مابي اهدم بيتي علشان ( اكل )

[ام القمرالمطيري]

بجتني بنتج وبجيتيني
عسى ربي يسهل عليج ويفرجها عليج
وان شاالله عمج طخ وعقل
والحل هو اقناعه عن طريق زووجج لو عشر مرات

ودام زوجج يحبج ومعاج وبنتج عندج لو الدنيا تحترق
ولايهمج احد
وباجر لي بنتج كبرت واقبلت عليج تبوسج وتضمج والله بتنسين هالتعب والسهر كله
الله يشفيها ويخليها لج

 

[أإلع ـشق دلع ـهـأإ]

.




















جيبيلج خدآمه مؤقته ..

تجيج من س 7 وتروح س 2 ..

ع الآقل ترتب وتنظف وتسويلج شي ..

ويوميآ تعطينهآ دينآرين .. تقريبآ ..

أنصحج ..

والله يوفقج



















.

 

[om_dodo]

جيبي خدامه احسن لج
50 دينار ماتضر ان شالله
احسن من قطتها على المطاعم

 

[ام فتوته]

سوال بس زوجك وين ياكل
واذا اهو يدرس والمصروف يالله يكفي
حبيبتي اكلك بفلوس من وين
جيبي شغاله وارتاحي بدل دفع الاكل كل شوي

 

[PuPa^^SWeeT]

اخاف مقروصين من سوالف الخدم و المطاعم

من جذي خايف ابو ريلج مهما يكون يمكن يعتبرج امانة برقبته دام انه ولده مسافر و مخليج عنده مدخلج منفصل


يعني ترا ساعات بعض التصرفات تقهرج بس اتكوون من الخوف الزايد

انزين ليش ماتقوليله عمج ياخذ الطلب من المصري ولا الهندي و يخليه عنده انتي نزلي و اخذيه


ترا ريال عود صعب انج اتغيرينه لازم تمشين وياه و اتدورين الطيب منه

 

[PuPa^^SWeeT]

حبيبتي الله يعينج ,, بس لاتتحسفين على الحمل ترى هالشي رزق من الله ,,

ولاااازم تتعلمين الطبخ لان بالمستقبل تعلمين بنتج الله يحفظها ,, وانتي لازم تغ\ين نفسج بالاكل المفيد ,,
1-اشتري فواكه ومكسرات اكل مفيد وصحي ومايبيلا طبخ
2- اشتري توست وصمون وسوي صدور دجاج بالفرن أو فيليه سمك ,,
3- عندج اكياس الطبخ بالفرن وايد سهله ومريحه بس تبلي الدجاج او السمك او اللحم وحطيه بالكيس والفرن اكله سريعه ومفيده حقج
4- حطي بقوقل (اكلات خفيفه )
5- اشتري صحون بلاستيك
6- غساله اوتوماتيك مع نشافه
7-وركزي معاي في النقطه ... وقت الغدا والعشا حاولي تنزلين عند خالتج ومعاج بنتج عشان يحسون بمعاناتج وخليها معاج ضروري على الغدا والعشا وخليها تبجي جدامهم وان انتي ما تقدرين حتى تاكلين وقولي بطريقه غير مباشره شلون ((اكل ومع الياهل الثاني شنو بسوي ))
وعشان تعزز العلاقه بينك وبين خالتج وعمج خل عمج يمسك بنتج وقت الغدا
مايخالف شدي على نفسج شوي وتحملي ترى لج اجر عظيم عند رب العالمين وحاولي تيبين خدامه لان بعد الولاده ان شاء الله ماراح تقدرين على الشغل
شوفي انا ما احب الخدم ويبت خدامه للطبخ والتنظيف وان شاء الله ولدي بالحظانه
احنا الامهات واااااااااايد نتعب بس الله ياجرنا
ورددي بالستمرار هالدعاء انا مجربتا وااااايد يريح النفس والله يسر امورج
(اللهم آجرني في مصيبتي واخلف لي خيرا منها )

وطمنيني عليج ,, ​

انا اقول المنتدى منور اليوم


بس صراحة كلامج درر

 

[FeShinGoOo]

وليش ماتحطينلج ثلاجه بشقتج فيها اكل ؟؟ شدعوه ابسط شي اذا متي يوع نودلز ولا شوربه ولاهمبرقر بالفرن مايبيله شي هاذا بعد حبيبتي .. وبعدين زوجج وينه ؟. خليه اهو ينزل يستلم الطلب .. او ايبلج الاكل واهو راجع البيت لاتخلينهم يطقون الباب انا لما اطلب من المطاعم اقوله لاتدق الجرس دق علي تلفون وريلي ينزله وانتي صبري روحج بكاكاو ولا شي خفيف .. وخلي زوجج ايبلج خدامه اهم ترى مو ملزومين يطبخون حق احد كيفهم انتي اللي لازم اتدبرين عمرج ..
وترى في طبخات حيل سهله بس دخليها الفرن وتجهز مايبيلها شي ..

 

[الريم اللعوب]

الله يعينك حبوبه والله ماضاقت الا تفرج
انا ماازيد على كلام نعانعه شي كفت ووفت
ماشاءالله

ويبنات الحييييين البنت موضحه كل شي وتقول زوجها مسافر وامها تعطيها يعني كل شي واضح خلو عنكم الاستهبال والاسئله الي مالها داعي
والبنت حياتي كافي الي عليها
ياليتك جارتي كان والله ابد مااقصر عليك
لاني سبق ومريت بالتجربه بس انا يختلف زوجي كان عندي وساكنه بعيد
لدرجه والله من كثر الم الرح انحرقت وانا اسوي الرضعه لبنتي لاكن الله كريم واليوم ابشرك اجهزها للمدرسه يوم اشوف علامه الحرق اضحك واقول الحمدلله وهونيها ياغاليه

 

[FeShinGoOo]

الريم اللعوب ترى مو حلوه كلمة استهبال ..!!!

انا من البنات الي كتبتلها خلي ريلج ايبلج الاكل ومانتبهت انها كاتبه مسافر ..!!

شنو استهبال ترى كلنا حريم محنا يهال عشان نمشي ونستهبل يالليت تحشمين البنات الي مشاركين ؟؟؟

 

[لـك وحـشـه~~~]

روحي الجمعيه ترسي الثلاجه وكل يوم سوي لج شي خفيف

وبرتاحين

 

[الحب الحئئ]

لا تلومون الشايب هذا بيته والبيت له حرمته مو كل يوم داشين طالعين هالعمال شنو الواحد ما عنده غاريه
وأنتي الله يعينج حاولي تدبرين أمورج مثل ما قالو الاخوات
الله لايعود أيام كنت أطبخ حق العيله كلها
مره بنساتي أشتهيت وجبه مع أني ما أحب المطاعم بس توحمت على هالوجبه
المهم ريلي راح وجاب للبيت كله وقالي نزلي أخذ يعني يكون عيب يصعدلي الاكل جدامهم فهمت
المهم نزلت ولا بح ما كو شي غير النظرات المتشمته كسرت خاطر عمري ما تسواعلي هالوجبه ونمت على جوعي

 

[بنت_أخت_خالتي]

مالج الا حل واحد

دام نوعج ماعندج وقت ماتقدرين تجيبين خدامه والمطاعم اماذينج عليها هم لاتلومينه بعد مايصير على طول

اشتريلج غلايه واكواب بلاستيك حق الجاي والقهوه
اشتريلج الجدر الي يطبخ العيش عالبخار وتقدرين تشترين صلصات العيش صلصة الكبسه وبهارات تحطين معاه ماعليج الا انج تنجبينه لي خلص حتى معكرونيه تقدرين تسوين فيها

واشتري الة طبخ الاكل عالبخار سوي فيها خضار عالبخار بيض مفيوح فيها كل شي يخطر على بالج ماعليج الا انج تحطين فيها ماي وتشغلين الكهربا ولاتطشر زيت ولا شي حالها حال المايكرويف
واشتريلج توستر حشي توست وحطيه فيها

وكل شي كهربا اشتريه لان هذا الي راح ينفع بحالتج ماكو غيره وحيل يوفر عليج وقت ويبعد عنج منت الناس

 

[خالف تعرف]

اعتقد لازم تطبخين وتحطينه بالثلاجه وعادي عيشي حياتج متى ما يعتي حطي بالفرن

 

[kuwaitya_zoGaa]

حبيبتى انتى قلتي انه زوجج مسافر ؟؟
شلون قاعده بروحج مع ياهل بشقه ؟؟؟ بالعذر عمج يخاف عليج ويداريج ؟
المفروض تاخذين البنت وتروحين بين اهلج لحد ماربج يفرجها عليج وقنعي زوجج قولى له انا لو يصير فيني شي بشقه بروحي تالى الليل من بيدري عني وعن بنتك ؟؟على الاقل قاعده عند اهلى

 

[PuPa^^SWeeT]

حبيبتى انتى قلتي انه زوجج مسافر ؟؟
شلون قاعده بروحج مع ياهل بشقه ؟؟؟ بالعذر عمج يخاف عليج ويداريج ؟

ايي اكييد بيخاف عليها

و صدقيني هذا يسمع سوالف خدم و مطاعم و ايي يخترع على بيته

يعني ماينلام البلاوي وايد و العقد ترس الدنيا الله يعينه اهو و يعينها اهيي

 

[برنسيسة2007]

الله يعينج --- غسل المواعين وتنظيف المطبخ اصعب من الطبخ نفسه- بس من ناحية ان صاحب المطعم يصعدلج فوق في اللطابق الثالث أشوف خطر عليج الله يحفظج انشا الله من كل سوء-انا من رايي سايق المطعم لا تخلينه يصعد ولا تطبخين وتنفخين خطر على صحتج ويسببلج الام ومشاكل بالحمل من رايي انج اذا زوجج مو موجود روحي بيت اهلج او خلي شركة الدايت على عنوان بيت اهل زوجج ووكلي خالتج اتطرشلج الاكل مع اليهال
لكن لاااااااااااااااااااااااااااااااازم خدامه الله يعينج

 

[شوق والدمعه]

حبيتي سويلج برجر وشكن فيليه بس قلااااي

في اشياء تنباع جاهزه بس تحتاج قلاي بمركز سلطان حلووووه
اوتحتاج شوي بالمقلايه وايد حلوه ومريحه

 

[q8sweeta]

الاكل يقعد ثلاث ايام بالثلاجه اذا اهلج دزوه
وفي شغلات بسيطه الوحده اتسويها وتزهبها وبس ادخلها الفرن وممكن تفرزنيها
انتي متضايقه من السالفه ومعاج حق
وفي اكثر من حل حاولي تتسلفين فلوس من احد وتطلبين خدامه شتسوين بعد

 

[تكييف]

,


لا حول لله ! الله يعينج يا قلبي !
والله مآدري شقول .، المشكله مآ تقدرين تتمآدين لانه هاذا حسبه ابووج .،
مثل مآ قالت آختي سرى ، اذا تقدرين ييبيلج طباخه أو خدآمه ،
بعدين آنتي صارلج شهرين يعني تقدرين تسويلج آكل خفيف شدعوة .,،
العشا بيض مقالي اشياء خفيفه مآ آعتقد اتعبج ,، ومآتاخذ نص ساعه ,،
بعدين مو معقوله مآ تحبين الطبخ يعني بتظلين طول عمرج مآ تطبخين
هم الريال يحب ياخذ من ايد مرته ,،
والله هالصواني الحلوة بالدياي و الخضار ومآدري شنو ،‘
مآ تاخذ ساعه كلا بالفرن و تخلص ! دقيقه وحده
آكل البيت حلو و آحسن من المطآعم لا تتعودين على المطآعم
أولا رآح تخرب صحتج
ثانيا رآح ياخذون آهل ريلج طبع عنج آنج 24 ساعه مطعم بيقولون حآطين لها مطبخ على الفاضي .،

صح كلامج

 

[كويتية خجولة]

الله يعينج الحال من بعضه انا همن مرات اشتهي شي من المطعم واستحي اطلب فشله حماى وخالتي بس لما اروح لهلي اطلب على راحتي انا والله مقزرتها جبن وبيض مفيوح وسلطه توونه ,