لو كل وحده تسأل زوجها ،، شنو بيكون رده ؟

[( مي )]

تبطي عظم
ماشالله ماشالله ،، الله يبارك لكم بحياتكم وتصيرون أحسن وأحسن ،، بس سؤال بعيد عن الموضوع ،، كل مرة اقرى نكج اقول ( شنو يعني ؟؟ )

G!RLooNa
ما ادري والله بس يقولون الكاتبة ماكانت تحب كلمة الأستسلام والطاعة بس تفاجأت لما جربت وشافت النتايج ،، بس انا نفسج ما اتحمل جذي جنا بعصر الحريم والجواري أمبيه لأ مو خوش شي لو مو طايحة عليه احسن لوووول​

 

[roobee]

ذكرتيني بفلم احمد حلمني
الاخير...
لمن حب مرة قويه شخصيتهااا وتختار له حتى الاكل
ومعتمده ع نفسهااا واذا قال شي اعترضت وقالت وجهه نظرهاا وماعجبته هالزوجهه
وبعدين فقد الذاكرة وحب بنت ثانيه كله مسلمه نفسها
وتطبخ له وتدلعة وكل شي يقول لها تقول اوكي
وماعجبته...وردفكر شاف الاولى وهو فاقد الذاكرة مايدري انها الي حبها قبل
وتمنى انه يتزوجهاا ع زوجته الاولى الي هي كل تطيعه وتنفذ اوامرة وماترفض له طلب
الزبدة......@
مايعجبهم العجب.....
مالهم اماااااااان
ههههههههههه

 

[đeɱɛɼɑ™]

:
.​

لووول مووو خُووش ترقيييعَه ههههه ،
والله انا اشُوف ان الرِيايييل صِج يَبون المَره تكُون جذي .. عَاد انتي كُوني جذي بَسس بِ ذكااااااااء
و بعدين لِيش نرُوح بِعيد الرسول صَلى الله عليه وسلم قال : لو كنت آمرا ً أحداً أن يسجد لأحد لأمرت المرأة أن تسجد لزوجها
شفيِها اذا فصختَه هُدومه او لبسته اياهُم شفيها اذا داريِتَه وحِفته حُووووف من غِير موجَة العَنجهيه والكِبرياء اللي واايد حَريم مع الاسَف انجرفُوا وَراها على غير سَنع بَس بِ نفس الوقت يكُون لي تَفكيِري وعَقلي اعرِف متى اناقشَه و احاورَه واعرِف مِتى انطَم واسكت ههههههه ​

 

[roobee]

سوري
احمد حلمي....هههههههههه
خوش بدلية

 

[تآعِبنْ قَلْبِيْ]

وآلله لو ريلي يسمع عن هآلكتآآب رآح طيرآن وشرآ لي إيآهـ ^.^

كله يقول لي أبي مره إذآ قلت لج شئ تقولين إن شآآآآءالله وتسوينه بدون مآتنآقشيني

يآآآخي مآعرف بس يبي لي أجرب وأقولج آلنتيجه إذآ ضبطت معآي خخخ

 

[حلوه ولمآحه]

من غير مآسال
عارفه شنو بيقول بيقول
هذا هو الكلام الصج
هذي المره الشقرديه ،،

 

[ام شووووق]

مي بس لونرجع لاصول تربيه ازواجنا بنحصلهم المدللين عند امهاتهم

ف يتوقعون منا نفس الشي

 

[خشف العذارى]

اب اب اب

 

[*ريما*]

بالصراحة ماقدر اسوي الا بالكتاب
كان اموت ههههههه
عاد الرجال هاذا الا يبونة بس حريمتهم

 

[البنفسسسج]

اهم شي الاحترام والصدق والنضافه والاهتمام وتكون وسط لامبالغه فيه ولامن فتره لي فتره وراح تاجرين عليها
بس اب اعرف احنا ذابحين انفسنا ومانقصر عنده وهم حتى كلمه حلوه يتكاسلون منها انا زوجي يحبني بس صاير
مايعبر عن حبه وكل شي بكره

 

[وآحشنــي زمآنـك]

الرجال مثل الطفل يحب اللي تهتم فيه وتحسسه أنه سي سيد ..

 

[أتراب]

لو زوجي يسمع عن هالكتاب
اعتبريه وصل عندي
لان هذا اللي يتمنونه

زوجه مستسلمه
​

 

[( مي )]

مي بس لونرجع لاصول تربيه ازواجنا بنحصلهم المدللين عند امهاتهم

ف يتوقعون منا نفس الشي

حبيبتي حتى احنا كنا مدللين عند اهالينا وانا عن نفسي لازلت مدللة عند اهلي
فهم احنا نتوقع منهم نفس الشي



البنفسج
انا وحده مو ذابحة روحي على زوجي ،، انا الحمدالله اهتم بنفسي ونفسيتي أول شي ،، بس ما يمنع نقرا ونعرف أكثر وأكثر


مشكورين بنات

بس شكلكم ولا وحده سألت زوجها شنو اللي يبيه منها !​

 

[*peace*]

المشكله ان مو كل الزواج ينفع معاهم هالطبع

اذا الزوج يترس عينه هالشي وينفع فيه ويصير زين مع مرته مومشكله

بس بعض الازواج يشوفون هالشي واااااااااااجب على المرا

وغصبا عليها وموطيب منها

هذا مال تكفخ بالنعل على راسه موكفو ومايستاهل حتى ان مرته تطبخ له

 

[عالمي المجنون]

يا شين الرياييل كل شي يبون

لووول

 

[saratee]

مي حبيبتي شكلج انشغلتي باليهال ونسيتي الياهل العود ابوهم مبين محتاج دلع انتي مو مقصره بس الريال يحب يحس انه سي السيد بس عاد لا يصدق نفسه مره بالأسبوع دلع واهتمام ومراكض وراه وموقفه حبيبتي

 

[زكيه الدرملي]

ومن قالج ان الرجال يحبون المره الضعيفه انا عندي قناااعه كل ما زادت قوه شخصيه ً المرأه كل ما اكبرت بعين زوجها

 

[( مي )]

ومن قالج ان الرجال يحبون المره الضعيفه انا عندي قناااعه كل ما زادت قوه شخصيه ً المرأه كل ما اكبرت بعين زوجها

محد قالي ،، الكتاب اللي يقول
بس على فكرة انا ضد ضعف الزوجة
بس طبعا مع احترام الزوج



ساراتي
اسم الله عليهم مو معطيني فرصة لشي .. وابوهم يغار منهم ساعات .. بس احيانا اتفرغ له عدل واحيانا يكون مهدود حيلي



ومشكورين كلكم
​

 

[leeny]

وشفيها اذا قطيت جوتيه وانتو بكرامه انا لو تعبانه يسويها لي بس انا احب اكون له امة ليكن لي عبدا مايسوي شي في البيت بس عاد اناقشه مو ماناقشه 

 

[ام شووووق]

حبيبتي حتى احنا كنا مدللين عند اهالينا وانا عن نفسي لازلت مدللة عند اهلي

فهم احنا نتوقع منهم نفس الشي​

وانا الغاليه المدللة عند اهلي بس المرأه قابله للتنازل اكثر من الريال