لو اموت احسن لي

[اميره بعيونه88]

انا عندي صديقات امتان ماشاءالله عندهم صديقات شكثر
انتي خالقه لتفسج جوو حزين حولي تكونين فرفوشه
وتكسبين الكل مو حزينه وياسئه من الحيا
محد بينفع
وحاولي تبدين ترجيم ادري بالبدايه بيكون صعب بس مع الاراده
راح تضعفين ولعبي رياضه لمده ساعه


ومثل ما قالو البنات روحي المشتسفى حكومي يفحصونج ويعطونج سماعه

والله يهدي اهلج

 

[عاشقة الدوحة]

شوفي اختي بقولج اللي اعرفه وان شالله الله يفرج همج ..

المشكلة ان البنات رفيجاتج يعرفون اسرار بيتكم وخصوصياتكم..
وما في وحدة الا وفيها نقص وعيب لو غيره عايرها فيه بتتعب نفسيتها منه ...

انا بقولج شغلة ..
الواقع اهلج مثلا ما تقدرين تغيرينهم ولا تغيرين ماضيهم .. اللي تقدرين تسوينه مثلا انج تحاولين تصلحين الاشيا اللي تقدرين عليها ،،
مثلا ،،
وزنج .. سوي رياضة ورجيم وخففي الاكل و خلج واثقة من نفسج .. اثقلي شوي لو حد عايرج لا تضحكين على نفسج ولا تزعلين ،، وحاولي تثبتين لنفسج ولغيرج انج مهما كانوا اهلج فيهم اخطاء فأنتي غير....<< اثبتي هالشي ..

يا ما سمعنا يا اختي عن ناس يذمونهم وتلقين يقولون : هالبيت كلهم مب شي الا فلان وفلان .. حاولي انتي تكونين هالفلان
اول شي بالاخلاق .. حسني اخلاقج دوم ،،، وتقربي من ربج ،، خلي سلوكياتج دوم سيدة ،،، اقري وتعلمي شلون ..
وغير هذا مثل ما قلت لج رجيم ودايت واهتمي بشكلج وبتكونين واثقة من نفسج ...

وبذكرج بشغلة .. ترى الشيطان هدفه انه يخلي الانسان طول عمره حزين ومكتئب ويدخله النار ...
فأنتي استعيني بالله ،، وداومي على الدعاء

أسأل الله العظيم رب العرش العظيم ان يفرج همج و يعينج وينور دربج ... آمين ..

وان بغيت اي شي كلنا خواتج ...

 

[miss_whitemocha]

ماني شايفة مشكلة عويصة و مالها حل..
كل الأشياء اللي ذكرتيها حلولها بسيطة و موجودة..بس محتاجة منج متابعة و مثابرة..
السمنة حلها بالريجيم و الأكل الصحي أو بعملية جراحية وممكن تسوينها بمستشفى حكومي و ما تدفعين فلس واحد..
والسمع اللهم كثر السماعات بالسوق تنحط داخل الأذن ولا تبين ولا أحد درا عنج..
والتأتأة حلها أبسط مما تتوقعين بس يبيلها طولة بال و هدوء وصبر و هم الحكومة موفرة مراكز لعلاج مشاكل النطق والسمع..
شنو بعد؟؟؟ أهلج...
شوفي يا حبيبتي..الواحد فينا يتأثر بأهله لي مرحلة معينة من حياته بس عقبها يبدي أهوا يربي نفسه و يعلم نفسه الصح من الغلط..اشتغلي على نفسج..علميها كل يوم شي يديد..و كل ما تعلمتي شي يديد سجليه بنوتة عندج..و بطلي النوتة آخر اليوم بتشوفين فيها وااااايد أشياء حلوة تعلمتيها و طبقتيها..حزتها بتحسين بقيمة نفسج و ذاتج..
ونصيحة يا عزيزتي..ترى ما يشيلج إلا نفسج..لا تقولين أم و لا تقولين أبو..مايحك جلدك مثل ظفرك.. حاولي تاخذين شهادة..أي شهادة المهم تعيشج و تخليج تعتمدين على نفسج و آخر الشهر يمشيلج معاش يعزج عن الطلب والمذلة..
واذا على الجمال..لا تقولين عن نفسج شيفة..مافيه وحدة شيفة الحين..الله يعافي المكياج اللي يكبر و يصغر و يسنع..
لا تطالعين الدنيا من منظار ضيق و تقولين مشاكلي كبيرة..
شوفي الدنيا من منظار وسيع و تلاقين مشاكلج صغرت..
موفقة يا حبيبتي و ربي يكتبلج الخير في حياتج كلها..​

 

[اميره1980]

حطي هدف بحياتج دامه الكل يتعامل وياج جذي و تحدي نفسج و قولي يا انا او الناس
و الحمدلله دامه عندج ريول تمشي و عين تشوف ساعدي نفسج و لا تنطرين مساعدة من احد
اول شي حاولي ترجعين للدراسة علشان مستقبلج و تمسكين بالمستقبل وظيف زينة
ثاني شي لازم تخففين وزنج بالريجيم او تسوين عملية التكميم و انا بسويها ان شاء الله الايام اليايه و رحت للدكتور خالد العنزي ما شاء الله عليه خوش دكتور و تكلف العملية تقريبا 3 الاف دينار
ان شاء الله اذا ضعفتي وايد حياتج راح تتغير و نظره الناس لج و ترا السمنة تجكر البنيه و تخليها اكبر من عمرها و راح تبين ملامحج بعد تخفيف الوزن و تصيرين احلا
بعد ما تضعفين ان شاء الله حطي اسمج عند خطابة و تزوجي و ان شاء الله ربي يرزقج الريال الحنون اللي يعوضج باللي فقدتيه من اهلج

 

[روح الطبيعه]

اكثري من الاستغفار وبتشوفين العجب

معاها ميه بالميه

مفعول السحر بهالاستغفار​

 

[يآمقسمني عشآير♥]

يعطيكم العافيه بنات
ادري اني مكبرة السالفة بس والله من حر مافيني
وبمشي على كلامكم وبراجع حق اذني

بعملية جراحية وممكن تسوينها بمستشفى حكومي و ما تدفعين فلس واحد..

رفجيه امي تقول الشغل بالحكومة هم يبيله فلوس تشترين الحلقة ومادري شنو ويكلف 1200

توتا الكتكوتا
عسى ربي يغفر لج ماعندي رد ارد عليج فيه
لكن الله موجود ماتخفي عليه خافية باجر ماتدرين بالحال
تكونين بموقفي واردى بس ماقول غير الله يحفظج
عندما قالت عائشة رضي الله عنها لرسول الله حسبك من صفية كذا وكذا تعني القصيرة قال لها رسول الله صلى الله عليه وسلم :"لقد قلت كلمة لو مزجت بماء البحر لمزجته "

 

[بنوته كيكه]

الله يعينش لا تهتمين فيهم المتن والسمع مو عيب كاهو اخوي مايسمع معطي الكل طاف
ومراة انا حط في اذوني قطن علشان اسكرها ماسمع واخوي يشر ليش اقوله صيحه ولجه
ماله في احد كله بروحه مستانس واكثر شي انا اقعد سوالف وياه الي يوم نام وانا انام
وانتي لا تهتمين فيهم

 

[أم حيدر]

ركزي شوي .. تفكيرج مشوش وايد

الله يقول ولا تزر وازرة وزر أخرى

البشر منو عشان يحكمون ويقولون عمج وعمتج !!

قبل كل شي .. لازم انتي تكون عندج رغبة نابعة من داخل قلبج انج تساعدين نفسج .. وما تنطرين المساعده من أحد غير من رب العالمين
ثاني شي .. ليش مستسلمة انج متينة وخلاص .. ليش ساجنة نفسج بجسمج ؟ اذا أهلج مو قادرون يساعدونج لجئي حق خوالج وقوليلهم كل اللي محتاجنه منهم انهم يودونج مواعيدج .. مستشفى الصباح فيها عيادة تغذية .. واذا ماني غلطانة كل مستوصف منطقة .. انتي اللي ناقصج العزيمة فقط

مثل ما قالوا الخوات .. ركبي جهاز سمع .. الاعاقة هدية من رب العالمين ورصيد مفتوح من الحسنات.

ما أتوقع ان مكلف هالجهاز واذا مكلف جم بتوصل تكلفته ؟ أهلج محاسبين.

اختي الصغيرة ....

علمتني الدنيا اذا نبي نجمع مشاكلنا كلها فوق بعض ونطالعها .. أكيد بيحوشنا يأس والدنيا بتصير ظلمة.

لكن اذا عالجنا مشكلة ورى مشكلة بنحس ان الدنيا بخير وبتفرج باذن الله .

نصيحتي الأخيرة توجهي لرب العالمين بقلب صادق وبتلاقين الراحة وقطي حمولج عليه وبتلاقين الراحة.

 

[miss_whitemocha]

حبيبتي في عمليات ثانية غير الحلقة..في تحويل مسار وفي تكميم و هذي مايبيلها حلقة ولا شي..وأصلا على وزنج أتوقع التكميم تنفع وياج..وهم أرد و أقولج ماتدفعين فلس واحد..
اللي عليج تسوينه الحين إنج تراكضين أول شي على سالفة العملية..لاتسكتين على نفسج..ترى نص همج حايشج من الوزن..
موفقة يا حبيبتي..وابدي من باجر مراجعات و اسعي بيدج و ريلج عشان تغيرين وضعج للأفضل..
بحفظ الرحمن يا حبيبتي..​

 

[.. آبيك لي ..]

ي عسا الله يفرج همج
بصراحه ردود البنات تببرد الجبببببد
يَ ليت تطبقين اللي يقولونه

وعن البنات
يبا احلااا طاف الله بيبلااهم لا توقفين مسستقبلج علييهمممم

 

[بنوته كيكه]

اسف نسية اقولج دامه بخصوص راتب ليش انتي ماعندج راتب من شون المعاقين ؟
مو مسجله عندهم مشون راتب حق ضعفا السمع ويصرفون لش سعر السماعه
انا اخوي يمشون له راتب وبعدين انتي لا تهتمين في كلام الناس حقريهم ترا الحقران يقطع المصران
وبدال يطلعون عيوبج خليهم يطالعون عيوبهم

 

[وردة وطني]

صيري واثقه من نفسك وماعليك من احد فديتك لاتشلين هم والله يعوض عليك يمكن حياتك تصير احسن منهم ماتدرين
وسوي رجيم اهتمي بنفسك

 

[•Brown•Sugar•]

ليش كارهه الدنيا جذي؟

اولا : بخصوص السمع عندج
- في سماعات حق اللي سمعهم ضعيف

ثانيا : بخصوص ماعندج صديقات لانج متينه
- مااااااله شغل حده انا عندي رفيجه مثلج بطووطه ويافديتها اموت عليها
بس المشكله باللي حولج تفكيرهم عوي اولهم بنت خالتج

ثالثا : بخصوص اهلج والمعاير
- كل واحد مسؤول عن نفسه وخلي الناس تتكلم لين يقولون بس
مو غلطج اذا عمتج اخلاقها مو زينه ولا عمج
منحرف ولا جاركم حرامي ولا سايقهم ماعنده ليسن !!

رابعا : بخصوص المتن
- اذا عندج ميزانيه اشتركي بوحده من شركات الدايت اللي يوصلون الاكل لي البيت
والله بنت خالتي صارها 3 شهور مشتركه نزلت 20 كيلو
تقريبا وضعفت حيل باين عليها وحلووووووووه صايره
هذا واهي بدون رياضه .. لو تمشين انتي نص ساعه باليوم مع الرجيم بتصيرين سمبتيك


وخلج قويه وماعليج من احد فديت روحج

 

[ريحانة الجبل]

حبيبتي قال تعالى بسم الله الرحمن الرحيم ( ان الله لا يغير ما بقوم حتى يغيروا ما بأنفسهم ) اهتمي بنفسك اذا الظروف المادية ما تساعدك ، على الأقل تقدرين تسوين رجيم ، ادري الكلام سهل ، لكن من بغى الدح ما قال اح ، والحركة والرياضة هم تقدرين عليها بدون ما احد يشوفك في البيت او يحس فيك ، واما عن الكلام اللي تسمعينه ( فاعرض عن الجاهلين ) واذن من طين واذن من عجين ولما يشوفونك تغيرتي من داخل وبرا الكل راح يغير من معاملته معاك ، وحبيت اذكرك تروحين مركز سالم العلي للسمع عند مستشفى الصباح هو مركز حكومي ، وسعر السماعة راح يساعدونك ( صندوق اعانة المرضى ) لما تسمعين عدل اعتقد راح يتعدل كلامك وتقل التأتأة كذلك لما يتحسن شكلك مع الرجيم وتزيد الثقة في نفسك كل هذه الأشياء راح تعالج التأتأة والله معاك ، بالنسبة لعملية التكميم تكلفك في مستشفى الحكومة حوالي 1000 دينار وهم صندوق اعانة المرضى ممكن يساعدونك والله وياك

 

[توتا الكتكوته]

يا مقسمني عشاير لا تزعلين مني يا قلبي انشاءالله كل امورج تصير مثل ما تبين الله يوفقج يارب

 

[سميتك الغلا كله]

,


حبيبتي اشتركي بـ نآدي ,،
و ظعفي و استمري ليه توصلين للـ وزن الي تبينه ,،
و عدلي بـ نفسج يا قلبي مآكو وحده مو حلوة الحين ,، الكل يعرف حق نفسه :eh_s(7):

اشتري السماعه اذا كنتي مآ تسمعين عدل
مآفيها شي انا اعرف وحده جآمعيه ماشالله عليها تخرجت الحين
و كآنت طول حياتهآ الجآمعيه بالـ سمآعه ,،

هاذا عيب خلقي يعني شنو تسوين :/ ؟!
و اقري عن تطوير الذااات و كوني رفيجآت و روحي و تعالي
انتي بايدج انتي و بس تقدرين تغيرين حياتج ،
خلي كلآم الناس دآفع عشان تتغيرين للافضل مو ليه الاسوا : ) :rerrerek:

:rerrerek:

 

[أسيرة الامل]

الله يشرح صدرك وييسرامرك

 

[مآمآتي]

بنات ماقصروا والله

وكثري الاستغفار

 

['LAYAL']

loooooooooooool

اللحين عرفت ليش محتره وغيرانه مني ودشيتي موضوعي وقلبتيه هوشه
ياحرام مو منج من المستوى والوضع اللي عايشته
طلعتي غووووله واي ويع
وااااايد تكسرين الخاطر
سؤال شلون وسل وزنج 143 ! شتاكلين انتي ؟ تاكلين اوادم ؟؟
امبيه انتي اي ريجيم هذا اللي بيفيدج ؟ والله حتى شفط ماينفعلج اسلا انتي اللي تشفطين جهاز الشفط مو اهوا اللي يشفطج
من وين تشترين ملابس ؟ انا اللي اعرفه المحلات مايبيعون مقاسات بقر !
اكيد تشترين خيام وتخيطينهم ملابس حقج سح ؟
looooool omg اللهم لاشماته
شييييفه ومتييييييييييييييييييييييييييييييييييييييييييييييييييييييييييييييييييييييييييييييينه وماتسمعين وحالتج حاله

ليش عايشه ؟؟؟؟؟؟ سج موتي احسن يا الدرام بتسوين معروف حقج وحق البشريه كلها​

حرااااام عليج الشماته مو زينه
الله يهديج عللى هالرد ​

 

[حبي حيآاآتي ّ]

نوووني وجع ان شاء الله حسبي الله عليك ماتفهمين هذي صديقتها ياغبيه مو هي