لو اموت احسن لي

[يآمقسمني عشآير♥]

اب اب

 

[ام فجر3]

اه يقلبي والله عورتي قلبي
والبنات ماقصروا على ردودهم
وموشرط تروحين نادي سوي حميه النت فيه انواع الرجيم اختاري اللي يناسبك
وحاولي تجمعين للسماعات
والله يعينك

 

[هااردلك ياحظي]

حبي لا تهتمين حق كلام الناااس و لا تسوووين الا الشيء الــي ترتااااحين لمن تسوووينه و انتي مدام حلووووة سوي رجيم كلها شهرين و تنزلين عشرين كيلووو هههههه و شوفي البنات شراح يسووون و في بنت اعرفها متينة سووت رجيم لمن شفتها انصدمت ههع صارت عصصلة

 

[@ كويتيه @]

عزيزتــي .. مآعنــدج ثقــه بنفســج


ثقــي بنفســج .. ثقــي بربــج .. ثقـــي إن كل شي بينحــل .. وثقــي كل الثقـه إن كلآم النآس مو مهم ابدا


وإن شاء الله تبشرينآ وتطمنينآ .. بتحسـن

 

[@ كويتيه @]

وبعـدين يآ اختـي العزيــزه .. عشآن سمعـج ضعيـف بتروحـين مدرسه الصم والبكـم ..

بتقنعينـي الحين ان كل بنآت الثآنـويه سليمآت اميه بالاميــه مافيـهم امرآض !!

مآيصيــر جذي

 

[بنات حواء2]

حبيبتي ودي المج و اوبسج و اقولج هونيها وتهون
حياتي انتي
سمعي الكلام الي بقوله لج قبل لا انقل لج تجربتي
وجود اي انسان في بيئه صعبه يولد عنده دافع لتميز و انه يبرز نفسه
اعطيج مثال وجود انسان يعيش بين ناس يقولون عنه غبي قد يولد دافع عند هذا الانسان ان يثبت ان هذا الشي مو صحيح فيحاول يبرز نفسه فتلقينه يحاول بكل الطرق ان يثبت لهم ان مميز و ذكي
فوجودج انتي في هذي البيئه احسن دافع لج لانج تعدلين وايد شغلات في حياتج
بالعكس راح تدخلين بمنافسه وايد حلوه بينج و بين المجتمع الي انتي فيه و كل ما تتقدمين خطوه بتحسين برضا
شوفي حبيبتي المتن مو عيب و ماشالله وزنج وايد مو شوي و انتي بعدج بعمر الزهور فليش تحرمين نفسج من الصحه و العافيه و المتعه بهلعمر ما اقولج سوي عمليه ما اقولج روحي دبسي معدتج
لاكن اقولج خلي عندج اراده لتغيير في كل جانب بحياتج
انا يوم كان عمري 14 كان وزني 90 تخيلي و الكل يقول عني متينه شديت حيلي و خففت اكل و ضعفت و قمت اسوي رياضه بالبيت كل يوم ساعه كامله رياضه و الحمدلله ضعفت و من كثر ماضعفت صرت يلد على عظم بلاراده
و استخدمت كل الردود السلبيه في مجتمعي دافع لي اني اضعف و كانوا كل مايشوفوني يقولولي يالبطه ارد البيت اسوي رياضه هههههههه
و الحمدلله الحين انا ضعفت و اهمه متنوا
و يوم ضعفت صرت اكل جوهم على قولتهم ما يبون يطلعون معاي مايبوني اقعد يمهم لاني صرت اصكهم واحد صفر بالجسم و الجمال
و الضعف يحلي يا حياتي و يعالج وايد شغلات تلقائيا مثل البشره و الشعر الي يطلع على الوي
فحبيبتي لا تخلين عمرج انتي بعدج صغيره شدي حيلج ضعفي سوي رياضه بالبيت خفي اكل يا حياتي
و بنسبه للسمع مالج الا السماعات
حبيبتي اسلوبج حلو سردج للمشكله وايد حلو قدرتي توصلين احساسج لنه و انا واثقه راح تقدرين تحققين الي تبينه بإرادتج و الله يوفقج و ياريت اسمع عنج اخبار حلوه يالغاليه

 

[يآمقسمني عشآير♥]

وبعـدين يآ اختـي العزيــزه .. عشآن سمعـج ضعيـف بتروحـين مدرسه الصم والبكـم ..

بتقنعينـي الحين ان كل بنآت الثآنـويه سليمآت اميه بالاميــه مافيـهم امرآض !!

مآيصيــر جذي

هالشي لمصلحتي ولصالحي مو لشي ثاني
والمدارس العاديه شلون يشرحون مو بالكلام وانا هالشي مااقدره
يعيدووون الكلام مليون مرة يلا يلا اسمع ولا بعد مرات اي وحده يمي اقول لها شقالت المدرسه
واذا قعت مع البنات ويسولفون معاي وحده تسولف معاي وانا مادري شتقول يعني بعض الكلام احيان مااسمعه تقول يوووو انا من اليوم اتكلم وانتي ماتسمعين والللي يمي تضحك بالله مو قهر
على الاقل مدرسة الصم والبكم يفهمون ويقدرون ويوصلون المعلومة لنا
مو اقعد بالصف مادري شقاع يصير
مرات مااسمع الابلة شتقول
واذا يت اللي تسجل الغياب مااسمعها شتقول يعني مرات تقول يبووو كذا وكذا
وباجر بيصير جذي وجذي
انا مااسمعها شتقول ومرات تكلمني وانا اقول اي اي بس ابي افتك
لان لو قلت مااسمع بتقعد تعيد الكلام مليون مرة ولا راح اسمعها
ولا ابي اكون محور حديث الصف وشماتت البنات انا حساسه اي كلمه او اي نظرة تضيقني وتبجيني مرات اي صار لي اي موقف محرج مع هالشي اضطر اقول للابلة بروح الحمام لان فيني بجيه واحس بالدموع بتنزل ومستحيل امسكها واروح ابجيها بالحمام
واذا راحت اقول للبنات شقالت
ماراح تحسين ولا راح اقدر اوصل اللي فيني لكم
محد يحس بجمرة مامكسها للاسف

 

[خلطات المذهله]

الله يريح بالج ويهدي نفسج ويبعد عنج اذي الناس

 

[مس لوتس]

اول شي مشكلتج مع نفسج وذاتج المفروض اول خطوه تنمين ثقتج بنفسج دامج نظيفه من داخل شعليج من كلام الناس والناس والله ماتحرم لو ع شي تافهه تكلموا عنه وسووه سالفه بمعني طنشي الرسول صلي الاه عليه وسلم اتهموه انه ساحر لكن مع ذلك كمل الدعوه ف انتي ثقي بنفسج اقري كتب عن تنميه الذات والثقه بالنفس،،،
وعن اهلكم وعمانج شعليج منهم ربي بيحاسبج يوم القيامه عن نفسج مالج شغل بغيرج.
والمتن والسمع الطب تطور كاهي بنت عمتي كبرج وامتن منج للعلم قصت معدتها وتعالي شوفيها تبارك الرحمن جسمها احلي من جسمي وعايشه حياتها مع ان قبل ياكثر ماتطنزوا عليها الحريم ماينادونها الا البطه الحين نناديها ام المنيكان والسمع ركبي سماعه وعيشي حياتج توج صغيره ع المشاكل والهموم شخليتي لاكبرتي وموفقه حبي

 

[شونغ هونغ]

انتي عندج صفات حلوة واولها انك حساسه وهذا دليل على رقتك وانوثتك ماعليك من كلام المريضين نفسيا خليهم ينبحون انتي تاخذين حسانت وهم ياخذون سياتك من ناحيه السمنه سوي رجيم ولاتروحين حق جيم امشى كل يوم ساعه ونظمي اكلك وراح تنحفين

 

[عويتقة]

يا حياتي اولا ماعليك من كلام ها المتوحشات الي ماعندهم ذوق ولا حيا ولا خوف من الله
انتي خليكي قوية وواثقة من روحك وابدأي من الحين برسم مخطط لحياتك ما فيه مكان لكلام قيلات الحيا اولا ركبي سماعة لانك لو ماكنتي تسمعين هذا مو ذنبك هذا ابتلاء من الله والحمد لله على ما اعطى والحمد لله على ما اخد وسوي ريجيم مع الاشتراك بنادي لتخفيف الوزن وخليكي قويييية وخللي ايرادتك حيييل قوية ونقصي من وزنك وحتتا الرياضة بتخليك تكونين فمود حلو وتخليكي اجتماعية واعملي وصفات لوجهك واعملي ستايل خاص فيكي واهتمي بروحك وخللي كلام الناس يدخل من ادن ويخرج من التانية او ماخليه يدخل ابدا وجددي ثقتك بنفسك وتقربي من الله واستغفري واااايد وما تتفشلين من اي شي خليكي قوية وأقري عن تطور الذات وعن قوة الشخصية وعسى ربي يهدي بالك وييسر امورك ويرزقك كل خير