ليش لي اليوم في ناس كلامهم سم ؟؟

[brettey]

عاد انا الي جذي ارد عليهم ما يهموني واحيانا تنقلب هوشه الا الي تقول لي متنانه لانها تحط لي حافز عشان اضعف لكن وحده تقول عيالج جياكر ولا انتي جيكره ولا لبسج ومكياجج مو شي ياويلها ياسواد ليلها

 

[جوك احلى جو]

والله صاجه حبيبتي في ناس لسانهم يبيله قص يسوون روحهم انهم كل شي يفهمون وينتقدون مالت عليهم ياخي من طلب رايهم ؟؟؟؟؟؟؟؟؟؟؟ بس في ناس تحب تحبط

اذا اتتك مذمتي من ناقص فهي شهاده باني كامل والشجره المثمره ترمي بالحجاره اعتقد جذي المثل ههههه فعلا حطي هالمقولتين وامني فيهم لان اللي يقل ادبه من غير سبب اكيد محتر او غيران

 

[عرووووس الكون]

فيـه نــآس متعتهم التجريــح !


وصدقيني ماتتكلم الا الحقوده اللي تغـــآر !


وسعي خــآطرج رفرف انا مقهوره اكــُثر منج وربي بس مطنشه !


والله لو بنرد عليهم بنتعب هذوووول نـــآس مرضى .... من راقب النــآس مات همــآ !

 

[بحر الرمال]

اي هالاشكال زايده للاسف
بس انا ضد اني اسكت..اول كنت اسكت و احر نفسي و افكر و ليش قالت عني جذي؟ و كان المفروض ارد عليها و اقول جذي.. بس بعدين لا صرت ارد الصاع صاعين مع اني هاديه و ماحب احتك الا بناس معينين

 

[رفرف]

مشكورين بنات ..


وانا الصراحة من النوع اللي مارد .,
مو علشانهم .. بس لأني ماحب اقول الا كلمة فيها خير "فليقل خيرا أو ليصمت"
وثاني شي ما استمتع اقث الاوادم حتى لو اهمه يستاهلون ..
ثالث شي لما اتيي وحدة اكبر من امج وتقل ادبها تسكتين حشيمة لعمرها وكبر سنها اللي اهيه ما حشمته ..
رابع شي .. ما اقدر اربي الناس كلهم .. بس احمد ربي مليوووووووون مرة على حسن التربية اللي ربوني اهلي ..

بس الحمدلله والشكر هالاشكال يحسبون لي سكتي انتي خايفة منهم والا غلبوج عقل ناقص الله لا يبلانا ..

 

[ريميــه]

يا حبيبتى انا اعرف ناس بالكلام والافعال شغاااااااالين
بس من الحررره اللى فيهم والغيــــــــــــره عسى الله يجعل باااااسهم برااااسهم
ما راح اطول اكثر
بس اخر كلمه بقولها لج علاج الناس اللى من هالفئه هو على قولت المثل:-
(القافله تسيــــــــــــــــــــــــــــر وال ........ تنبح (مع حترامى للجميع )

 

[[]نهاوند[]]

ياشين الفئه هذي اللي هواياتها تقط كلام مثل السم وبنفس الوقت لو تقولين كلمه ما تقصدين فيها شي فسروها خمسين الف تفسير وسوولج فلم عربي

صج بلشه وما تدرين شلون تتعاملين معاهم والمصيبه اذا كان الحقران ما ينفع وياهم يعني المثل الدارج والمعروف بين الناس ان الحقران يقطع المصران مو كل احد ينفع وياه فيهم ناس لازم تعطينهم العين الحمره لأن اذا طنشتيهم او حقرتيهم عبالهم خايفه منهم او انج ماتعرفين تردين عليهم

باختصار العلاقات الاجتماعيه بهالزمن متعبه جدا وانا صرت اكره الطلعات والجمعات عشان اتحاشى هالنوعيات​

 

[! بنت العاشره !]

هههههههههههههههههههههههههههههههههه

موضوعج عجبني حيل بس حبيبتي بقولج شغله تخليج تاخذين كلامهم عسل موسم


تدرين مافي شئ من فراق هذي ناس معقده ظروف نفسيه عشان كذا دايم تلاقينهم بوضع هجوم


وكان الدنيا حرب عندهم


انا قبل كنت اهتم بالاشكال بس بعدين لا والله قعدت اشفق عليهم اطوف بعد من قلب


والواحد يخلي عقله كبيير ويسامح والدنيا ما تسوى


الله يهدي الجمييع

 

[<> إيلاف الكويت <>]

اي والله صاجه يا رفرف


وااااااااايد يمرون علي هالاشكال :eh_s(14): .. انا الصراحه ما ارد والله

مو متعوده اطول لساني لا على كبير ولا صغير

بس الشي زاد عن حدددددده وطفح الكيل .. يعني الحين

ارد ببرووود وهدوووووووووووء وبنغزه على ضحكه ..مادري اذا فاهمه قصدي ولا لأ لووول

يعني على سبيل المثال .. وحده قالت لج انتي ما تعرفين السنع .. قولي لها بإبتسامه مشكوره حبيبتي .. انا مخليته لج و ببرود اعصاب وابتسامه بريئه لووول

و خلينا نحاول نطوف .. وياااااكثر ما طوفنا لناس ما تستاهل .. وكل مالهم و يزيدون اعوذ بالله

وشنسوي اذا حاسبنا و وقفنا عندكل كلمه ماراح نعيش بهالدنيا .. سكوتنا و ضحكنا بيموتهمممممممم

و يحرررررقهم بعد ..



ولا تحرين قلبج حبيبتي محد مرتاح من هالفئه كلللللللش .. الله يشفيهم ان شاءالله

 

[انتخابات 2008]

ترى في بعض الناس ينتقدون ويجرحون من مبدأ انا انتقد اذا انا موجود!!!!!

وفي بعضهم من الغيره والحسد الي تملى قلوبهم

وفي بعضهم يشوفونج حليوه يستلمونج لانهم عارفين انج ما راح تردين

وفي بعضهم متعتهم وتسليتهم شوفة الاحراج والارتباك على الناس الي جدامهم

للأسف هذي نماذج موجوده بالمجتمع ومدام احنا جزء من هالمجتمع لازم نتحملهم شنسوي بعد

 

[رفرف]

مشكورين حبايب قلبي ما تقصروووون ...

وانا معاكم بأن هالناس فيهم نقص بس محد ملزوم يتحمل شين اطباع غيره صح والا لا ؟

 

[OmZizo]

فاضييييييييييييييييييييييييييييييييييييييييييييييين باختصار

 

[}{داشـه عرض}{]

هالظاهره منتشره وبكثره، من الناس القراب قبل البعاد

بسبب الحقد والغيره المتفشيه، محد يحب الخير حق غيره الكل يبي نفسه وبس!!

للانسان طاقه،مهما طوف حق هالفئه و حقرهم، لازم ينفجر بالاخير، على ماقلتي موملزومين

نتحمل أطباعهم الشينه! ، المفروض الناس تفكر وتسعى ورى عمل الخير البسيط ، فأجره عند رب العالمين عظيم!

للاسف حب الدنيا وحب الذات طغى على الناس، نسأل الله العفو والعافيه ..

 

[<> إيلاف الكويت <>]

مشكورين حبايب قلبي ما تقصروووون ...

وانا معاكم بأن هالناس فيهم نقص بس محد ملزوم يتحمل شين اطباع غيره صح والا لا ؟

صح .. عدل كلامج مليون %

الواحد مايقدر يربي كل الناس مثل ماقلتي من قبل

ودنا نغير هالطبع اللي فيهم وانا اول وحده .. بس منو تعلمين .. عمك اصمخ

بنظرهم انه هالشي حريه شخصيه وانهم ما غلطوا بالاساس :eh_s(14):

وانا نفسج واااااايد منبطه جبدي

الله كريم

 

[DenTisT]

اي و الله يغثون الناس اللي حجيهم مثل السم و ما يثمنون كلامهم
خصوصا لما يقولونلج متنانه واااااااي تتحطمين بمكانج لانج مو ناقصه
صدقيني حبيبتي هذيل الناس اهمه بيئتهم جذي
عيشتهم جذي
ما تقدرين تغيرينهم
فابتعدي عنهم و خلي علاقتج سطحيه و ريحي نفسج
و صدقيني كل ما تكون العلاقه سطيحه .. ما يقدرون يتكلمون لانج مو مطيحه الميانه
و اذا سمعتي جم كلمه تضايقج لا تردين .. ابتسمي و امشي
صدقيني راح يحترون ليش ما رديتي​

 

[*رتوووووجة*]

فدييييييييييييييتتتتج رفرف على هالموضووع الروعة ..



اي والله يــبتــيها على الجرح ...




وانا عندي اذا ييــه هالحجي من الغريب ومن اللى ماتعرفينه يهون لكــــــــن اذا ييـــه من الاهل اهنيه

المصيبــــه وصدقينـــي محد يقول هالحجي الا اذا كان هالشي مو عنده وتلقينه محتر ومنقهر وصج الله

يحمس مافي القلوب ويطلعه على اللسان ...





حبيت اضيف نقطه اذا تسمحين لي



قال رسول الله صلى الله عليه وسلم ( من حسن اسلام المرء تركه مالايعنيه)

انا ماشيه على هالحديث بحياتي خصوصا لي وحدة قالت لي والله ريتاج متنانه ولا لبسج مو حلو ولا عطتني

رايها من غير مااطلبه اقولها هالحديث والله تندقر وماتفكر تقط حجي اهيه مو قده ...



يعطيج الف عافيه رفرف والله يوفقج ...​

 

[.. مـــلاكـ ..]

وايد ناس جذي
الصراحة غريبين
يحبون يكونون منبوذين
والناس تكرهم مادري
شالهدف يعني
اتوقع فيهم نقص !
لا تعورين قلبج
وعطي الدنيا طاف
ماكو شي يسوى
و ربج كرييييييم

 

[طوق البنفسج]

في ناس متعتهم المغثه و يتفننون بالكلمات الي يختارونها ..

الله يهديهم .. يحبون المغثه حق غيرهم و يكدرون خاطرهم

مع انه الكلمه الطيبه ما تحتاج شي تطلع من القلب و توصل القلب ..

الله يعينج رفرف

 

[ام كتكوت]

في ناس اطباعهم جذي واي اعوذ بالله سم سم سم


اتصدقين وحده معاي بالدوام ذابحتناااااااااااا انا ورفيجاتي بس تدرين شنو الحل


تعطيج وحده اعطيها 10


قالتلي اشمتنج صايره <<<< ليش قاعده اكل من ثلاجتكم ولا قاعده على قلبج جسمي وكيفي

قالتلي عيالج جياكر <<<<< بعيني قمر يالله جيبي احلى منهم اشوووووف

قالتلي بدلتج اتلوع الجبد <<<< والله عاد انا عاجبتني شاريتها لي مو لج

قالتلي ويع شمسويه بويهج <<<<<< شي راجع لي ويهي ولا ويهج


انا هالايام صرت جذي والله مايستاهلون كلمه طيبه والله


لي متى اسكت وآكل بنفسي ؟؟؟؟؟ وانقهر وهي تفشلني وانا اتطمش

 

[كندية]

والله العظيييم يبتييهاااا على الجرح..هذا موقف صاار لي قبل فتره شاافتني وحدة جااان اتقوولي واااي كندوووش حدج كبراااانه لالالالالالا لازم انزوجج..والله اناااا حدي ربط الساااني ولي هذا اليووم الكلمه اترد في اذني.....يعني بالله ليش اتقوولين جذي وتحرقيين قلبي..مع ان والله والله العظيم الكل يقووولي شكلج حدج صغيييره....
والله اناا ماادري ليش جذي الاواادم اتصلي وتصوووم وترووح الحج وهذيي تصرفاااتها الحمدالله والشكر....

سوووووووووووووري طولت بس والله كل مااتذكر كلامهااا قلبي يعورني​