ليش الوحده لما تتطلق كل من يتخلى عنها :(

[BiiShOoO]

لا حول و لا قوة بالله

الله موجود

حرام عليج تظلمين هالياهل و تحطين حرتج فيه باجر الله راح يحاسبج عليه

تعوذي من ابليس و قعدي عيدي حساباتج بحق نفسج و حق ولدج و اخر شي بحق الناس

قومي و توضي و تعوذي من ابليس و صلي ركعتين و ادعي ربج يفرجها و الله معاج

و عقبها مسكي القران و ادعي و اقري و الله يسهل عليج امورج

 

[قطوووة]

رد : ليش الوحده لما تتطلق كل من يتخلى عنها

ألله يكون بعونج

 

[ام اغلى الناس]

حرام عليج لا تكرهين الولد فيج
3 سنين يفهم
حببيه فيج و ونسيه
مالج غيره
طلعيه و العبي معاه وان شاء الله بيعوضج صبرج لما يكبر
احسن شي تدخلين نادي انتي وياه تضيعون وقتكم و طاقتكم فيه
و تتقربون من بعض
و احساسج غلط .... بعدي عن الشيطان و حبي الدنيا ولا تتشكين لاحد

 

[nora__]

رد: رد : رد: ليش الوحده لما تتطلق كل من يتخلى عنها

[

quote=فـي غـربـتـي;22175747]هم مو عذرلج تعاملينه هالمعامله

المفروض اللي اتعرض لهالامور اعوض اللي بحاجته وتحت رحمته

صح كلامج هذا مو عذر وهذا الي كل يوم اقوله حق نفسي
انا مابي امشي بنفس الدائرة
لا ابي اوقفها وامشي بدائرة يديدة سويه
وانشالله اقدر

والحل

انج اتحاشين الامور اللي تنرفز اهلج وتخليهم امدون ايدهم

للاسف حبيبتي مو قاعده تفهميني
انا لو ادري اني غلطانه جان عدلت غلطي وسكت ولا اشتكيت
مماامدح نفسي واقول اني ملاك
بس اكثر من مره اشوف نفسي واتابع نفسي ومعاملتي معا امي الاقي نفسي مو غلطانه
والي فعلا يقهر اني ما اكون مسويه شي والله شاهد علي تيي المشكله وانا بمكاني مالي شغل باحد
او امي تكون مشيشه اخوي علي يي يطقني بدون ما يسمعني
حتى معاش الشؤون كل يوم تسمعني كلام ماتبيني اخذه وانا مو مقصره عليها وعطيها بس سبحان الله اهي جذي ماتبيني استلم معاش كل شهر

مشكورة على اهتمامج وردج حبيبي

 

[LA TROO7]

عسى ايدج الكسر ان مديتيها عليه

حرام تكونين ام والله

حرااااااام عليج كبر ولدي تخيلته يتعذب بهالشكل دمعت عيني

 

[فـي غـربـتـي]

رد : ليش الوحده لما تتطلق كل من يتخلى عنها

لي رجعه ان شاءالله لموضوعج قريب بس مو اليوم والله اكون بعونج فيه امهات مايفهمون بناتهم بس يبيله خاص علشان تتضح الصوره اكثر واحاول اساعدج ان شاءالله

 

[_ظل الياسمين _]

ربى يريح بالج ويفرج همج قادر ياكريم.

 

[*(بيبي فيس)*]

رد : ليش الوحده لما تتطلق كل من يتخلى عنها

ياعمري الله يعينج ويفرج همج ويبدل حالج لأحسن حال
ولله حاسة فيج
أنا مطلقة بإرادتي وعندي بنت
أكيد بتتغير نظرة الناس اللي حولج
بس انتي غيري نظرتهم
يعني اهتمي بنفسج
بشخصيتج
بيني للكل إنج قوية وياجبل مايهزك ريح
وقل لن يصيبنا إلا ماكتب الله لنا
وأنا الحمدلله
حالتي النفسية زينة
تدرين ليش
لأن عندي إيمان إن كل شي مكتوب وقسمة ونصيب
وكل شر يصيب المؤمن يؤجر عليه وتكفير لذنوبه
اسمعيني ياقلبي
اللي تخلى عنج من رفيجاتج انسيهم
بيعي اللي باعج
تقربي من الناس
وتعرفي
لاتقولين خجولة اكسري الخجل وقوي شخصيتج
انت أم لازم تقوين نفسج
تعانين من امج
حتى أنا أعاني وصابرة والله يجزاني خير
أغلب المطلقات يعانون من معاملة اهلهم
انصحج تقرين كتاب (( لا تحزن)) للشيخ عايض القرني
عجييييييييييب يوديج عالم ثاني
ترا الدنيا قصيرة واحنا مطولينها ومهملين اخرتنا
لازم تفكرين بالاخرة علشان هالدنيا تصغر بعينج
وصدقيني بترتاحين
وانصحج بشي حيييييل يريحج
تقربي من ربج اشكي له
صلي كل ليلة واقري كتاب ادعية
وابجي
صدقيني بتحسين براحة
لو عندج مية رفيجة مابترتاحين كثر هالراحة
سوي اعمال خير تصدقي
واهلج حاولي تتحاشينهم
وولدج ديري بالج عليه
المفروض انج تعوضينه حنان الأبو
مو تزيدين الطين بله
ماله ذنب
أهو أمانة عندج
ماتدرين متى الله ياخذ أمانته
ووقتها يتندمين على كل زعل زعلتيه
بلعكس حني عليه
ترا مالج غيره
ولله بنتي أحس إنها دنيتي
محليه حياتي
الله يخليها لي

والله يفرج عليج ويأجرج في مصيبتج ويخلف لج خير منها
ولكل مطلقة مؤمنة
امين


​

 

[nora__]

رد: رد : ليش الوحده لما تتطلق كل من يتخلى عنها

ترا الدنيا قصيرة واحنا مطولينها ومهملين اخرتنا
لازم تفكرين بالاخرة علشان هالدنيا تصغر بعينج
[/center]

اي والله صح كلامج
اللهم لا تجعل الدنيا اكبر همنا ولا مبلغ علمنا
الله يجزاج الخير ويخليلج بنيتج ويرزقج الزوج الصالح الي يعوضكم

 

[جوري الغرام]

رد : ليش الوحده لما تتطلق كل من يتخلى عنها

اولا حراااام عليج تعذبين ولدج بالطق وتحرمينه حنانج يكفيه محروم من ابوه

ومالج عذر تعاملينه بهالقسوه حطي في بالج كل ما حسيتي انج بتنفجرين عليه انه ممكن يروح منج بلمح البصر واسمحي

لي انت حيل بالغتي بسبب انقطاع الناس عنج انه علشانج مطلقه الناس اصلا تغيروا واشغلتهم الدنيا وقل التواصل بينهم.

وهذا انت متضايقه من امج >>>>>>>>>>>>>وفي نفس الوقت مو قاعده تعوضين ولدج حرااام والله حرااام.

المطلوب منج الحين

نصيحة اخت لأختها لا تضيعين ولدج من ايدينج واتحسرين عمرج كله اهو اللي باقي لج من الدنيا واهو

اللي بعوضج عن اللي شفتيه بحياتج.

اولا : توضي الحين وصلي ركعتين وادعي ربج فيهم اغفرلج معاملتج السيئه لولدج وادعي ان الله اعينج على تربيته تربيه

صالحه وانه الله اهديه الى ما يحبه ويرضاه وان الله اوسع صدرج عليه وان يعينج على تعويضه عن حنان ابوه وان الله

اهدي ابوه له ولج وخلي لج عاده كل يوم تصلين فيهم ركعتين قبل تنامين وتقرين فيهم القرآن وتدعين سوي لنفسج جو

روحاني بينج وبين ربج تشكين له همج كل يوم وعودي ولدج على سماع القرآن كل يوم قبل انام وحفظيه بعض الصور ..

ثانيا : وجهي كل اهتماماتج لولدج من كل النواحي فكري شنو احسن حضانه اتأسسينه فيها قبل المدرسه او جيبي له

مدرسات بالبيت يأسسونه للمدرسه وحطي له كم يوم بالاسبوع اطلعينه فيهم مره ملاهي ومره مركز علمي ومره تتسوقين

له مره مطعم ومره جمعيه ترا حتى البقاله تونس الجهال بس تكونين معاه وحاولي تونسينه وادخلين الفرحه في قلبه وراح

ترتاحين وتنسين الناس كلهم .

ثالثا : سوي له استقطاع من معاشج شهري لمستقبله باجر يبي سياره يبي لاب توب يبي تلفون الى...... آلخ

رابعا : اذا انت ما احترمتي ولدج من صغره >>>>عمره ما راح اعرف الاحترام ولا احد راح يحترمه لأن الناس

على طول اشوفنج اتهينينه وتبجينه.

وأخيرا

انت حاولي تبدين التواصل مع رفيجاتج ومعارفج

وبعدين سبحان الله انا اعرف وحده مطلقه وعندها ولد وماشاءالله مدخلته

احسن المدارس وايدها بيده كل من طلع من بيتهم او دخل بيتهم يشوفها ياطالعه مع ولدها ولا داشه مع ولدها

من تعاملها الحلو معاه شخصيته قويه وتهبل

والحريم اللي متزوجات ومعيلات كل ما بغوا يسألون عن شي من مدارس اواي شي

اخص العيال يسألونها لأنها معروفه بهتمامها بولدها ما شاءالله

واللي يشوفه معاها شلون تعامله جنه اخوها تحترمه حيييل وهو مثل.

الله احفظه لها واحفظ لج ولدج واصخركم لبعض

كلامها عين العقل ​

والله عورني قلبي على ولدج بعده صغير ولا يعرف يدافع عن نفسه وأنتي أمه المفروض تعوضين الحنان اللي فاقدته بولدج وطز بالناس ليييييييييييييييش تديرين بال لهم يبااااا اللي مايبيج لا تبينه
هذا ولدج يعني سندج اللي بيشيلج لاكبرتي لا تعقدينه مثل ما أهلج عقدوج

وعلى فكره أنا مطلقه وتعبت بحياتي حيييييييييييل بس الحمد لله البنات اهنيه بالمنتدى ماقصروا معاي ساعدوني و وجهوني وتغيرت نظرتي للحياه من سلبيه لايجابيه والله اني أتمنى طفل و ودي أصير أم وأنتي تحطين حرتج بولدج تكفين ديري بالج عليه هذا أمانه برقبتج والله يهدي لج أمج وأخوانج ويعوضج ربي بزوج يخاف الله فيج ويعطف على ولدج ويعوضج عن اللي شفتيه بحياتج :yaaaaaarb:


​

 

[ام خدود ورديه]

سؤال انتي ماتخافين ربج ؟ اتطقين الياهل ليش دام دريتي انه سبب مصايبج امج ومعاملتها لج ليش تبين ولدج يعيش نفسج؟ مو لازم اتجنبينه الحياة اللي انتي عشتيه ؟ اهوا شذنبه انحرم من ابووه واهوا عايش والحين بتخلينه ينحرم من حنان الام خافي ربج بولدج والله يعينج

 

[الكادي 2011]

الله يفرجها عليج وعلى كل عباده

 

[فنكيه]

لاحول ولاقوه الا بالله العلي العظيم
اذا امج غلطت لاتعيدين الي تسويه معاج بعيالج
كل وحده تحاول تصلح اخطاء اهلها فعيالها شي طبيعي
انتي بينتيلنه انج وايد قاسيه على ولدج معنج عارفه انه ماله ذنب
زوجج باعج وطلقج وانتي بيعيه لاتتشرهين عليه ليش ماخذا ولده
خلي ولدج يحبج ويموت فيج ولزقيه فيج احسن باجر اهوا سندج
اي شي تعلمينه يطلع عليه لمن يكبر
وطقي وكفخيه شوفي لمن يكبر ويقوه شيسوي فيج عادي وجنه العيد يوديج العجزا
علميه على الحنان والحب وخليه اهوا صديقج شتبين برفيجات مافيهم خير كل وحده تطالع حياتها
مايعرفون بعض الا للمصالح
كبري عقلج انتي كبيرا حتى لو عمرج صغير لان الي تتزوج وتولد هاذي مره اهيه مسواله عن نفسها وعن عيالها

 

[Smetk 3'lay]

حبيبتي تقربي من ربج اكثر وولدج حرام عليج تعاملينه جذي حني عليه وحبيه كثر ماتقدرين والطلاق مونهاية العالم عيشي حياتج وقطي ورا ضهرج

 

[اربعينية وصغيرة]

رد : ليش الوحده لما تتطلق كل من يتخلى عنها

الله يشرح صدرج ويفرج همج ويبارك لج في وليدج:yaaaaaarb:

 

[ابعد واستريح]

:flower:يعني شنو امج تطقج واخوج ليش انتي شمسويه شوفي حبيبتي انا مطلقه نفسج وماره بحالتج وعندي انهم يطقوني ولا اتعرض للي تعرضت له من اذى نفسي ع قولة المثل هان طعن السيف ولا طعن الكلام شوفي حبيبتي انا رحت وشريت كتب وسافرت كم مره وانزل السوق ع طول اشتري اخر الماركات ولما تجي مناسبه وربي اكون انا اذرب واجمل وحده والكل يسولف فيني بس من داخل انا تعبانه منكسره حزينه تدرين اصعب شعور لما تكسرين خاطر عمرج اووووووووووف شعور رهيب اه ورحت دكاتره نفسييييين واطلع واتمشى مع رفيجاتي واروح واجي محد يقولي شي من اهلي اطلع عبالي بنسى الهم بس الاقيني قاصه ع عمري ارد اتعس من اول وفقدت الامل ان الضحكه والفرح يردون من جديد لكن :080402ask_prv::080402ask_prv:اكتشفت ان الحل سهل وقريب ونتايجه مضمونه وفيه راحه وربي ما مثلها راحه اني تقربت من ربي يا الله شعور حلو وسعيد والله قمت اصلي الصلاة بوقتها القران ع طول سويتلي برنامج اسبوعي شريت كتب لعايض القرني قمه قمه واقيم الليل واهم من هذا اتصدق بالهبل بمبالغ والله هالفلوس رايحه ع اشيا تافهه ليش ما اتصدق فيها احسن نصيحتي لج يا اخيتي ومن وحده شاربه من نفس الكاس المره تقربي من ربج والحي بالدعاء واهم شي وخري عن السوالف والحش والنميمه ونظمي وقتج والله يسعدج الرحله للتغييير طويله بس صدقيني نتيجتها مريحه بشكل ما تتخيلينه والله وحده نادتني بالمدرسه تقولي وجهج محلو حيل مع انج تحطين نفس الميك اب صارلج سنه بس الراحه من داخل تنعكس ع وجهج :cxxxp:تعبت واي شي ابشري وانا حاضره

 

[*غاليه*]

تدرون شنو المشكلة يا بنات
مو بس فيني انا
انا تربيت على جذي
امي من وانا صغيره تطقني وماتبي احد بالبيت يحبني
كلنا بالبيت كبرنا على ان اخواني مايصير يحبوني ولازم يسيطرون علي
امي لي يومكم هذا واهي تطقني وتلعني وتدعي علي بسبب وبدون سبب
يعني سواء حنيت على ولدي ولا ماحنيت اهو عايش في البيئه السلبيه
جم مره شاف امي واخوي يطقوني
او يطقون الخدامه
وانا الي فيني مو تهيآت او طاقه سلبيه
انا ما انقهرت الا وانا متكاده ان الي صاير حقيقه لاني بالفعل بادرت وسويت خصوصا مع امي بس هالشي قاعد يردلي بالشر
الله يفرجها انشالله

الله يكون بعونج وعون هالولد
اهم شي تكون عندج قناعه: ان الله لايغير ما بقوم حتى يغيروا ما بانفسهم
اهتمي بنفسج وحبي نفسج وولدج وحاولي تدورين راحتج بدون ما تنتظرينها من غيرج
عزي نفسج عشان غيرج يعزج. لاتفتحين مجال لاي شخص يتطاول عليج باحترامج لنفسج اولا وخليج واثقة ان ماتضيق الا تفرج ان شاءالله
المهم انج ماتنشغلين عن نفسج وولدج وتحاولين ترضين الناس حولج
عسى الله يسعدج ويخلي لج ولدج
كلام عن تجربة صدقني

 

[وردة بيتنا]

امبيه كسر خاطري الولد المسكين شكووو تطقينه حرام عليج ياهل فقير مسجين بدل لا ترحمينه و تحنين عليه تقومين تطقينه

اسمحيلي اختي انتي مريضة نفسيا

انصحج تروحين للدكتور موسى الجويسر خوش دكتور راح يساعدج باذن الله

بس تكفين رحمي حال الولد المسجين و الله كسر خاطري حيل

 

[nora__]

الله يجزاكن الخير

 

[ELFAD3Ah]

رد : ليش الوحده لما تتطلق كل من يتخلى عنها

االه يفتحها بويهج يارب