لي متى يعني ما يضبط معاي العيش :(

[وجـدان]

السلام عليكم ورحمة الله وبركاته

شلونكم خواتي

ان شاء الله بخير

والله يا بنات عيزت وانا اسوي العيش مادري متى بيضبط معاي

الي اسويه طعمه زين .. بس شكله نص نص ----->> قلبت الاخت نانسي عجرم اهيا تشبهني بس انا احلى منها بوااايد ... ايه هين

المهم يابنات نرجع لمحور حديثنا ----->> خلصينا

يعني ودي اعرف بالضبط شلون تسوون العيش ...

- شنو اهو اسم العيش ؟
- البهارات اللي تستخدمونها ؟
- شكثر تنقعون العيش بالماي ؟
- المقادير بالضبط .. للعيش العادي ؟
- شنو اللي يعطي العيش نكهة وريحة حلوة ؟
- شلون يكون العيش نثري وكل حبة بعيدة عن الثانية --->> اعرف اوصف صح

واذا عندكم شغلات ثانية تحبون تفيدوني اكون شااااااااااااااكرة لكم والله

تصدقون فيه ناس لو يسوون العيش الابيض العادي يطلع ينن وريحته روووعة

مادري شلون يسوونه ... وشلون تطلع هالريحة الحلوووة منه ؟

واذا سألتهم طبعا ما يعلمون ... سر المهنة

انا شكلي بيصير عمري الف ---->> ادري قوية

والعيش لي الحين مو ضابط معاي

 

[bnt q8 in usa]

اول شي تنقعين العيش بماي وشوية ملح
والمقدار علي حسب الاشخصا الي عندج يعني الجيله تكفي شخصين
تخلين الماي يطبخ ويا ملح وشوية دهن ولي فار الماي صبي عيشج
خليه بو 5 دقايق يطبخ طبعا اول فوره قصري شوي علي الجوله عاد انتي اخذي حبه بالملاس وجيكي لاتخلينها وايد ناضيه لا خليها تصير حب شوي
عشان مع بخار العيش بالجدر تنضي الحبه وتصير فله
وبعدين عاد قطعي زبده صغار ونثريهم علي العيش وقصري علي الجوله مو تقلبين بالعيش الا حزت النجاب

اذا تبينه مجبوس:تخلين الماي اقل من العيش اذا عيشج جيلتين خلي مايج
قلاص ونص من يطبخ الماي تكونين حاطه فيه مسمار وهيل حب عدد 3 ودارسين ورق غار وطبعا ماي الدياي يكون
ولي طبخ كتي عيشج طبعا تكونين مصفيته من الماي المنقوع واول فوره قصري علي الجوله كلش خلي العيش ينضي ولاتقلبينه عشان لايتفتت
وتالي صبي عليه اقل من ربع قلاص منقوع زعفران وصبغته والصبغه خليها بالاطراف عشان ييج عيش لونين ولاتنسين الزبده
وسلامتج

 

[ombaza]

بنت كويت حدي استانست على ردج انا بعد ما اسوي عيش بس عجبني شرحج مشكورة

 

[جارة القمر]

bnt q8 in usa

مشكوووووووووووووووووره حبيبتي

وتم نقل الموضوع بواسطتي

 

[وجـدان]

مشكوووووووووووووورة bnt q8 in usa

ما قصرتي

...

جارة القمر الرابط اللي طرشتيه لي اهو رابط موضوعي

بس وين باجي البنات زعلوووووووووووووووني منهم

 

[وجـدان]

شدعووووووووووووووة

وينكم يا بناااااااااااااااااااااااااااات !!!



ااااااااااااااااااااااالله يسامحكم

 

[malak_alroo7]

السلام عليكم ورحمة الله وبركاته
حبيبتي وجدان
مشكلتج نفس مشكلتي !! تدرين العيش مره يضبط معاي و 10 لااااااااااا

الله يعين

 

[7abebat elq8]

بنات نبي اسم العيش و مقدار الماي لمقدار العيش ضروري

 

[محتارة]

اول شي تنقعين العيش بماي وشوية ملح
والمقدار علي حسب الاشخصا الي عندج يعني الجيله تكفي شخصين
تخلين الماي يطبخ ويا ملح وشوية دهن ولي فار الماي صبي عيشج
خليه بو 5 دقايق يطبخ طبعا اول فوره قصري شوي علي الجوله عاد انتي اخذي حبه بالملاس وجيكي لاتخلينها وايد ناضيه لا خليها تصير حب شوي
عشان مع بخار العيش بالجدر تنضي الحبه وتصير فله
وبعدين عاد قطعي زبده صغار ونثريهم علي العيش وقصري علي الجوله مو تقلبين بالعيش الا حزت النجاب

اذا تبينه مجبوس:تخلين الماي اقل من العيش اذا عيشج جيلتين خلي مايج
قلاص ونص من يطبخ الماي تكونين حاطه فيه مسمار وهيل حب عدد 3 ودارسين ورق غار وطبعا ماي الدياي يكون
ولي طبخ كتي عيشج طبعا تكونين مصفيته من الماي المنقوع واول فوره قصري علي الجوله كلش خلي العيش ينضي ولاتقلبينه عشان لايتفتت
وتالي صبي عليه اقل من ربع قلاص منقوع زعفران وصبغته والصبغه خليها بالاطراف عشان ييج عيش لونين ولاتنسين الزبده
وسلامتج

واي مال المجبوس صعب ماقدرت استوعبه ... بس الشرح اللي فوقه ممتاز .. انا اليوم سويت نفس هالطريقة لانه العيش ابدا مو راضي يضبط معاي بس سويت شي غلط .. قلبت العيش والمفروض ما اقلبه والعيش طلع ميبس شوي ...

 

[وجـدان]

ويــــــــــــــــــــــــــــــــــــــــــنكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[جكورة]

أحسن نوع نستخدمه كنتري...

 

[كويتي 1]

ويــــــــــــــــــــــــــــــــــــــــــنكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم
هذي اول مره أشارك بالمنتدى وموضوعك شدني وأردت الرد عليه
- قبل كل شي هل تعرفين تسوين المشخول الأبيض ؟
- المجبوس والمطبق أهم شي فيه انك تعملينه بنفس ومايبي اني أحط بهار وبس وأسوي المجبوس والمطبق ترى ماراح يضبط .

انا بعطيك المشخول الكويتي جربيه وسويه واذا ضبط عدل (وراح تلقين العيش نثري درجه أولى بس أهم شي النفس الحلوه بالطبخ ولا تستعجلين ) راح ابعث لك المطبق والمجبوس على أصوله .
العيش او الأرز المستخدم كنتري والطريقه كالأتي:

المقادير :

2 كيلو أرز بسمتي
بصله كبيره مقطعه قطع صغيره
2 ملعقه صغيره كركم
2 ملعقه كبيره خل
ملح حسب الرغبه
6 ملاعق كبيره زيت

الطريقه:

-يغسل الرز جيدا ويغمر بالماء ويضاف اليه الخل وملعقه متوسطه ملح ويترك مدة نصف ساعه

-يرفع قدر الطبخ على النار ويضاف اليه ماء يكفي لتغطية الأرز ويعلوه بمقدار 10 سم ويترك الى ان يغلي الماء

-تضاف 3 ملاعق كبيره زيت الى الماء المغلي وملح حسب الرغبه ويترك مدة 3 الى 5 دقائق

-يصفى الأرز من الماء جيدا ويضاف الى الماء المغلي ويحرك جيدا ويترك على النار الى ان يغلي

-يحرك مره أخرى ويترك وتبدأ ملاحظة الأرز كل فتره حتى يكون استواء الأرز 70 % ( تكون فحص حبة الأرز بأصابع اليد) يرفع من النار ويصفى من الماء .

-يرفع القدر مره أخرى على النار ويضاف الزيت الى ان يسخن ويضاف اليه البصل ويحرك مدة دقيقه ويضاف اليه الكركم ويحرك .

-يضاف الأرز المصفى من الماء ويغطى القدر ويترك فتره الى ان يلاحظ البخار

-يرفع القدر وتوضع الصاجه على النار وتخفف النار الى اقل من النصف ويوضع القدر فوق الصاجه ويترك مدة 15 الى 20 دقيقه

وبالهنا والعافيه

ملاحظه : البعض يضيف هيل او دارسين الى الماء المغلي ليعطي نكهه ولكن الطبخ الكويتي القديم لايضيف أي نوع من النكهه الى الأرز الأبيض لأن نكهة الأرز ستكون من البصل الموجود في قاع القدر . وبالهنا والعافيه

بوفهد(الكويت)​

 

[وجـدان]

مشكوورة

2 كيلو أرز بسمتي!!
قصدج كوبين ؟؟ لان مومعقولة 2كيلو

وتسلمين وماا قصرتي

 

[كويتي 1]

السلام عليكم

اذا كانت الكميه كبيره وتبين تستخدمين كوبين
استخدمي ملعقه وحده كركم

وبالهنا والعافيه

بوفهد(الكويت)​

 

[النبيطة]

النسبه لي احلى رز هو الويمه وخلي اللحمه تتسبك مع البهار

 

[حووور]

يالله
نفس المشكله بحياتي ماضبط العيش معاي

 

[شهدQ]

ماقصرت بنت الكويت بامريكا واضيف على كلامها


شوفو حبيباتي خلو العيش يطبخ وخليك عنده لا تتحركين وكل شوي طلعيه
بالملاس
واذا انكسرت الحبه بسهوله باظفرك معناته نضح
شخليه وحطيه بجدر وعليه شوية
زبده وزعفران وماي ورد منقوع سابقا واذا حابه تدفنين الحشو على طرف احلى واحلى وغطيه بقصدير وخليه على الحديده تلقينها عند ابو 100 فلس وانسيه عشر دقايق وشيكي وادعولي​

​

 

[وجـدان]

للرفع

 

[محضوضة]

طريقة الارز المشخول

تغلي العيش في ماي كافي اعلى من العيش ابواجد مو مثل الكبسات لا وصفرية واسعة مرة علشان لا يعجن معاش العيش او اهمشي نوعية الارز الي ينفع الى الكبسات مو شرط يطلع حلو مع الارز الابيض

اما الكبسات طريقة طبخة انك تحطي لكل كاسة عيش كاسين ماء او على حسب العيش من واحد ونص الى اثنين ونص ماء وترفعي علية من البداية علشان العيش يشرب الماءمو كلة لا نص او بعدين تخليه على نار هادئة

 

[وجـدان]

مشكورة وناطرين الباجي