لو كل وحده تسأل زوجها ،، شنو بيكون رده ؟

[Loloki]

تنا اسوي حق زوجي اذا ماكان مقصر معاي واذا مقصر اقووله روووح بابا

لووول

 

[xprincessx]

لااااااااااا و ألف لاااااااا
ما اعيشه هالجو لو شنو
هذا اللي ناقص و الله
اروح اخطب له كوماري احسن لي
انا بسأله أول شي و بشوف ؟؟؟
نفس ما قلتي حق ريلج على اساس في كتاب عاجبني و بشتريه اممممم

 

[وحش سعود]

تدرين عاد انا بجرب جذي اسبوع بدون لا اسال
زوجي فديته ما يطلب واليوم قاعده اغدي ولدي واضحك اقول ازوجك وحده تغديك
ولا يرد زوجي وليش ماتاكلين ابوه.....
انا ستغربت العاده القمه بس مو كل الوجبه مره مرتين

 

[*الجود*]

والله يبيلج تجربين و تصيرين على قولتج من الجواري مادام ريلج يبين من اللي قلتيه انه يبي هالشي
بس اكيد موتكونين مستسلمه و تلغين شخصيتج
و الله يوفقج و يسخره لج و يسخرج له

 

[حبـ admant ـك]

زوجي مو يمي عشان اسأله
بس انا اللي فهمته من الكتاب ان مو شرط تصيرين من الجواري
لا القصد انج تطيعينه وتدللينه زياده عن اللزوم وتحسسينه ان اهو سي السيد
بعيد عن المذله وهالاشياء
يبيلي اجرب هالشي ليش لا
كنوع من التغيير ونشوف النتيجه

 

[BaЯBya]

مادري عنكم بس انا مسسسستحيل اسوي جذي
احس شي يقلل من الكرامه هذا رايي
في اشياء احسن من جذي ،.. شنو اغسل ريوله ؟؟

وين قاعدين

 

[Miss Chanel]

كل الرياجيل يتمنون وحده جذي تعاملهم

 

[alzeen- almuteri]

انتي جربي سوي اللي بالكتااب ​

بس عاادلي موتصيرين جااريه مره جذي ومره جذي
مومستسلمه واايد يعني

 

[( مي )]

كلكم قمتوا تقولون جارية
هههههههههههه

شكلي اليوم بلبس النقاب الشفاف وبدلة رقص واحط له مهفة ريش وارقص له ألف ليله وليلة لووووووووول
وكل ما يناديني اقوله أمرك مولاي
هههههههههههه​

 

[مشاعرحالمه]

انا مو متزوجه بس اتوقع اغلب الرجال يتمنون المره الي كذا بس اهم اشي مايكون هاذا ع حساب نفسها و شخصيتها

يعني شي حلو لما ادللين زوجج واتحوفين فيه حوف

بس بنفس الوقت يكون لج شخصيتج ورايج وتفكيرج الخاص

ماتلغين نفسج ع حسابه
يعني الموضوع محتاج موازنه منج
والله يهني كل زوجيين ويرزق العاوزين قولو اميين

 

[حظ من عنده انا]

زوجـــي يقـــولـــي


يالـــيتـــج تصـــيرين مــثل أمـــج

امـــي من حــــريــم أولــ ويشــووف شـــلون تـعــاملــها مــع ابـــووي وعـــاجبـــته طـــريقـــتها وحـــياتهـــم


مـــع انـــي مو مقـــصرهـ معاهـ بــشــي بالعكـــس شخصيتي فــيها من امــي وامي هــي اللي مربــيتـني

غريييبــــين الريــآجــــيــــل كـــل شــي يبوونــهـ ...

 

[دلوعة حمني]

يبتيها على الجرح!

على قوله زوجي.. احبج و اموت فيج بس لاتجادلين و قوليلي حاضر و ان شاءالله! و طيعيني انا زوجج!

احيانا اسكت بس احيانا ماقدر و مو من طبيعتي اكون خاضعة او ستسلمة لاي احد!

و لا ينطبق مثل "كوني جميلة و اصمتي" علي!

و تسلمين عالمواضيع العسل يا عسل​

 

[Habibat Abooha]

آب

آب

 

[Melazlaza]

مي والله الاجانب قاموا يرجعووون حق العرب بهالشغلات وايد لاحظت حتى مرة كاتبة امريكية كاتبة مقال ان النساء العربيات اقتدوا فينا احنا الامريكيات انهم قاموا يشتغلون ويهتمون باشياء ثانية غير بيتهم مثل الدوام والطلعات والصداقات وتقول ما يدرون ان احناحياتنا تعيسة والسبب اننا تخلينا عن انوثتنا مع الرجل واهتمينا باشياء يعتبرها الرجل اهتمامات رجولية لوووووول اتمنى فهمتيني بس هالشي لما قريته قلت والله برجع نفس حريم قبل وبشوف وبالفعل والله ريلي تغير حيل بشكل ماتتخيلينه اتذكر قبل والحين اقول شنو هذا واحد يديد مو ريلي

 

[ترجمة احساس]

طمووووشه

 

[وآحشنــي زمآنـك]

تعليق زوجي ؛



هالكلام ممتاز ويجب على الزوجه أن لا تخسر زوجها بجميع الأحوال فكيف إذا كان زوجها لطيفا وحنونا ..


لووووول يعني إذا ما كان لطيفا وحنونا خليه يشرب من البحر ..

 

[قــل مـا تـشـاء]

شوفي مثل مااحنا الحريم نحب الدلع الرياييل يحبون الدلال
يحبون الاهتمام الزائد مو بتفقد احواله وين رائح ومنين جاي لا
يحب بالفعل مثلا اذاجا من بره انتي تفتحين له الباب تسلمين عليه
اذا نام تعطيه بوسه وتغطيه مافي مانع انج تسوين له مساج خفيف
عامليه زي الطفل المدلل واذا قريتي الكتاب طبقي بعض النصائح الموجودة فيه
اكيييد راح تلاقين تغير ملموووس في حياتج الزوجية ويكسر الروتين اللي عايشين فيه
ولازم بين فترة والثانية تغيرين من نمط حياتكم بإضافة لمسات بسيطة وغير مكلفة
عشان تنعمي بجو خااااص مليء بالحب والود وتتقربون من بعض اكثر
وهالشي مو بس ينعكس عليج انتي وريلج ينعكس بعد على عيالكم
الله يوفق الجميع واذا صج طبقتي بعض النصائح افتحي موضوع واكتبي
بشكل عابر وعام عن التغيرات اللي حصلت في حياتكم
موفقة

 

[تبطي عظم!]

لوووول مي

معنى نكي

يعني الي يحاول يفرقنا يموت ويصير عظام ومايقدر يفرقنا عن بعض ههههه

فاحنى يالبدو هع نقول تبطي عظم مايصير هالشيء عرفتي الحين لا تحاتين مو اول وحده تسألني

ع الخاص يدزولي ههههههه

 

[رفييف]

ريلي يقول ان المره اللي كله ان شاءالله ان شاءالله ان شاءالله هذي يتزوج عليها خخخخ لان اذا تزوج عليها يكون لسانها معلق على ان شاءالله وما تسوي مشاكل هيهي

ويقول ان المره مع ريلها لازم تصير مثل الوزير مع الملك فججوها انتوعاد

 

[( مي )]

ميلازلازا
تدرين عاد اللي قريته من النت ان الكتاب يرجع بكثير من اموره الى أشياء موجودة أصلا بالشرع ووصى عليها الرسول عليه الصلاة والسلام ،، وان النقاط اللي تقول عنها الكاتبة استسلام ،، تعتبر بالدين طاعة

تبطي عظم
وصلت المعلومة ههههههه وعسى الله لا يفرقكم قريت مرة نكج وسألت زوجي عن معناها وسأل ربعه بالدوانية ههههههههه محد عرفها !!

رفيف
اي فهمت قصدج بالملك والوزير ،، يعني تتشاورون بكل قضايا حياتكم وواحد يفيد الثاني باللي عنده ،، باختصار ان حياتكم مشاركة من الطرفين


الله يعطيكم العافية بنات وحده وحده

وعلى فكرة

شريت الكتاب اليوم ،، وبشوف شنو اللي فيه

​