لو وحده بين الحريم تقصد تحرجك وقالتلك ...

[الأوركيد~]

قالت لج متنانة
قولي لها من خير ابوي
او ريلي اذا مزوجة
:rgewrg:

شعليهها هي

لا يكون موكلتج من خيرهم!

ناس مرض

الله لا يبلانا
و يبعدهم عنا و عنكم يا رب

 

[Om Hamza]

إذا نطق السفيه فلا تجبه فخير من إجابته السكوت
فإن كلمته فـرّجت عنـه وإن خليته كـمدا يمـوت.
اختي العزيزة طبعا انتي مقهورة لانك ما رديتي بس لا تزعلي ترى الخير من رب العالمين والشر من انفسنا واذا شفتيها مرة ثانية قولي اللهم اكفنيها بما شئت وكيفما شئت وقولي اللهم انطق لساني بما ترضاه وأبعد عني شرها ولا تخافي ترى حقك ييجيك بدون ما تطلبيه حتى واعتبري سكوتك عنها مرضاة وحسن خلق راح تنأجري عليه بتشوفي كل الناس وقتها يقدرولك موقفك ويحسوك اقوى منها حتى لو ما نطق لسانك باي حرف

 

[jessica almutairi]

ههههههههههههه هاذي مريضه نفسيا انا احب اسفهم من الغيره
و المرض ينبشون ويدورون دوآره ع الي محترين منهم ف طآف وعيشي حياتج

 

[الهام الراشدي]

ردي عليها الناس المريضة ماينفع تسكتسن لهم ,,,قوليلها هذا جسمي وانا ابخص فيه والحمدلله متينة ولا ضعيفة جميلة وحلوة بعين ريلي .... بتموت ف مكانها

 

[ساره العامر]

قوليلها السمنه تلوق لناس دون ناس وحلتني مابشعتني وعطيها النظرة الخبيثه نفسها

 

[فجرر]

مريضة هذي هههههههههههههههههه



نصيحتي

لو هي ضعيفة قووولي احلى منج يامسووواك او ياعووود

وحدة بوحدة


او طويلة قوليلة احلى منج يالزرافة

ههههههههههههههههه وخلي المجلس كله يضحك عليهااا




واعططيها النظرة المحد قدية

 

[مياوي ديسمبر]

تقدرين تردين عليها بدون لا تغلطين عليها لكن المشكله بصراحه انج مو واثقه من نفسج لو انا منج اقولها و بصوت عالي ادري ماتدرين طايحتلج بالحلو و الفطاير و اضحك و اكركر بالموضوع المهم اوريها ان هالشي ما يضايقني لا تخلين احد يهز منج شعره

تدرين مرة وحده اعرفها كانت بذاك الوقت مو متزوجه المهم الي حواليها كانو مسوين كيكه بمناسبة نجاح وحده من بناتهم فقالتلهم البنت الي اعرفها ان شاء الله تفرحين فيها عروس فردت عليها بتفشلها ادعي حق نفسج بالاول تدرين شردت قالتلها وي الملك قالي و لك بالمثل

دام الواحد ما سوا شي غلط لا يتفشل خل يرد بكل ثقه لكن لا يجرح احد

 

[*ريــان*]

طنشيها

الحقران حلو احيانا

 

[Q6RYA]

جان ظحكتي وقلتيلها الحمدلله من عز ريلي الله يخليه

 

[بهلوله]

كل ما تشوفينها أقرئ هذي الايه

بسم الله الرحمن الرحيم
وجعلنا من بين أيديهم سدا ومن خلفهم سدا فأغشيناهم فهم لا يبصرون
صدق الله العظيم