ليش الوحده لما تتطلق كل من يتخلى عنها :(

[! بــدويه وآآيــد !]

،

حبيبتي يقولون المراه يشيلونها اهلها بعدين زوجها بعدين عيالها
انتي مالقيتيها لا من اهل ولا من زوج حطي املج بولدج حني عليه باجر يكبر ويفهم وضعج ويصير رجال ومحد بيوقف معاج غيره لاتخسرينه وتضيعين بالدنيا والله يعينج ويصبرج على ما ابتلاج

​

 

[خفايا الروح]

رد : ليش الوحده لما تتطلق كل من يتخلى عنها

.


تطلعين حرتج بولدج ترى هذا مو حل .. حرام عليج لا تقسين عليه يكفي انه محروم من ابوه .. الله المستعان ..

طلعي حرتج بالاستغفار والصلاة والدعاء ادعي انه ربج يعوضج انتي وولدج .. حرررام اللي تسوينه بولدج قطع قلبي يا حياتي مسكين ماله ذنب..

 

[أم أحلى البنات.]

رد : ليش الوحده لما تتطلق كل من يتخلى عنها

حرام عليك .. الجاهل شذنبه ,ليش تعقدينه ...والله احتريت ياويلك من الله ..

ماتدرين لو انه هو اللي يبرد كبدك اذا كبر ..لاتخلينه يكرهك ..


الله يهديك .

 

[كويتية سفور]

تأثرت وايد بموضوعج وصراحه اخت نورة انتي فيج مو بس اكتئاب انتي فيج طاقة جنسية كبيرة مكبوتة وحقد على المجتمع خلاج تطقين وتقهرين هالطفل البريء اللي ماله ذنب اللي من حشاشة جوفج ، تدرين اهو يحس ويفطن اتقي الله فيه انتي ماتشوفين برامج اللي يحطونهم بالتلفزيون المآسي من العجايز والحريم الكبار في دار العجزة عيالهم حاذفينهم وقاسين عليهم؟؟ عبالج من شنو هذا ؟ اكو ولد يكره امه ؟ اي اكو من القسوة عليهم كرهوا اهاليهم ونشفت قلوبهم صارت صخر عليهم.

اختي باجر ولدج بيكبر وبيلاقي بنت تحبه وتحن عليه وتقوله كلام حلو وتهاديه وتمسح على شعره حزتها بيضيع منج صج بتصير اهي الام والحبيبة والزوجة وانتي بتخسرين اغلى انسان بحياتج .

و حزتها بتحسفين وتتندمين وماينفع الندم الولد عزوة يا نورة.

 

[دمرت كياني]

رد : رد: ليش الوحده لما تتطلق كل من يتخلى عنها

الولد شكو تطقينه وربي حريتيني الحين انا مطلقه وعندي عيال موبس واحد :rgewrg::rgewrg:

بدال لا تحنين عليه تروحين تطقينه عوضيه عن حنان الابو ياشقول وشنو يعني مطلقه وعندج ضنه يمكن هالضنه

يكبر ويشوفج ويعينج احسن من مليون ريال وعن الرفيجات بالطقاق اللي باعتج بيعيها انا نفسج خلوني شكو احط حرتي

بالياهل الحمدالله الله عطانا عقل بس نفكر فيه اذا مو مكمله دراستج كملي واذا تشتغلين خير وبركه بس الطفل ماله ذنب

هدي بالج وخلي الامور تمشي طبيعي لا تعقدين البيبي والله اذا صار فيه شي ماراح يندم غيرج

معها 100 %
حرام البيبي اللي طقينه شنو تحطين حرتج في ...؟ ماله ذم توقع

 

[اسرار الغلا]

ضمي ولدج يضمج

يعني ضميه وهو صغير يضمج وهو كبير

والله يفرج همج ويرزقج بالزوج الصالح اللي يعوض صبرج خير

 

[nora__]

جزاكم الله خير

 

[رتو الكيوت]

عزي عمرج ولاتنطرين احد يعزج

وولدج ربيه عدل علشان يشيلج

 

[nora__]

مشكورين

 

[nora__]

لا اله الا الله