مابي اهدم بيتي علشان ( اكل )

[*peace*]

حبيبتي ترى حدج مكبره السالفه بسج تحلطم

اولا اهل زوجج موملزومين يطبخون لج ولا يدزون لج اكل مالج حق تتشرهين عليهم وتقولين لاعندهم خدامه تطبخلي ولاصبي يصعدلي الطلب !!!!!!!

ثانيا طلبيلج خدامه حالج حال الناس لاتسوين افلام حزينه وتشتكين سنعي وضعج بنفسج تلحلحي

 

[غدووور الكويت]

الله يعينج ويفرج همج

 

[rymyy]

شدعوه في مليون حل
اما تطبخين خفايف

والا في اشياء مجمده بس تدخلينها المكرويف وخلاص

 

[franshiska]

حبيبتي ريال عوووود
كل الرياييل الكبار جذي
انا ابوي كان جذي
حبيبي يخاف على الخدم لوووول

وسالفه الطباخ في الف طريقه وطريقه تسوين فيها اكل من غير تعب
انا غداي مع ريلي ما ياخذ تحضيره 5 دقايق
واذا تبين اقدر اساعدج واعطيج جم فكره
بس اذا انتي متعوده على الخدم والصبيان والسواقين
خلاص عيل خل اهلج يطرشون غداج كل يوم وخدامة امج تصعده لج
او روحي قعدي عند اهلج على ما يرجع ريلج

 

[ورده عنابيه]

حبيبتي طلبي خدامه تسوي كل شي وترتاحين معاشها 50 دينار احسنلج من الدايت كير بالميات ومسويلج مشاكل

 

[honey lust]

انزين حبيبتي ريلج شلون ياكل؟؟؟

من اكل اهله ولا من المطعم

اكلي مثل ما ياكل

 

[DooLy88]

بنات شقاعد تقولون انا شقتي بالدور الثالث و درجهم يقطع القلب اخلي بنتي فوق بروحها وانزل اجيب الطلب من الشارع كل يوم حتا زوجي اليوم شلووون خصوصا اعلب الاوقات زوجي برا البيت وقت اللي اطلب بس اليوم زوجي بررررد جبدي اول ماقعد قلتله عن سالفت ابوه مع الدايت كير و ان هذي مو عيشه اللقمه ماتنزل من بلعومي كل يوم حنه و رنه المهم راح لابوه قاله يبا انا مو قايل لك عن الشركه مالت اكل زوجتي وانت وافقت اشحقه تطرده اليوم وعدين بيت لا خدامه ولا صبي تبي المره اتهد بنتها كل شوي وتنزل حتا عيب المهم الظاهر ابوه حس انها مو عدله وفعلا عيب جان يسكت قاله اوكي خلاص وبس بنشوف واخرت خالسالفه المليقه شنو

بالضبط انا هاي الحجي اللي كنت بقوله لج
لازم تعالجون الغلط نفسه
واهو ابو زوجج
تخليج حماتج ام زوجج حماج اي احد يكلمه
!!
شلون بالله تموتين من اليوع مثلا؟ والا اهو يصعد لج ؟؟
بس زين انه كلمه


بعدين شلون تحملين الحين :eh_s(11): مو زين لج ليش ماتاخذون احتياطكم !!

 

[ورده عنابيه]

استغفرالله

 

[شذى الحب]

استغفر الله

 

[om MaRyooM]

وييي الله يعينج


اذا انتي تمدحين خالتج واهيا حكيمة ولها كلمة عالابو .. كلميها وخل تكلمه تهديه وقولي لخالتج انج شكثر تعبانة وموحاسة براحة
وخصوصا انج قيصري يعني يبيلج راحة تامة واهتمام خاص

 

[أحلى البشر]

اول شي الله يكون بعونج على هالعم النشبه

وعندج حل لو ماقدرتي تيبين خدامه دايمه في خدامات مؤقته تييلج تنظف وتطبخلج وتمشي
ولو ماقدرتي ترى في اكلات تنطبخ بسهوله يعني مثلا همبرقر ,, نقتس ,, بطاط وهالشغلات شيبيلها بس سخني المقله واقلي
ومواعين اخذيلج بلاستك من الجمعيه وبس تقزر انشالله

 

[NODA 2]

ما ادري الصراحه انتي الي يايبه الشقي حق نفسج طبخي ليش المطاعم و ترا كلنا نطبخ واحنا تعابه بعد شنسوي هذا الزواج
والطباخ ما يبيله شي سوي اي شي خفيف والحمدالله علي كل شي

 

[عسل النحل]

لاسمحيلي انت عذرج غير مقبول تاكلين من المطاعم كل يوم !!!!!!!!!!!! معقوله عذرج انج ماتحبين المطبخ مايخالف اكلي مطعم بس موكل يوم في اكلات بسيطه تقدرين اتسوينها وانت تقولين مااقدر ايب خدامه ظروف زوجي الماديه ماتسمح عيل اشلون تقدرون على المطاعم كل يوم !!! وانت تقولين زوجج يدرس بره يعني في مجال تروحين عند اهلج وتريحين بس لاتزعلين هذي الصراحه

 

[راعية الطويلة]

الله يكون في عونج
عمج تحمليه و تحملي طبعه لج الأجر
إن شاء الله


المسألة ممكن حلها
تقدرين تشترين أكلات جاهزة من الجمعيات و مركز سلطان
يحتاج منج تسخين و بس
و إذا ع القيمة الغذائية ما أعتقد المطاعم وراها فايدة
إخذي الدجاج ساديا اللي يكون أفخاذ بروح صدور بروح
هذي أسهل لج بالتنظيف و الطبخ
و ما تاخذ من وقتج شي
العيش سويه مشخول سريع و سهل
و المعكرونات نفس الشي ما تاخذ وقت
أنواع الخبز اللي تحبينه
الصلصات الحلوة اللي تخلطينها مع أكلج
خلي مؤونتج كاملة بالثلاجة
و ممكن إذا اشتهيتي طبخة صعبة
خذي الجدر من بيت أهلج
و خليه بالثلاجة
و طلعي منه اللي تبين تاكلينه
و سخنيه
بس ما يطول عن 3 أيام

كل يومين
خذي لج سلطة فاكهة مقصصة و خالصة
و إكليها

عصاير طازجة عبيها بالدوالك الستانلس الأصلي
و خليها بالثلاجة

و الخضرة اكليها بحجمها عشان ما تقصصينها


المسألة ما يبلها
و بتلاقينها مريحة و حلوة
و إن شاء الله
توصلج خادمة زينة
تساعدج في بعض أمور الغسيل و التنظيف

الله يوفقج

 

[باتي باتي]

الله يعينك

 

[نورعيونك]

الله يسخرلج زوجج وابووه

 

[فــوكسيه]

فديتج حبيبتي الله يكون بعونج
طولي بالج والفرج قريب ان شاءالله
بس انا افضل لو ع الاقل موخدامه من المكتب اذا ماتقدرين.. شوفيلج نص دوام اشكثرهم
الله يعينج وهذا عمج ماتقدرين تكلمين عليه..بس قد ماتقدرين حاولي تقنعينهم بهدوء وهذا حقج
فديتج طولي بالج والله يفرجها

 

[دندونه@@@]

الموضوع له كم شهر ما ادري للحين صاحبة الموضوع تعاني من نفس المشكله والا انحلت



على العموم حياتي بما ان خدامة امج تجي تنظف كل كم يوم ما فيها شي اذا تضبط لج كم اكله وتجمدينهم ومتى ما بغيتي تحطينهم بالفرن وتتهنين بلقمه نظيفه ومفيده وبنفس الوقت ترتاحين وماله داعي تشتكين لزوجج من ابوه حرام الابو يشيل بخاطره من ولده او حتى الولد يحقد على ابوه لانه يحرجه قدامج فكري فيها ترى انتي ما ترضينها على ابوج وكما تدين تدان هذا عمج بحسبة الوالد عذري شيباته ولا تنسين تفكير جيلهم غير عن تفكير جيلنا



ومو عدله كل يوم مطعم تقولين زوجج ما يتحمل يجيب خدامه طيب شلون متحمل مصاريف المطعم يوميا راجعي حساباتج وميزانية زوجج وبتقدرين تجيبين
خدامه

ولا تنسين انتي حامل ومسئوله عن تغذية الجنين يعني لازم تبتعدين عن اكل المطاعم كلها دهون وما منها فايده و خوفج يصيبج تسمم من وصاختهم ما تدرين عنهم ولا تضمنين نظافتهم كافي البلاوي اللي نشوفها بالجرايد وبالتلفزيون اكل فاسد منتهي الصلاحيه غير الزواحف اللي مستضيفينهم بالدروج و الجدور والله لا يوريج الزيت اللي يقلون فيه الاكل يقعد باليوم واليومين والثلاث

ادري لوعتْ جبدج بس هذا الواااااقع

 

[~ميوووش~]

وين امج وين اهلج..؟؟

 

[مياسه الحساسه]

الله ييعينك حبيبتي