ليكن النفاس في بيت الزوج !!!!!!!!!!!!!!!!!

[|{ خـيـألْ }|]

بصرااحة انا بس اشوف امي تجيني راحة نفسيه الله يخليها لي ويخلي كل امهاتكم يارب

ومسستحيييل اقعد في شقتي بهالفتررة لان ماراح يستفيد مني ريلي

 

[ام اغلى الناس]

هيلو كيتي
دام لج غرفه وحمام بروحج
واهلج يحبون عيالج ويطبخون لج
خلاص خليج قاعده معاهم

 

[mama-dodo]

انا اشوف غلط
لان بالانفاس شكلج غير
واصلا حته ريحة الجسم غير
الادويه واللبس عفسه احس موحلو يشوفني جذي

لمه اخلص الاربعين اكشخ ويشوفني بكشختي
هذا رايي اتمنى تتقبلونه

 

[قمري]

انا دلوعه احب كل شي يكون جاهز حقي

باختصار بيت اهلي اريح امي الله يحفظها تسوي لي كل شي بدون لاتكلم غير جذي بحط كريمات بسوي نيولوك كل هذا موحلوه جدام ريلي واضيف على ذلك عشان نشتاق لبعض

وببيت اهلي وناسه كل الناس حولي ماقعد بروحي والنفاس الله يكافينا شره قمته وزوجي ماراح يجابلتي طول الوقت اكيد بيطلع ويروح ويرد انا بهالوقت ممكن انجن مع البيبي

 

[Zaina-al-zaina]

بصراحه انا ماني قادره استوعب ان الوحده تقعد بيت ريلها
بالنفاس الا اذا كان الثالث او الرابع وفوق !!!


صج صج انتوا غريبين !!! اشلون اهد حلوه اللبن ! اشلون مااكحل عيني بشوف امي وابوي !!

واللي تقول مااخليله فرصه مع غيري ! انا اعرف حريم يسافرون رياييلهم ويخلونهم غصب عنهم واللي براسهم يسونه !!!
الريال اذا ماارتاح مع مرته لو شنو تسوي ماراح يغير رايه !

واذا كلش مشتاق للمرا يزورها بيت اهلها ويسهرون مع بعض !!!

واذا كلش ابي ارد شقتي عند ريلي اخليها بعد ١٠ ايام الى اسبوعين ! جود ارتاحت المرااا وينها وين الريال بهالوقت !!!

لا لا لا اشوف الحريم اللي بيتنفسون عند ريايليهم من اول ياهل مايقنعوووووني !!!!

الله يخلي لي اهلي ولايغير علينااااا ......

 

[بولندية]

انا عن نفسي افضل بيت الاهل صج حلبة و ريحة الادوية بس انا اهلي اذا يابت الثالث ولا الرابع و صار عيالها عندهم مدارس تنفس بيتها و اخر الاسبوع تيي بيت الاهل علشان الناس يوجبونها

انا شقتي وايد صغيرة و حتى لو يبت الرابع ومثلا ولادتي بوقت عطلة اتوقع نفاسي بيت اهلي لان صج شقتي ضغيرة

والله يسهل علينا يارب ويجعل عيالنا بصحتهم و عافيتهم

 

[ضحاوي الديره]

لا طبعا مستحيل اتنفس بشقتي بعدين انا مع حموووووله صج انهم حليوين ويحبوني وماراح يقصرووون
بس ولووووو
محد نفس امي اقعد عندها احسن لي تريقني وتغديني وتعشيني وتعطيني الادويه وتسنعني
وبعدين معروووف نفسية النفاس شلون تصير !!!
اريح لي عند امي تداريني وخالاتي وخواتي حوالي يشيلون البيبي عني ويسهرون معاه
وانا انام واريح جسمي
وبعدين شلووووون ع الريحه ؟ النفاس اكلها ريحته خايسه وادويتها ريحته خايسه وبخورها بعد اخيس واخيس شلون بيستحمل الريال هالروايح ببيته
وبعدين ع اخر ٢٠ يوم ابي ابلش خلطات وسووووق وتجهيز لطلاعتي شلون بقدر اذا كنت ببيتي ؟؟
ببيت اهلي اخلي البيبي عند خواتي يدارونه واروح السوق ويا امي تساعدني بتجهيزي

وطول ما امي موجوده عسى عمرها طويل ماراح اتنفس الا عندها فديتها
واصلا خواتي من الحين متشوووووقين لنفاسي وينطروني اولد ع احر من الجمر عشان اقعد عندهم
وفدييييييتهم كل وحده مختاره لنفسها مهمه عشان يساعدوني حتى اصغر وحده تقول بغني لبيبيج لي بجى ههههههه
فلييييييش اتنفس عند ريلي واتعب نفسي بالسهر
ومنها عشان ما ارد بيتي الا وريلي ميييييت من شوقه علي احلا اجيه بكشختي وبلوك جديد احسن من اني اجابله بالريحه الخايسه

 

[يازمان العجايب]

شقتي اريح
الاول عند اهلي والثاني قعدت أسبوعين والثالث بشقتي
أنام وأقوم براحتي
وعيالي اسيطر عليهم وأهلي يمروني كل يوم ويطرشون العصيدة والحسو والعصر تيي أمي مع العشا

 

[worood82]

انه حق انفاسي بروح عند امي احسن لو اسبوعين كافي لان ما راح اخذ راحتي ماشاءالله يهال ولويتهم لويه كافي علي لويه البيبي

 

[ظل شجره]

انا أأيد اللي بعد الثاني خلاص تنفس ببيتها احسن لها
الا اذا كانت مع حمولتها مو بشقه او بببيت لحالها

ان شاء الله الجاي انفس ببيتي عند زوجي وعيالي ربي يخليهم لي
انتم بس ادعوا لي احمل بدون أدويه
​

 

[c a t w o m a n]

البيت أريح مكانج و أغراضج بس أعتقد من ناحية النفاس ما تاخذين راحتج عدل لازم تكونين على سنقة عشرة بلا زيوت وبلا حلبة

تسلمين ع الطرح صاحبة الموضوع

 

[هيللو كيتي]

بناات ليش تقولون ريحه وهالسوالف

انا حمدالله ولدت وتنفست بلا ادويه وبلا هالخرابيط والترراث هذا اللي مامنه فاايدة ولاا خربنا ولا شي اوضاعي ١٠٠ ٪ ربي لك الحمد

ليش يعني ماكون نفاس الا ليمن اكون موو مهتمه بنفسي؟!

لا والله اتسبح واتنظف واكشخ واتعطر بتفاسي ، واكل نفس الناس وحمدالله ماحتاج اكثر .،

لان حتي عند الاهل اخواني وابوي حواليني ومستحيل الوع جبدهم بهالادويه وبشكلي،. فلهتم بشكلي عشانهم حيل وحق نفسي

وبعد زوجي يزورني ع طول ودايم فنفس الشي يعني بكل اوقاتي اكون نظيفه وكاشخه

بس ابعد عن البارد والاكلات اللي موو صحيه واشرب دارسين ونعناع وكان الله غفورر رحيم

ليش معقدين انفسكم؟!

 

[r0007]

احسن للنافسه تكون في بيت اهلها
لانو بتكون توها والده وصعب عليها حتى لو متعوده انها تهتم بالطفل وهي توها والده
خاصه صعب تتحرك مع الخياط ونزيف ولويه

انا اختي ولدت مرتين وقعدت عندنا
الاولى قعدت يمكن شهرين عشان هي تطيب وعشان بعدين زوجها كان عنده دراسه وما كانت تبغى تروح مع البيبي
عشان ما ياثر على دراسته

والمره الثانيه خلت بنتها الاولى عند ريلها معنو عمرها سنه وصغيره والبنت الثانيه الي توها جابتها عندنا
ومرح تجيب بنتها الا لين تطيب
لانو الجرح مفتوح من فوق لين الفتحه الي تحت وغرز كثير ولين الحين ما طابت ولا طاح الهيطا معنو صار لها اسبوعين
والله المستعان
منجد الولاده والخياط تهد الحيل
وحنا قايمين باختي وبنتها

 

[q8helwa]

صاجه والله

انا حاليا نفاس بالبجر وعند اهلي

بس فكرت الثاني انشالله اول عشرين يوم بيت اهلي

والباجييين بشقتي


لاني الصراحه اخاف عليه وابي شقتي اريح

 

[ناتشوو]

ليش تقولون ريحة خايسة؟
حتى اللي تحب سوالف اللهومات
تتنظف وتسبح وتبدل
علشان نفسيتج
حتى الغرفة اللي انت فيها
كل شوي مخلط وبخور
علشان ترتاحين
ولا تنسون
الحلبة
حدكم 20 يوم بالكثييييييييييييييييير

 

[هيللو كيتي]

صاااجه نااتشوو نفس كلاامي،.

بس يماااا صورتج الرمزيه تخررع يااويلج لااتحلم فيهاا بالليل ،.، لوووووول


 

[.. BNT ..]

غلطت عمري ولدت فبيتي
ماكو غير الاهل ..

 

[الطموحه 84]

ناتشووووو تفكيرج عجبني مشاءالله بس اشلون تقنعين زوجج

 

[حبوبة الأطفال]

رد: ليكن انلفاس في بيت الزوج!!!!!!!!!!!!!!!!!!!!!!!!!

انا افضل ان الوحدة تقعد اسبوعين عند اهلها او لين ترتفع اشوي ...وبعدين ترجع بيتها ...لان اريحلها مكانها وحوستها ...وخصوصا اذا عندها يهال

انا اايدج بهالفكرة

اذا المرة ساكنة بروحها مو مع الحمولة + حمالها للمرة الثالثة ... افضل شي تقعد عند اهلها فترة لين تحس انها تقدر ترد لبيتها سواء اسبوع او اسبوعين او اكثر

واذا كانوا ساكنين مع الحمولة مايمنع ترفه عن نفسها وتخلي كل نفاستها في بيت اهلها حتى لو جابت طفل رقم 10 >>> مسختها

ربي يسخر لنا ازواجنا ويتمم حمال كل وحده على خير

 

[ناتشوو]

ناتشووووو تفكيرج عجبني مشاءالله بس اشلون تقنعين زوجج

نقنعه بشنو؟