت]

موقفج حيل صعب بالكلاس جدام الطالبات والاستاذ امبيه..

مادري شقولج بس تجاهليها خلاص واخذى درس انه ماتثقين باحد وتحجين جدامه عن احد ترى الطوفه لها اذون بكل مكان وممكن ينتشر الحجي بسرعه ماتتخيلينها ..
اذا غلطت عليج مره ثانيه لاتردين عليها واشتكي عند العميد ويوقفها عند حدها.

بس انا ماظنتى اهى راح تسوى اكثر من جذى
بس والله عوبه ووقحه امبيه انا ما اعرف جذى اداحر البنات .

 

[-Bello-]

روووز مشكوره على الرد حبيبتي ... بس انا ما تكلمت عن احد ..!!

 

[^مزهريه^]

والله ماكو الا انج تطنشينها
ان كلمتج حقريها
مردها بتمل وبتخليج
لانج اذا بتظلين تردين عليها ماراح تخلصون

 

[-Bello-]

مشكووره مزهريه انا مو نوعي اللسان ولا سوالف قلت الادب وسوالف الهيلق

 

[حبنا الله عليه]

البنوته حبيبتي

اللي صار خلاص انسيه

وخلي علاقتج مع صديقاتج الثقه وان كان في احتاك يفضل بحدود .. والبنات سوالفهم ماتخلص لامدارس ولا معاهد ولا دوامات .. الوحده تحفظ نفسها عن الحجي والقيل والقال احسن من الإحراجات والدخول بسوالف لالها بداية ولانهاية واللي تطلع ولا تقعد براحتها لاتقولين شفت ولا سمعت .

ريحي نفسج والله يعينج

 

[-Bello-]

بعد جبدي حبنا الله عليه ... مشكووره على ردج الحلو ..بس ما اخذ جانبي سلبي من رفيجاتي اللي ما علقوا على الموضوع

 

[زلابيا]

الحمدالله والشكر ..

الله يعينج عليها وعلى لسانها..

نصيحتي لج حقريها ولا جنها موجوده ولا تردين عليها او تلاسنينها والله يستر عليها الحمدالله والشكر ..

واذا انتي مظلومه الله سبحانه بياخذ حقج منها

وقولي هالدعاء ( اللهم اكفنيهم بما شئت وكيفما شئت )

 

[-Bello-]

مشكووره زلابيا عمري وانشاءالله اقوله

 

[Q8tya_GirL]

الموقف اللي صار معاج مو شويه بس اهم شي خلاص خلي علاقتج مع البنات بحدود ولا تصيرين طيبه وايد لانه الطيب بهالزمن ما يمشي ..
اوهذي البنيه خليها توليي وكله تجاهليها وجودها وعدم وجودها واحد لانه هالاشكال لوبتاخذين وتعطين معاها ماراح تخلصين
وخليج واثقه من نفسج دام انتي مومتكلمه ولا مسويه شي غلط

 

[-Bello-]

مشكووره زلابيا عمري وانشاءالله اقوله

 

[مسك 3]

حبيبتي الموقف اللي حصل كان ممكن تتفادينه بانج تحقرينها لما التفتت
ليش تعطينها قيمه من الأساس في أشكال الوحده تحشم نفسها عنهم
والحين خلج رسميه مع الكل أريح لج البنات ما وراهم الا الغثا ليش عاد خلج رسميه مع اليدد اللي توج تعرفينهم وبصراحه لو تعلقين وتتغشمرين بالكلاس وبين ربعج بس مو حلوه حطي نفسج بموقف وحده انتي علقتي أو وحده من صديقاتج عليها بترضينها على عمرج وانا متأكده ان لأ فالبنت موقفها عادي لأنها ما تدري منو اللي علق بالضبط خلي وناستج وغشمرتج برا الكليه أريح لح
وسامحيني اذا ضايقتج يا عسل
انا أسفه ترى فهمت غلط
انا انصحج اللي يعلقون وخري عنهم ترى المشاكل ما تيي الا منهم

 

[منورة الكويتية]

احسن طريقة تجاهليها ولاا تحطين نفسج بمثل هالموقف مره ثانيه ولاا تعطين مثل هالنوعية فرصه يغلطون عليج

 

[-Bello-]

نويره ,مسك3 مشكووورين حبايبي على الردود اللي تبرد القلب الله لا يحرمني منكم

 

[-Bello-]

انشاءالله منووره ومشكووره وايد ,الله يسهل عليج حمالج انشاءالله

 

[هندو]

واااااي واااااي وااااااي .. شنو هااذي .. وقحه واسلووبها رخيييص

حبيبتي احشمي نفسج عنها .. هاذي ماتستاهل نظره منج

واذا عالبنات الثانيين .. خلي علاقتج وياهم طـــيبه

والله يحفظج منهم .. اعوذ بالله

 

[bnt q8 in usa]

باختصار حبيبه:هالاشكال وخري عنهم والشره مو علي السوسه الشرهه علي الي وياها الي يصدقون حجيها

احسن شي عطيهم طااااااااااااااااف وسحبي عليهم وبسسسسسسسسسسس
خليهم ينابحون ليمن يطيح ترهم

 

[LaSt WoMeN]

انتي قاعده تقولين لها ما راد ارد عليج ..
و لما كلمتج مرة ثانية قلتي لها انا ما ارد على هالأشكال ..
و كل ما كلمتج قلتي لها ما ارد عليج و جذي .. !!

كان المفروض تحقرينها و تخلينها تكلم روحها بروحها ..
و كل اللي يشوفها راح يعرف انها اهي الغلطانة ..

و يا حبيبتي يا البنوتة ..
السالفة اللي صارت لج راح تبين لج رفيجتج من عدوتج ..
و اللي بتمشي مع هالبنت عقب كل اللي سوته جدام الناس
معناته اهي مستواها من مستوى ذيج البنت صح و الا لأ ؟
اللي يبيج اييلج ..
و كل وحدة عقلها براسها و تعرف اذا انتي الغلطانة و الا لأ ..
و بيدهم يختارون يمشون معاج و الا مع ذيج البنت ..
و لا تعورين قلبج ابدا ..

بس بالجامعة بالذات ..
انا انصحج تختارين رفيجاتج بدقة لأنهم اهم رفيجات العمر ..
و ادعي الله ان الله يكافيج شرهم ..​

 

[رقي]

الله يعينج بنوته
ب ماله داعي كلمة زباله هم لازم تكونين محترمه
والللي سوييتي زين بالعكس
والله يكون بعونج
وديري بالج الزم ماعليج الدراسة