ليش الوحده لما تتطلق كل من يتخلى عنها :(

[ناتشوو]

رد : ليش الوحده لما تتطلق كل من يتخلى عنها

بالعكس
اعتبري ولدج الشي الحلو اللي طلعتي من الزواج فيه
واستانسي معاه

ومااشوف ان الكل يتخلى عن المطلقة بعد الزواج
بس هي تصير حساسة زيادة عن اللازم واشوفه وضع طبيعي

 

[ريماس77]

رد : ليش الوحده لما تتطلق كل من يتخلى عنها

الله يعينج ويفرج همج ان شاءالله

 

[!الجادل الصعب!]

رد : ليش الوحده لما تتطلق كل من يتخلى عنها

يآ سلآم .. متضآيقه تقومين تطقينه وهو عمره 3 سنوآت .. عبآلج لمآ يكبر مآرآح يتذكر الي سويتيه فيه ؟! قآعد تدمرين شخصيته شوي شوي ومآرآح يآكلها آلآ هو ..! ويمكن لآ كبر مآ تلآقينه حولج بسبة الي قآعده تسوينه فيه الحين ..!
مو كآفي عليه جبتوه للدنيآ وانفصلتوآ ..!
لآ تقولين تعبآنه ونفسيتي مو شي .. في شي آسمه قرآن نلتف عليه يهدي آعصآبنآ وآدعيه تريح الاعصآب وصلآه تريحنآ ..!
مآعندج آحد آحسن من ان يكون عندج آحد مآفيه خير .. مو مرتآحه بحيآتج .. من مرتآح بحيآته تكفين ؟!
عندج مشآكل .. شوفي مصآيب غيرج وتهون عليج مصيبتج ..!
آبوه مآسآل عنه بالطقآق الي يطقه .. انتي موجوده مآ متي .. صيري له الابو والام .. تجيبون عيآل عشآن تحطون حرتكم فيهم .. غيرج يتمنى الضنآ مو لآقيه ..!

 

[MiSsY HottY]

صراحة بطيتي جبديييييييي شكو الياهل طقينه حراااااااااااام :eh_s(13):

 

[نفهمها صح]

رد : ليش الوحده لما تتطلق كل من يتخلى عنها

يا ويلج من ربي
هذا ولدج .. انا لا تعبت حطيت عيالي عندي
وسولفت معهم وشاورتهم وهم دنيتي مالي غيرهم
بعد الله
بكره بين يوووم ولليله يجي ابوه ويعطيه وجه زيين وبيتركج
ولا راح يذكر منج الا الي سوتيه فيه تراهم مينسوون وبيرووح تعبج خساره
وطلاق بعض الاحيان رحمه
وصديقاتك كل وحده معدنها يبيين
ولي يبيعك بيعه معليه حسووفه

 

[بنت الفوزان]

رد : ليش الوحده لما تتطلق كل من يتخلى عنها

امج معقده بس انتي لا تطلعين عقدج على الياهل حرام

 

[nora__]

جزاكن الله خير

 

[al-musk]

رد : ليش الوحده لما تتطلق كل من يتخلى عنها

كل الي تخلو عنج هذيلي مو اصدقاء ولا ربع ولا فيهم خير..ومدامج على حق مالج شغل باحد ووكلي امرج لربج وكل شي سهالات

 

[شمس 20]

حرام عليج ياهل اتطقينه ماله ذنب

بعدين ربج موجود ومعاج ادعي وربج كريم

واذا عن الرفيجات يولون بالطقاق

 

[انوووني]

الله يفرج همج يآ رب

بس ولدج مآله ذنب .. إنتي الحين بحسبت الابو والام وكل شي بنسبه له لآزم تعوضينه ومآتحسسينه بالنقص

 

[انصاريه قمره]

الله يعينج انتي ووليدج ربي ولدج عدل وعوضيه عن ابوووه ما يصير تكررين اخطاء تربيتج مره ثانيه وتزرعين الصفات السلبيه فيييييييييييه

 

[الحوراء_بنت نجد]

أنتِ كم عمرك كيف تسمحين لِأهلك يطقونك
امك تعاليها مره وكلميها وابكي عندها قولي أنا من لحمك ودمك ليش تعامليني كذا ليش طقيني وتحرضين اخواني علي
قولي هذا نصيبي وهذا حظي وش اسوي انتحر عشان ترضون
وادعي ربك في كل صلاة انو يسخر لك امك ويحنن قلبها عليك وعليك بصلاة الليل والصدقة وخليك واثقة في ربي
لكن اخواااااانك ليش تسمحين لهم يطقونك وين شخصيتك حتى لو انهم اكبر منك وقفيهم عند حدهم

هدديهم مرره إذا جاء الواحد يطقك شيلي عليه السكيين بس مو تسوينها صدق انتبهي لاتوهقيني:krkrkr:
والا ارفعي علييه التحفه الجره خوفيه بأي شيء إذا جاء يطقك سويه كم مره وتشوفين يفكره ألف مره قبل مايقربك


وإذا تقدرين خذي شقه واطلعي عنهم على الأقل عشان ماتتعرضين للضغط النفسي
قولي لاهلك ياتغيرين معاملتكم معي يابطلع واترك لكم البيت

وادعي ربك بالزوج الصالح اللي يشيلك ويشيل ولدك
ولا تشكين لاحد اشكي لربك هو اللي بيطلعك من اللي أنتِ فيه

أنا ماراح اعلق على ضربك لولدك لانو من الضغط والضغط يولد الانفجار
بس مو عذر محروم من حنان الابو لاتحرمنيه من حنان الأم

والله يهدي امك واخوانك ويسخرهم لك ياربـ ويرزقك بالزوج الصالح اللي يعوضك عن كل اللي شفتيه

\

/

 

[حياتي فراغ]

رد : ليش الوحده لما تتطلق كل من يتخلى عنها

ودي أقولج تابعي روايتي وتعرفين السبب .. و تعرفين الحل ..
بس نطري الاحداث وبتعيشين الجو​

 

[*غنج*]

رفيجاتج تغيروا عليج بالطقاااااااق اللي مايبيني ما ابيه مابي ناس بالسطحيه هذي اقطهم ورا ظهري ولا افكر فيهم اهم ماعليج نفسج وولدج اللي ماله ذنب كل يوم اطقينه حرام عليج مهما كان هذا ياهل بعدين يتعقد، موكافي محروم من ابوه يشوف اليهال كل واحد عنده أبو واهو لأ قوي علاقتج برب العالمين وشغلي نفسج بشي يفيدج وما يخليج بحاجه لاحد لا أهل ولا صديقات والله يعينج على ما ابتلاج.*

 

[انا لحبيبي .]

رد : ليش الوحده لما تتطلق كل من يتخلى عنها


الله يفرج همك يارب البنات ماقصرو بالردود

بس نصيحه مني لا تخلي ابنك يطلع معقد حبيبتي

 

[ديانا سبنسر]

االله يفرج همج بس حبيبتي ليش جذي شخصيتج ضعيفة​

 

[nora__]

الحمدلله توه نام .. وعدى اليوم على خير من غير طق .. وخليته ينام مستانس .. واهلي تحاشيتهم ولا نزلنا عندهم .. ولا قدرنا نطلع انا معاه .. بس ان شالله باجر راح اطلعه ..

مشكورين بنات ..

 

[فـي غـربـتـي]

رد : ليش الوحده لما تتطلق كل من يتخلى عنها

قلووووبنا معاااج :flower:

 

[أنت الغرام]

طلعي حرتج بالكتابه أكتبي كل اللى بخاطرج عالورق ... راح ترتاحين ... كل اللى ودج تقولينه كتبيه
وتصبري .. الطلاق مو نهايه الحياه ...عيشي حياتج .. مارسي نشاطات .. مشي .. رياضه ... دورات ... شركى ولدج بعد ... واذا الناس تخلوا عنج ..قول الحمدلله .. أنهم بينوا على حقيقتهم ... وكل شخص له نظره للحياه .. ليش تفكرين فيهم .. فكري بحياتج .. أقري كتب تنميه الذات ... والشخصيه ... كثري قراءه القرآن ... روحي العمره .. دروس دينيه ... الحياة مو بس ريل وعيال ومشاكل ... قطي كل شي ورا ظهرج ... وخلج قويه بقوه أيمانج
أذا الناس تخلو .. الله معااج وما يتخلا عنج ...
واعتبريه اختبار واحتسبي الأجر ... والله يكون بعونج

 

[زوجة عزيز]

الله يعوضج بزوج احسن منه ان شاء الله ويفرجها عليج وولدج عوضيه عن حنان ابوه دلعيه حبيه ساعديه بحياته لا يتعقد الولد يكفي ابوه بعيد عنه