ليش لي اليوم في ناس كلامهم سم ؟؟

[رفرف]

السلام عليكم بنات ..


انا بدخل بالموضوع على طول ..

ليييييش لي اليوم في ناس متعتهم يقثون اللي جدامهم بالحجي ؟
ليش في ناس ما يعترفون بالكلمة الطيبة ؟؟
ليش في ناس لسانهم ينقط عسل .. وناس لسانهم ينقط سممممم ..

ليش في ناس اول ما يشوفونج يستلمونج .. متنانة . عيالج جياكر .. بدلتج تلوع الجبد .. ويع شمسوية بويهج .. ليش لابسة جذيه .. والقائمة تطوووول ..

ما سمعوا بكلام رسولنا صلى الله عليه وسلم وهو خير البشر "من كان يؤمن بالله واليوم الآخر فليقل خيرا أو ليصمت " ..

قال رسول الله صلى الله عليه وسلم : "ليس المؤمن بالطعان، ولا اللعان، ولا الفاحش، ولا البذيء".


الله سبحانه وتعالى قال في كتابه العزيز { ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون }


المفروض ان احنا مسلمين .. وديننا مهذبنا ..
احنا ديننا غير .. ديننا يهدي لمكارم الأخلاق ..

ليش جذيه ؟؟
الكلمة الطيبة .. والكلمة اللي تقث وتجرح وتأذي ..
مخرجها واحد ..
شخسرانين ان قلتوا كلمة طيبة ؟؟
والله اسهل ..
شنو بيضركم يعني ؟؟

انزين وين المتعة في أذية الناس ؟؟
وشلون تنامون وانتو مأذين فلانة وقاثين علانة والناس تدعي عليكم من حرتها .. ؟؟


اذا كان تبسمك في وجه أخيك صدقة ..
الابتسامة بس بدون ما تتكلمين .. صدقة .. فما بالكم بالكلمة الطيبة ؟؟

ناس تختار أحسن الكلام .. وناس تختار أسوأه ..

مادري ليش لي اليوم في ناس جذيه ..
:0bee2e8d89:

ليش في ناس يحبون يكونون مكروهين .. ومؤذيين .. وقليلين أدب ..
بدال ما ينذكرون بالخير .. الناس تقول اعووذ بالله من شرهم ..

الاولين قالوا .. نفس تحشمها .. ونفس تحشم نفسك عنها ..
ليش يفضلون انهم يكونون من النوع الثاني .. اللي الناس بس يبون يتجنبونهم ويتجنبون لسانهم ؟؟


وهالنوعية عندهم لي قالوا كلمة .. وسكتي .. هاذي بطولة ..
سكتوووج .. ما قدرتي تردين عليهم ..

ما يدرون انه وايد سهل الانسان يكون بذيء ومؤذي وقليل أدب ..
وصعب جدا جدا الانسان يملك نفسه ويكون محترم ومؤدب ومتربي ..


وترى اخرتنا قبر .. خلوا الناس تذكركم بالخير ..
تترحم عليكم ..
بدال ما تدعي عليكم .. وانتو حيين وانتو ميتين ..
وتاليتها وين تحصلين فلانة وعلانة تتسامحين وتتحللين منها ..


انا جد جد جد متضايقة من هالموضوع ..
ناس ما يشوفون منج الا كل خير ..
ومع هذا .. يتفننوووون بالأذيه ..
ليش عاد ؟؟


انشالله كل وحدة تقرا الموضوع ..
تبدا تحاسب نفسها ..
تبدا تغير اطباعها .. للأحسن ..


كانت فضفضة بس من حر مافيني :eh_s(14): اتمنى ما تكون ثقيلة على نفوسكم ..
ومشكورين ..

 

[كشموووشه]

يابعدعمري انتي لاتتضايقين في ناس لسانهم فالت ومايعرفون يثمنون الكلمه وصار عندنه موضه بالديره اذا شخص متضايق يقث اللي حواليه وفي ناس يشوفون غيرهم احسن منهم فيقطون حجي يضايقونه
والله يهديهم ولاتضيقين خلقج ياعسل ترى اذا شخص ضايقج ترى في مليووووووووووووووون شخص يحبونج :tek:

 

[ام معيوف]

مشكوره عالموضوع صج يحررررررررر
والله عندي حماتي كل يوم ادعي عليها من حرت قلبي
وانا كلا ساكته عنها وما ارد عليها احتراما حق زوجي
بس مره وحده رديت عليها خلاص ماتحملت ليمتي بسكت مشاكل مع ريلي والسبب اهي
والله شاهد علي عمري ماغلطت عليها ولا علي اهلها ماشافوا مني شر ابد
مع هذا ماتواطني وتسوي لي مشاكل وتحرجني
والله ماحللها لي يوم الدين وراح اشتكيها عند الله وهو ياخذ حقي منها

 

[المبدعة]

والله صح كلامج


والله يعينا على البشر

 

[رفرف]

كشموشة ..
لا وانتي الصاجة لسانهم مو فالت ..
الا يفكرون بالكلمة الف مرة قبل لا يقولونها .
وما يقولونها الا واهمه قاصدينها ووازنينها ..
والا لو يات على زلات اللسان والله مسموحين ..

ام معيوف ..
الله يعينج ..
والله يعيننا كلنا على هالنوعيات ..


ومشكورين على المرور بنات ..

 

[اشواق2008]

رفرف انا بجيب الكلام من الاخر يعني الزبده من موضوعج .....................
الناس وناختج نوعين وانت ماشاء الله مره كبيره وتعرفين الناس وشايفتهم
نوع يحبج الي يحبج يبيلج الخير وشوفونج حلوه وكشخه واكيد يحبون عيالج ويبون لج الخير ويتمنونه لج وما ينادونج الا ابحلا اسم
نوع الله يبعدهم عنج يشوفون الموت ولا يشوفونج ولا يحبون تكونين بخير وسعيده بحياتج ولا يحبون عيالج ويتمنون زوال كل خير وكل شي زين عندج
رفرف لاتحرين نفسج وريحي اعصابج

 

[.]

لانه مايستحون ..

اتوقع هوايتهم يجرحون ويحبطون الناس لانه فيهم نقص ..

مايبون احد يصير احسن منهم..

الله لايبلانا ويهديهم يارب..

 

[<<love>>]

والله صاااجة بكل كلمة قلتيها وايد ناس ما يثمنون الحجي بس نبلع و نسكت من طيب اصلنا
موفقة حبيبتي

 

[شندوخه]

هالشي عقده نقص وغيره مجتمعه في بعض وكونت ناس بذيئه للاسف
بس انتي قلتيها يا عزيزتي ناس تحشمها وناس تحشم نفسك عنها
حشمي نفسج عنهم وخليج ريلاكس لانه مايسون بيزه بالعكس راح تحرينهم اكثر واكثر
وبالاول والاخير لاتنسين هالدعاء لي شفتي اي احد حاسه انه يكنلج شر
اللهم أكفنيهم بما شئت

 

[Fiorenza]

لانهم وقحين وفيهم عقدة او نوع من الحقد .... لانه انا استغرب اذا الكل اجمع انه مثلا انا ضعفانه واتيي واحدة بس تقولي وااااااايد تخرعين!

الله يعينهم على نفسهم .... وانا هالنوعية اعتمد معاهم معاملة العين بالعين
لانه ماراح يحسون الا لمن يكونون بمكان او موقف غيرهم .... لانه الكلمة تجرح اكثر من الفعل مراات !!!!


مشكورة ياقلبي:tek:

 

[BaiTotia]

شرايج بوحده أقولها فقدتج معانا ذاك اليوم؟

وهالكلام الله يشهد طالع من قلبي

تتوقعين شردت علي؟؟؟؟

تقولي صج أخاف تجذبين وطريقتها جدية مو على غشمرة لو على غشمرة جان بلعتها شويه

صدمتني مادري داشة قلبي ولا شايفتني منافقه عاد أنا مو من النوع اللي أجامل و أعجف طول الوقت مثل أغلب البنات

إهي يوم قالتلي جذي طقتني البوهه قلت لها أنا عمري ماجاملت أحد وشكو أجاملج أو أجذب شمصلحتي

حز بخاطري بس شنقول

 

[الاسطورية]

اي والله صاجه من ااصادف ناس من زمان مادري عنهم وادري انهم موشي تلقينها تقولج كلام يسم البدن ولا تمدح بطريقه تخترعين تحسين حقوده مدح خبيث

بس تصدقين ترا من داخل لما افكر عدل تحسين من الحره ولانج انسانه مميزه وحارتهم

صارت الكلمه الطيبه شي نادر والاغلبيه حساد انا ماحب اختلط بالناس وايد ومعارفي بسيطه جدا
اررررررريح

 

[أوريو]

مشكورة حبيبتي على الموضوع

في ناس استغفر الله همهم ومتعتهم في الحياة انهم يتتبعون عيوب الاخرين

عندهم هذا انجاز عظيم

الله يسلمج اهم يعانون من داء اسمه الغيرة الله يبعده عننا .. ويحبون مراقبة الناس. ومن راقب الناس مات هما

يغارون من الكل وعشان يحبطون اللي قبالهم يذمونه ويحبطونه بس عشان يرضون انفسهم

وبعد لانه ماعندهم قناعه باللي الله قسمه لهم فيه

ومثل ماقالوا القناعه كنز لايفنى

الله يجيرنا من الغيرة ...

 

[Me Myself & i]

انا اتوقع انها عاده عند بعض الناس اكتسبوها من واهم صغار
واحتمال كبير انهم اورثوها من اهلهم أو تربوا و اهم دايما يسمعون تعليقات سلبيه من اهني و هناك
من واحد قريب منهم مثل الاب او الام او يمكن من الاخوان اذا كانوا اكبر منهم بالعمر
اتوقع غالبا يكونون نفسهم تعرضوا في يوم لجرعه كبيره من الحجي اللي يسم البدن
يعني باختصار صار طبع فيهم صعب عليهم يغيرونه

وانا متاكده ان اكثريتهم ودهم يتغيرون للأحسن بس يشوفون صعوبه في انهم في يوم من الايام يعترفون ابخطاهم

هذا رايي بصراحه . .

 

[أميرة الورد]

انما الأعمال بالنيات ولكل امرئ ما نوى يا رفرف اذا أنتي نيتج صافيه راح تمشين بهالاسلوب مها حاولو يأذونج واذا نيتج مو زينة ماراح ترتاحين الا لما تأذين أحد ...هذا عقاب من رب العالمين قولي الحمدلله اللي عطاج ربج النية الصافيه ترا هاذي نعمة نادرة بهالأيام .


قولي الله يسامحهم وبس الباجي على رب العالمين

 

[خوش بنيه]

ايه والله صدقتي اختي

جزاج الله خير

 

[مسك الغلا]

مرضى نفسيين

انا عجبني هالحديث

"من كان يؤمن بالله واليوم الآخر فليقل خيرا أو ليصمت "

 

[رفرف]

مشكورين بنات على المرور وعلى تعليقاتكم ..


Me Myself & i

انتي الوحيدة اللي لقيتي تفسير لحالتهم ..
بس هذا مو عذر بالعكس اللي اعرفه ان الواحد لي انقرص من شي يتحاشاه ..
اذا حايشهم كلام يجرح ومتأذين منه ما يأذون غيرهم صح والا لأ ؟

 

[شربات]

والله آنا عن نفسي واااااااااااااااااااايد حساسة ومع مرور الوقت قلت لأ لازم أطوف ،،، المهم الناس اللي تقط نغزات علي وعلى بنتي الله يحفظها ناس قلبهم بنظري أسود وحقود وماكو نيه صافية أبد مع إن قبل الزواج يا شربات ويا طلابه شربات وآنا الحمد الله ما زالت معزتهم كبيرة عندي ،، أمي تهديني وتقولي ما عليج سمعي مني وطلعي مني حقريهم وناس تقولي هذا من الحره والواهي قاعدين يغيضونج ويقهرونج ويحرونج يبونج تنفجرين وتتهاوشين وتسوين مشكلة معاهم يقطو هالحجي والنقزات

مرة من المرات بشهر رمضان الفضيل توني والدة ما كملت 3 شهور كنت متفطرة وتدرون الواحد يزهب حق العيد جام تقوم وتنط إنتوا ما تشترون حق بنتكم ولا تلبسونها ((( على فكرة ترا بالنسبة لهم لالالالالالالالالالالالالالازم ماركة ولا ما تلبس الياهل))) حااااااااااااالاً إنقمت قلبي ورحت عندي أمي أشكي وبعدها بمدة والله إن ما كان موعد الدورة بس من حرة قلبي نزلت والحمد الله أعوذ بالله من كلمة آآآآآآآآآآآآآنا لوتشوفون بنتي والله إن محد ينقد عليها ولا على لبسها إلا إهم


بس كل هذا آنا أقول بشوف إهم شنو راح يسوون بعيالهم (( يوم لك ويوم عليك ))


أدري سامحوني على الإطالة بس شسوي م حر مافيني ومن كثر النقزات إلى يومكم

 

[زيـنـه]

رفرف
اختصارا لكلامج
الناس اللي كلامهم سم .. كلامهم سم لانهم حيايه ---> جمع الحيه و بالعربي الفصحي ثعبان .