مادري شلون اتصرف؟!!

[-Bello-]

هندو , بنت الكويت , فلانه , رقي مشكوووووين وايد على حجييكم

رقي انا ماقتلها كلمة زباله الا لما اهي ماخلت شي ماقالته وانقهرت وقاعده ارد عليها برود وبس لانه اهي صج زباله حشى السامع

 

[الغاليه نونو]

قريت سالفتج صج شى يقهر والله بس بقول لج نصيحه صغيرووونه


الباب اللي اييك منه ريح سده واستريح وانتي شلج بالصيحه والاذيه خليها تولي وكل اناء بما فيه ينضحووو

لاتقابلين الاساءه بإساءه ياقلبي خليج انتي السنعه وطوفي الموضوع واذا لج حق صدقيني ربج موغافل سبحانه

عسا الله يكافيج شر بنات ابليس ويسهل امرج كله ويجعل لج بكل خطوه طاعه وحسنه يارب

 

[ابراج الكويت]

مشكلتي انه حيل اتغشمر بالكلاس وما اخخلي احد بحاله واضحك وايد والله انه على طيبه وادري انها هبل مو طيبه ..

......
جان هاذي تلتفت علي واتخزني خزه من فوق لي تحت واتلف ويهها جان التفت على رفيجتي قتلها اشفيها هاذي الحمدالله والشكر جان اترد وتلتفت علي اتقولي اشقلتي قتلها اشتبين جذي اتخزين ما اشوفها الا اتكم علي انا صرت جان اقولها من زود تربيتج وسكت لانه كنا بالمحاضره ,خلصت المحاضره وبس الاستاذ والبنات موجودين اتخيلوا جان توقف واتناديني اول شي تجاهلتها جان اتحن اتناديني التفت عليها ولا ما اشوف الا اللي متخصرتلي واتقولي مره ثاني لما احد يكلمج قولي نعم مو تقولين اشتبين احترمي نفسج انا اهني قعدت الهب اب فوني ورديت عليها ابرود قتلها ماني راده عليج وقعدت ابتسم جان اهي تصارخ ليش بالله ماتردين علي قتلها لانج حدج low فماله داعي ارد جان اتصارخ انتي اللي لوو وانتي اكيد ماتردين لانه ماعندج راد وانتي اللي غلطانه قتلها انا ما ارد علي جذي اشكال وقاعده اتكلم اب برود الاستاذ امريكي وكان حدده متنح ومنصدم شقاعد يصير قامت اتصارخ انا سكتلج وايد وانا اعلمج قتلها انتي زباله (حشى السامع)وانا مارد على جذي اشكال جان تصارخ انتي اللي زباله قتلها كلمن يعرف قدر نفسه جان تقولي اي صح كلمن يعرف قدر نفسه لانه انا اللي مستواي اعلى من مستواج ..امبيه حسيت جنها بتطقني وقليلة ادب حدها عوبه واهي كله نوعها بالجامعه لازقه بالشباب وهيليقيه حدها يعني ورفيجتي قبل جم يوم شايفتها راكبه مع شباب اثنين


وبعد كل هذا البنات اللي معانا بالكلاس ولا وحده بطلت حلجها ..

ولما طلعت بره لقيته قاعده اتضحك ضحكة وحده اي شي حق البنات اللي اهما مشيشينها ومطلعين علي حجي انه انا سوالفي سوالف حش واهما اللي كله يحشون فيها انه اهي جنها انتصرت علي ...



اول شي انا اسلوبي معاها كان صح ولا لأ؟؟

ثاني شي شلون اتعامل مع هالحجي اللي دار بين البنات انه انا اللي احش والله العظيم ما احش انا اتغشمر وبس وطبعي اذا تكلمت عن وحده تلاقوني بعدها اروح اقولها ترى انا كان ابالي انه انتي جذي ؟؟

واحس قاعده اخسر الكل من هالسوسه اللس معانا ؟؟ مع اني والله احبهم كللهم و نوعي كلش مو حقوده




والله ضايق خلقي تكفووون ردوا علي وسوري على الاطاله حدي منقهره

بصراحة ما بيج تزعلين مني حبيبتي
بس نصيحتي لج من خوفي عليج لان في تاس تضرج و تتبله عليج

انا بنظري انج شوي غلطتي عليها لان ردج عليها شوي بايخ لو انج حاقرنها و خليتيها تحاجي روحه احسنلج و رفع قدرج جدام باجي البنات خاصة ان الموقف كان جدام الكل

جان شافوها القشره و غلطانه و انت المظلومة الذربه:eh_s(6):

نصيحتي لج لو المرات اليايه شفتيها لا تخاززين وياها و لا تحطينها في بالج ان تكلمت حاجي اللي وياج بنفس الوقت كانها مو موجودة:eh_s(15):

ترى الحقران يقطع المصران:eh_s(3):

موفقه يا عسل و قوليلنا ع التطورات:eh_s(8):

 

[Kuwait]

حقريها مره مرتين واذا تمادت قوليلها انصحج تحترمين نفسج وماتشوفيني وانا معصبه لاني جد ماسكه نفسي عنج
شهل هيلقيه هذي

 

[aBoOoRa]

حبوبه اهي قليله ادب ومومتربيه والا جان ماتهاوشت معاج بالكلاس وجدام الدكتور؟؟؟؟؟؟؟؟؟؟؟؟؟؟

الي سويتي صح ونصيحه اختاري رفيجاتج صح ولا تفتحين قلبج حق اي احد لان مو الكل زينين ​

 

[الاسطورية]

البنات ماقصرو بس نصيحتي لج بالجامعه لاتحتكين وتناجرين احد لان هالمكان في سمعتج وبتظلين فيه مده طويله يعني تجاهلي الاشكال الواطيه والي يهدج كيفه والي يبيج خليج معاه

 

[الجــادل]

اول شي الجامعة تلم اشكال والوان من كل المستويات والبيئات فالواحد ما يطيح الميانة مع احد بسرعة


يعني خلي علاقتج زمااالة وبس والهالصداقة مع الناس المحترمة واللي تثقين فيهم انج تكانة

وثالثا المثل يقول نفس تحشمها ونفس تحشم نفسك عنها

انا لو مكانج احقرها وامشي واما اعطي مجال للمرادد جدام العالم

 

[نملة^فاصلة]

لا اللي بالمدرسه مرتاحه ولا اللي بالجامعه مرتاحه وخري عنها هذي شلأ حدها وتبي تلفت الانتباه بس على هلاقه وخليج بريحاتج دشي محاضرتج وبدعي بالمشاركه وتشطري يعني هذي كافي تنحرق منها وسوي نفسج عادي ولا جنج متخانقه وياها طناش ولا تطالعينها سوري بسميها البقره .

 

[bnt_kwt]

صج وقحه وقليله ادب ومو متربيه
حقريها وامشي بثقه ومالج شغل فيها اهي اللي طلعت على حقيقتها وبينت تربيتها وانتي الحمدلله ما غلطتي

 

[-Bello-]

واااااي مشكوورين وايد حبايبي على ردودكم ...لا داومت امس ولا ماكو احد ماقايلتله الموضوع اللي اعرفهم واللي ما اعرفهم ..وكل ما اسولف مع وحده اتقط نفسها بنص الموضوع واتكلم واتجاهلني مع اني اهي حدها لقافه ورازه ويهها بالموضووع ووييييع حدها اي شي استغفر الله وانا قلت بيني وبين نفسي اني مسلمتها لرب العالمين وربي ياخذلي حقي منها .. ومن غير سوالف الخز المخاززالحمدالله والشكر شنو صبيان والله حتى ماتطلع الا من الصبيان الهيلق

 

[مسك الجنان]

اختي بنوته لانزعلين مني

ترا انتي خذيتي حقج وزياده ,,, والله ياخذ الحق للي يتوكل عليه ويسلم امره له

انتي ماقصرتي قلتيلها لوو وزباله حشى السامع

وانا مع الاخت رقي وابراج الكويت

اهي تخازز وانتي تخاززيزنها واهي تصارخ وانتي تسبينها ,,,

نصيحتي لج تقولين 40:44 فستذكرون مااقول لكم وافوض امري الى الله ان الله بصير بالعباد

‏40:45 فوقاه الله سيئات مامكروا وحاق بال فرعون سوء العذاب ( سورة غافر )

وعسا الله يوفقج ويوفق الجميع

 

[مسك الجنان]

ترا الارقام رقم السوره ورقم الايه لحد يفهم غلط بليييز

 

[-Bello-]

مشكوره وايد بس مادري شقولج انتي ماشفتي اسلوبها وانا معترفه اني رديت عليها بس بالايام الباجيه اهيالي ضلت اتداحر وانا ساكته وقاعدهاحقر والله كريمانشاءالله

 

[بنت الحزن]

اختي انا دائما اتبع مثل دواء الجذب المواجه و انصحج تواجهينهم

 

[بنت النوخذة]

أنا مرة معاي نفس الطريقة بس في إختلاف والله الشي الوحيد إلي يحرق الدم الحقران يقطع المصران وطاف ولا جنج شايفتها مردة الأيام تثبت حق البنات إلي يبيج حيا الله وإلي مايبي يمشي معاج مايشوف شر وأهم إلي خسرانين هذا مثلي بدنيا مع الكل

 

[Venice]

شوفي حبوبه نصيحتي لج علشان تسوين اللي عليج وتريحين ضميرج
اخذي رقمها وواجهيها عرفي منها سبب التهجم الكبير هذا !!!!!!!!!

شوفي شنو السالفة ومنو ورا الموضوع ولا تثقين بلي يوصلونلج حجي

عرفي كل شي بطريقة الصحيحة

ترى في نوع من البنات واااااااااااااايد يحطون بهارات ويشيشون

واجهيها وعرفي منها سبب هجومها عليج وحلي سوء التفاهم

عملي باصلج واذا اهي هيلقية فالله يهديها

بس انتي سوي اللي عليج وتجنبي العداوات واخذيها مني

لا تحتكين الا بل بنات اللي تعرفينهم من قبل ولا تعورين قلبج وراسج

 

[أم جوري]

شوفي حبوبه نصيحتي لج علشان تسوين اللي عليج وتريحين ضميرج
اخذي رقمها وواجهيها عرفي منها سبب التهجم الكبير هذا !!!!!!!!!

شوفي شنو السالفة ومنو ورا الموضوع ولا تثقين بلي يوصلونلج حجي

عرفي كل شي بطريقة الصحيحة

ترى في نوع من البنات واااااااااااااايد يحطون بهارات ويشيشون

واجهيها وعرفي منها سبب هجومها عليج وحلي سوء التفاهم

عملي باصلج واذا اهي هيلقية فالله يهديها

بس انتي سوي اللي عليج وتجنبي العداوات واخذيها مني

لا تحتكين الا بل بنات اللي تعرفينهم من قبل ولا تعورين قلبج وراسج

نفس الراي ...

 

[-Bello-]

مشكووورين حبايبي على هالردود الحلوه ..وانا وكلتها بيد رب العالمين وتخيلوا البنات اللي ككاننوا معاها انقلبوا ضدها وقاموا يحاولون يتلزقووون واهما اللي مشيشينها و انا بس خليت السلام بينه ومالي شغل فيهم
ما اعطي زياده وعلى البنت نفسها ماتهمني ولا يهمني اذا في سوء تفاهم بيني وبينها ولا لأ لانها ماتهمني من الاساس وبالطقاق اللي يطقها ماتشوووف شر

 

[معلمة متقاعدة]

السطحيه بالعلاقات اهي الحل

 

[Venice]

السطحيه بالعلاقات اهي الحل

ردج بسيط بس والله فعلا صح انا لاحظت في اكثر من تجربة لي

اذا تعمقت العلاقات لازم تنتهي بمشكلة مهما اختلفت الشخصيات والاشخاص

حبيبتي بنوته ديري بالج وتبين تفكين عمرج عدل وخري عنهم كلهم

مبين نوعيتهم يحبون المشاكل وهذي قالت وهذي حطت

والله يوفقج