لو وحده بين الحريم تقصد تحرجك وقالتلك ...

[cat-girlq8]

لا يمكن مو قصدها تجرحج تري الواحد ينفرش من غير مايحس بعمره يعني نحتسب حسن النيه احتمال كانت تبي تنبهج وعن نفسي عادي أخذها علي محور الغشمره وابتسم

 

[Um Tuki]

لـــــــــو انا مكانج برد عليها و بأكبر ابتسامة

إي والله متنانة .. فدييييييييته ريلي حبيبي مريحني .. من الراحة متنانة و اضحك بدلع هه هه هه

و لو ردت عادتها اقول اي متنانة بس مو من جيبج ..

 

[حلوة حيل]

والله أحس كلامها عادي ومايزعل شكلها على نياتها يعني تسولف وياج وحتى لو بصوت عالي هذا طبعها وتقولين نظرتها خبيثة مرات يتهيأ لنا خصوصا إذا آخذين عن الشخص فكرة غلط وأنتي مكبرة الموضوع و أصلا أحسن شي إنج سكتي بس شكلها اهي جريئة بالسوالف وأنتي خجولة وأحس كلامها بحسن نية بس يمكن أنتي في قلبج عليها شي عشان جذي اتوقع لو ترد عليج السلام قلتي تقصد شي وخبيثة و شلون ارد هذا راايي واتمنى ماتزعلين ->وحتى لو كانت تقصد احراجج مثل ماتقولين الرد الحلو هو السكوت والله يوفقج

 

[الفتاة المسلمة]

طبعا انا لو مكانك اقولها والابتسامة في وجهي الله يبشرك بالخير انا ابغى اسمن عشان رجلي يبغاني اسمن الحمد الله انو في احد فرحني وقالي انك سمنتي في هادي اللحظة راح ينقلب الحرج عليها ههههههههههههههههه

 

[كنوشة 2009]

قولي لها
مشكورة
او الفال لج
او صج ونستيني لان زوجي حبيبي يبيني اسمن

 

[أنفاسي دخون]

كان قلتي من خير ابو عيالي عسى خيره يزيد ما ينقص

 

[صاحبة الكلمة]

قوليلها خييييرنا كثير و الحمدلله عيل نقعد عصاقل وي الحمدلله على النعمه ناس شايفه خيييير

 

[Kocheko]

حقيييييييره بطت جبدددددييي :eh_s(14):

ياكثر هالأشكال :eh_s(10):

 

[القلب الطيب]

ماقصرو البنات

 

[يستفزني غلاك]

حبيبتي هالاشكال اكتفي بالابتسام و صدي عنهم وانتي مبتسمه يعني قالت لفي ابتسمي و كانج بتضحكين و صدي و اهمممم شي تضحكين وتستانسين قدامها مو تعكرين مزاجج مثلللي بالضحك وان انتي والطووفه واحد
بالعربي لاتعملين لها اي احسسسساب
قلتيها لو احترررق يكون عيدهااا ليشششش افكككر ب ناس ماتمنى لي الخير

 

[وَدَقْ]

مرحبا الجازي
حبيبتي
هي ماتمادت الا وعارفه باثر كلمتها عليج
خليها كان الطوفة تتكلم
اصلا لو تكلمت والكل انتبه وانتي رديتي رد بارد ظريف عدم مبالي بيحرجها بس لان انتي تنحرجين
هالاشكال تكسر الخاطر
قولي لها مع ضحكة بدون خز وبكل بروود (فديته بوفلان يبيني اسمن)
يمكن ترد عليج شدعوة في رجال يحب السمنة ؟
قولي لها ( وانا شكو بالرجال علي من رغبات زوجي )
ولاتطولين معاها النقاش ولاتعطينها اكثر من حجمها هالاشكال مريضه نفسيا

 

[معبوجه]

أول شي تبتسمين وتضحكين وتقولين لها بصوت عالي شسوي بوالعيال يبيني

اسمن يحب الدفا ههههه وضحكي وردي قولي يتحله علي تالي اسفهيها وديري بالج

تطالعينها لاتحطين عينج بعينها خليها اهي اللي تلاحقج بنظراتها لانج اذا طالعتيها راح تحس بضعفج

وتركي جروحج ربج يداويها اللهم يكافي من الحريم

 

[الجسوره]

لا تبينين لها شي ... قولي انا اللي امتن .. عاجبني شكلي الحمدالله و اسكتي .. للاسف قليلت ذووووووق و تحتر منج

 

[الغريقه]

زين منج سكتي

اذا خاطبك السفهاء فقل لهم السلاما

 

[جامعيه طموحه]

حاولي تتعلمين طريقه تقلبين الرد عليها

يعني مثلآ لنفترض قالت تراج سمنانه ي فلانه سوي نفسج كأنج سمعتيها تقول (تراني) سمنانه وقوليلها اي يمكن سمنتي شوي خففي اكل وسوي رياضه وانتي تضعفين

ولا قالت لا انا اقصدج انتي قوليلها اها حسبالي تتكلمين عن نفسج وعطيها ابتسامة الواثقه من نفسها مع نظرة دلع ههههه (لا تدلعتي راح تحترق جدامج) وقوليلها ايييه بس المتن مازادني الا حلا او اي ومع المتن صرت احلى بزياده (ولا تنسين كأنج تغيظينها وتطلعين لسانج بس بالكلام مو بالصج هههههههه)

ولا قوليلها هذا حال القمر كل فتره يتغير مايثبت على حال وربي بتسكت وماعاد تتكلم معاج بهالسوالف لانها بتعرف انج راح تفشلينها وبتبينين جدام اهل ريلج انج واثقه من روحج وعارفه انج حلوه

حبيبتي طول ما انتي ساكته تثبتين للكل انج ضعيفه علمي كل شخص يوقف عند حده وانه ما يابته امه الي يقلل من شانج او يكسر خاطرج بكلمه
حتى ريلج بيستانس على ثقتج بنفسج

والله يوفقج

 

[Dr.rooz]

حريتيني !!!!
ليه م سكتيها ب اسلوب تتفشل من نفسها هالوجيهه م تستحي !
لو اني منج اقول
حاليني الله ب متن و لا ضعف
متنانه من خير فلان

 

[شندوخه]

قولي ادري زوجي مجنني يبيني اسمن وعاجبته

 

[popa]

قوليلها ريلي يبي جذي انتي شحارج ؟

 

[Usa4]

قولي الحمد لله جسمي عاجبني

 

[سحرالعيوون]

أنا لو بدالك بقولها أدري أني سمنانة واكل يقولي حلو عليج .. حتي لو منتي مقتنعة
هالأشكال الحقيرة وايد .. أنا مرة وحدة قالت لي يالله عرسي شنو ناطرة بويضاتج بيخيسون جدام ناس أنا ما عرفهم عدل .. ونفسج من الصدمة ما عرفت أرد بس لو كررتها ردي عليها لا تسكتين حسبي الله عليهم هالأشكال مرررض

وش هالاسلوب السوقي تعجبت منه صراحة الدين دين المعاملة واول ما بنتحاسب عليه الاخلاق
والرزق بيد رب العالمين لو داعين لج دعوة حلوة بدل هذا الكلام
احذر لسانك ايها الانسان لا يلدغنك فأنه ثعبان