ليكن النفاس في بيت الزوج !!!!!!!!!!!!!!!!!

[Ԏỡґἰᾷ]

انا ان شاء الله بحملتي هذي بنفس بشقتي
الحمدالله الشقة موجودة .. الخدامة موجودة

 

[Ԏỡґἰᾷ]

انا صراحة بولدتي الاولى كانت عند اهلي
ورجلي اول مارديت من الاربعين والله اسوي الرضعه واقوله بس يمسكها مايبي

لكن لونج توج والدة ويشوف التعب الي تتعبينه بيقدر هالشي وبيساعدج
لكن لمن تردين له عروس ومافيج الا العافية بيقول انتي امه وانتي ملزومة فيه

وكم وحدة سمعت ان نفاستها بشقتها خلت رجلها تعواني معاها

وان شاء الله بجرب وبقولكم

 

[اخت الدكتور]

من صجكم انا حمواااتي عندهم 5 او 6 ولازالوا يتنفسون عند اهلهم والعيال مدارسهم بعيده ومومتاذي غير خوالهم كل يوم مدارس او مستوصف والزوج مرتاح ينام بشقته واذا قعد راح بيت ابوه عند اخوانه ههههههههههههه

 

[حنيت إلك]

هذا اذا عندج شغاله
واذا مافي شغاله وماحد عليه منج؟
الصراحة امل وانا ببيت اهلي بس شسوي ..عيال صغار والبيت يبيله طبخ وتنظيف وعيال محتاجين احد يهتم فيهم ..وبيجونك ضيوف وماتدرين متى يطبون
والزوج بالعمل شلون...
صعبة ..اصلا اذا كذا بيجيك اكتئاب من الضغط ..
الوحده بدون حمل ولا ولادة وياللله تلحق على البيت ..شلون واهي والد؟

 

[(نبنوبه)]

مشكورين حبايبي على الردود على تفاعلكم مع الموضوع بس حبيت اعلق على اللي تقول ريحة بف بف شالسالفة يختي وين قاعدين الحمد لله نتسبح ونتنظف كل يوم ونهتم بالنظافة خصوصا هالفترة والحين ين شحلات ملابس النفاس الوان فرايحية وشغل عدل النفاس الحين جنها عغروس تلق لق ما شا الله بعدين اللي تقول اهله يوكلونه انا عني زوجي امه متوفية واخوانه وخواته كل واحد بيت صج يقعد اربعين يوم وين ياكل والله زوجي صار فيه تسمم من اكل المطاعم ويستحيي ماياكل عند اهلي ترى لكل وحدة ظروفها

 

[(نبنوبه)]

وبعدين اهلي محد راح يقابلني امي مرة كبيرة يا الله تشيل نفسها وخواتي كلهم متزوجات يعني ماعندي احد يدلعني ههههههههههههه
بالنسبة للياهل تقدرين تحجزين سستر باليومية يوم او نص يوم انا بحجزها اول 10ايام تجي نص يوم من الساعة12بالليل لي 12الصبح

 

[нάγoηά cнεмίsтяγ]

هذا اهو كل وحده و ظروفها

 

[(نبنوبه)]

:yaaaaaarb:الله يعينا بهالفترة وتعدي على خييييير

 

[q8sweeta]

انا نفست اول بيبي في بيتي بيت ريي لانه امي متوفيه واختي عايشه بره فضبطت اموري
ويعتمد عل ظروف الوحده
يعني اللي في بيت ريلها زين لانه بتعودون عل الياهل والريال يساعد
اما في بيت الاهل صج حوسة بس بتلاقين مليون شخص يقوم فيج ويحوس بالياهل وماتحاتين شي
واللي تقدر تروح بيت اهلها تروح وردارها موجوده تروح
بالنيبه للناس وكلامهم اقول شخباري الللي يتكلمون وخل يستريحون
وبالنسبه للريحه والشكل انا كان عادي عندي لاني ماشربت حلبه وخرابيط لاني والده قيصيري
كنت ادفي روحي اكثر شي واخذ يانسون وبابونج
ولبسيى باجامات حلوة وزقرت عشان ادري بنفس عند ريلي واهل ريلي بيوني ويزوروني فمضبطه اموري
وشكلي حلو الحمدالله اسوي شعري وبس ومرات احط مكياج خفيف او ثقيل وهم ريال يشتاق سواء كنتي معاه او في بيت اهلج.
فمادري احس عادي بالوضعين

 

[Om_RaYomaH]

اكييييييييد بيت اهلي

اذا عالزووج لو بيخربط بيخربط وانتي عنده

مو ناطرج تروحين تولدين ويكتفي ب40 يوم يلعب فيها بذيله

هل راح يقعد يقابلج؟!
يشيل البيبي بالليل عنج؟!

يغير له اذا انتي تعبانة

يطبخ لج؟

يقومج ويقعدج؟! <<< لاني اولد عمليات فالقومة والقعدة صعبه اول اسبوعين

يهتم اذا اكلتي والا لأ؟!

لي ضاق خلقج وحاشج اكتئاب من النفاس بيقعد يواسيج

حتي لو بيقعد بيلتزم اول اسبوع عقب بيمل وبيطلع لربعه

هل راح يعذرج؟! اكيد لا

قومي حطي سوي شيلي
وهذا ليش وهذا ماليش؟!

انا كنت نفسكم افكر انفس ببيتي

بس لمن شفت رفيجاتي وحمواتي لمن انفسوا ببيوتهم

ماذاقوا الراحة عيال يراكضون وراهم وزووج يتدلع عليج وانتي المحتاجة للدلع موو اهو؟؟

يوووه
ياحلو اهلي

ياحلو قعدة امي الصبح من الفجرية

تقعد وتخبز هالخبز اللي يقعدج من النوم بريحته

ولي جا الضحى خذت البيبي وقعدته عندها لي من يجي وقت غداج قعدتج يلا تغدي

وياحلو خواتي ليمن يقعد البيبي بالليل يتدلع عليج

وانتي تعبانة يشيلونه يغيرون له
ريقعدون يسولفون معاج ليمن ينام يشيلون هالغلجة اللي تجيج

وفوق هذا الحريم اللي داخله وطالعه

وياحلو ابوي لي قعد الصبح وسوالفه


يووه فديتهم والله قعدتهم تسوى الدنيا ومافيها

اش لي بقعدة وحكرة بين 4 طوف خل اتدلع والرجال لاحقه عليه


انا بس فكرت انفس ببيتي وقلت للوالدة وجدتي

صارت مناحة بالبيت وجدتي ارتفع ضغطها وحالتها حاله
الله لا يغير عليننا بس

 

[*مطبخ الذواقة*]

:yaaaaaarb:الله يعينا بهالفترة وتعدي على خييييير

امييييييييييييييين

 

["فروووحه"]

موضوع وايد حلو يعطيج العافيه

انا هذا اول حمل لي وان شاءالله امن اولد بتنفس بشقتي
بييبلي ممرضه اول اسابيع وعندي خدامتي وامي تسير علي

احس اريح جذي

 

[بريق الفضة]

موضوعج على الجرح احنا اهلنا بكل شي يتحجون ويتدخلون وريلي مو متعود اكون برة البيت كلللش ونفسيته وايد تتعب من تجربة وانا بعد ابي بيتي و الحين داشة السابع واحاتي موضوع الولادة والنفاس وشكلي بقعد اسبوعين عند امي وارد بيتي ما راح اكمل اربعين يوم احسن واريح بصراحة وبالنسبة للأكل بجابل نفسي هالاسبوعين وبعدين ببلش ريجيم صحي مو جوع كافي لوزن الي زدته من الحمل وحجي الناس على قولة البنات ما يخلص
حتى مرت خالي توهم متزوجين احملت بشهر العسل وتوها والدة قعدت اسبوع واحد عند اهلها وردت بيتها لانها كانت مجهزة غرفة لنفاسها
وبصراحة الابو يتعلق بالياهل اكثر اذا كان جدام عينه من الاول ويكون عنده استعداد يساعدج اكثر

 

[(نبنوبه)]

شكرا حبيباتي على المرور ويعطيكم العافية حلو الوحدة تعتمد على نفسها وتقابل بيتها وبالعكس في رياييل يتعاطفون مع حريمهم بالهفترة يتعلق باللياهل وازواجنا فيهم خير احنا خربناهم ما خليناهم يتحملون المسؤولية لا حملت الوحدة قطها عند اهلها فترة الوحام وبعدين تجي شهر اوشهرينبالكثير واخر الاشهر عند اهلها وتتنفس عند اهلها وتقعد اكثر من 40يوم وتردلزوجها وتحمل ونعيد نفس الماساة انا ما اعمم بس اشوف حالات جذي بالله الرجال شلون يحس فيج

 

[(نبنوبه)]

اب اب

 

[إباء الروح]

كل وحده وظروفها وظروف زوجها واهلها..

 

[الأماكن]

والله كل وحدة و ظروفها

مثلا انا وحدة ما عندي مطبخ و ما أقدر أطبخ اكلاتي النفاس

كل من يشوف شنو تاكلين و شنو تشربين و يسألون خدامتج هذا شنو و هذاك شنو

غير اللي شقتها صغيرة ما أقدر استقبل ضيوفي ما اخذ راحتي

صح راحة اغراضج عندج و عيالج مدارسهم قريبة بس نفسيا ما ارتاح

بيت أهلي احسن لي امي تسوي لي اكلاتي و منها تعلم خدامتي و خواتي يسهرون ع البيبي يتسلون فيه

و انا منظمة نفسي و منظمة نوم عيالي 8:30 بالليل بفراشهم

و أسهر مع البيبي مع امي ولا خواتي بهدوووووووء و راحة

اتدهن بالكريمات و احيانا اتسبح بالخلطات و اتبخر محد يجابلني يقول لي افففففففف ولا حريم الحموان وحدة تدق عليج تقول

تتبخرين بخور النفاس ولا شنوووو هالريحة .... ؟؟؟ فضيحة

واذا بغيت اروح اشتري لطلعوتي من النفاس اروووووح و انا بالي مستريح البيبي عند امي

واطلع بالسلامة ان شاء الله

بالنسبة للي ساكنة بروحها بشقة ... ممكن اطرشين خدامتج مع السايق تروح تنظف شقتج تغسل ملابس ريلج تكويهم و ترجع

والريال صدقيني ما يضيع يااااا يتعشى بالدويوانية يا يتغدا عند اهله ... يا يطقطق بمطعم ماكدونالدز ....لوووووووول << ريلي ​

 

[شـيـوخـهـ]

هالمره بتنفس عند اهلي

لاني ساكنه مع حمولتي وريلي اكله كله مع ابوه واخوانه حتى وانا عنده

بس نبهتيني حق شغله كنت غافله عنها وهي ملابسه وتنظيف الشقه!

بشوف وضعي ما ادري اكمل النفاس عند اهلي ولا اول اسبوعين بس النفاس اهو يحدد وضعي بحيل الله

 

[شوشة حبيبي]

انا برايي تقعدين سبوعين لين تنظفين وبعدها تردين، الوحده بعد الولاده يكون جسمها تعبان ورحمها نازل لازم ماتشيلين وتحطين ولويه وريحة حلبة ولهوم وحوسة ريحي سبوعين و ردي مملكتج لان صج اريح لج تكونين تعودتي على دارج ومكانج

 

[حلوةودلوعة زوجي]

انا ولدت قيصري ببجري وقعدت بس 10 ايام والحين انا قريب ولادة وانشالله بروح بشقتي نفاس افضل